JanaSena Telangana, 8-1-246/2, Near Malkam Cheruvu, Chitrapuri Colony, Manikonda, Hyderabad (2026)

12/11/2026

మహబూబాబాద్ జిల్లా జనసేన నాయకులు మెరుగు చక్రపాణి గౌడ్, మహమ్మద్ ఆసిఫ్ ఆధ్వర్యంలో జనసేన పార్టీ చేపట్టిన గ్రాడ్యుయేట్ ఎక్స్‌ప్రెస్ ప్రచార వాహనం మహబూబాబాద్ పట్టణంలోని నలంద డిగ్రీ, జూనియర్ కళాశాలలను సందర్శించింది.

ఈ సందర్భంగా కళాశాలల అధినేత డోలి సత్యనారాయణ, ప్రిన్సిపల్ గట్ల శ్రీపాల్ రెడ్డి, ఉపాధ్యాయులను కలిసి వరంగల్, ఖమ్మం, నల్గొండ పట్టభద్రుల ఎమ్మెల్సీ ఎన్నికల్లో జనసేన పార్టీ బలపరిచిన అభ్యర్థి డాక్టర్ గడల శ్రీనివాసరావు అభ్యర్థిత్వాన్ని వివరించి, ఎన్నికల ప్రచారం నిర్వహించారు.

ఈ కార్యక్రమంలో జనసేన నాయకులు మేకల గోపాల్, NK నాయుడు, ముళ్లపాటి చక్రధర్, షేక్ పాషా, భరత్, అశోక్, షేక్ జావిద్, మురళి, షేక్ అమీర్ తదితరులు పాల్గొన్నారు.

12/11/2026

నవంబర్ 14న ఉమ్మడి వరంగల్ జిల్లా డిజిటల్ మీడియా ఆత్మీయ సమ్మేళనం

జనసేన పార్టీ సిద్ధాంతాలను ప్రజల్లోకి మరింత బలంగా తీసుకెళ్లేందుకు, ప్రజా సమస్యలపై గళమెత్తేందుకు, డిజిటల్ మీడియా వేదికగా జనసేన గళాన్ని మరింత శక్తివంతం చేయాలనే ఆలోచనతో, కార్యచరణ గురించి చర్చించేందుకు వరంగల్ సుప్రభ హోటల్ వేదికపై, నవంబర్ 14న ఉమ్మడి వరంగల్ జిల్లా డిజిటల్ మీడియా ఆత్మీయ సమ్మేళనం జరగనుంది.

జనసేన నాయకులు, జనసైనికులు, వీరమహిళలు, డిజిటల్ మీడియా ప్రతినిధులు ఈ ఆత్మీయ సమ్మేళనంలో పాల్గొని విజయవంతం చేయాలని కోరుతున్నాం.

తేదీ: నవంబర్ 14
సమయం: ఉదయం 10:00 గంటలకు
వేదిక: సుప్రభ హోటల్, వరంగల్.

12/11/2026

తెలంగాణలో జనసేన సంస్థాగత పునర్వ్యవస్థీకరణకు శ్రీకారం

-జూన్ 2 ముందు వరకు ఉన్న అన్ని పార్లమెంట్, జిల్లా, అసెంబ్లీ, జీ.హెచ్.ఎం.సీ. ఇన్చార్జ్ పదవులు, పీ.వో.సీ. పదవులు, పార్లమెంట్, ఎమ్మెల్సీ కోఆర్డినేటర్లు, అన్ని అడ్హక్ కమిటీలు, మున్సిపల్, కార్పోరేషన్ కమిటీలు, నియామకాల రద్దు

-కొత్త కమిటీలు, బాధ్యతలతో 2029 ఎన్నికలు, జీ.హెచ్.ఎం.సీ, ఎం.ఎం.సీ, సీ.ఎం.సీ, మున్సిపల్, కార్పోరేషన్, జెడ్పీటీసీ, ఎంపీటీసీ స్థానిక సంస్థల ఎన్నికలు, పట్టభద్రుల ఎమ్మెల్సీ ఎన్నికలకు పూర్తి స్థాయిలో పోటీకి సన్నద్దత

