Nepal-Japan Career and Start-up Support, JICA

02/11/2026

📢 होटलमा काम गर्न चाहनेहरूका लागि रोजगारीको अवसर!

जापानको होटल कम्पनी तोयोको इन (とうよこイン) मा काम गर्न इच्छुक व्यक्तिहरूका लागि प्रत्यक्ष रोजगार अन्तर्वार्ता कार्यक्रम आयोजना हुँदैछ।

कार्यक्रमको विवरण;
📅 मिति: सन् २०२६ नोभेम्बर १६ (सोमबार)
🕙 समय: बिहान १०:३० देखि साँझ ५ बजेसम्म
📍 स्थान: Fukuoka Foreign Employment Service Center को मिटिंङ रुम

रोजगार अन्तर्वार्ता कार्यक्रममा सहभागी हुनको लागि;
१. सुरुमा तल दिइएको फोन नम्बरमा सम्पर्क गरेर वा कार्यालयमा प्रत्यक्ष गएर आफ्नो नाम दर्ता गरी अन्तर्वार्ताको समय लिनुहोस्।
२. आफ्नो बायोडाटा (りれきしょ) नोभेम्बर १३ (शुक्रबार) भित्र Hello Work मा बुझाउनुहोस्।

⚠️ अन्तर्वार्तामा सहभागी हुन अग्रिम बुकिङ गर्न र तोकिएको समयभित्र बायोडाटा बुझाउन नबिर्सनुहोस्।

📞 बुकिङ तथा सम्पर्क: 092-716-8608

होटल क्षेत्रमा काम गर्न इच्छुक हुनुहुन्छ भने यो अवसरको सदुपयोग गर्नुहोस्!

30/10/2026

📢जाइर्यु कार्ड（在留カード) फिर्ता गर्ने बारेमा जापानमा बसोबास गर्ने विदेशीहरूका लागि महत्त्वपूर्ण सुचना :

निम्न अवस्थामा आफ्नो जाइर्यु कार्ड अध्यागमन कार्यालयमा फिर्ता बुझाउनुपर्छ।
✅ जापानी नागरिकता प्राप्त गरेमा
नागरिकता प्राप्त गरेको मितिले १४ दिनभित्र।
✅ नयाँ जाइर्यु कार्ड प्राप्त गरेमा
पुरानो कार्ड तुरुन्तै फिर्ता बुझाउनुपर्छ।
✅ पुनःप्रवेश अनुमति लिएर जापानबाहिर गएको अवस्थामा, अनुमतिको म्यादभित्र जापान नफर्किएमा
अनुमतिको म्याद सकिएको मितिले १४ दिनभित्र।
✅ कार्डधनीको मृत्यु भएमा
परिवारका सदस्य वा सँगै बस्ने व्यक्तिले मृत्यु भएको मितिले १४ दिनभित्र। मृत्युपछि कार्ड भेटिएको भए, भेटिएको मितिले १४ दिनभित्र।
✅ हराएको कार्डको सट्टा नयाँ कार्ड लिइसकेपछि पुरानो कार्ड भेटिएमा
पुरानो कार्ड भेटिएको मितिले १४ दिनभित्र।

कार्ड फिर्ता बुझाउने तरिका:
१. अध्यागमन कार्यालयमा गएर
कार्ड फिर्ता गर्ने फाराम भरी, फिर्ता गर्ने कार्ड, राहदानी र आवश्यक कागजात लिएर आफ्नो ठेगाना हेर्ने क्षेत्रीय अध्यागमन कार्यालयमा जानुहोस्।
२. हुलाकबाट पठाएर
कार्ड र भरिएको फारामसँगै आवश्यक प्रमाणपत्र खाममा राखेर तलको ठेगानामा पठाउनुहोस्। खामको बाहिर 「在留カード等返納」 लेख्नुहोस्। र तलको ठेगाना लेख्नुहोस्।
To:
〒135-0064
2-7-11 Aomi, Koto-ku, Tokyo
9th Floor, Tokyo Port Authority Building
Odaiba Branch Office, Tokyo Regional Immigration Bureau

जापानी नागरिकता प्राप्त गरेको अवस्थामा सो कुरा प्रमाणित गर्ने कागजात र मृत्युको अवस्थामा मृत्यु प्रमाणपत्रजस्ता कागजात आवश्यक हुन्छन्।

