Sveitarfélagið Árborg

Vináttu í nærumhverfi á Strandheimum fagnað fjórða árið í röð

Leikskólinn Strandheimar hefur skapað þá hefð að fagna vináttuverkefni elsta árgangs barna á Eyrarbakka og Stokkseyri með því að eyða heilum degi saman í útikennslu og leik í Hallskoti í lok skólaárs.

Þetta er ævintýralegur dagur fyrir börn og starfsfólk þar sem sköpunarkraftur, gleði og frelsi ráða för. Börnin fara í skemmtilega leiki úti í náttúrunni, byggja kofa, veiða, hvíla sig í hengirúmum, tálga ofl. Þau grilla saman hádegisverðinn og eiga yndislega samveru.

Verkefnið Vinátta í nærumhverfinu felst í því að elstu börn leikskólans hittast einu sinni í mánuði, til skiptis á Brimveri á Eyrarbakka og Æskukoti á Stokkseyri og verja þar deginum saman við leik og störf. Til að fagna velgengni verkefnisins, vináttu og tengsla barnanna er skemmtileg hefð að eyða deginum saman í ævintýraskóginum Hallskoti enda staðurinn tilvalinn til útikennslu.

Erum við ekki öll farin að pússa spariskóna og blása í lúðrana?

Hæ hó og jibbí jeij, það verður fjölbreytt hátíðardagskrá á Selfossi og Eyrarbakka fyrir alla aldurshópa. Sjá nánari dagskrá hér og á vefsíðu sveitarfélagsins 🥳🇮🇸😍🎈📯

Tilkynning | Vinna við Eyraveg mánudaginn 15. júní

Íbúar eru vinsamlegast beðnir um að leggja ekki við Eyraveg 8 - 24 þann 15. júní vegna framkvæmda við bílastæði.

Þökkum skilninginn,
Mannvirkja og umhverfissvið Árborgar

Opnunarhátíð Hafsjór - Oceanus hefst í dag við Óðinshús á Eyrargötu - Eyrarbakka. 🎨🌞🥳

17. júní hátíð á Eyrarbakka 2026

Þjóðhátíðardagurinn verður haldinn hátíðlegur í íþrótta- og samkomuhúsinu Stað, Eyrarbakka.
Sjá nánari dagskrá á viðburðadagatali arborg.is

Malbikunarframkvæmdir í gangi á Suðurhólum í dag. Malbikað verður um 4800 fm2 svæði. ☀🚛💚

Ljósmyndari: Magnús Ingi Eggertsson

Oceanus „Stórsjór“ fer fram í fimmta sinn á Eyrarbakka

35 alþjóðlegir listamenn taka þátt í listamannadvöl og sýningarhátíð.

Dagana 15. maí–15. júní 2026 fer fimmta útgáfa Oceanus „Stórsjór“ fram á Eyrarbakka. Um 35 listamenn frá ólíkum heimshornum koma saman í sjávarþorpinu til að taka þátt í mánaðarlangri listamannadvöl sem lýkur með sýningum, gjörningum, tónlistarviðburðum, opnum vinnustofum og fjölbreyttri dagskrá fyrir almenning.

Á aðeins fimm árum hefur Oceanus fest sig í sessi sem einstakur vettvangur fyrir samtímalist á Íslandi. Hátíðin er listamannarekið frumkvæði sem byggir á samveru, samstarfi og tengingu við staðinn. Á hverju ári umbreytist Eyrarbakki í lifandi samfélag listamanna þar sem ný verk, samtöl og vináttubönd verða til í nánu sambandi við sögu þorpsins, náttúru þess og íbúa.

Frétt í fullri lengd í fyrstu athugasemd.