ANRS Labour and Skill Bureau

30/10/2026

"ዘላቂ የኢንዱስትሪ እድገትን ለማረጋገጥ የአሰሪና ሰራተኛ ግንኙነት ማጠናከር ወሳኝ ነው።"
ክቡር አቶ ጎሹ እንዳላማው የባሕርዳር ከተማ ከንቲባ

ጥቅምት 20/2018ዓ/ም(ባሕርዳር ከተማ ኮሙዩኒኬሽን) የባሕር ዳር ከተማ ስራና ክህሎት መምሪያ በከተማዋ በሚገኙ ኢንዱስትሪዎች ውስጥ ዘላቂ የኢንዱስትሪ ሰላምን ለማስፈንና የአሰሪና ሰራተኛ ግንኙነትን ለማጠናከር ያለመ የምክክር መድረክ አካሄደ።

በዕለቱ ተገኝተው መልዕክት ያስተላለፉት የባሕርዳር ከተማ ከንቲባ የተከበሩ አቶ ጎሹ እንዳላማው እንደገለፁት የከተማዋን ሁለንተናዊ የኢኮኖሚ ዕድገት ለማረጋገጥ የአሰሪና ሰራተኛ ግንኙነትን በጤናማ መንገድ ማጠናከር እና ኢንዱስትሪውን የመሪነት ሚና እንዲይዝ ማድረግ ይገባል ብለዋል።

ባሕር ዳር በአሁኑ ወቅት በለውጥ ሂደት የምትገኝ ከተማ መሆኗን ያነሱት ክቡር ከንቲባው ይህንን ምቹ አጋጣሚ በመጠቀም በየደረጃው ያሉ ኢንዱስትሪዎችን ማስፋፋትና የሥራ አካባቢያቸውን ምቹ በማድረግ ምርትና ምርታማነትን በከፍተኛ ደረጃ ማሳደግ እንደሚገባ አሳስበዋል።

በከተማዋ በአሁኑ ወቅት ከ300 በላይ የሚሆኑ ኢንዱስትሪዎች ምርት በማምረት ላይ መሆናቸውን የገለፁት ክቡር ከንቲባው ከ700 በላይ የሚሆኑት ደግሞ መሬት ወስደው በግንባታ ሂደት ላይ ይገኛሉ ያሉ ሲሆን በአጭር ጊዜ ወደስራ እንዲገቡ በትኩረት እየተሰራ መሆኑን ገልፀዋል።

አያይዘውም ኢንዱስትሪዎች የኢኮኖሚው መሪና የሥራ ዕድል ፈጠራ ዋነኛ ምንጭ መሆናቸውን የገለጹት አቶ ጎሹ የከተማዋን ውስጣዊና ውጫዊ ሰላም በአስተማማኝ ሁኔታ በመጠበቅ ዘርፉ የተቀመጠለትን አገራዊ ግብ እንዲመታ በትኩረትና በቅንጅት መስራት እንደሚገባ ተናግረዋል።

የአማራ ብሔራዊ ክልላዊ መንግሥት የሥራና ክህሎት ቢሮ ኃላፊ ስቡህ ገበያው (ዶ/ር) በሰጡት ማብራሪያ በአሠሪና ሠራተኛ መካከል ሊፈጠሩ የሚችሉ አለመግባባቶችን በውይይትና በምክክር በመፍታት በሥራ ቦታዎች ላይ አስተማማኝ የኢንዱስትሪ ሰላም መፍጠር ለአገር ኢኮኖሚ ዕድገት መሠረት መሆኑን ገልፀዋል።

በክልሉ የሚገኙ የቴክኒክና ሙያ ኮሌጆች የሚሰጧቸው ሥልጠናዎች በቀጥታ በኢንዱስትሪዎች ውስጥ ካለው የሠራተኛ ፍላጎት ጋር የተጣጣመ እንዲሆኑ እየተደረገ ነው ብለዋል።

የአብክመ ኢንዱስትሪና ኢንቨስትመንት ቢሮ ምክትል ኃላፊ አቶ ተፈሪ ታረቀኝ በበኩላቸው የክልሉ መንግስት አምራች ኢንዱስትሪዎች የአገር ውስጥ ገበያን እንዲቆጣጠሩ፣ ጥራት ያለው ምርት እንዲያመርቱና ውጤታማ የሰው ሀይል ስምሪት እንዲኖራቸው በትኩረት እየሰራ መሆኑን ገልፀዋል።