🔗 फिर्ता गर्ने फाराम र विस्तृत जानकारी:
https://www.moj.go.jp/isa/applications/procedures/nyuukokukanri10_00020.html

〒135-0064　東京都江東区青海２－７－１１　東京港湾合同庁舎９階　東京出入国在留管理局おだいば分室あて ※ 封筒の表に「在留カード等返納」と表記してください。

29/10/2026

📢 निःशुल्क सीपमूलक तालिमको अवसर!
(जापानबाट फर्किएका इच्छुक व्यक्तिहरू यो तालिम लिने अवसरको सदुपयोग गर्नुहोस्।)

प्राविधिक शिक्षा तथा व्यावसायिक तालिम परिषद् (CTEVT) अन्तर्गत सञ्चालित पोखरा प्राविधिक शिक्षालय (Pokhara Technical School) द्वारा कफी बनाउने सीपमूलक तालिम (बारिस्ता), बेकरी, हाउसकिपिङ, वेटर/वेट्रेस र कुक तालिम निःशुल्क सञ्चालन गर्दैछ ।

📍 तालिम सञ्चालन हुने स्थान: पोखरा प्राविधिक शिक्षालय, पोखरा
⏳ तालिम अवधि: ६५ दिन (३९० घण्टा)
📝 आवेदन दिने अन्तिम मिति: २०८३ साल कार्तिक २० गते
📅 अन्तर्वार्ताको मिति: २०८३ साल मंसिर ४ गते, बिहान १०:३० बजेदेखि

सीप सिक्न, आफ्नो क्षमता विकास गर्न र रोजगारीका नयाँ अवसर खोज्न चाहनेहरूले यो अवसरको सदुपयोग गर्नुहोस्।

🔗 थप जानकारी तथा आवेदनका लागि तलको लिङ्कमा जानुहोस्:

निःशूल्क तालीमको लागि आवेदन फाराम भर्ने सम्बन्धी सुचना । By ptspokhara-admin|2026-10-26T09:52:20+05:452026-10-26|Notice|Comments Off on निःशूल्क तालीमको लागि आव.....

29/10/2026

📢 जापानमा अध्ययन गर्दै हुनुहुन्छ? कम्पनीमा काम गर्ने अनुभव लिने इन्टर्नशीपको यो अवसर नगुमाउनुहोस्!

जापानमा स्नातक तथा स्नातकोत्तर तहमा अध्ययनरत विदेशी विद्यार्थीहरूका लागि कम्पनीमा प्रत्यक्ष कामको अनुभव लिने इन्टर्नसिप कार्यक्रम सञ्चालन हुँदैछ।
जापानी कम्पनीको कार्यशैली बुझ्न, व्यावहारिक अनुभव लिन र भविष्यको रोजगारीका लागि आफूलाई तयार पार्न यो राम्रो अवसर हो।

सहभागी हुन पाउने व्यक्तिहरू:
✅ जापानको विश्वविद्यालयमा स्नातक वा स्नातकोत्तर तहमा अध्ययनरत विदेशी विद्यार्थीहरू
✅ जापानी भाषा क्षमता JLPT N2 वा सो सरह भएका विद्यार्थीहरू
कार्यक्रम अवधि: सन् २०२७ जनवरी २५ देखि मार्च १९ सम्मको अवधिमा (५ देखि १० दिन)

आवेदन कसरी दिने :
आफ्नो विश्वविद्यालयको इन्टर्नसिप हेर्ने विभागमा आवेदनका कागजात बुझाउनुहोस्।
आवेदनको अन्तिम मिति: नोभेम्बर ६, २०२६
विवरण तथा आवेदन फाराम:
https://jsite.mhlw.go.jp/aichi-foreigner/ryugakusei/ryugakusei_internship.html
सम्पर्क: 052-855-3770

पढाइसँगै वास्तविक कार्य अनुभव पनि हासिल गर्नुहोस्। आफ्नो क्षमता चिन्ने र जापानमा भविष्यको करियर बनाउन तयारी गर्ने यो अवसरका लागि आजै आवेदन प्रक्रिया सुरु गर्नुहोस्!

