Nawrozy Mangr

27/10/2026

🎼 کاتێک وشە دەبێتە گۆرانی…

من لەگەڵ دەنگە بەسۆزەکەی ، تەنها گوێگر نیم ، بەڵکو مێژوویەک و بەشێکی گەورەی ڕوحم لەو وشانەدایە کە دەبنە هەست ، دەبنە دەنگ و لە دڵی خەڵکدا دەژین.

خۆشحاڵم کە وشەکانی من و دەنگی هونەرمەند دیاری قەرەداغی لە ڕێگەی هەست و سۆز و هونەر و گۆرانییەوە یەک دەگرنەوە و گەیشتوون بە خەڵکی خاوەن چيژی هونەری و جوانی کوردستان ، چونکە گۆرانی تەنها دەنگ نییە ؛
بەڵکو ئاوێزان و یەکگرتنی دونیای شیعر و موزیک و وشە و دەنگە، بۆ دروستکردنی هەستێک کە لە دڵدا دەمێنێتەوە.

✍️

24/10/2026

24/10/2026

شاعیری کۆچکردوو

حەمە عومەر عوسمان

17/10/2026

بانگەوازێکی مرۆڤدۆستانە

هاوڵاتیانی خۆشەویستی #سلێمانی

شێرپەنجە تەنها نەخۆشییەکی تاکەکەس نییە ؛ بەڵکو خێزانێکیش لەگەڵ نەخۆشەکەدا ڕووبەڕووی ئازار و تێچووی قورس دەبێتەوە ، هەربۆیە بانگەواز بۆ هەموو لایەک دەکەین دەست بە دەست و دڵ بە دڵ ، هەنگاوێکی مرۆڤدۆستانە بنێین و هیوایەک بۆ ئەو خۆشەویستانە دروست بکەین کە پێویستیان بە پاڵپشتییە.

داوا لە هەموو کەسێکی دڵسۆز دەکەین ، بە پێی توانای خۆی بەشداری لە کۆکردنەوەی کۆمەک بۆ نەخۆشانی شێرپەنجە لە شاری سلێمانی بکات ؛ چونکە هەر کۆمەکێک لە دەستتاندا هەبێت و هەرچەندە کەمیش بێت ، دەتوانێت ببێتە هۆی گۆڕانێکی گەورە لە ژیانی کەسێکدا.

بەڵام تکایە با ئەم کۆمەک و هەڵوێستە مرۆڤدۆستانەیە بە سەرپەرشتی کۆمەڵێک لە کەسایەتییە ژن و پیاوماقوڵەکانی شار بکرێت ؛ ئەو کەسایەتییانەی بە پاکی ، دڵسۆزی و مێژووی مرۆڤدۆستانەیان ناسراون.
وە هەموو کۆمەکەکان بە ئەمانەت و ڕوونی تۆمار بکرێن و بەپێی پێویستی ، بە هاوکاریی لایەنە پەیوەندیدارەکان ، بگەنە دەستی کەسانی تووشبوو بە شێرپەنجە.

با بە هاوکاریی یەکتر ، هیوایەک ببەخشین و بڵێین: لە ڕووبەڕووبوونەوەی ئەم نەخۆشییەدا ، هیچ کەسێک بە تەنیا نییە.

.



(ئەم هەنگاوە بۆ پشتگیریی تووشبووان بە شێرپەنجەیە ، تکایە پۆستەکە بڵاوبکەرەوە ، بۆ ئەوەی دەنگی هاوکارییەکەمان بگاتە کەسانی زیاتر )..

تێبینی : هەنگاوێکی خيرا و ئاسان دادەنێن ، کە لە ڕێگای مۆبایلەکەتەوە هاوکاری بخەیتە سەر هەژماری بانکی شێرپەنجە ..

12/10/2026

زیرەکی تەنها لە زانیاریدا نییە…

زیرەکیی ڕاستەقینە لەوەدایە کە بتوانیت تێبگەیت لەوانەی جیاواز لە تۆ بیر دەکەنەوە ، بەڕێزەوە گفتوگۆ بکەیت ، بەبێ سووکایەتی ڕەخنە بگریت ، و یارمەتیی کەسانی دیکە بدەیت ، بەبێ ئەوەی هەستیان بریندار بکەیت.
چونکە ڕۆشنبیری تەنها ئەوە نییە کە زۆر بزانیت ؛ بەڵکو ئەوەیە چۆن مامەڵە لەگەڵ مرۆڤ و جیهان دەکەیت.