-గతంలో నిర్వహించిన పదవులు రద్దనేది ముగింపు కాదు, వారికి మరింత క్రమబద్ధమైన, సమర్థవంతమైన, జవాబుదారీతనంతో కూడిన బాధ్యతలను అప్పగిస్తూ నూతన వ్యవస్థకు మార్గం సుగమం చేసే నిర్ణయం

-తెలంగాణ ప్రజాక్షేత్రంలో నిరంతరం పనిచేసే రాజకీయ శక్తిగా జనసేనను తిర్చిదిద్దాలన్నదే ప్రధాన లక్ష్యం

12/11/2026

నవంబర్ 14న జనసేన పార్టీ తెలంగాణ రాష్ట్ర వీర మహిళల ఆత్మీయ సమావేశం

జనసేన పార్టీ రాష్ట్ర ఆర్గనైజింగ్ సెక్రటరీ డా. గడల శ్రీనివాసరావు గారి ఆధ్వర్యంలో వీర మహిళల ఆత్మీయ సమావేశం నిర్వహిస్తున్నాము. సంస్థాగత విస్తరణలో వీర మహిళల భాగస్వామ్యం, నాయకత్వంలో వీర మహిళలకు ప్రాధాన్యం, పార్టీ బలోపేతం.. తదితర అంశాలను గురించి ముఖాముఖీ చర్చించేందుకు నవంబర్ 14, శనివారం ఉదయం 10 గంటలకు మాదాపూర్ జూబ్లీ రిడ్జ్ వేదికపై వీర మహిళల ఆత్మీయ సమావేశం జరగనుంది.

ఈ సమావేశంలో తెలంగాణ రాష్ట్ర వీర మహిళలు పాల్గొని మీ విలువైన అభిప్రాయాలు, సూచనలను పంచుకోవాలని సాదరంగా ఆహ్వానిస్తున్నాము.

తేదీ: 14 నవంబర్ 2026, శనివారం
సమయం: ఉదయం 10 గంటలకు
వేదిక: జూబ్లీ రిడ్జ్, మాదాపూర్,హైదరాబాద్

11/11/2026

జనసేన మహబూబ్‌నగర్ డిజిటల్ మీడియా సమ్మేళనం

జనసేన పార్టీ సిద్ధాంతాలను ప్రజల్లోకి తీసుకెళ్లేందుకు, ప్రజా సమస్యలపై గళమెత్తేందుకు, డిజిటల్, సోషల్ మీడియాను ప్రజా చైతన్య వేదికగా మలిచేందుకు.. జనసేన పార్టీ సోషల్ అండ్ డిజిటల్ మీడియా విభాగం ఆధ్వర్యంలో నిర్మల్ కన్వెన్షన్ హాల్, (SVS హాస్పిటల్ ఎదురుగా), మహబూబ్‌నగర్ వేదికపై నవంబర్ 15 ఆదివారం ఉమ్మడి మహబూబ్‌నగర్ జిల్లా డిజిటల్ మీడియా సమ్మేళనం నిర్వహించబడుతోంది.

ఈ సమ్మేళనం ద్వారా డిజిటల్ మీడియా ప్రతినిధులు, సోషల్ మీడియా కార్యకర్తలు, జనసైనికులు ఒకే వేదికపైకి వచ్చి పార్టీ బలోపేతం, డిజిటల్ ప్రచార వ్యూహాలు, ప్రజా సమస్యలపై సమర్థవంతమైన సమాచార వ్యాప్తి వంటి అంశాలపై చర్చించనున్నారు.

తేదీ: నవంబర్ 15, 2026 (ఆదివారం)

వేదిక: నిర్మల్ కన్వెన్షన్ హాల్, SVS హాస్పిటల్ ఎదురుగా, మహబూబ్‌నగర్.

11/11/2026

వరంగల్, ఖమ్మం, నల్గొండ పట్టభద్రుల ఎమ్మెల్సీ ఎన్నికల ప్రచారంలో భాగంగా జనసేన పార్టీ అభ్యర్థి డాక్టర్ గడల శ్రీనివాసరావుకి మద్దతుగా చేపట్టిన గ్రాడ్యుయేట్ ఎక్స్‌ప్రెస్ వాహనం కేసముద్రం మండలంలో విస్తృతంగా పర్యటించింది.

