Amhara Finance Bureau

04/11/2026

የባሕርዳር ከተማ ምክርቤት የ2019 በጀት ዓመት 16 ቢሊዮን 289 ሚሊዮን 212 ሺህ 513 ብር መርምሮ አጽድቋል።

ጥቅምት 24/2019 ዓ.ም (ባሕር ዳር ከተማ ኮሙዩኒኬሽን)፦ የባሕር ዳር ከተማ አስተዳደር ምክር ቤት 4ኛ ዙር፣ 14ኛ ዓመት የሥራ ዘመን፣ በ33ኛ መደበኛ ጉባኤው የቀረበውን ዕቅድና 16 ቢሊዮን 289 ሚሊዮን 212 ሺህ 513 ብር የበጀት መጠን መርምሮ አጽድቋል።

የባሕር ዳር ከተማ ከንቲባ አቶ ጎሹ እንዳላማው እንደተናገሩት በ2019 በጀት ዓመት ባሕርዳር ከተማን የበለጠ ውብ፣ጽዱ፣ አረንጓዴ ለነዋሪዎች እና ለጎብኝዎቿ የምትመች ተመራጭ ከተማ ለማድረግ በመንግሥት፣ በህብረተሰብ ተሳትፎ እና በአጋር አካላት ዘርፈ ብዙ ፕሮጀክቶችን ተግባራዊ ለማድረግ እንደሚሰራ ተናግረዋል።

ክቡር ከንቲባ እንደገለጹት በከተማዋ የሰላም፣ የልማትና የመልካም አስተዳድር ስራዎች በላቀ ስኬት ተጠናክሮ እንዲቀጥል ማሕበረሰቡን ያሳተፈ የልማት ተግባር ትኩረት ተሰጥቶ እንደሚሰራ አሳስበዋል።

በጉባኤው የዕለት ውሎ፤ የባሕርዳር ከተማ አስተዳደር ፕላንና ልማት መምሪያ ሀላፊ አቶ ቶማስ ታምሩ የ2019 በጀት ዓመት መሪ እቅድ አቅርበዋል። በተመሳሳይ የባሕርዳር ከተማ ገንዘብ መምሪያ ሀላፊ ወ/ሮ አጸደ ምንዋጋው በመንግስት፣በህብረተሰብ ተሳትፎ እና በአጋር አካላት የሚከናወኑ ፕሮጀክቶችን አቅርበዋል።

ባሕርዳር ከተማ መንግስት ኮሙዩኒኬሽን

02/11/2026

#የግዥ ስርዓቱን በዕውቀትና መርህን ተከትሎ ለመምራት በትኩረት እየተሰራ ነው፡፡
************************
በአማራ ብሔራዊ ክልላዊ መንግስት ገንዘብ ቢሮ የሰሜን ጎጃም ዞን ገንዘብ መምሪያ የግዥ ስርዓቱን በዕውቀትና መርህን ተከትሎ በመፈጸም የመንግስትን እና የህዝብን ሃብት በአግባቡ ለመምራት ትኩረት ሰጥቶ እየሰራ መሆኑን ገለጸ፡፡

ዞኑ ለተከታታይ 5 ቀናት በአዲሱ የግዥ እና ንብረት አስተዳደር መመሪያ ዙሪያ ለዘርፉ ኃላፊዎች እና ባለሙያዎች ሲሰጥ የቆየውን ስልጠና አጠናቋል፤ በስልጠና መድረኩ በመገኘት መልክት ያስተላለፉት የሰሜን ጎጃም ዞን ገንዘብ መምሪያ ኃላፊ አቶ በላይነህ ወንዳፈራው በስልጠናው ለቆዩት ሰልጣኞችና አሰልጣኞች ምስጋናቸውን በማቅረብ ይህንን ስልጠና የወሰዳችሁ ሰልጣኞች መመሪያውን በአግባቡ በማበብና በአሰራር የሚገጥሙ ችግሮችን በጋራ በመፍታት እና አቅማችሁን በማዳበር ለቅርብ ኃላፊዎቻችሁ እና ሌሎች ባለሙያዎች ጭምር ግንዛቤ በመፍጠር እና በዘርፉ ብቁ ባለሙያዎች ብቻ ሳትሆኑ ብቁ አማካሪዎችም ጭምር በመሆን የግዥ ስርዓቱን በዕውቀትና መርህን ተከትሎ በመፈጸም የህዝብን ሃብት በአግባቡ በመምራት እና ውጤታማ አፈጻጸም እንዲኖር ሌሎች ባለድርሻ አካላትን በመደገፍና ቅንጅታዊ አሰራርን በማዳበር የላቀ ትኩረት ሰጥቶ መስራት ይገባል ሲሉ መምሪያ ኃላፊው አስታውቀዋል፡፡