名古屋中公共職業安定所（名古屋外国人雇用サービスセンター・愛知新卒応援ハローワーク）、愛知労働局では、学校の春休み期間にインターンシップへ参加できる留学生を募集します。 インターンシップでは、日本の会.....

28/10/2026

करियर विकास कार्यक्रम सम्पन्न:

यस परियोजना अन्तर्गत हालै नेपालमा करियर विकाससम्बन्धी कार्यक्रम सञ्चालन गरियो।

यसपटकको करियर विकास सेसनमा पहिले प्रयोग गरिएको पाठ्यपुस्तकमा आधारित नयाँ भिडियो सामग्रीमार्फत करियर विकाससम्बन्धी विषयहरू सिकाइएको थियो। भिडियो सामग्रीले विषयवस्तुलाई अझ रोचक र सजिलै बुझ्न सकिने बनाएको थियो।

जापानी भाषा अध्ययन गर्दै तोकिएको सीपयुक्त कामदार (SSW) वा प्राविधिक प्रशिक्षार्थी (TITP) कार्यक्रममार्फत जापान जाने लक्ष्य राखेका करिब २० जना विद्यार्थीहरू कार्यक्रममा सहभागी भएका थिए।

कार्यक्रममा सहभागीहरूले करियर भनेको के हो र करियर निर्माणका लागि के आवश्यक हुन्छ भन्ने विषयमा सिक्नुका साथै आ-आफ्नो रुचि र भविष्यको लक्ष्यअनुसार करियर विकासका लागि आवश्यक कदमहरू पहिचान गरी व्यक्तिगत कार्ययोजना तयार गर्ने अभ्यास पनि गरे।

आफ्नो लक्ष्य पहिचान गरी त्यसलाई हासिल गर्न आवश्यक योजना बनाउनु करियर विकासको महत्वपूर्ण सुरुवात हो।

26/10/2026

📢 जापानमा रोजगारी खोजिरहेका विदेशी नागरिकहरूका लागि उपयोगी सेमिनार!

टोकियो विदेशी रोजगार सेवा केन्द्रले रोजगारी खोज्न सुरु गरेका व्यक्तिहरूका लागि नोभेम्बर महिनामा तीनवटा सेमिनार आयोजना गर्दैछ।

सेमिनारका विषय र मिति:
✅ नोभेम्बर ५ (बिहीबार): जापानमा रोजगारी खोज्ने तरिका र काम छनोट गर्दा ध्यान दिनुपर्ने कुराहरू।
✅ नोभेम्बर १० (मंगलबार): बायोडाटा (りれきしょ) लेख्ने र आफ्नो सीप तथा क्षमता प्रभावकारी रूपमा प्रस्तुत गर्ने तरिका।
✅ नोभेम्बर १९ (बिहीबार): जागिरको अन्तर्वार्तामा राम्रो प्रभाव पार्ने तरिका, बोल्ने शैली र आवश्यक शिष्टाचार।

समय: सबै सेमिनार दिउँसो १:३० देखि ३ बजेसम्म
स्थान: Foreign Residents Support Center (FRESC), १३ औँ तला, योचुया टावर, टोकियो

सहभागी हुन अग्रिम बुकिङ आवश्यक छ।
📞 बुकिङ तथा सम्पर्क: 03-5361-8722

बुकिङका लागि Hello Work मा रोजगार खोज्ने व्यक्तिका रूपमा दर्ता भएको हुनुपर्छ। दर्ता नभएकाहरूले सेमिनारको अघिल्लो दिनसम्म दर्ता गरिसक्नुपर्छ।

⚠️ प्रत्येक सेमिनारमा २० जनासम्म मात्र सहभागी हुन पाउने भएकाले इच्छुक व्यक्तिहरूले समयमै बुकिङ गर्नुहोस्।

थप जानकारीका लागि तलको लिंकमा हेर्नुहोस्।

26/10/2026

📢 जापानमा रोजगारी खोजिरहेका विदेशी विद्यार्थीहरूका लागि अवसर!

