What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

Mayor Pedro "Pete" A. Merrera III

Home
Philippines
Binmaley
Mayor Pedro "Pete" A. Merrera III

Directions Website

The Official page of Mayor Pedro "Pete" A. Merrera III

03/11/2026

𝗣𝗔𝗚𝗧𝗔𝗧𝗔𝗚𝗨𝗬𝗢𝗗 𝗡𝗚 𝗠𝗔𝗔𝗬𝗢𝗦 𝗡𝗔 𝗣𝗔𝗚𝗚𝗔𝗪𝗔 𝗔𝗧 𝗧𝗔𝗣𝗔𝗧 𝗡𝗔 𝗣𝗔𝗚𝗟𝗜𝗟𝗜𝗡𝗚𝗞𝗢𝗗 𝗦𝗔 𝗕𝗔𝗬𝗔𝗡

Sa Flag Raising Ceremony, binigyang-diin ko ang kahalagahan ng maayos na pagtupad sa ating mga tungkulin at pagiging tapat sa paglilingkod sa ating bayan.

Ang bawat isa sa atin ay may responsibilidad na gampanan nang maayos, responsable, at may integridad ang mga gawaing ipinagkatiwala sa atin. Higit sa lahat, mahalagang pairalin ang katapatan at malasakit sa bawat desisyon at pagkilos bilang mga lingkod-bayan.

Tandaan natin na ang ating tungkulin ay hindi lamang basta trabaho, kundi isang pananagutang dapat isakatuparan nang buong puso at dedikasyon.

Patuloy nating isabuhay ang diwa ng “𝘽𝙖𝙮𝙖𝙣 𝙈𝙪𝙣𝙖 𝘽𝙖𝙜𝙤 𝙎𝙖𝙧𝙞𝙡𝙞”. Unahin natin ang kapakanan ng ating mga kababayan at ang ikabubuti ng ating minamahal na Bayan ng Binmaley.

26/10/2026

PARA SA ATING KABATAAN, PARA SA KINABUKASAN NG BINMALEY

Naniniwala ako na ang kabataan ang isa sa pinakamahalagang pag-asa ng ating bayan. Kaya naman, mahalaga sa akin na patuloy silang mabigyan ng inspirasyon, gabay, at pagkakataong mas mapalapit sa kanilang mga pangarap.

Ngayong araw, nagkaroon ng pagkakataon si Binmaley First Lady Ana Marie Domingo Merrera na bumisita sa Pangasinan State University – Binmaley Campus at magbahagi ng mensahe sa ilang mag-aaral. Kasama rin niya si Ms. Marites de los Santos mula sa Switzerland, na nagbigay din ng mensahe at inspirasyon para sa ating mga kabataan.

Bilang inyong lingkod, naniniwala ako na hindi lamang sa pamamagitan ng mga programa at proyekto natin maipapakita ang ating malasakit sa kabataan.

Mahalaga ring maiparamdam natin sa kanila na may naniniwala sa kanilang kakayahan, sumusuporta sa kanilang mga pangarap, at handang gumabay sa kanilang paglalakbay.

Hangad ko na makita ang bawat kabataang Binmalenian na magkaroon ng magandang kinabukasan, sapagkat ang kanilang tagumpay ay bahagi ng tagumpay ng buong Binmaley.

26/10/2026

Ang tunay na pagmamahal sa ating bayan ay hindi nasusukat sa kung ano ang ating natatanggap, kundi sa kung ano ang kaya nating ibigay at maiambag para sa ikabubuti ng ating komunidad.

Bilang mga mamamayan at lingkod-bayan, mahalagang isapuso natin na ang bawat tungkulin, maliit man o malaki, ay may mahalagang papel sa pagpapaayos at pagpapaunlad ng ating bayan.

Hindi lamang natin dapat isipin ang pansariling kapakanan, kundi pati na rin ang kapakanan ng ating kapwa at ng buong komunidad.

Ito ang diwa ng aking paninindigan na ‘Bayan Muna Bago Sarili.’ Unahin natin ang kapakanan ng nakararami, pairalin ang pagkakaisa, at magtulungan tungo sa isang mas maayos at maunlad na Binmaley para sa kasalukuyan at sa susunod pang mga henerasyon.

19/10/2026

REGULAR MONDAY FLAG RAISING CEREMONY

Ipinagpatuloy natin ngayong Lunes ang regular na Flag Raising Ceremony bilang bahagi ng ating lingguhang pagtitipon at pagpapaalala sa tungkulin at pananagutan natin sa paglilingkod sa ating mga kababayan.

Ibinahagi natin ang matagumpay na pagsasagawa ng Free Theoretical Driving Course noong Oktubre 17–18, 2026, na dinaluhan ng 167 na participants.

Nagpapasalamat tayo sa Land Transportation Office (LTO) sa pakikipag-ugnayan at suporta upang maisakatuparan ang programang ito.

Tinalakay rin ang paghahanda ng ating bayan para sa posibleng epekto ng El Niño sa pamamagitan ng isang coordination meeting upang mapag-usapan ang mga kinakailangang hakbang at paghahanda ng mga kinauukulang tanggapan.

Kasabay nito, buong pagmamalaki nating binabati si Dra. Loren Anne Z. Ferrer sa matagumpay na pagpasa sa Physician Licensure Examination. Isang karangalan ito para sa kanyang pamilya, lalo na sa kanyang ama na si SBM Rolando “Andong” D. Ferrer. Nawa'y maging simula ito ng isang makabuluhang karera na maghahatid ng malasakit at pangangalaga sa kalusugan ng ating mga kababayan.