የአሰሪና ሠራተኛን መብትና ግዴታ ማክበር ለኢንዱስትሪ ልማት መፋጠን ያለው ሚና ሰፊ መሆኑ ጠቁመዋል።

ፈጣን እና ወቅታዊ መረጃዎችን ለማግኘት፡-የባሕርዳር ከተማ የመንግስት ኮሙዩኒኬሽን ገጽ ይወዳጁ:-

29/10/2026

29/10/2026

29/10/2026

29/10/2026

ጎንደር ፖሊ ቴክኒክ ኮሌጅ የ2019 በጀት ዓመት እቅድ ትውውቅ እና 1ኛ ሩብ አመት እቅድ አፈፃፀም መድረክ አከናወነ።
ሥራ እና ክህሎት ቢሮ
የጎንደር ፖሊ ቴክኒክ ኮሌጅ በ2019 በጀት ዓመት እቅድ እና በ1ኛ ሩብ አመት እቅድ አፈፃፀም ላይ ከኮሌጁ አሰልጣኞችና አስተዳደር ሠራተኞች ጋር የምክክር መድረክ አከናውኗል።

በመድረኩ ማስጀመሪያ መርሃ ግብር የተገኙት የጎንደር ፖሊ ቴክኒክ ኮሌጅ ዲን የሆኑት አቶ ተስፋሁን መኮነን መድረኩን ሲያስጀምሩ ኮሌጃችን ባለፈው በጀት አመት በእቅድ ከያዝናቸው ተግባሮቻችን መካከል መፈፀም የቻልነው እና ውጤታማ የሆንባቸው ስራዎች ሰፊው ሽፋን የሚይዙ ይሁን እንጂ በቀጣይ ትኩረትን የሚሹ እና የተሻለ አፈፃፀም ልናስመዘግባቸው የሚገቡ ተግባራት እንዳሉ ጠቁመዋል።

አያይዘውም የ2019 በጀት ዓመት እቅድ በተቀናጀ አሠራር፣ ተሳትፎና በቁርጠኝነት ወደ ተግባር በመቀየር የኮሌጁን የሥራ አፈጻጸም የበለጠ ለማሻሻል የሁሉም ሠራተኞች የጋራ ርብርብ ወሳኝ እንደሆነ አሳስበዋል።

በመድረኩም የኮሌጁ አጠቃላይ የ2019 በጀት ዓመት አመት እቅድ እና 1ኛ ሩብ ዓመት እቅድ አፈፃፀም በኮሌጁ ም/ዲን በሆኑት አቶ አደራጀው ወልዱ በዝርዝር ቀርቦ ውይይት ተካሂዷል።

በመጨረሻም ከተሳታፊዎች የተነሱ ሀሳቦች፣ አስተያየቶችና ጥያቄዎች በኮሌጁ ከፍተኛ አመራሮች ምላሽና ማብራሪያ ተሰጧቸው መድረኩም በስኬት ተጠናቋል።
ምንጭ ጎንደር ፕፖሊ ቴክኒክ ኮሌጅ

29/10/2026

በመርዓዊ ከተማ በአሰሪና ሰራተኛ አዋጅ ዙሪያ የግንዛቤ ማስጨበጫ መድረክ ተካሄደ።

ሥራ እና ክህሎት ቢሮ

በሰሜን ጎጃም ዞን የመርዓዊ ከተማ አስተዳደር ሥራና ክህሎት ጽህፈት ቤት፤ በአዋጅ ቁጥር 1156/2011 (የአሰሪና ሰራተኛ ሕግ) አፈፃፀም ዙሪያ በከተማዋ ለሚገኙ በኢንዱስትሪና በአገልግሎት ዘርፍ የተሰማሩ አሰሪዎች የግንዛቤ ማስጨበጫ መድረክ አካሄደ።
​በመድረኩ መክፈቻ ላይ የተገኙት የመርዓዊ ከተማ አስተዳደር ብልጽግና ፓርቲ ቅርንጫፍ ጽህፈት ቤት ኃላፊ አቶ ጌታነህ መልኬ እንዳገለጹት፣ በከተማዋ በኢንዱስትሪና በአገልግሎት ዘርፎች ሰላማዊና ጤናማ የሥራ ግንኙነት እንዲሰፍን ማድረግ ለከተማዋ ሁለገብ ዕድገት ወሳኝ ነው። አሰሪዎች አዋጁን አውቀውና አክብረው እንዲንቀሳቀሱ ይህ መድረክ ጉልህ ድርሻ እንዳለው የገለጹት አቶ ጌታነህ፤ አሰሪዎች ሕጉን አክብረው በመሥራት የድርሻቸውን ሊወጡ ይገባል ሲሉ አሳስበዋል። ​በመድረኩ ላይ የመርዓዊ ከተማ አስተዳደር ሥራና ክህሎት ጽህፈት ቤት ኃላፊ አቶ ወርቁ አናጌ በበኩላቸው፣ በከተማዋ እየሰፉ የመጡ የንግድና የኢንዱስትሪ ተቋማት የሰራተኛ መብትና ግዴታን በተገቢው ሁኔታ እንዲገነዘቡ ለማድረግ የዚህ መድረክ መዘጋጀት ከፍተኛ ፋይዳ እንዳለው ጠቁመዋል። አክለውም ጽህፈት ቤቱ የሥራ ሰላምን ለማረጋገጥ እና ህጋዊ አሰራሮችን ለማስረፅ ከባለድርሻ አካላት ጋር በቀጣይነት እንደሚሠራ ገልጸዋል።
​በመድረኩ ላይ የተሳተፉ የከተማዋ አሰሪዎችና ባለሀብቶች በበኩላቸው፣ በአዋጁ ዙሪያ የተሰጠው ማብራሪያ ቀደም ሲል የነበሯቸውን ክፍተቶች እንደሚሞላላቸው ገልጸው፤ በቀጣይ ሥራዎቻቸው ሕጉን መሠረት አድርገው ለመንቀሳቀስ ያላቸውን ቁርጠኝነት አረጋግጠዋል።

