Malagasy Miara-Miainga - MMM

Call Website Contact the organization

Malagasy Miara-Miainga - MMM "Izay manoro lalana mahitsy, mamindra aina"

Ambohimpihaonan'ireo mpikatroka MMM aty amin'ny faritra Sofia ny teto Boriziny androany.Nahatonga solontena avokoa ny di...
24/10/2026

Ambohimpihaonan'ireo mpikatroka MMM aty amin'ny faritra Sofia ny teto Boriziny androany.Nahatonga solontena avokoa ny distrika fito dia: Analalava, Antsohihy, Befandriana avaratra,Bealanana, Boriziny,Mampikony ary Mandritsara.

Nafana ny fifanakalozan-kevitra, niverimberina matetika ny olan'ny rano fisotro madio,ny fambolena sy ny fiompiana,ny fanabeazana ary ny tsy fandriampahalemana.Samy resy lahatra ny rehetra fa tsy azo ialana intsony ny hametrahana ny faritra mahazaka tena, hahafahan'ny faritra tsirairay mamaha ireo olona ireo.

Tsy nohadinoin'ny Filohan'ny MMM Atoa Hajo Andrianainarivelo no nitondra hafatra ho an'ireo mpizaika ny amin'ny tokony hahasaro-piaro ny tsirairay amin'ny safidiny,ary indrindra ny fahasahiana mijoro amin'ny foto-kevitra vohizin'ny Antoko.

Hitohy any amin'ny faritra Analanjirofo sy ny faritra Itasy ny fakan-kevitra ataon'ny MMM eny ifotony,hanaporofoan'ny Antoko ny fahavononany handray anjara mavitrika amin'ny fikaonandoham-pirenena izay tarihin'ny FFKM.






https://www.malagasy-miara-miainga.mg/

Teto Ambositra renivohitry ny faritra Amoron'i Mania no nanohizan'ny Antoko MMM ny fikaonandoham-paritra androany.Sehatr...
17/10/2026

Teto Ambositra renivohitry ny faritra Amoron'i Mania no nanohizan'ny Antoko MMM ny fikaonandoham-paritra androany.

Sehatra nahafahan'ireo olom-pirenena avy any amin'ny Distrikan'i Fandriana,Ambatofinandrahana,Manandriana, ary Ambositra nitondra ny heviny mahakasika ny zava-misy iainan'izy ireo eny ifotony.

Marolafy ny hevitra nivoaka fa ny tena nibahan-toerana dia ny tokony hanomezana fahefana feno ny isam-paritra,hamahana haingana ny olana eny ifotony, indrindra eo amin'ny sehatry ny fahasalamana,tsy fandriampahalemana ary ny fanabeazana.

Hentitra ny Filohan’ny Antoko, Atoa Hajo Andrianainarivelo raha nilaza fa ny fikaonandoham-pirenena ihany no hahafahana manapaka ny karazana fifidianana hatao mba hametrahana ireo rafitra sy andrim-panjakana voalazan’ny Lalàmpanorenana vaovao, izay nolaniana tamin'ny fitsapan-kevi-bahoaka.

Ary mialohan'ireo rehetra ireo dia mila havaozina ny lalĂ na fototra mikasika ny fifidianana sy ny CENI.






Rohy:https://www.malagasy-miara-miainga.mg/

FANAMBARANA 005/MMM/202614 Oktobra 2025 - 14 Oktobra 2026.Amin’izao tsingerintaona voalohan’ny Fitondrana Fanavaozana iz...
14/10/2026

FANAMBARANA 005/MMM/2026

14 Oktobra 2025 - 14 Oktobra 2026.

Amin’izao tsingerintaona voalohan’ny Fitondrana Fanavaozana izao, ny Antoko Malagasy Miara-Miainga dia maneho ny fiarahabana sy ny firariantsoa ho an’ny Filohan’ny Fanavaozana sy ireo Mpanolotsaina Avo.

Manamafy ny fanohanany ny Fitondrana Fanavaozana tarihin’ Andriamatoa Michaël Randrianirina sy ireo Mpanolotsaina Avo ny Antoko MMM ary maneho hatrany ny fahavononany hiara-hiasa amin’ny fanatanterahana ireo fanovana ho entina hanorenana firenena vanona sy hampandrosoana an’i Madagasikara.

Fantatry ny MMM fa mbola maro ireo fanamby miandry ny firenena. Mitaky fahavononana, fandraisana andraikitra ary fiaraha-mientan’ny rehetra ny fanatanterahana izany, mba hahazoan’ny Malagasy vokatra mivaingana eo amin’ny fiainany andavanandro.

Ny Antoko MMM dia vonona hatrany hiaradia amin'ny Fitondrana ho an'ny fanamafisana ny demokrasia sy ny tany tan-dalàna, ny ady amin’ny kolikoly,ny fanatsarana ny fiainan'ny olom-pirenena,ary hanomana ho avy tsaratsara kokoa ho an'ny tanora.

Ho an'ny Taninjanaka !