ओसाकामा विदेशी विद्यार्थीहरूका लागि करिब ९० वटा कम्पनीको सहभागितामा रोजगार अन्तर्वार्ता कार्यक्रम (しゅうしょくめんせつかい) आयोजना हुँदैछ।

📅 मिति: २०२६ नोभेम्बर १७ (मंगलबार)
🕛 समय: दिउँसो १२ बजेदेखि साँझ ५ बजेसम्म
📍 स्थान: OMM भवन, दोस्रो तला, ओसाका (てんまばし えき सँगै)
OMM 2nd Floor Exhibition Hall (1-7-31 Otemae, Chuo-ku, Osaka)

भाग लिन सक्ने व्यक्तिहरू:
✅ सन् २०२७ मार्चसम्ममा विश्वविद्यालय, कलेज वा व्यावसायिक विद्यालयबाट पढाइ पूरा गर्ने विदेशी विद्यार्थीहरू
✅ उच्च शिक्षा पूरा गरेको करिब ३ वर्ष ननाघेका व्यक्तिहरू
✅ विदेशमा उच्च शिक्षा पूरा गरी हाल जापानी भाषा विद्यालयमा पढिरहेका विद्यार्थीहरू

सहभागि हुने प्रकृया:
१. नोभेम्बर १६ भित्र नजिकको Hello Work वा おおさかがいこくじんこようサービスセンター मा रोजगार खोज्ने व्यक्तिका रूपमा नाम दर्ता गर्नुहोस्।
२. अन्तर्वार्ता दिन चाहेको कम्पनीका लागि सिफारिसपत्र (しょうかいじょう) लिनुहोस्।
३. कार्यक्रमको दिन सिफारिसपत्र, भरिएको सहभागिता फाराम, रेजिडेन्स कार्ड (ざいりゅうカード), विद्यार्थी परिचयपत्र, बायोडाटा (りれきしょ) र Hello Work को दर्ता रिसिप्ट लिएर जानुहोस्।

⚠️ सिफारिसपत्र आवश्यक हुन्छ, तर सहभागिता फाराममा सहभागी हुन योग्य भएको प्रमाणित गर्ने छाप लगाइएको छ भने सिफारिसपत्रबिना पनि भाग लिन पाइन्छ।

सहभागी हुने कम्पनीहरूको लिस्ट:
https://jsite.mhlw.go.jp/osaka-hellowork/sankakigyouichiran.html

थप जानकारी तथा सहभागिता फाराम:
https://jsite.mhlw.go.jp/osaka-foreigner/content/contents/002215862.pdf

इच्छुक व्यक्तिहरूले समयमै आवश्यक प्रक्रिया पूरा गरी यस अवसरको फाइदा लिनुहोस्।

25/10/2026

📢 विदेशी विद्यार्थीहरूका लागि जापानमा रोजगारीको अवसर !

नागोयामा विदेशी विद्यार्थीहरूका लागि विभिन्न कम्पनीहरूसँग रोजगार अन्तर्वार्ता दिने कार्यक्रम हुँदैछ।

📅 मिति:२०२६ नोभेम्बर ११ (बुधबार)
🕜 समय:दिउँसो १:३० देखि ४:३० बजेसम्म
📍स्थान:Nagoya Central Public Employment Security Office, 10th floor, Nagoya

सहभागी हुन पाउने व्यक्तिहरू:
✅ २०२७ मार्चमा विश्वविद्यालय वा भोकेशनल स्कूल उत्तीर्ण हुने विदेशी विद्यार्थीहरू
✅ उच्च शिक्षा पूरा गरेको करिब ३ वर्षभित्रका व्यक्तिहरू
✅ विदेशमा ब्याचलर डिग्री पूरा गरी हाल जापानी भाषा विद्यालयमा पढिरहेका विद्यार्थीहरू

बुकिङ गर्ने तरिका
१. नजिकको Hello Work वा यसको वेबसाइटमा रोजगार खोज्ने व्यक्तिका रूपमा दर्ता गर्नुहोस्।
२. रेजिडेन्स कार्ड, विद्यार्थी परिचयपत्र र योग्यताका प्रमाणपत्र लिएर Nagoya Foreign Employment Service Center मा जानुहोस्।
३. आफूले अन्तर्वार्ता दिन चाहेको कम्पनी र समय छानेर बुकिङ गर्नुहोस्।
४. बुकिङपछि प्राप्त हुने सहभागिता दर्ता फारम र आवश्यक कागजात लिएर अन्तर्वार्तामा सहभागी हुनुहोस्।

