Amhara National Regional State Environment & Forest Protection Authority

13/11/2026

በቻግኒ ከተማ አስተዳደር የደረቅ ቆሻሻ አያያዝና አወጋገድ እና በተኪ ምርት አዘገጃጀት ዙሪያ የምክክር መድረክ ተካሄደ።

‎ዉይይቱ ደረቅ ቆሻሻን ከምንጩ ጀምሮ በተገቢዉ ሁኔታ መለየት፣መሠብሰብ፣ማጓጓዝ፣መልሶ መጠቀምና የማስወገድ ስርዓትን ማጠናከር ላይ እና ተኪ ምርት አዘገጃጀት ዙሪያ ያተኮረ ነዉ።
‎
‎የፕላስቲክ ምርቶች በአካባቢ፣በጤናና በከተማ ዉበት ላይ የሚያስከትሉትን ተፅዕኖ በመለየት የፕላስቲክ ምርትን ማስቆምና ተገቢዉን የቁጥጥር ስርዓት መዘርጋት እንደሚገባ ተመላክቷል።
‎
በመድረኩ የተገኙት ‎ የአዊ ብ/አስ/አካባቢ ጥበቃ ተጠሪ ጽ/ቤት ኃላፊ ወ/ሮ ብዙነሽ ይሁኔ፣የፕላስቲክ ምርቶች በአፈር ውስጥ ሳይበሰብሱ ከመቶ ዓመት በላይ መቆየት የሚችሉ በመሆናቸው ውሃን የመበከል፣ ብዝሃ ሕይወት የመጉዳት፣ በምርትና ምርታማነት ላይ ከፍተኛ ተፅዕኖ የሚያደርሱ መሆናቸውን ገልጸዋል።

ዜጎች የፕላስቲክ ምርቶችን ባለመጠቀም ዘላቂ የአካባቢ ጥበቃ ስራ ውጤታማ እንዲሆን ጠይቀዋል።
‎
‎የፕላስቲክ ተኪ ምርት አምራች ማህበራት ወደ ስራ ለማስገባ እየተሰራ መሆኑንም ጠቁመዋል።

በሀገር ደረጃ የፕላስቲክ ከረጢቶችን ማምረት፤ ወደሀገር ማስገባት፤ መሸጥ እና መጠቀም የሚከለክለውን አዋጅ ቁጥር 1383/2017 ሙሉ በሙሉ ተግባራዊ ከማድረግ አንፃር የሚታዩ ውስንነቶች ለመቅረፍ ከቁጥጥር ባሻገር ተኪ ምርቶችን የማስፋት ስራ እየተከናወነ መሆኑንም ኃላፊዋ ገልጸዋል።

በብሄአሰብ አስተዳደሩ የፕላስቲክ ከረጢት የሚያስከትለውን የአካባቢ ብክለት ተጽዕኖ ለመግታት አዋጁን መሠረት ያደረገ የመከላከል ስራ እየተከናወነ እንደሚገኝ ተናግረዋል።

ቻግኒ ኮሙኒኬሽን

12/11/2026

''የአየር ንብረት ለውጥ ለማምጣት የማይበገር አረንጓዴ ኢኮኖሚ መገንባት ይገባል" አቶ በእውቀት ገዛኸኝ።

ህዳር 3/2019 ዓ/ም እንጅባራ (አዊ ኮሙኒኬሽን) የአዊ ብሔ/አስ/ አካባቢ ጥበቃ ጽ/ቤት ለአየር ንብረት ለውጥ የማይበገር አረንጓዴ ኢኮኖሚ ለመገንባት አብይና ቴክኒክ ኮሚቴ አባላት የውይይት መድረክ አካሂደዋል።

ውይይቱ " አካባቢያችን እንጠብቅ የነገ ትውልድ ንፁህና ጤናማ ዓለም እናውርስ! " በሚል መሪ ቃል አብይና ቴክኒክ ኮሚቴ አባላትና የሚመለከታቸው ባለድርሻ አካላት በተገኘበት የውይይት መድረክ ተካሂዷል።

የአዊ ብሔረስብ አሰተዳደር ምክትል አስተዳዳሪና ንግድና ገበያ ልማት መምሪያ ኃላፊ አቶ በእወቀት ገዛኸኝ ኢትዮጵያ የብዙ ዓመታት ታሪክ ያላት ለዓለም ስልጠኔና ጥበብ ያስተማረች በአረንጓዴ አሻራ ምሳሌ የሆነች ትልቅ ሀገር መሆኗን ተናግረዋል።

