07/11/2026
सालबारि जिल्ला दुलाराय बर' हारिमु आफादनि खुंगा 4 थि बोसोरसालिया जथुमाजों लोगोसे मोसानाय आरो दामजु दामनाइ सोलोंनाइजों (मोसानाय,खाम, सिफुं,सेरजा)लायनायनि मावबादा 4,5,6 आरो 7 सानब्रैनि हाबाफारिजों खुंफुंनाइया दिनै जोबथा सान।
बे सानब्रैनि हाबाफारिजों खुंफुंनाय हाबाफारियाव गासै सा 1000 निबो बांसिन लाइमोन मोसाखावरि आरो दामजु दामगिरिफोरा बाहागो लादोंमोन। गोबां मोसाखावरि आरो दामजु दामगिरिफोरा बाहागोलानायाव सालबारि जिल्ला दुलाराय बर' हारिमु आफादनि 4 थि बोसोरसालिया जथुमा लोगोसे हारिमु मावबादाया जोबनानै थांबाय ।
हारिमु मावबादा जोबनानै थांनायजों लोगोसे दिनै जोबथा सानाव बारदै सिख्ला मोसानाय बादायलायनाय बो खुंफुंनाय जायो । बारदै सिख्ला मोसानाय बादायलायनायखौ बेखेवनानै होयो BCAA नि बोसोनगिरि आरो बर' सावथुन मुलुगनि फेस्ला फावगिरि फैला जे (जोंस्रां)बरगयारिआ ।
आरो बेलासे समाव गेवलां मेल खुंफुंनोबो साखाफारा जादों । गेवलां मेला जोंबनाय लोगोनो मोनाबिलि समाव हारिमु मोनाबिलि खुंफुंजागोन ,हिरिमु मोनाबिलियाव हांख्राइजानाय मेथाइ रोजाबगिरि महरै बाहागो लागोन कक्राझारनि नयन बरगयारि आरो बाक्सानि धनजिता बर', हारिमु मोनाबिलिखौ बेखेवनानै होगोन कामेस्वर बरआ। बारदै सिख्ला मोसानाय बादायलायनायखौ बेखेवनानै होयो लोगोसे BCAA नि बोसोनगिरि आरो बर' सावथुन मुलुगनि फेस्ला फावगिरि फैला जे (जोंस्रां) बरगयारिआ खौरां बिजोंनि गेजेरजों मा होरमाइदों फै जों खौरांनि गेजेरजों आबुं बाथ्राखौ मिथिना लानि।
