Mommy Sonia Estrella

𝗖𝗔𝗡𝗗𝗟𝗘 𝗔𝗡𝗗 𝗣𝗘𝗥𝗙𝗨𝗠𝗘 𝗠𝗔𝗞𝗜𝗡𝗚 𝗦𝗞𝗜𝗟𝗟𝗦 𝗧𝗥𝗔𝗜𝗡𝗜𝗡𝗚 𝗙𝗢𝗥 𝗣𝗗𝗟

Isa sa ating layunin ay mabigyan ng bagong oportunidad at pag-asa ang ating mga kababayan, lalo't higit ang mga nasa loob ng piitan.

Nitong May 14, matagumpay nating isinagawa ang Perfume and Candle Making Skills Training sa Baliwag City Jail Male Dormitory kung saan 50 PDL ang nagtapos at natutong gumawa ng mga produktong maaari nilang maging kabuhayan sa hinaharap.

Sa pamamagitan ng mga ganitong programa, nabibigyan natin sila ng dagdag kaalaman, kumpiyansa, at pag-asa para makapagsimula muli. Naniniwala tayo na sa tamang gabay at oportunidad, mas marami pa silang kayang maabot at maitulong sa kanilang sarili, pamilya, at sa ating lungsod.

Mga kalungsod, nitong May 15, 2026, isinagawa ang Turnover of Office Ceremony ng Baliwag City Police Station, kasama sina Provincial Director Col. Jay Baybayan, Mayor Vice Ferdie Estrella, mga konsehal, at mga opisyal ng Philippine National Police.

Sa seremonyang ito ay opisyal na ipinasa ni PLCOL Jayson San Pedro ang pamumuno ng Baliwag PNP kay PLTCOL Eisbon Llamazares bilang bagong hepe ng kapulisan sa Lungsod ng Baliwag.

Lubos ang aming pasasalamat kay Hepe Jayson San Pedro sa kanyang tapat, maagap, at may malasakit na paglilingkod sa mga Baliwagenyo. Sa ilalim ng kanyang pamumuno ay naging katuwang siya ng ating lokal na pamahalaan sa pagpapanatili ng kapayapaan at kaayusan sa lungsod.

Gayundin, ating malugod na tinatanggap si PLTCOL Eisbon Llamazares bilang bagong hepe ng Baliwag City Police Station. Kaisa ang lokal na pamahalaan, patuloy nating palalakasin ang ugnayan ng LGU at PNP upang mapanatili ang isang ligtas, maayos, at mapayapang lungsod sa ilalim ng serbisyong may malasakit.

𝗞𝗔𝗕𝗔𝗡𝗔𝗧𝗔: 𝗦𝗘𝗠𝗜𝗡𝗔𝗥-𝗪𝗢𝗥𝗞𝗦𝗛𝗢𝗣 𝗢𝗡 𝗧𝗛𝗘 𝗗𝗥𝗔𝗙𝗧𝗜𝗡𝗚 𝗢𝗙 𝗕𝗔𝗟𝗜𝗪𝗔𝗚 𝗖𝗜𝗧𝗬 𝗬𝗢𝗨𝗧𝗛 𝗗𝗘𝗩𝗘𝗟𝗢𝗣𝗠𝗘𝗡𝗧 𝗣𝗟𝗔𝗡

Muling pinatunayan ng kabataang Baliwagenyo na handa silang maging bahagi ng paghubog ng mas maayos na kinabukasan para sa ating lungsod sa pamamagitan ng KABANATA: Seminar-Workshop on the Drafting of the Baliwag City Youth Code na ginanap nitong May 14 sa Baliwag GABAY Center.

Dinaluhan ito ng mga bumubuo ng Baliwag Local Youth Development Council, SK Chairmen, at EYYkada Baliwag sa isang workshop na nakatuon sa pagtalakay, pagbuo, at pagbibigay ng mga rekomendasyon para sa lalamanin ng Baliwag City Youth Code.

Sa mga ganitong pagkakataon, mas napapakita ng kabataang Baliwagenyo na kaya nilang maging katuwang sa pagbuo ng mga makabuluhang programa at polisiya para sa ikauunlad ng lungsod. Kaya naman patuloy nating bibigyang halaga ang kanilang mga pananaw, ideya, at ambag tungo sa mas maayos na kinabukasan ng Baliwag.