በአየር ንብረት ለውጥ መዛባት ምክንያት ድርቅና የጎርፍ መጥለቅለቅ እየተከሰተ መሆኑን ያነሱት ምክትል አስተዳዳሪው ከለውጡ ጊዜ ወዲህ መንግስት የአየር ንብረት ለውጥ ለማምጣት አረንጓዴ ኢኮኖሚ ለመገንባት በሰፊው እየተንቀሳቀሰ እንደሚገኝ ገልፀዋል።

የአብይና ቴክኒክ ኮሚቴ አባላት የአየር ንብረት ለውጥ ለማምጣት የማይበገር አረንጓዴ የኢኮኖሚ እድገትን መገንባት ፣ የጋዞችን ልቀት መቀነስና በሂደት ለማስቀረት አቅዶ መስራት እንደሚገባቸው አቶ በእውቀት አሳሰባዋል ።

የአዊ ብሔረሰብ አስተዳደር አካባቢ ጥበቃ ጽ/ቤት ኃላፊ ወ/ሮ ቡዙነሽ ይሁኔ ኢትዮጵያ የአየር ንብረት ለውጥ ለመሞጣት በልዩ ትኩረት እየሰራች መሆኑን ገልፀዋል።

የአየር ንብረት ለውጥ መንስኤዎች የግሪን ሀውስ ልቀት መጨመር፣ ቅረት አካልና ነዳጅ አጠቃቀም፣ ደን በመጨፍጨፍና የመሬት አጠቃቀም ለውጥ በማድረግ የሚካስቱ መሆኑን የገለጹት ወ/ሮ ቡዙነሽ የእነዚህንና የሌሎች ድምር ውጤት የሚያሰከትሰው ተፅኖ የአየር ንብረት መለውጥና የሙቀት መጠንን በማዛባት ለድርቅና ለሌሎች ጉዳዮች ይዳርጋል ነው ያሉት።

የአየር ንብረት ለውጥ እየተባባሰ ሲሄድ የበሽታዎች ቁጥር ማብዛት፣ በረሃማነት መስፋፋት፣ የግብርና ምርትና ምርታማነት መቀነስና የተፈጥሮ ሚዛን መታወክን እንደሚያስከትል ጽ/ቤት ኃላፊዋ ገልፀዋል።

እንደ ብሔረስብ አስተዳደር የተቋቋመው አብይና የተክኒክ ኮሚቴ ተግባራትን በየወቅቱ እየገመገሙ እንደሚመሩ የገለፀት ኃላፊዋ
የአየር ንብረት ለውጥ በአንድ ተቋም ብቻ መከላከል የሚቻል ሳይሆን የሁሉንም ተቋማት የነቃ ተሳትፎ የሚጠይቅ በመሆኑ ሁሉም ተቋማት የበኩላቸውን ድርሻ እንዲወጡ መልዕክት አስተላልፈዋል።

መንግስት ዘላቂ አረንጓዴ ኢኮኖሚ ለመገንባትና የማይበገር የአየር ንብረት ለውጥ ለማምጣት የሚሰራቸው ጅምር ስራዎች በእጅጉ አበራታች በመሆናቸው ተጠናክሮ መቀጠል እንደሚገባ የውይይቱ ተሳታፊዎች ገልጸዋል።

እንደ ብሔረሰብ አስተዳደር የተፈጥሮ ደን እየተጨፈጨፈ፣ የቆሻሻ አወጋገድና ንፁህ አከባቢ ለመፍጠርና ታዳሽ ሀይል አጠቃቀም ላይ መሰረታዊ ችግር ያለበት በመሆኑ የአየር ንብረት ለውጥ ለማምጣት ሁሉም ተቋማትና ግለሰቦች መረባረብ እንደሚገባቸው ተሳታፊዎች ተናግረዋል።

12/11/2026

የደብረብርሃን ከተማ አስተዳደር አካባቢ ጥበቃ ፅዳትና ውበት ተጠሪ ፅ/ቤት ኃላፊ ወ/ሮ ወይንሸት ጀማነህ የተቋሙን የአራት ወር የስራ አፈፃፀም የደብረብሃን ምክትል ከንቲባው አቶ ወርቃለማሁ ኮስትሬ በተገኙበት ከመምሪያ እስከ ቀበሌ ድረስ ያሉ ስራና የስራ ሂደቶችን ገመገሙ።

