31/10/2026
پاکستان پیپلز پارٹی برمنگھم کی جانب سے برطانیہ آمد پر سردار رسول بخش چانڈیو صاحب کا پرتپاک استقبال
پاکستان پیپلز پارٹی (PPP) برمنگھم کے صدر جناب محمد شبیر، جنرل سیکریٹری جناب ارشد عزیز، سینئر نائب صدر جناب طالب چوہان، نائب صدر جناب قاضی عمر جمیل، چیئرمین جناب نائب مغل، جناب چوہدری امین، جناب محسن ارشد اور دیگر کثیر تعداد میں پارٹی رہنماؤں و کارکنان نے پاکستان پیپلز پارٹی کے مرکزی رہنما، رکن قومی اسمبلی (MNA) حلقہ NA-223 بدین، جناب سردار رسول بخش چانڈیو صاحب کی برطانیہ آمد پر ایئرپورٹ پر پرتپاک استقبال کیا۔
اس موقع پر پیپلز پارٹی برمنگھم کے رہنماؤں نے معزز مہمان کو خوش آمدید کہا اور ان کی آمد پر دلی مسرت کا اظہار کیا۔ بعد ازاں جناب عمران جعفری صاحب اور ان کے برادران کی جانب سے اپنی رہائش گاہ پر ایک پرتکلف عشائیے کا اہتمام کیا گیا، جس میں پارٹی رہنماؤں اور کارکنان نے شرکت کی۔
اس خصوصی نشست کے دوران پاکستان پیپلز پارٹی کی سیاسی جدوجہد، تنظیمی امور، پارٹی کی موجودہ صورتحال اور برطانیہ بالخصوص برمنگھم میں پارٹی کی سرگرمیوں کے حوالے سے تفصیلی گفتگو ہوئی۔
جناب سردار رسول بخش چانڈیو صاحب نے پیپلز پارٹی برمنگھم کی تنظیمی کارکردگی، اتحاد، یکجہتی اور پارٹی کے لیے بھرپور خدمات کو سراہتے ہوئے کہا کہ:
"پیپلز پارٹی برمنگھم حقیقتاً اپنے نام اور مقصد کے مطابق پاکستان پیپلز پارٹی کا کام کر رہی ہے۔ یہاں پارٹی کی سرگرمیاں دیکھ کر ایسا محسوس ہوتا ہے جیسے میں سندھ میں بیٹھا ہوں۔"
انہوں نے مزید کہا کہ انہیں پیپلز پارٹی برمنگھم کو ایک متحد، منظم، فعال اور باہمی محبت و بھائی چارے کے جذبے سے سرشار دیکھ کر بے حد خوشی ہوئی ہے۔
جناب سردار رسول بخش چانڈیو صاحب نے پیپلز پارٹی برمنگھم کے تمام عہدیداران اور کارکنان کا شکریہ ادا کیا اور ان کی محنت، لگن اور پارٹی سے والہانہ وابستگی کو خراجِ تحسین پیش کیا۔ انہوں نے خصوصی طور پر چیئرمین پاکستان پیپلز پارٹی جناب بلاول بھٹو زرداری تک پیپلز پارٹی برمنگھم کی بہترین تنظیمی کارکردگی اور سرگرمیوں کو پہنچانے کی یقین دہانی کرواتے ہوئے کہا کہ وہ چیئرمین بلاول بھٹو زرداری صاحب کو برمنگھم کی پارٹی کی کارکردگی سے آگاہ کریں گے۔
انہوں نے اس بات پر بھی خوشی کا اظہار کیا کہ بیرونِ ملک رہتے ہوئے پیپلز پارٹی برمنگھم کے عہدیداران اور کارکنان پارٹی کے نظریے، منشور اور قیادت کے ساتھ بھرپور وابستگی رکھتے ہیں اور پارٹی کا پرچم بلند کیے ہوئے ہیں۔
پیپلز پارٹی برمنگھم کے رہنماؤں نے جناب سردار رسول بخش چانڈیو صاحب کی آمد، حوصلہ افزائی اور قیمتی وقت دینے پر ان کا تہہ دل سے شکریہ ادا کیا۔
پاکستان پیپلز پارٹی برمنگھم اس عزم کا اعادہ کرتی ہے کہ چیئرمین بلاول بھٹو زرداری کی قیادت میں شہید ذوالفقار علی بھٹو اور شہید محترمہ بینظیر بھٹو کے نظریے، جمہوریت، عوامی حقوق اور پارٹی مشن کے فروغ کے لیے اپنی جدوجہد جاری رکھے گی۔
آخر میں جناب سردار رسول بخش چانڈیو صاحب کو ایک مرتبہ پھر برطانیہ آمد پر خوش آمدید کہتے ہیں اور ان کے دورے کے لیے نیک تمناؤں کا اظہار کرتے ہیں۔
جئے بھٹو!
جئے عوام!
پاکستان پیپلز پارٹی زندہ باد!