మహబూబాబాద్ నియోజకవర్గ జనసేన నాయకులు మెరుగు చక్రపాణి గౌడ్, మహమ్మద్ ఆసిఫ్ సూచనల మేరకు, కేసముద్రం మండల జనసేన నాయకులు చెవుగాని ప్రవీణ్ ఆధ్వర్యంలో ఈ ప్రచార కార్యక్రమం నిర్వహించారు.

ఈ సందర్భంగా నిరుద్యోగ పట్టభద్రుడైన చెవుగాని ప్రవీణ్ మాట్లాడుతూ, పట్టభద్రుల సమస్యలను శాసనమండలిలో బలంగా వినిపించేందుకు డాక్టర్ గడల శ్రీనివాసరావు గారికి మొదటి ప్రాధాన్యత ఓటు వేసి గెలిపించాలని పట్టభద్రులు, జనసేన శ్రేణులకు పిలుపునిచ్చారు.

ఈ కార్యక్రమంలో పట్టభద్రులు చెవుగాని ప్రవీణ్, కొయ్యడ సాయి, ఆడేపు శివ, షేక్ ఖాదర్, బొల్లోజు సాయి, ఊరుకొండ సిద్ధార్థ, గంధసిరి కళ్యాణ్, షేక్ అజమ్, దుండి అఖిల్ తదితరులు పాల్గొన్నారు.

11/11/2026

గ్రేటర్ వరంగల్ పరిధిలోని కాజీపేట వైఎస్ఆర్ నగర్ కాలనీలో గత 20 ఏళ్లుగా నివసిస్తున్న పేద ప్రజల గుడిసెలను కూల్చివేసి, వారిపై దౌర్జన్యానికి పాల్పడి, దాడి చేసిన ఘటనపై సమగ్ర విచారణ జరిపి బాధ్యులపై చట్టపరమైన చర్యలు తీసుకోవాలని జనసేన పార్టీ డిమాండ్ చేస్తోంది.

ఈ నేపథ్యంలో హన్మకొండ పర్యటనకు వచ్చిన తెలంగాణ ఉప ముఖ్యమంత్రి మల్లు భట్టి విక్రమార్కను జనసేన పార్టీ రాష్ట్ర నాయకులు డా. పద్మజ దేవి, గాదె పృథ్వీ కలిసి వినతిపత్రం అందజేశారు.

గతంలో దివంగత ముఖ్యమంత్రి వైఎస్ రాజశేఖర్ రెడ్డి వైఎస్ఆర్ నగర్ కాలనీవాసులకు ఇంటి పట్టాలు మంజూరు చేస్తామని ఇచ్చిన హామీని అమలు చేయాలని, గత 20 ఏళ్లుగా అక్కడ నివసిస్తున్న అర్హులైన పేద కుటుంబాలకు ఇంటి పట్టాలు అందజేసి న్యాయం చేయాలని జనసేన పార్టీ తరఫున డిమాండ్ చేశారు.

ఈ కార్యక్రమంలో జనసైనికులు పిట్టల మధుసూదన్, గుండెకారి రవితేజ, కాలనీవాసులు భవాని, శిరీష, యాసిన్, సాయి కుమార్, అంజలి తదితరులు పాల్గొన్నారు.

10/11/2026

జనసేన పార్టీ బలపరిచిన ఖమ్మం, వరంగల్, నల్గొండ పట్టభద్రుల ఎమ్మెల్సీ అభ్యర్థి డాక్టర్ గడల శ్రీనివాసరావుకు మొదటి ప్రాధాన్యత ఓటు వేసి గెలిపించాలని కోరుతూ సత్తుపల్లిలో జనసేన నాయకులు ప్రచారం నిర్వహించారు.