የመንግስት ግዥ ስርዓት በአግባቡ ልዩ ትኩረት ተሰጥቶበት በመርህና በዕውቀት ካልተመራ ጥፋቱ ከባድ እንደሆነ የገለጹት መምሪያ ኃላፊው አቶ በላይነህ በመጀመሪያ ፈጸሚ ባለሙያውን ተጠያቂ ያደርጋል፣ ቀጥሎም በአገር ሃብት ላይ ጥፋት ስለሚፈጥር በዚህ ልክ በመገንዘብ የመንግስት ግዥ ስርዓቱን በእውቀትና ክህሎት ላይ ተመስርቶ በበቂ ግንዛቤ በወጣው የህግ ማእቀፍ መሰረት መፈጸምና ማስፈጸም ይገባል ብለዋል፡፡

በሌላ በኩል በዚሁ መድረክ የተገኙት የአብክመ ገንዘብ ቢሮ የመንግስት ግዥ ንብረት አስተዳደር ፣ኦዲት ክትትልና ጥናት፣ መረጃ ትንተና ዳይሬክቶሬት ዳይሬክተር አቶ በቀለ ወርቁ በበኩላቸው ገንዘብ ቢሮ እንደተቋም ሪፎርም ከሚተገብሩ ቢሮዎች አንዱ መሆኑን ገልጸው ከሪፎርም አንጻር አንዱ የሚተገበረው ከህግ ማዕቀፍ አኳያ የህግና ፖሊሲ ስራዎችና ተግባራት ዙሪያ የተለያዩ በርካታ መመሪያዎችን በማዘጋጀት ስልጠናዎችን እየሰጠ እንደሚገኝ አስታውቀዋል፡፡

ከዚህ አንጻርም የመንግስት ግዥ ስርዓትን በህግ ለመምራት የሚያስችሉ የህግ ማዕቀፎች ውስጥ አዋጆች፣ደንቦች ፣ መመረያዎችና ማኑዋሎችን በማሻሻል በፍትህ በማጸደቅ እየሰራን ነው ያሉት ዳይሬክተሩ አቶ በቀለ ወርቁ ገንዘብ መግዛት የሚያስችለውን የመግዛት አቅም ፣ዲጅታላይዝ (ቴክኖሎጅን ) መጠቀም በሚያስችል ሁኔታ እና ከፌደራል መንግስት ጋር ለማስተሳሰር (አላይመንት) ለመፍጠር ታስቦ ቢሮአችን እነኝህን መመሪያዎች አዘጋጅቶ ወደስራ ገብቷል ብለዋል፡፡

ቀጣይም እንዲህ አይነት ተመሳሳይ ስልጠናዎች ለሌሎችም የዘርፉ ባለሙያዎች እና አመራሮች ጭምር ይሰጣል ያሉት አቶ በቀለ በመመሪያው አተገባበር ዙሪያ ራሳችንን በማብቃት እና ብቁ ባለሙያዎች በመሆን እንደ ተቋም አማካሪዎች ሆነን ልንሰራ ይገባል ያሉ ሲሆን ቢሮው የግዥ ስርዓቱ በህግና በመመሪያ መሰረት በአግባቡ እንዲመራ ተገቢ ድጋፍና ክትትል የማድረግ ስራው ተጠናክሮ ይቀጥላል ሲሉ አስታውቀዋል፡፡

01/11/2026

በወልቃይት ጠገዴ ሴቲት ሁመራ ዞን በፋይናንስ አስተዳደር ዙሪያ ውይይት ተካሄደ

ጥቅምት 21/2019 ዓ.ም፣ ሁመራ (የአማራ ክልል ገንዘብ ቢሮ) በአማራ ክልል ወልቃይት ጠገዴ ሴቲት ሁመራ ዞን በፋይናንስ አስተዳደር ዙሪያ የዞንና የወረዳ አመራሮች በተገኙበት ውይይት ተካሄደ።