Katuwang ang Department of Social Welfare and Development (DSWD), nitong May 14 ay naipamahagi na natin ang cash relief assistance para sa 2nd Batch ng TODA drivers upang makatulong sa kanilang pamamasada sa gitna ng krisis.

Umabot sa 955 TODA drivers ang nakatanggap ng tig-5 libo tulong pinansyal bilang agarang ayuda.

Muli, nagpapasalamat tayo sa DSWD sa kanilang tulong sa mga Baliwagenyo.

𝗠𝗚𝗔 𝗦𝗨𝗦𝗣𝗘𝗞 𝗦𝗔 𝗣𝗔𝗚𝗣𝗔𝗧𝗔𝗬 𝗦𝗔 𝗜𝗦𝗔𝗡𝗚 𝗡𝗘𝗚𝗢𝗦𝗬𝗔𝗡𝗧𝗘 𝗦𝗔 𝗕𝗥𝗚𝗬. 𝗦𝗔𝗕𝗔𝗡𝗚, 𝗜𝗡𝗜𝗛𝗔𝗥𝗔𝗣 𝗡𝗚 𝗕𝗔𝗟𝗜𝗪𝗔𝗚 𝗣𝗡𝗣

Nitong May 14, iniharap natin sa publiko ang dalawa sa mga suspek sa kaso ng pagpatay sa isang 72 taong gulang na ginang mula Brgy. Sabang noong nakaraang June 7, 2025.

Tulad ng lagi nating paalala, sa mga nag-iisip gumawa ng hindi tama, tandaan ninyo na dito sa Baliwag, mabilis ang aksyon ng ating kapulisan at lokal na pamahalaan. Hindi natin hahayaang manaig ang krimen sa ating lungsod.

Lubos nating pinupuri ang ating kapulisan sa kanilang dedikasyon at mabilis na aksyon sa kasong ito.

𝗪𝗘𝗟𝗖𝗢𝗠𝗘 𝗧𝗢 𝗕𝗔𝗟𝗜𝗪𝗔𝗚 𝗖𝗜𝗧𝗬, 𝗣𝗟𝗧𝗖𝗢𝗟 𝗘𝗜𝗦𝗕𝗢𝗡 𝗟. 𝗟𝗟𝗔𝗠𝗔𝗦𝗔𝗥𝗘𝗦!

Isang mainit na pagbati at maligayang pagdating sa Lungsod ng Baliwag kay PLTCOL Eisbon L. Llamasares, ang ating bagong Chief of Police.

Nawa’y maging matagumpay ang iyong pamumuno at magsilbing daan sa mas pinaigting na seguridad, kaayusan, at kapayapaan sa Lungsod ng Baliwag.

Hangad namin ang iyong mabungang panunungkulan para sa kapakanan ng bawat Baliwagenyo. Kasama ninyo kami sa hangaring makapaghatid ng mas maayos at ligtas na lungsod para sa lahat.

𝗠𝗔𝗥𝗔𝗠𝗜𝗡𝗚 𝗦𝗔𝗟𝗔𝗠𝗔𝗧 𝗦𝗔 𝗜𝗬𝗢𝗡𝗚 𝗦𝗘𝗥𝗕𝗜𝗦𝗬𝗢𝗡𝗚 𝗠𝗔𝗬 𝗠𝗔𝗟𝗔𝗦𝗔𝗞𝗜𝗧, 𝗛𝗘𝗣𝗘 𝗝𝗔𝗬𝗦𝗢𝗡 𝗙. 𝗦𝗔𝗡 𝗣𝗘𝗗𝗥𝗢!

Lubos naming kinikilala at pinahahalagahan ang iyong walang sawang dedikasyon, mahusay na pamumuno, at buong pusong paglilingkod para sa kapayapaan, kaayusan, seguridad, at kaligtasan ng bawat Baliwagenyo.

Sa ilalim ng iyong pamumuno, naging mas matatag ang pagtutulungan ng kapulisan at komunidad upang mapanatiling ligtas at maayos ang ating lungsod. Ang iyong malasakit, sakripisyo, at katapatan sa tungkulin ay magsisilbing inspirasyon sa marami.

Habang ikaw ay nagpapaalam sa iyong tungkulin sa Baliwag, baon mo ang taos-pusong pasasalamat at paghanga ng sambayanang Baliwagenyo. Nawa’y patuloy kang pagpalain at gabayan sa iyong susunod na yugto ng paglilingkod.

Muli, maraming salamat at mabuhay ka, PLTCOL Jayson F. San Pedro!