​ምንጭ፦ የመርዓዊ ኮሙኒኬሽን

29/10/2026

"የኮሙኒኬሽንና የህዝብ ግንኙነት መዋቅሩ የተናበበና የተቀናጅ የተግባቦት ስራ በመሰራቱ የጠላትን አንገት ማስደፋት ችሏል።" አቶ አባይ መንግስቴ የአማራ ክልል የመንግስት ኮሙኒኬሽን ቢሮ ኃላፊ

የአማራ ክልል የመንግስት ኮሙኒኬሽን ቢሮ የክልል ህዝብ ግንኙነት ዘርፍ የ2018 በጀት አመት የአፈጻጸም ግምገማና የ2019 ዕቅድ አፈጻጸም መድረክ በባህርዳር ከተማ አካሂዷል።

የክልሉ ኮሚኒኬተር ተሳስቦ፤ ተቀናጅቶና ተሳስሮ ከሰራ መንግስት እና አመራሩ በህብረተሰቡ ዘንድ ቅቡል ይሆናል፤ ክልሉም ውጤታማ ይሆናል ያሉት የቢሮ ኃላፊው የህዝብ ግንኙነቱ የኮሙኒኬሽን ስራዎች ላይ በትኩረት መስራት አለበት፤ ይህም ተቋሙን አጉልቶ ለማውጣት ያግዛል ብለዋል።

ባለፉት ጊዚያት የክልሉ የመንግስት ኮሙኒኬሽንና የህዝብ ግንኙነት ዘርፉ በርካታ ስራዎችን ሰርቷል ይህም የጠላትን አንገት ያስደፋ ነበር ያሉት አቶ አባይ መንግስቴ የጠላት ፕሮፕጋንዲስቶች አሁን ላይ አመራሩን ማሸማቀቅ ከማይችሉበት ደረጃ ደርሰዋል፤ ይህም የሆነበት ኮሙኒኬተሩ ተጨባጭ የሆኑ ስራዎችን ተናቦ መስራት በመቻሉና የፕሮፕጋዳ አቅማችን እየጨመረ በመምጣቱ ነው ብለዋል።

በመንግስት ምስረታው፣ በጣና ፎረም እና ሠራዊቱን በማጀገን የተከናወነው ስራ የዚህ ማሳያ ነው ብለዋል። ይህንንም አጠናክሮ ለማስቀጠል ይበልጥ የተናበበና የተቀናጀ ስራ ይጠይቃል ብለዋል።

አቶ አባይ አክለውም በየተቋሙ የተመዘገበው የሩብ አመቱ የስራ አፈጻጸም ጥሩ ደረጃ ላይ ይገኛል፤ ይህም ለክልሉ ውጤታማ ስራ ድርሻው የጎላ እንደነበር አውስተው ቀጣይም የላቀ ውጤት ለማስመዝገብ ሁሉም ርብርብ ሊያደርግ ይገባል ብለዋል።

የኮሙኒኬሽን ስትራቴክ ዕቅድ በምሁራን መዘጋጀቱን የጠቆሙት አቶ አባይ ሁሉም የህዝብ ግንኙነት ጠንካራ የተደራጀ የሚዲያ ሰራዊት በመሆን የኮሙኒኬሽንን ስራ በማሳደግ ለክልሉና ለህዝቡ እድገት በትኩረት ሊሰራ እንደሚገባ አሳስበዋል።