በውይይት መድረኩ የተገኙት የአማራ ክልል ገንዘብ ቢሮ ኃላፊ አቶ አታላይ ጥላሁን የውይይት መድረኩ ዋና ዓላማ በወልቃይት ጠገዴ ሴቲት ሁመራ ዞን የፋይናንስ አስተዳደር ውጤታማ ማድረግ መሆኑን ገልፀዋል።

የወልቃይት ጠገዴ ሴቲት ሁመራ ዞን ዋና አስተዳዳሪ አቶ አሸተ ደምለው በመድረኩ ተገኝተው ለወረዳና ከተማ አመራሮች የስራ መመሪያ ሰጥተዋል።

በውይይት መድረኩ የገንዘብ ቢሮ አመራሮችና ማኔጅመንት አባላት፣ የወልቃይት ጠገዴ ሴቲት ሁመራ የዞን፣የወረዳና ከተማ አስተዳደር አመራሮች ተሳትፈዋል።

ከአማራ ክልል ገንዘብ ቢሮ ተጨማሪ መረጃዎችን ለማግኘት የሚከተሉትን ሊንኮች ይጠቀሙ
ፌስቡክ https://www.facebook.com/share/191YyDU2YK/
ዩቲዩብ http://www.youtube.com/
ቴሌግራም https://t.me/AmharaBureauofFinance
ዋትስአፕ https://whatsapp.com/channel/0029Vb8BHKA4SpkAKHBs6M0H
ኢንስታግራም https://www.instagram.com/amhara415?igsh=MTh1Nzd3dnNpaWRxMg==
ቲክቶክ https://www.tiktok.com/.finance.bureau?_r=1&_t=ZS-98Pv19CAtHA
ዌብሳይት http://www.amharabofec.gov.com/
ኤክስ (ትዊተር) https://twitter.com/

30/10/2026

አዲሱ የመንግሥት ግዥ አፈጻጸም መመሪያ ለአሰራር ቀልጣፋነትና ሀብትን በአግባቡ ለመጠቀም ከፍተኛ አስተዋጽኦ እንዳለው ተገለጸ
የአማራ ክልል ሴቶች፣ ወጣቶችና ማኅበራዊ ጉዳይ ቢሮ አመራሮችና ባለሙያዎች በአዲሱ የመንግሥት ግዥ አፈጻጸም መመሪያ ላይ ያተኮረ የክህሎት ማሻሻያ ስልጠና በባሕር ዳር እየወሰዱ ይገኛሉ፡፡
በስልጠናው የቢሮው የማኔጅመንት አባላት፣ የግዥና ንብረት አስተዳደር ባለሙያዎች፣ የፕሮጀክት አስተባባሪዎች እና ቴክኒካል አሲስታንሶች እየተሳተፉ ይገኛሉ፡፡
ስልጠናውን በንግግር የከፈቱት የቢሮው ሃላፊ ወ/ሮ ብርቱካን ሲሳይ፤ ከዚህ በፊት የነበረው የመንግሥት ግዥ አፈጻጸም ለአሰራር አስቸጋሪ የነበሩ ክፍተቶችን ከየተቋማት በተደረጉ ጥናቶች በመለየት የክልሉ ገንዘብ ቢሮ ክፍተቶቹን አሻሽሎ መመሪያውን ማውጣቱ ትልቅ እመርታ መሆኑን ገልጸዋል፡፡
አዲሱ መመሪያ ተቋማት የበጀት አጠቃቀማቸውን ቀልጣፋ፣ ግልጽ እና ተጠያቂነት ባለው መልኩ እንዲመሩ ከፍተኛ አስተዋጽኦ እንዳለው ያነሱት ሃላፊዋ፤ ተሳታፊዎች መመሪያውን በጥልቀት በመገንዘብ ግዥዎችን በአግባቡ በመፈጸም ሂደት ላይ ልዩ ትኩረት ሰጥተው ሊከታተሉት እንደሚገባም አሳስበዋል፡፡
አዲሱ የመንግሥት ግዥ አፈጻጸም መመሪያ ተቋማት በየደረጃው የሚያከናውኗቸውን የልማት ስራዎችና ግዥዎች ህግንና ስርዓትን በጠበቀ መልኩ እንዲፈጽሙ ከማስቻሉም በላይ፣ ከዚህ ቀደም በአሰራር ረገድ ይስተዋሉ የነበሩ መጓተቶችን እና አላስፈላጊ ውክጥሮችን በማስቀረት የህዝብና የመንግሥት ሀብትና ጊዜን በአግባቡ ለመጠቀም ያስችላል፡፡
ይህ አሰራር በቢሮው ስር የሚከናወኑ የልማት ፕሮጀክቶችን እና መደበኛ ስራዎችን በተቀላጠፈ፣ ግልጽነት ባለው እና ስራን የማያስተጉል መልኩ ለመምራት ጠንካራ መሰረት የሚጥል መሆኑ ተመላክቷል፡፡
ስልጠናው ከገንዘብ ቢሮ በመጡ ከፍተኛ ባለሙያ በሆኑት በአቶ አበበ አጥናፉ እየተሰጠ ይገኛ
ምንጭ፣- ሴቶች ወጣቶችና ማህበራዊ ጉዳይ ቢሮ ፌስ ቡክ ገጽ