የአራት ወር የስራ አፈፃፀም ሪፖርት በተቀናጀ መልኩ የአካባቢ ህግ ተከባሪነትና ክትትል ቁጥጥር ባለሙያ በሆኑት ደጀን ፍርዴ አማካይነት በዝርዝር ተቋሙ እንደተቋም የለበትን ደረጃ በሚገልፅ መልኩ ሪፖርቱን የቀረበ ሲሆን የቀረበው ሪፖርት በመምሪያው በከፍለ ከተማው ብሎም በቀበሌ ደረጃ የአካባቢ ጥበቃ ፅዳት ና ውበት በተግባር መሬት ላይ ያለው ቅንጅታዊ አሰራር በሚገባ ተገልጿል ።

ከመምሪያው እስከ በቀሌ ድረስ ያሉ አመራሮች ስራ ቡድን ባለሙያዎች በኢንተርፕራይዝ ተደራጅተው አርንጓዴ ልማትና ደረቅ ቆሻሻ አያያዝና አወጋገድ ላይ የተሠማሩ የማህበራት ሰብሳቢ እና አጋር አካላት ተሳትፈዋል።

የፅ/ቤቱ ኃላፊ ወ/ሮ ወይንሸት ጀማነህ አሰራር ተጠብቆ ከመስራት አካያ በየክፍለ ከተማው ተደራጅተው በውበትና ፅዳት በመንገድ አካፋች ደረቅ ቅሻሻ እያያዝና አወጋገድ ላይ በግሪን ኢንተርፕራይዝ/ በኮሪደርልማት/ፅዱ ኢትዮጵያ የድምፅ ብክለት የአደገኛ ኬሜካል እና የኢአይ ተፅዕኖ በተመለከተ የነበሩ ስራዎች በተከለከሉ የፕላስቲክ ምርት ላይ አዋጁን መሠረት ተደርጎ ክልከላውን ተግባራዊ ከማድረግ አንፃርና ተኪ ምርቶችን ለህብረተሰቡ ከማድረስ አኳያ እያንዳዱ ከፍለ ከተማ የነበረው ሚና በአካባቢው ላይ ብክለትና ብክነት ከፍተኛ ተፅእኖ ያለቸውን ማንኛውም ፕሮጀክትአዲስፖሮጀክት ከመፅደቁ በፊት የከተማው የአከባቢ ጥበቃ ኃላፊ አማካሪው ከማህበረሰቡና ከአጎራባች ፖሮጀክት ጋር ተዛማጅ መሆኑን ማወያየቱን እያረጋገጠ መስራቱን ማረጋገጥ መቻሉ ክትትልና ቁጥጥር አፈፃፀም ከሪፖርት በዘለለ
በክፍለ ከተማ ደረጃ የማህበረሰብ ተፅዕኖ አዋጅን መሠረት ተደርጎ ያለውን አሰራርን ተግባራዊ ከማድረግ አንፃር አጠቀላይ የአይር የውሃ የአፈር የድምፅ የማህበረሰብ ህይወት ያለውና የሌለው አካለት ላይ ያለ አካባቢያዊ ብክለት ብክነት ቀንሶ ለቀጣይ ተውልድ ያልተበከለ ፁዱ በአከባቢያዊ ፕላን የተመራ ከተማ ለመፍጠር ሁሉም ከመምሪያ እስከ ቀበሌ ድረስ ያለ አመራር ባለሙያ በእውቀትና በብቃት በሙያዊ ዲሲፕሊን ተቋማዊ አሰራር ተጠብቆ ይህ የጋራ መድረክ ከተካሄደ በኋላ 5ቱም ከፍለ ከተማ በስሩ ያሉትን የከተማም ሆነ የገጠር ቀበሌ አንደ የባህሪያቸው ያሉባቸውን የአካባቢ ጥበቃ ፅዳትና ውበት በሚመለከት ያሉ ችግሮችን ልቅም አደርጎ በመለየት በየደረጃው አየተገመገመ የከፍለ ከተማ አመራርም በአስተባባሪ ደረጃ ግምገሞ መፍትሔ እየሰጠ አቀጣጫ እያስቀመጠ ከተማው ውብ ማራኪ ለኮሪደር ልማቱ የሚመጥን ተግባር መስራት አለበት በሚል መግባባት ላይ ተደርሶ ይህ መድረክ እስከ በቀሌ ምክርቤት ድረስ ወርድ ከደንብ ከጤና ከውሃ ከግብርና ከእንስሳት ከአስተዳደር ፅ/ቤት ከፍትህ ተቋም ከኢንቨስትመንት በጋራ ግብረ ኃይል አቋቁሞ መስራት እንለበት አቅጣጫ ተቀምጧል።