------------------------------------

COMMUNIQUÉ 005/MMM/2026

14 octobre 2025 – 14 octobre 2026

À l’occasion du premier anniversaire du Régime de la Refondation, le parti Malagasy Miara-Miainga (MMM) adresse ses félicitations et ses vœux de réussite au Président de la Refondation ainsi qu’aux Hauts Conseillers.

Le MMM réaffirme son soutien au Régime de la Refondation, dirigé par Monsieur Michaël Randrianirina, et les Hauts Conseillers. Le MMM renouvelle également son engagement à contribuer, aux côtés des autorités, à la mise en œuvre des réformes nécessaires à la construction d’un État responsable et au développement de Madagascar.

Si des avancées ont déjà été enregistrées, de nombreux défis restent à relever. Leur réalisation exige une volonté constante, un sens élevé de responsabilité et une mobilisation collective, afin que les efforts engagés se traduisent par des améliorations concrètes et durables dans le quotidien des Malgaches.

Fidèle à cet engagement, le MMM entend poursuivre sa collaboration avec le Régime de la Refondation pour consolider la démocratie et l’État de droit, lutter contre la corruption, améliorer les conditions de vie de la population et offrir de meilleures perspectives d’avenir à la jeunesse.

Pour la Patrie !

https://www.malagasy-miara-miainga.mg/

Feno hipoka ny efitrano teto Antsirabe,Renivohitry ny faritra Vakinankaratra nandritra ny fikaonandohan’ny Antoko MMM an...
10/10/2026

Feno hipoka ny efitrano teto Antsirabe,Renivohitry ny faritra Vakinankaratra nandritra ny fikaonandohan’ny Antoko MMM androany.

Nafana ny adihevitra niarahana tamin’ireo mpizaika avy amin’ny distrika fito izay ahitana: Ambatolampy, Antanifotsy, Antsirabe I, Antsirabe II, Betafo, Faratsiho ary Mandoto.

Lohahevitra maro samihafa no nodinihina ka ohatra amin'izany ny tokony hanohanana ireo tanora atleta Malagasy avy eto Vakinankaratra,ny ahiahin’ireo mpampianatra sy ray aman-drenin'ny mpianatra manoloana ny fanavaozana ny rafi-pampianarana kasaina hatao, ny zon’ireo olona manana fahasembanana,ary ny olana sedrain’ireo tantsaha mpamokatra.

Manoloana ireo hetaheta samihafa ireo, dia nanamafy ny Antoko MMM fa tsy misy afa-tsy ny fametrahana ny faritra mahazaka tena no hahafahan’ny faritra tsirairay mandray an-tanana sy mamaha ireo olana miantraika amin’ny fiainan’ny olom-pirenena eny ifotony.






Rohy:https://www.malagasy-miara-miainga.mg/

Ny faritra Atsimo Atsinanana no nanohizan’ny Antoko Malagasy Miara-Miainga ny fakan-kevitra tety ifotony androany. Voaso...
03/10/2026

Ny faritra Atsimo Atsinanana no nanohizan’ny Antoko Malagasy Miara-Miainga ny fakan-kevitra tety ifotony androany. Voasolontena avokoa ireo distrika dimy : Befotaka, Farafangana, Midongy, Vangaindrano ary Vondrozo.

Manakaiky ny fikaonandoham-pirenena. Zava-dehibe, araka izany ny fifanakalozan-kevitra sy ny fihainoana ny hetahetan’ireo mpiray tanindrazana isam-paritra, mba hahafahana mamolavola fehin-kevitra iraisana hoentin’ny MMM any amin’ny dinika nasionaly, ary hanatsarana hatrany ny vinan’ny Antoko.

Nohamafisin’ny Filohan’ny Antoko, Atoa Hajo Andrianainarivelo, fa tokony homena ny tompon’andraikitra eny ifotony ny anjara andraikitra, ny fahefana ary ny enti-manana ilainy mba hiainga eny ifotony ny fampandrosoana hahafahan'ny faritra tsirairay mahazaka tena.






Rohy:https://www.malagasy-miara-miainga.mg

Ny fandraharahana (Entreprenariat),ny fandraisam-pitenenana imasom-bahoaka (Art oratoire et Rhétorique),ireo taranja roa...
27/09/2026

Ny fandraharahana (Entreprenariat),ny fandraisam-pitenenana imasom-bahoaka (Art oratoire et Rhétorique),ireo taranja roa ireo no namaranana ny fotoam-piofanana voalohany (Première session) teo anivon'ny Akademia Malagasy Miara-Miainga.

Nalaina nisaraka ny rehetra, satria mangetaheta fahalalana ny tanora.Tsy adinon'ny filoha Nasionalin'ny Antoko Atoa Hajo Andrianainarivelo ny nirary soa sy nifampizara tamin'izy ireo.

Nambarany fa vonona hatrany ny tenany hanohana ny tanora,ary mila sahy mandray andraikitra ny tanora satria eo am-pelatanany ny ampitson'ny firenena.

Afa-po tanteraka ireo mpiofana tamin'ny fahalalana norantovina ka hitohy tsy ho ela ny fotoam-piofanana faharoa (deuxième session)izay hianaran'izy ireo taranja maro samihafa indray.