बुकिङ गर्ने अन्तिम मिति: नोभेम्बर ६, २०२६
सम्पर्क:052-855-3770

नागोया जान नसक्ने व्यक्तिहरूले फोन वा नजिकको Hello Work मा सम्पर्क गर्न सक्नुहुन्छ।
सहभागी कम्पनी तथा थप जानकारी:
https://jsite.mhlw.go.jp/aichi-foreigner/content/contents/002856325.pdf

सिट सीमित भएकाले इच्छुक व्यक्तिहरूले समयमै बुकिङ गर्नुहोस्।

25/10/2026

📢 विदेशी नागरिकहरूका लागि निःशुल्क परामर्श कार्यक्रम!

टोकियो अध्यागमन विभागले चिबा प्रिफेक्चरको योचुकाइदो सहरमा विदेशी नागरिकहरूका लागि निःशुल्क परामर्श कार्यक्रम आयोजना गर्दैछ।
यस कार्यक्रममा भिसा, कानुनी समस्या, रोजगारी तथा दैनिक जीवनसँग सम्बन्धित विषयमा विशेषज्ञहरूसँग परामर्श लिन सकिन्छ।

📅 मिति: सन् २०२६ नोभेम्बर १ (आइतबार)
🕚 समय: बिहान ११ बजेदेखि दिउँसो ३ बजेसम्म
📍 स्थान: Yotsukaido City Hall, 1st Floor, Multipurpose Space 101

✅ परामर्श निःशुल्क, अग्रिम दर्ता आवश्यक छैन।
✅ नेपाली भाषामा दोभासेको सुविधा उपलब्ध छ।
✅ प्रत्येक व्यक्तिका लागि ३० मिनेट परामर्श समय।

सम्पर्क: 03-5363-3015
थप जानकारीका लागि तलको लिंकमा हेर्नुहोस्।

24/10/2026

📢 जापानमा काम गर्न चाहने तथा कार्यरत विदेशी नागरिकहरूका लागि उपयोगी तालिमको अवसर!

टोकियो महानगरको सहयोगमा सञ्चालन हुने बिजनेस म्यानर सम्बन्धि एकदिने यस तालिममा जापानी कम्पनीमा काम गर्दा आवश्यक पर्ने बिजनेस म्यानर , पोलाइट भाषाको प्रयोग तथा कार्यस्थलमा प्रभावकारी कम्युनिकेशन गर्ने तरिकाबारे सिक्न सकिनेछ।

मिति: सन् २०२७ फेब्रुअरी १४ (आइतबार)

तालिममा सिक्न सकिने विषयहरू:
✅ कार्यस्थलमा पालना गर्नुपर्ने बिजनेस म्यानर
✅ सहकर्मी तथा सिनियरहरूसँग कम्युनिकेशन गर्ने तरिका
✅ जापानी कार्यसंस्कृति तथा कार्यस्थलमा अपनाउनुपर्ने व्यवहार

सहभागी हुन सक्ने व्यक्तिहरू:

जापानमा काम गर्न चाहने विदेशी विद्यार्थी, रोजगारी परिवर्तन गर्न चाहने विदेशी नागरिक तथा टोकियोका साना तथा मझौला कम्पनीहरूमा कार्यरत विदेशी कर्मचारीहरू लगायत तोकिएका योग्यता पूरा गर्ने व्यक्तिहरू।

फेब्रुअरी १४ का लागि अझै केही सिट खाली रहेकाले इच्छुक व्यक्तिहरूले समयमै आवेदन दिनुहोस्।

विस्तृत जानकारी तथा आवेदन:
https://impcommskills.metro.tokyo.lg.jp/business-japanese/

जापानमा आफ्नो करियरलाई अझ सहज र सफल बनाउन चाहनेहरूका लागि यो उपयोगी अवसर हुन सक्छ।

日本にほんで働はたらきたい留学生りゅうがくせい・外国人向がいこくじんむけサービス │ 東京都委託事業とうきょうといたくじぎょう 日本で働きたい留学生・外国人向けサービス │ 東京都委託事業