29/10/2026

የግዥ ስርዓቱን በማዘመን ብልሹ አሰራርን ለመከላከል በትኩረት እየተሰራ እንደሆነ ተገለፀ።

የግዥ ስርዓቱን በማዘመን ብልሹ አሰራርን ለመከላከል በትኩረት እየሰራ እንደሆነ የምዕራብ ጎጃም ዞን ገንዘብ መምሪያ ገልጿል።

የምዕራብ ጎጃም ዞን ገንዘብ መምሪያ በግዥ ስርዓቱ ላይ የሚታየውን የፍትሀዊነት መጓደልና ብልሹ አሰራርን ያስወግዳል ተብሎ የሚጠበቀውን አዲሱን የግዥ መመሪያን ለዞን፣ ለወረዳ፣ ለከተማ አስተዳደር የግዥ ባለሙያዎችና የግዥ አፅዳቂ ኮሚቴዎች ስልጠና እየሰጠ ነው።

የምዕራብ ጎጃም ዞን ገንዘብ መምሪያ ኃላፊ አቶ ሰፊነው የሽዋስ እንዳሉት በ2003 ዓ. ም የወጣው የግዥ ስርዓት መመሪያ ለኢ -ፍትሀዊነትና ለብልሹ አሰራር በር የከፈተ በመሆኑ በርካታ የመንግስት ሀብት ንብረት ለብክነት ሲጋለጥ መቆየቱን ገልፀዋል።

የክልሉ መንግስት በግዥ ስርዓቱ ላይ የሚታየውን የአሰራር ችግር በዘላቂነት ለመፍታት በዘርፉ ብቃት ያላቸውን ባለሙያዎች በማሰማራት ብልሹ አሰራርንና ሌብነትን መከላከል ያስችላል ተብሎ የተዘጋጀው በዲጅታል ቴክኖሎጅ የታገዘ የግዥ ስርዓት መመሪያ ላይ በየደረጃው ላለው የዘርፉ ባለሙያ ስልጠና እየተሰጠ መሆኑን አመላክተዋል።

አዲሱ የግዥ ስርዓት መመሪያ ሌብነትንና ኢ-ፍትሀዊነትን ከመከላከል ባለፈ ቀልጣፋና ፈጣን አገልግሎት ለመስጠት ያስችላል ብለዋል።

አዲሱ የግዥ መመሪያ በክልል ደረጃ በዚህ አመት ተግባራዊ እንደሚሆን የገለጹት አቶ ሰፊነው በሚቀጥለው አመት በተዋረድ እስከ ወረዳ ድረስ ተግባራዊ እንደሚሆን ጠቁመዋል።

አዲሱ የግዥ ስርዓት መመሪያ በትክክል እንዲተገበር ሰልጣኞች የወሰዱትን ስልጠና በተግባር እንዲያሳዩ ድጋፍና ክትትል እያደረጉ እንደሆነም ጠቁመዋል።