የቢሮው ምክትል ኃላፊ ወ/ሮ ትብለጥ መንገሻ በበኩላቸው በ2022 በመረጃ የበለጸገ ሁለገብ ተሳትፎ የሚያደርግ፣ በመሰረታዊ ክልላዊ ሀገራዊ ጉዳዮች ላይ መግባባት የሚፈጠር፣ በኢኮኖሚ ልማቱም አስተማማኝ መሠረት የጣለ ህዝብ ለመፍጠር በትኩረት እየተሰራ ነው ብለዋል።

መህበረሰቡን እያማረረ ያለው የአገልግልት አሰጣጥ ቀልጣፋና ውጤታማ እንዲሆን የተግባቦት ስራ እየተሰራ መሆኑንም ምክትል ኃላፊዋ አክለዋል።
ሀገራዊና ክልላዊ መግበባትና አንድነት መፍጠር ያስፈለጋልም ብለዋል።
የመንግስትን ታአማኒነትና ተቀባይነት ሊያሲድጉ የሚችሉ የሚዲያና የኮሚኒኬሽን ስራዎችን መከወን፣ የኮሙኒክሽንን መዋቅር አቅም ማጠናከር እንዲሁም የዲጅታል ሚዲያውን ተጽዕኖ መቋቋም የሚችል ሀይል መገንባት እንደሚያስፈልግ ወ/ሮ ትብለጥ ተናግረዋል።

የአማራ ክልል የመንግስት ኮሙኒኬሽን ምክትል ቢሮ ኃላፊ አቶ ሙሉነህ ዘበነ የክልሉ የመንግስት ኮሙኒኬሽን ቢሮ በአዋጅ በተሰጠው ስልጣንና ተግባር መሰረት የክልሉን የሚዲያና የህዝብ ግንነት ስራዎችን ያስተባብራል ብለዋል። በዚህም ዘርፉ በተግባቦት ስራዎች ላይ አጋዥ እንዲሆን የማጠናከር ስራውች እየተሠሩ እንደሆነ አቶ ሙሉነህ ጠቁመዋል።

የክልሉ መንግስት የ25 አመት የአሻጋሪ እድገትና ዘላቂ የልማት እቅድ ነድፎ ወደስራ ገብቷል። ይህም ውጤታማ ሊሆን የሚችለው በህዝብና በመንግስት መካከል የተሳለጠ ተግባቦት ሲኖር ነው ብለዋል።
ከድህነትና ከግጭት አዙሪት አልፎ ወደ ብልጽግና ከፍታ ለመምጣት የተግባቦት ስራውን በከፍተኛ ትኩረት መምራት እንደሚያስፈልግም አቶ ሙሉነህ ተናግረዋል።

የክልሉ የህዝብ ግንኙነት መዋቅር ባለፉት ጊዚያት ለክልሉ ሠላምና ልማት የነበረው አበርክቶ ከፍ ያለ ነው ያሉት አቶ ሙሉነህ ወይይቱ አቅጣጫ ከመስጠት ባሻገር ለቀጣይ ተግባቦት ስራዎች ሀሳብ የሚሰበሰብበትም ነው ብለዋል።

ወቅቱ ዲጂታል ሚዲያ በመሆኑ በምንሰራቸው ስራዎች ላይ ከህዝቡ ጋር በመግባባት የሚዘሩ የጥፋት ሀሳቦችን ቀድመን በማምከን እውነተኛ መረጃዎችን ለህዝቡ ልናደርስ ይገባል ሲሉም አቶ ሙሉነህ አሳስበዋል።

በመድረኩ ከተሳተፉት መካከል የአማራ ክልል ስቴት ዩኒቨርስቲ የህዝብ ግንኙነት ኃላፊ አቶ ጋሻው ገብሬና የአማራ ክልል መሬት ቢሮ ህዝብ ግንኙነት ኃላፊ አቶ አወቀ ሲሳይ በባለፈው በጀት አመት መልካም የስራ አፈጻጰም እንደነበራቸው ገልፀው ይህንንም ዉጤት በአዲሱ በጀት አመት አጠናክረው እንደሚቀጥሉ ጠቁመዋል።

የጋራ መግባባት ለመፍጠር፣ ሰላምና ልማትን ለማፋጠን የተለያዩ የኮሙኒኬሽን መሳሪያዎች በተገቢው መንገድ መጠቀም ያስፈልጋል ያሉት የህዝብ ግንኙነት ኃላፊዎች በፈጠራ ስራ ላይ የተመሠረቱ ሀሰተኛ መረጃዎችንም በተቀናጀ መንገድ መክቶ በማምከን ለህዝቡ እውነተኛ መረጃዎችን ማድረስ እንደሚያስፈልግ አስተያየታቸውን ሰጥተዋል።

#አማራ ኮሙኒኬሽን

29/10/2026

29/10/2026

✍️ትልቅ ሀገር፤ ትልቅ ሕዝብ፤ ታላቅ ርዕይ

29/10/2026