ఎమ్మెల్సీ ఎన్నికల కోఆర్డినేటర్ మంథని సంపత్, రాష్ట్ర నాయకులు వడ్లకొండ జీవన్ ఆదేశాల మేరకు, బండి నరేష్ సూచనలతో సత్తుపల్లి నాయకులు మిరియాల శివాజీ చైతన్య టెక్నో స్కూల్‌ను సందర్శించి ఉపాధ్యాయులతో సమావేశమయ్యారు. అర్హులైన పట్టభద్రులు ఓటరుగా నమోదు చేసుకోవాలని విజ్ఞప్తి చేశారు.

ఈ కార్యక్రమంలో సింగపోగు అప్పారావు, జబీర్ సయ్యద్, కరుణ దండు, నారా శ్రీనివాస్, మిట్టపల్లి సత్యనారాయణ తదితర జనసేన నాయకులు పాల్గొన్నారు.

10/11/2026

సత్తుపల్లిలోని చైతన్య టెక్నో స్కూల్‌ను సందర్శించి, ఉపాధ్యాయులతో సమావేశమైన జనసేన పార్టీ నాయకులు తెలంగాణలో పార్టీ ఆశయాలు, సిద్ధాంతాలు, ప్రజా ప్రస్థానం గురించి వివరించారు.

శ్రీ Pawan Kalyan గారి నాయకత్వంలో పక్క రాష్ట్రంలో జనసేన పార్టీ నిజాయితీ, నిబద్ధత, నిష్పక్షపాతంతో ప్రజా సంక్షేమం, సమాజ మార్పు కోసం చేస్తున్న కృషిని వివరించారు. చదువుకున్న, సామాజిక స్పృహ కలిగిన వ్యక్తులు రాజకీయాల్లోకి రావాల్సిన అవసరాన్ని, భావి తరాలకు మార్గనిర్దేశం చేసే ఉపాధ్యాయుల పాత్ర సమాజ నిర్మాణంలో ఎంత కీలకమో తెలియజేశారు.

అలాగే, కరోనా విపత్కర సమయంలో ప్రజలకు విశేష సేవలందించిన జనసేన పార్టీ ఖమ్మం, వరంగల్, నల్గొండ పట్టభద్రుల ఎమ్మెల్సీ అభ్యర్థి డాక్టర్ గడల శ్రీనివాసరావు గారి సేవలు, సామాజిక కార్యక్రమాలను వివరించారు. రానున్న ఎమ్మెల్సీ ఎన్నికల్లో ఆయనకు మొదటి ప్రాధాన్యత ఓటు వేసి గెలిపించాలని ఉపాధ్యాయులను కోరారు.

10/11/2026

కోఠిలోని తెలంగాణ మెడికల్ కౌన్సిల్ ఎదుట 34 రోజులుగా శాంతియుతంగా నిరసన తెలుపుతున్న FMG వైద్య విద్యార్థులను అరెస్ట్ చేయడం కాంగ్రెస్ ప్రభుత్వ నిరంకుశ వైఖరికి నిదర్శనం.

సుప్రీంకోర్టు తీర్పు ప్రకారం నెలకు రూ.29,792 స్టైపెండ్‌తో పాటు, జనవరి 2026 నుంచి పెండింగ్‌లో ఉన్న బకాయిలను విడుదల చేయాలని వారు కోరుతున్నారు. ఇది వారి న్యాయమైన హక్కు. వారి సమస్యలను పరిష్కరించాల్సిన ప్రభుత్వం పోలీసులతో అణచివేయాలని చూడటం సిగ్గుచేటు.

ఎన్నికల ముందు హామీలు.. అధికారంలోకి వచ్చాక అరెస్టులా?

వైద్య విద్యార్థుల గొంతు నొక్కడం కాదు, వారి న్యాయమైన డిమాండ్లను పరిష్కరించడం ప్రభుత్వ బాధ్యత. అరెస్టు చేసిన విద్యార్థులను తక్షణమే విడుదల చేసి, పెండింగ్ స్టైపెండ్ బకాయిలను వెంటనే చెల్లించాలని జనసేన పార్టీ తెలంగాణ డిమాండ్ చేస్తోంది.

Anumula Revanth Reddy Office of Chief Secretary, Telangana Govt.