دیمیتری لیخاچۆف- Дмитрий Лихачёв

01/10/2026

یەکەم بارانی دوای گەرمای هاوین… 🌧️🍃

بۆنی خاکی تەڕ و دار و درەختی سروشتی جوانی کوردستان، لەگەڵ دەنگی هەورەکان، وەک میوانێکی نازداری پاییز دێنە ناو ناخ و هەست و هۆشمان؛ هەستەکانمان زیندوو دەکەنەوە و دەمانگەڕێننەوە ناو باوەشی ژیان…

بەو هیوایەی یەکەم بارانی ئەم وەرزە ببێتە مایەی خۆشی، ئارامی و ئاسوودەیی بۆ هەمووان . 🌧️

ئەی هەورەکە

هۆنراوەی : نەورۆز مانگر
وتنی : دیاری قەرداغی
موزیک : کاوان عومەر

29/06/2026

هۆنراوەی :
وتنی :
ئاواز&ئارانجە :

لە لێواری داڕمان و لە دەستدانی کلتوور و ڕۆشنبیری و ئەدەب و هونەر و ژیانی مەدەنییەت و ڕێزگرتن و شارستانی بوون و هەستی جوانناسی و شێواندنی مێژوو و لەدەستدانی ناسنامەی شار و ڕوحی شارێتی ( ترس لە فەوتانی ئەو ڕوحەی کە کرد بە سلێمانی ) ئەو شارەی لە تەواوی کوردستان و دونیادا بە ڕۆشنبیری ناسراوە ..

ئەوەی حاڵی حازر لە شاری سلێمانیدا ئەگوزەرێ ، پێچەوانەی هەموو ئەو مێژووەیە کە بناغەی ئەم شارەی لەسەر دروستکراوە و هەزارەها ڕوحی پاک گیانی بۆ بەخشیووە .
گەر سەرکردە و پێشەواو و ڕۆشنبییر و ئەدیبان و هونەرمەدانی و خەڵکە دڵسۆزە کۆچککردووەکانی زیندوو بکەنەوە ، هەرگیز ئەم شارە ناناسنەوە ..

ئەم شارە لە ئێستادا لە لادێیەکی گەورە ئەچێت ، دەستی دەرەکی بە پلان و نەخشەی داڕێژراو بەرەو لێواری داڕمانی ئەبەن ، ئەویش بە کوشتنی ڕوحی شارییانە و کلتوور و فەرهەنگەکەی …
ئاخر ڕەوایە کە سەر بەم شارەدا بکەیت ، یەکسەر بکەویتە ناو گێژاوی جەنجاڵییەک کە ئارامی تێدا نابینیت ، ساناترین نموونە ( نیشتەجێکردنی ئەم هەموو خەڵکە بە ڕەگەز عەرەبانەیە و بەردانیانە لە گیانی خەڵکە شارییەکەی کە خوێنیان بەخشیووە بۆ پاککردنەوەی شارەکەیان لە هەموو ئەو وەیشوومانەی کە ڕۆژانێک بووبوونە جێگای ترس بۆ سڕینەوەی ناسنامەی شارێتی سلێمانی ..
یەکێک لە دیاردە هەرە دیار و ناقۆڵاکانی ناو ئەم شارە ، لە جیاتی دروستکردنی ڕێگا و بانی میترۆ و ترامی سەر شەقام ، هێنان و خستنە بازاڕی ئەو سوپایە لە ( ماتۆڕی شەق و شڕی ناشارستانییە ) کە ئارامی لە خەڵکی شار بڕیوە و کردوویەتی بە شارێک شەقام و گەڕەک و ناو سیتییەکانی پێ بێزار ئەکرێت و بە نایاسایی هەموو بنەماکانی هاتووچۆیان تێکداوە و دڵەڕاوکێیان بۆ هاوڵاتیان و شوفێر خوڵقاندووە ، هەروەها ڕێگەدان بەو مێگەلە لە شێت و سواڵکەری بێگانە و ڕێگەدانیان بە فرۆشتنی خواردنی سەر عەرەبانە لە چەقی شار و شوێنی گەشت و گوزاری شارەکە ، کە هیچی خەڵکی شاری سلێمانی نین و کەس نازانێت لە کوێوە دێن و کێ ڕێگایان پێ ئەدات ، کە شاری ڕۆشنبیری بکەن بە زبڵخانە و بازاڕ و سەنتەری شار و شەقامی شەهۆڵەکە و دەیەها گەڕەکی پێ بکەن بە شاری لۆنی هیندستان !؟ ..