Rohy:https://www.malagasy-miara-miainga.mg

Fahaiza-mitarika(Leadership), Etika sy Fahitsiana(Éthique et Intégrité),ary ny Fitantanan-draharaham-panjakana( Initiati...
26/09/2026

Fahaiza-mitarika(Leadership), Etika sy Fahitsiana(Éthique et Intégrité),ary ny Fitantanan-draharaham-panjakana( Initiation à l'Administration Publique).Ireo no seha-piofanana telo lehibe nodinihin’ireo tanora ao amin’ny Akademia Malagasy Miara-Miainga androany.

Fahalalana fototra tena ilaina ho an’ireo tanora mikasa ny hirotsaka sy handray andraikitra ara piaraha-monina sy ara-politika eto amin'ny firenena rahatrizay.

Mpampiofana manana traikefa sy efa nitana andraikitra ambony teto amin’ny firenena, ary mpikambana ao amin’ny Birao Politikan’ny Antoko, no nizara ny traikefany sy ny fahalalany tamin’ireo tanora ireo.

Hitohy rahampitso ny fiofanana ka ny resaka fandraharahana (Entreprenariat) sy ny fandraisam-pitenena imasom-bahoaka(Art oratoire) no hodinihina sy hianarana.






Rohy:https://www.malagasy-miara-miainga.mg/

Natsangana tamin’ny fomba ofisialy androany ny Akademia Malagasy Miara-MiaingaTetikasan’ny Antoko natao hanofanana sy ha...
25/09/2026

Natsangana tamin’ny fomba ofisialy androany ny Akademia Malagasy Miara-Miainga

Tetikasan’ny Antoko natao hanofanana sy hampivelarana ny fahaizan’ny tanora eo amin’ny sehatry ny politika, ny fitantanana ary ny fiainam-pirenena.

Tanora 51 avy amin’ny Faritra samihafa manerana ny Nosy no mandrafitra ny andiany voalohany, haharitra enim-bolana ny fiofanana, manomboka ny Septambra 2026 ka hatramin’ny Febroary 2027.

Hifantoka bebe kokoa amin’ny haitarika, ny fampandrosoana ifotony, ny fitantanana tetikasa, ary indrindra ny raharaham-panjakana ny fiofanana izay atao.

Nazava ny hafatry ny Filohan'ny Antoko Atoa Hajo Andrianainarivelo fa hanomana tanora manana fahalalana, fahavononana ary fahaiza-mitarika, afaka mandray andraikitra ary mitondra ny anjara birikiny amin’ny fanorenana ny hoavin’i Madagasikara ny tanjon’ity Akademia Malagasy Miara-Miainga ity.






Rohy:https://www.malagasy-miara-miainga.mg/

25/09/2026

25 Septambra 2025 – 25 Septambra 2026

Tsaroantsika androany ny tolona nataon’ny Tanora sy ny Malagasy ho an’ny fanavaozana ny Firenena.

Teny an-kianja, saika manerana ny Faritra maromaro teto Madagasikara, dia anisan’ireo nitarika izany tolona izany ny Antoko MMM.

Tsy misy afaka manova na mamafa izany tantara izany satria nandray ny andraikiny ny Antoko ary sahy nijoro niaraka tamin’ny vahoaka niady ho an’ny Taninjanaka.

Manohana ny Fitondrana Fanavaozana tarihin’ny PRRM Mickaël Randrianirina ny MMM, ary vonona hanohy ny ezaka ho an’ny fanovana satria mbola maro ireo fanamby miandry antsika,hamaliana ireo fitakian'ny tanora sy ny olom-pirenena teny an-kianja.

"Izay manoro lĂ lana mahitsy, mamindra aina"

Rohy::https://www.malagasy-miara-miainga.mg/

Tontosa teto Manakara, Faritra Fitovinany, ny fikaonandohan’ny Antoko MMM, niarahan’tamin'ireo solontena avy amin’ny Dis...
11/09/2026

Tontosa teto Manakara, Faritra Fitovinany, ny fikaonandohan’ny Antoko MMM, niarahan’tamin'ireo solontena avy amin’ny Distrikan'i Manakara, Vohipeno ary Ikongo.

Fakan-kevitra tety ifotony hanangonana ny hevitry ny mpikambana sy ny soso-kevitra hoentina any amin’ny Fikaonandoham-pirenena sy hanatsarana ny vinan'ny Antoko.

Notsindrian’ny Filohan’ny Antoko MMM, Atoa Hajo Andrianainarivelo, ny maha-zava-dehibe ny faritra mahazaka tena sy ny fametrahana rafi-pifidianana sy lalam-pifidianana madio, hiantohana ny safidim-bahoaka marina.

Tsy nohadinoiny ihany koa ny nisaotra ireo hery velona sy manam-pahefana isan-tsokajiny izay tonga namaly ny antson’ny Antoko androany.






Rohy:https://www.malagasy-miara-miainga.mg/

Address

Antananarivo
101

Alerts

Be the first to know and let us send you an email when Malagasy Miara-Miainga - MMM posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Malagasy Miara-Miainga - MMM:

Shortcuts

Share