የዞኑ ገንዘብ መምሪያ በዚህ በጀት ዓመት ለ345 የግዥና ፋይናንስ ባለሙያዎች በአዲሱ የግዥ መመሪያ ላይ ስልጠና መሰጠቱን አንስተዋል።

29/10/2026

#የመንግሥትና የሲቪል ማኅበረሰብ ድርጅቶች ትብብርን በማጠናከር የጋራ የልማት ሥራዎችን ማስፋፋት ይገባል!
ደሴ፦ ጥቅምት 19/2019 ዓ.ም (ደሴ ኮሙኒኬሽን)
በደሴ ከተማ አስተዳደር የመንግሥትና የሲቪል ማኅበረሰብ ድርጅቶች የአጋርነት ምክክር መድረክ
ተካሄደ።

የምክክር መድረኩ ዓላማ በመንግሥትና በሲቪል ማኅበረሰብ ድርጅቶች መካከል ያለውን ትብብርና አጋርነት ማጠናከር፣ የጋራ የልማት ሥራዎችን ማስፋፋት እንዲሁም በከተማዋ ለሚከናወኑ የልማት ተግባራት የተቀናጀ አሠራርን ማሳደግ ነው።
በመድረኩ የተገኙት የደሴ ከተማ አስተዳደር ተቀዳሚ ምክትል ከንቲባ አቶ ዱባለ አብራሬ እንደገለጹት የሲቪል ማኅበረሰብ ድርጅቶች ለሕብረተሰቡ አገልግሎት በመስጠትና ከመንግሥት ጎን በመቆም ከፍተኛ አስተዋጽኦ እያበረከቱ መሆኑን ገልጸዋል።

በተለይም የሕብረተሰቡን ተጠቃሚነት ለማሳደግ፣ ሕፃናትንና አረጋውያንን ለመንከባከብ እንዲሁም ወጣቶች በኢኮኖሚ ተጠቃሚ እንዲሆኑ መንግሥትና የሲቪል ማኅበረሰብ ድርጅቶች በጋራና በተቀናጀ መንገድ መሥራት እንደሚገባ አስገንዝበዋል።

የደሴ ከተማ ዋና አፈ ጉባኤ ወ/ሮ ምሳየ ከድርም የመንግሥትና የሲቪል ማኅበረሰብ ድርጅቶች ትብብር የሕብረተሰቡን ችግሮች በጋራ ለመፍታትና ዘላቂ ልማትን ለማረጋገጥ ወሳኝ መሆኑን ገልጸው፤ በቅንጅት መሥራት እንደሚገባ አስገንዝበዋል።

የደሴ ከተማ አስተዳደር ገንዘብ መምሪያ ኃላፊ አቶ ሐሰን አበጋዝ በበኩላቸው የመድረኩ ዓላማ በመንግሥትና በሲቪል ማኅበረሰብ ድርጅቶች መካከል የተቀናጀ አሠራር እንዲኖር፣ የሚያጋጥሙ ችግሮችን በጋራ በመፍታት ውጤታማ የልማት ሥራዎችን ለማከናወን ምቹ ሁኔታ መፍጠር መሆኑን ገልጸዋል።

በመድረኩ የደሴ ከተማ አስተዳደር ገንዘብ መምሪያ የመንግሥት ትብብር ባለሙያ ወ/ሮ እህትአበዛሁ ኃይለ ኢየሱስ ሪፖርት አቅርበው፤ በሪፖርቱ ላይ ሰፊ ውይይት ተካሂዷል።
በውይይቱም መንግሥትና የሲቪል ማኅበረሰብ ድርጅቶች የሕብረተሰቡን ፍላጎት ያማከሉ የልማት ሥራዎችን በጋራ ለማከናወን፣ ሀብቶችንና የሰው ኃይልን በተቀናጀ መንገድ ለመጠቀም እንዲሁም የልማት ውጤታማነትን ለማሳደግ የትብብር አሠራሮችን ማጠናከር እንደሚያስፈልግ የሚያመለክቱ ሐሳቦች ተነስተዋል።
በአጠቃላይ የመንግሥትና የሲቪል ማኅበረሰብ ድርጅቶች አጋርነትን ማጠናከር ለከተማዋ ዘላቂ ልማትና ለሕብረተሰቡ ተጠቃሚነት ወሳኝ ሚና ያለው በመሆኑ የጋራ የልማት ግቦችን ለማሳካት በቅንጅት፣ በትብብርና በቀጣይነት መሥራት እንደሚገባ ተገልጿል።
በመጨረሻም ጥሩ አፈጻጸም ላስመዘገቡ የሲቪል ማህበረሰብ ድርጅቶችና መንግሳታዊ ተቋማት የዋንጫና የምስጋና ሰርተፍኬት ተሰጥቷል።