ዘገባው የደብረብርሃን ከተማ ጽ/ው/አካ/ጥ/ጽ/ቤት

11/11/2026

" በዞኑ የሚገኙ ተቋማት የአየር ንብረት ለውጥ ተፅዕኖን መቀነስ የሚያስችል ዕቅድ አቅደው ወደ ተግባርም መግባት አለባቸው"

አቶ ተክለየስ በለጠ
የሰሜን ሸዋ ዞን ምክትል አስተዳዳሪ

የአየር ንብረት ለውጥ ምላሽ ሰጭ ተግባራት ዕቅድና አተገባበር ዙሪያ የተቋማት አብይና ቴክኒክ ኮሚቴ አባላት በዛሬው ዕለት ውይይት አካሒደዋል።

የ2019 ዕቅድ ከአየር ንብረት አኳያ አካቶ ስለመታቀዱና የተከናወኑ ዝግጅቶችን ምን እንደሚመስሉ በዋናነት በውይይቱ መነሻ ሪፖርት የሰሜን ሸዋ ዞን አካባቢ ጥበቃ ተጠሪ ፅ/ቤት ኃላፊ በአቶ አበበ ታደግ ቀርቧል።

የአየር ንብረት ለውጥ መከላከል ላይ ታሳቢ ያደረገ እቅድን አቅደው የሚሰሩ ተቋማት እንዳሉ በኃላፊው ተገልጿል።

የአካባቢ ጉዳይን ታሳቢ ባላደረገ የዕድገት መንገድ ምክኒያት የዓለማችን የሙቀት መጠን እየጨመረ ነው ያሉት ኃላፊው በዚህ ምክኒያት ድርቅ፣ ጎርፍ፣ የዝናብ መጠንና ስርጭት መዛባት የብዝሀ ህይወት መመናመንና አዳዲስ መጤ ዝርያዎች መስፋፋት እያስከተለ ነው ብለዋል።

በመሆኑም የአየር ንብረት ለውጥ ይዞት የሚመጣውን መዘዝ ለማስቀረት የአብይና ቴክኒክ ኮሚቴው የጋራ ውይይት በማድረግ በዕቅድ አካቶ ስለመፈፀሙ ክትትል ማድረግ ይጠበቅበታል ተብሏል።

በውይይቱ እንደተመላከተው በዞኑ በርካታ ኢንደስትሪዎች እየተስፋፉ ስለሆነ ከአየር ንብረት አኳያ ተገቢውን ክትትል ማድረግ ይገባልም ተብሏል።

በግብርናውም ዘርፍ ከልክ ያለፈ የኬሚካል አጠቃቀም ክትትልና ቁጥጥር እንዲደረግበት እንዲሁም መጤ አረሞች ላይ በጥናት የተመሠረት ቁጥጥርና ስራ ያስፈልጋል የሚል በውይይቱ ሀሳብ ተነስቷል።

የኮሚቴው ሰብሳቢ የሰሜን ሸዋ ዞን ምክትል አስተዳዳሪ አቶ ተክለየስ በለጠ በውይይቱ ማጠቃለያ እንዳሉት ተቋማት የአየር ንብረት ለውጥ ተፅዕኖን መቀነስ የሚያስችል ዕቅድ አቅደው ወደ ተግባርም መግባት አለባቸው ብለዋል።

በብዙ መልኩ ሳይንሳዊና በጥናት የተደገፈ ስራ ስለሚፈልግ ሁለም ባለድርሻ አካል የአየር ንብረት ጉዳይ የማይመለከተው እንደሌለ አውቆ በየተቋሙ እንዲሰራና የኮሚቴው ድጋፍና ክትትልም በቀጣይነት እንዲጠናከር አሳስበዋል።

04/11/2026

በብሄረሰብ አስተዳደሩ ከህዳር ወር መጨረሻ ጀምሮ የፕላስቲክ ቀረጢቶችን መጠቀም ይከለከላል-ብዙነሽ ይሁኔ

እንጅባራ፡ ጥቅምት 24/2019 (አዊ ኮሙኒኬሽን )