29/10/2026

#የሰሜን ጎጃም ዞን ገንዘብ መምሪያ በአዲሱ የግዥ እና ንብረት አስተዳደር መመሪያ ስልጠና እየሰጠ ነው፡፡

************************
በአማራ ብሔራዊ ክልላዊ መንግስት ገንዘብ ቢሮ የሰሜን ጎጃም ዞን ገንዘብ መምሪያ ዞን፣ከተማ አስተዳደርና ወረዳዎች ለተውጣጡ የዘርፉ የስራ ኃላፊዎችና ባለሙያዎች በአዲሱ የግዥ እና ንብረት አስተዳደር መመሪያ ዙሪያ ስልጠና እየሰጠ ይገኛል፡፡

በስልጠናው በመገኘት ስልጠናውን ያስጀመሩት የሰሜን ጎጃም ዞን ገንዘብ መምሪያ ኃላፊ አቶ በላይነህ ወንዳፈራው የተሻሻለው አዲሱ የመንግስት ግዥ እና ንብረት አስተዳደር አዋጅ ቁጥር 306/2018፣ የመንግስት ግዥ አፈጻጸም መመሪያ ቁጥር 144/2018 እና የመንግስት ንብረት አስተዳደር መመሪያ ቁጥር 145/2018 ዓ.ም መሆኑን ገልጸው ፤ይህ መመሪያ ብዙ ተደክሞበት፣ የብዙ ባለድርሻ አካላት ሰፊ ተሳትፎ እና ግብዓት ተሰጥቶበት እንደተዘጋጀ በመግለጽ
የመንግስት ግዥ አገልግሎት ተቋማት ለሚሰጧቸው አገልግሎቶች ግብዓትን በጥራት እና በጊዜ ገዝቶ ለማቅረብ የግዥ ባለሙያዎች በቂ ግንዛቤ እና እውቀት ስለሚያስፈልጋቸው ስልጠናው እየተሰጠ እንደሆነ ተናግረዋል፡፡

ይህ ስልጠና ግዥን በወጣው የህግ ማዕቀፍ የአሰራር መርህና የተጠያቂነት ስርዓትን ተከትሎ ግዥዎች እንዲፈጸሙ የግዥ ባለሙያዎች፣ ኃላፊዎችና ግዥ አጽዳቂ ኮሚቴዎች በቂ ግንዛቤ ኖሯቸው ስራቸውን እንዲያከናውኑ ስልጠናው እየተሠጠ መሆኑን ኃለፊው አስታውቀዋል፡፡
በመንግስት ግዥ እና ንብረት አስተዳደር መመሪያ የሚሰጠው ስልጠና በአሰራር የሚያጋጥሙ ችግሮችን ለመፍታት፣ የፋይናንስ አገልግሎት አሰጣጡን በማዘመን ፈጣን ቀልጣፋና ተደራሽ አገልግሎት እንዲሰጥ በማድረግ እንዲሁም ራስን ከተጠያቂነት ለመጠበቅና የመንግስትን በጀት ከብክነት ለማዳን ፋይዳው ከፍ ያለ ነው ያሉት አቶ በላይነህ ፤ስልጠናውም በቂ አቅምና ክህሎት ባላቸው እና መመሪያውን በማዘጋጀት ጭምር ሰፊ ልምድ ባዳበሩ ከፍተኛ ባለሙያዎች አቶ አበበ አለባቸው እና አቶ አላዛር በላይነህ በኩል መሰጠቱ ልዩ እንደሚያደርገው በመግለጽ ሰልጣኞች ስልጠናው ስኬታማ እንዲሆን በጥብቅ ዲሲፕሊንና ኃላፊነት ወስደን በመሰልጠን ኃላፊነታችንን በአግባቡ እንድንወጣ ሲሉ አቶ በላይነህ ጨምረው ገልጸዋል ፡፡