በአዊ ብሄ/አስ በያዝነው አመት ከህዳር ወር መጨረሻ ጀምሮ የፕላስቲክ ቀረጢቶችን መጠቀም ሊከለከል መሆኑን የብሄ/አስ አካበቢ ጥበቃ ተጠሪ ጽ/ቤት ሀላፊ ብዙነሽ ይሁኔ በሰጡት ጋዜጣዊ መግለጫ አስታውቀዋል ።

ሀላፊዋ በመግለጫቸው፥በብሄረሰብ አስተዳደሩ ከህዳር ወር መጨረሻ ጀምሮ ፌስታልና የፕላስቲክ ውጤቶች መጣል፣ማከማቸትና መሸጥ የሚከለከል መሆኑን ተናግረዋል ።

ባለፉት 3 ወራት አካባቢን ፅዱ በማድረግ ለህብረተሰቡ ኑሮ ተስማሚ ለማድረግ የህዝብ ግንኙነት ስራዎች ሲሰሩ መቆየታቸውን ገልፀዋል።

በዚህም በየአከባቢው ደረቅ ቆሻሻ የማስወገድ ስራዎች መከናወናቸውን ጠቁመዋል።

የድምፅ ብክለትን የሚያስከትሉ ከልክ በላይ የወፍጮ፣የሙዚቃ ቤቶች ፣የሞንታርቦ ድምፆች የመሳሰሉትን የመከላከል ስራዎችም መሰራታቸውን አንስተዋል።

በ3ቱም ከተሞቻችን የኮሪደር ልማት እየተፋጠነ መሆኑን ያነሱት ሀላፊዋ አካባባን ፅዱ ማድረግም የኮሪደሩ ልማት አካል እንደሆነ ተናግረዋል።

ስለሆነም በሚመጣው ህዳር ወር መጨረሻ ጀምሮ አካባቢን የሚያቆሽሹ ፕላስቲክ፣ፌስታልና የመሳሰሉትን መጠቀም የተከለከለ መሆኑን ሀላፊዋ በመግለጫቸው አስገንዝበዋል።

ለዚህም መፍትሄው ከስራና ክህሎት መምሪያ ጋር በመተባበር የፕላስቲክ ምርቶችን የሚተኩ ከካርቶን፣ከጨርቅ እና ከእንጨት ለመጠቀሚያ የሚሆኑ ከረጢቶችን ለመማምረት መግባባት ላይ መድረሳቸውን አስታውቀዋል።

የህዝብ ተወካዮች ም/ቤት 1383/2017 እንደደነገገው ፕላስቲክ( ፌስታል) የተጠቀመ ወይም ያመረተ 2 እስከ 5ሽህ ብር እንዲሁም በእስራት እንደሚቀጣ አስረድተዋል።

ማነኛውም ሰው ከመኖሪያ ቤቱ ይዞታው ድንበር አንስቶ ቢያንስ 20ሜትር ድረስ ፤በተመሳሳይም የአገልግሎት መስጫ እና የንግድ ተቋማት እስከ 50 ሜትር ባለው ርቀት ደረቅ ቆሻሻ የማፅዳት ሀላፊነት እንዳለው አዋጁ እንደሚደነግግ ሀላፊዋ ተናግረዋል ።

በመጨረሻም የፕላስቲክና የፕላስቲክ ውጤቶች ቆሻሻ አያያዝ ዋነኛ የአካባቢውን ብክለትና የጤና ችግር በመሆኑ ሁሉም በመከላከል ረገድ ሀላፊነት እንዲወጣ አሳስበዋል ።

03/11/2026

02/11/2026

30/10/2026

ጎንደር ከተማ ከብክለት የፀዳች ውብና ማራኪ ፅዱ ውብ ለነዎሪዎችና ለጉብኝዎች ለማድረግ በትኩረት እየተሰራ ነው።

የጎንደር ከተማ አሰተዳደር አካ/ጥ/ፅ/ው/አረ/ል/ጽ/ቤት በ2019 የመጀመሪያ ሩብ ዓመት ዕቅድ አፈጻጸም ግምገማና የንቅናቄ ዘመቻ ማጠቃለያ መድረክ አካኔዷል ።

በበጀት ዓመቱ የመጀመሪያ ሩብ ዓመት የተከናወኑ ተግባራትን በመገምገም ያልተፈፀሙ ሥራዎችን በመለየት በ2ኛ ሩብ ዓመት የተሻለ አፈፃፀም ለማስመዝገብ እየተሰራ መሆኑን የጽ/ቤቱ ኃላፊ ወ/ሮ ሰላማዊት ቦጋለ ገልጸዋል።

በመጨረሻም ከተማው ከብክለት የፀዳች ለማድረግ ሁሉም የህብረተሰብ ክፍልና ተቋማት በጋራ መሰራት እንደሚገባ በመግለፅ በ2019 በጅት ዓመት የመጀመሪያ ሩብ ዓመት የተሻለ አፈፃፀም ላመጡ
ክ/ከተሞችና "በፅዱ ኢትዮጵያ ለትውልድ" የንቅናቄው ዘመቻ አሰተዎጾ ላበረከቱ የፅዳት ማህበራት፣ በጎ አድራጎት ማህበራትና የመልሶ መጠቀም ፋብሪካዎችን የዕውቅና ሰርፍትኬት ተሰጥቷል።

ዘገባው የጎንደር ከተማ አካ/ጥ/ጽ/ው/ጽ/ቤት ነው።

30/10/2026

28/10/2026

ለከተማዋ ጽዳትና ውበት ስኬት የሴት አመራሮች ሚና ከፍተኛ መሆኑ ተገለፀ።

ጥቅምት 18 ቀን 2018 ዓ.ም (ባሕር ዳር)፦ ናቡ ኢትዮጵያ ከባሕር ዳር ከተማ ጽዳትና ውበት ጽሕፈት ቤት ጋር በመተባበር የከተማና የክፍለ ከተማ ሴት አመራሮች በተገኙበት በአካባቢ ጥበቃ ዙሪያ ስልጠና ሰጠ። ለዚህም ስኬት የሴት አመራሮች ሚና ከፍተኛ መሆኑ ተመልክቷል።

በስልጠና መድረኩ ላይ ተገኝተው መልዕክት ያስተላለፉት በምክትል ከንቲባ ማዕረግ የኢንዱስትሪና ኢንቨስትመንት መምሪያ ኃላፊ ወ/ሮ ብርሃን ንጉሴ፣ የተፈጥሮ ጥበቃ ማህበር የሆነው ናቡ ኢትዮጵያ በከተማዋ በተለይም በጣና ሐይቅ ዙሪያ እያከናወናቸው ያሉትን አበረታች ተግባራት በማድነቅ ምስጋና አቅርበዋል።

በዛሬው ዕለትም የሚሰጠው ስልጠና ሴቶች በቤተሰብ መሪነትና በማኅበረሰብ ልማት ውስጥ ያላቸው አስተዋጽኦ ከፍተኛ በመሆኑ፣ በዚህ መድረክ የሚያገኙትን የአካባቢ ጥበቃ ስልጠና በተግባር በመተርጎም ለከተማዋ ውበት መጨመር በትኩረትና በኃላፊነት ስሜት እንዲሠሩ አሳስበዋል።

የናቡ ኢትዮጵያ አማካሪ አቶ ባየ ጥሩነህበበኩላቸው ድርጅቱ የከተማዋን ገጽታ ለመጠበቅ በአካባቢ ጥበቃና ጽዳት ዙሪያ ለተለያዩ አካላት የግንዛቤ ፈጠራ ስራዎችን እየሰራን ነው ብለዋል።

በተለይ ከአጋር አካላት ጋር ተባብሮ በመስራት ወጣቶችን አደራጅቶ ስልጠና በመስጠትና ወደስራ እንዲገቡ በማድረግ ተጠቃሚ እንዲሆኑ ትኩረት ሰጦ እየሰራ ያለ ድርጅት መሆኑን አስታውቀዋል።

የባሕርዳር ከተማ ጽዳትና ውበት ጽ/ቤት ኅላፊ ወ/ሮ ጽጌረዳ አበበ እንደተናገሩት በከተማዋ የሚገኙ ክፍለከተሞችና ቀበሌዎች አካባቢን ውብና ጽዱ በማድረግ የከተማዋን አጠቃላይ ውበትና የቱሪዝም ሳቢነት ሙሉ ማድረግ ይገባል ብለዋል።

ባሕር ዳርን ውብ፣ ጽዱ እና አረንጓዴ በማድረግ ተመራጭ የቱሪስት መዳረሻ ለማድረግ አካባቢን ከአላስፈላጊ ቆሻሻ በመጠበቅ ረገድ የሴቶች ድርሻ ጉልህ መሆኑን ገልጸዋል።

ምንጭ፡-የባሕርዳር ከተማ የመንግስት ኮሙዩኒኬሽን ገፅ