ስልጠናው ለቀጣይ 5 ተከታታይ ቀናት የሚሰጥ ይሆናል፡፡
ፌስቡክ https://www.facebook.com/share/191YyDU2YK/
ዩቲዩብ http://www.youtube.com/
ቴሌግራም https://t.me/AmharaBureauofFinance
ዋትስአፕ https://whatsapp.com/channel/0029Vb8BHKA4SpkAKHBs6M0H
ኢንስታግራም https://www.instagram.com/amhara415?igsh=MTh1Nzd3dnNpaWRxMg==
ቲክቶክ https://www.tiktok.com/.finance.bureau?_r=1...
ዌብሳይት http://www.amharabofec.gov.com/
ኤክስ (ትዊተር) https://twitter.com/

28/10/2026

28/10/2026

በመንግስት የሚፈፀሙ ግዦችና ንብረቶችን ብቁ በሆኑና ቴክኖሎጅን በሚጠቀሙ ባለሙያዎች በውጤት መሰራት አለበት ሲሉ የደቡብ ጎንደር ዞን ገንዘብ መምሪያ ሀላፊ አቶ ደሳለኝ አበበ ገለፁ፡፡

በደቡብ ጎንደር አስተዳደር ዞን ገንዘብ መምሪያ በመንግስት ግዥ አፈፃፀም መምሪያ እና በንብረት አስተዳደር አዋጆች፣ደንቦችን ዙሪያ በዞኑ ለሚገኙ ወረዳዎችና ለደብረ ታቦር ከተማ ፈፀሚ ባለሙያዎች ለተከታታይ ቀናት የሚቆይ ስልጠና መሰጠት ተጀምሯል፡፡

የዞኑ ገንዘብ መምሪያ ሀላፊ አቶ ደሳለኝ አበበ በመክፈቻ ንግግራቸው እንዳሉት የግዥና ንብረት አስተዳደር መምሪያ ቁጥር 144/2018 እና 145/2018 ሰነዶቹ ሲዘጋጁ ካሁን በፊት የነበረውን መምሪያ ክፍተት የሚሞላና ለስራ በሚመመች ሁኔታ የተዘጋጁ መምሪያዎች መሆናቸውን ገልፀው፡፡

ስልጠናውን የሚወስዱ ፈፃሚዎች ከሙስና በፀዳና ተጠያቂነት፣ግልፅነት በተሞላበት መንገድ እንዲሁም በእውቀት ላይ ተመስርተው እንዲሰሩና ለዚህ መሰረት የሚሆናቸውን ስልጠና በትኩረት ተከታትለው ውጤታማ እንዲሆኑ አፅንኦት ሰጥተው ተናግረዋል፡፡

በስልጠናው የተገኙት የደብረ ታቦር ከተማ ገንዘብ መምሪያ ሀላፊ አቶ ማሩ አሰፋ የመንግስት ንብረት ግዥን ለማዘመን፣ውጤታማ የሆነ ባለሙያና ተቋም ለመገንባት የሚያስችል ስልጠና መሆኑን ገልፀዋል፡፡

በአብክመ የመንግስት ግዥና ንብረት አስተዳደር መመሪያ ቁጥር 144/2018 እና 145/2018 ዙሪያ ለመምሪያ፣ ለወረዳ፣ ለከተማ አስተዳደር እና ክፍለ ከተሞች የግዥና ንብረት አስተዳደር፣የግዥ አፅዳቂ ኮሚቴዎች በስልጠናው እየተሳተፉ ነው፡፡

የስልጠናው ይዘቶችም የግዥ እቅድ አዘገጃጃት፣የኤሌክትሮኒክስ ግዥ፣የዋጋ ማስተካከያ፣የግዥ መርሆዎች፣የጨረታ ስርዓቶች፣የይግባኝና አቤቱታ አፈፃፀም በሰነዱ ላይ ተመላክተዋል፡፡

የስልጠናው አስተባባሪ የሆኑት አቶ ስመኘው ሰንደቅ እንዳሉት ስልጠናው ለተከታታይ 5 ቀናት የሚቆይ መሆኑን ገልፀዋል፡፡

ደቡብ ጎንደር ዞን ኮሙኒኬሽን

28/10/2026

አዲሱ የግዥ እና ንብረት አስተዳደር መመሪያ የተንዛዛ አስራርን በማስቀረት፣ ወጪ ቆጣቢ እና ዘመናዊ የግዥ ስርዓትን ለማስፈን ያግዛል።
*****
የምስራቅ ጎጃም ዞን እና የደብረ ማርቆስ ከተማ ገንዘብ መምሪያዎች የአማራ ክልል መንግስት ባወጣው አዲሱ የግዥ እና ንብረት አስተዳደር አዋጅ እና መመሪያ ላይ ለክልል ተጠሪ ተቋማት፣ ለወረዳና ከተማ አስተዳደር ግዥ ባለሙያዎች እና የግዥና ንብረት አስወጋጅ አጽዳቂ የኮሚቴ አባላት ስልጠና እየሰጡ ነው ።

በስልጠናው ላይ ተገኝተው መልዕክት ያስተላለፉት የምስራቅ ጎጃም ዞን ገንዘብ መምሪያ ኀላፊ አቶ አደመ መሠንበት እንደገለፁት ባለፉት 15 ዓመታት ያገለለገለው የግዥ እና ንብረት አስተዳደር መመሪያ በርካታ ችግሮች የነበሩበትና በበራሪ ወረቀት ተሽሮ ያለቀ እንደነበር አውስተው ይኸነንም መሠረት በማድረግ የክልሉ መንግስት አዲስ አዋጅ እና የማስፈፀሚያ መምሪያ ማውጣቱን ተናግረዋል።

የክልሉ መንግስት አዲስ ባወጣቸው የግዥና ንብረት አስተዳደር አዋጅ ቁጥር 306/2018 ፣ ደንብ ቁጥር 258/2018 ለዚህ ማስፈፀሚያ የሚሆን የግዥ መመሪያ 144/2018 እና የንብረት አስተዳደር መመሪያ 145/2018 ላይ ስልጠናው እንደሚሰጥ አቶ አደመ ጨምረው ተናግረዋል።

የክልሉ መንግስት ያወጣው አዲስ የግዥ እና የንብረት አስተዳደር መመሪያ በዘርፉ ይስተዋሉ የነበሩ ችግሮችን እንደሚፈታ የተናገሩት መምሪያ ኀላፊው በወጡት አዋጆችና መመሪያዎች ላይ የሚሰጠው የግንዛቤ ፈጠራ ስራ በቀጣይም ተጠናክሮ እንደሚቀጥል ጨምረው ተናግረዋል።

አዲስ የወጣው መመሪያ የተንዛዛ አስራርን በማስቀረት ወጭ ቆጣቢ ስርዓትን ለመዘርጋት ታስቦ የተዘጋጀ፣ በቴክኖሎጂ የተደገፈ ፣ ስልጣንን አከፋፍሎ የሰጠ እና ተጠያቂነትን የሚሰፍን መሆኑን ሓላፊው ተናግረዋል።

የዘርፉ ባለሙያዎች አዲስ በወጡ አዋጆችና መምሪያዎች ላይ በቂ ግንዛቤ በመያዝ ለማህበረሰቡ ፈጣን አገልግሎት መስጠት እንደሚኖርባቸው መምሪያ ኀላፊው አሳስበዋል።

ከአማራ ክልል ገንዘብ ቢሮ ተጨማሪ መረጃዎችን ለማግኘት የሚከተሉትን ሊንኮች ይጠቀሙ
ፌስቡክ https://www.facebook.com/share/191YyDU2YK/
ዩቲዩብ http://www.youtube.com/
ቴሌግራም https://t.me/AmharaBureauofFinance
ዋትስአፕ https://whatsapp.com/channel/0029Vb8BHKA4SpkAKHBs6M0H
ኢንስታግራም https://www.instagram.com/amhara415?igsh=MTh1Nzd3dnNpaWRxMg==
ቲክቶክ https://www.tiktok.com/.finance.bureau?_r=1&_t=ZS-98Pv19CAtHA
ዌብሳይት http://www.amharabofec.gov.com/
ኤክስ (ትዊተር) https://twitter.com/