Patuloy nating isusulong ang mga programang kapaki-pakinabang sa ating mga kababayan at palalakasin ang kahandaan ng ating bayan sa mga hamong maaaring dumating.

Bayan Muna Bago Sarili.

13/10/2026

A VISIT OF FAITH, PRAYER, AND UNITY IN CHRIST

Isang karangalan ang aking pagtanggap sa Church of Hope Philippines Mission Team, sa pangunguna ni Pastor Ramon Abalos, sa Tanggapan ng Alkalde ngayong Oktubre 13, 2026. Ang mga misyonerong ito ay nagmula pa sa Sarasota, Florida, United States of America, upang bumisita sa ating minamahal na Bayan ng Binmaley.

Sa aming pag-uusap, ibinahagi ko ang mga katagang, “My life is temporary. We are brothers and sisters in Christ.” Isang paalala na ang ating buhay sa mundo ay pansamantala lamang, ngunit ang ating pananampalataya sa Diyos at pagmamahalan bilang magkakapatid kay Kristo ay may malalim na kahulugan.

Bago ang kanilang pag-alis, nag-alay ng panalangin ang Church of Hope Philippines Mission Team para sa akin at sa buong Bayan ng Binmaley. Taos-puso akong nagpapasalamat sa kanilang panalangin at sa kanilang hangaring patuloy na gabayan at pagpalain ng Panginoon ang ating bayan. Nawa’y patuloy tayong pagkalooban ng karunungan, lakas, at pagkakaisa sa pagtupad ng ating mga tungkulin at sa tapat na paglilingkod sa ating mga kababayan.

Samantala, Kahapon Oktubre 12, 2026, nagkaroon din tayo ng pagkakataong salubungin ang mga Korean missionary mula sa Zion Church, South Korea, sa pangunguna ni Pastor Park Woan Sub, gayundin ang mga kinatawan ng Missionary Work of JESUS BLESSED CHURCH at mga Christian Church sa Binmaley.

Lubos akong nagpapasalamat sa lahat ng mga misyonero at kinatawan ng mga simbahan na naglaan ng kanilang panahon upang dalawin ang ating bayan. Ang kanilang pagbisita, panalangin, at pagbabahagi ng pananampalataya ay nagpapakita ng pagkakaisa ng mga mananampalataya sa kabila ng pagkakaiba ng wika at pinagmulan.

Nawa’y patuloy tayong magkaisa sa pananampalataya, pagmamahalan, at paglilingkod sa Diyos at sa ating kapwa.

Pagpalain nawa tayo ng Diyos! Pagpalain ang Bayan ng Binmaley!

12/10/2026

FLAG CEREMONY | PAALALA SA BAWAT KAWANI NG PAMAHALAAN

Sa ating Flag Ceremony, binigyang-diin ko ang kahalagahan ng maayos, tapat, at responsableng pagtupad sa tungkulin bilang mga kawani ng pamahalaan.

Ang bawat isa sa atin ay may mahalagang papel sa paglilingkod sa ating mga kababayan. Kaya naman, hinihikayat ko ang lahat na gawin ang ating trabaho nang may dedikasyon, disiplina, at malasakit. Tandaan natin na ang paglilingkod sa bayan ay hindi lamang isang trabaho, kundi isang responsibilidad na dapat gampanan nang buong puso at katapatan.

Bilang mga lingkod-bayan, unahin natin ang kapakanan ng ating mga kababayan.

05/10/2026

FLAG RAISING CEREMONY | OCTOBER 5, 2026

Magandang umaga, mga minamahal kong Binmalenians!

Ngayong Lunes, muli tayong nagtipon para sa ating regular na Flag Raising Ceremony bilang pagsisimula ng panibagong linggo ng pagtatrabaho at paglilingkod sa ating mga kababayan.

Isa rin sa aking binigyang-diin ngayong umaga ang kahalagahan ng paghahanda sa El Niño. Hinihikayat ko ang bawat isa na maging handa sa mga posibleng epekto ng matinding init at kakulangan ng tubig, at maging responsable sa paggamit at pag-iingat ng ating mga pinagkukunang-yaman.

Kasabay nito, nais ko ring ipaabot ang aking mainit na pagbati sa ating mga senior citizens ngayong Elderly Filipino Week. Kayo ay mahalagang bahagi ng ating komunidad, at patuloy nating kikilalanin at pahahalagahan ang inyong mga ambag, karanasan, at sakripisyo para sa ating pamilya at bayan.

Bilang inyong Mayor, patuloy akong nakikiisa sa bawat Binmalenians. Magkaisa nating harapin ang mga hamon, maging handa, at patuloy na gawin ang tama para sa kapakanan ng ating bayan.

29/09/2026

PARA SA KABATAAN, PARA SA KINABUKASAN

Isang taos-pusong pasasalamat sa lahat ng naging bahagi ng isinagawang feeding program sa Parayao National High School.

Lubos ang aking pasasalamat sa aking maybahay, First Lady Ana Marie Domingo Merrera, sa kanyang walang sawang pag-iikot sa ating mga paaralan at paglalaan ng oras para sa ating mga kabataan. Ang kanyang malasakit at pagtulong ay patuloy na nagbibigay-inspirasyon sa ating mga Kabataan.

Kasabay ng pagtugon sa kanilang pangangailangang pangkalusugan at nutrisyon, mahalaga ring bigyang-pansin ang kanilang mental health at emotional well-being. Patuloy nating itaguyod ang isang ligtas at mapagkalingang kapaligiran para sa bawat bata. No to bullying. Let us listen, understand, and support our children.

Ang munting programang ito ay isinagawa mula sa aming personal na resources at suporta ng mga pribadong sponsors, at hindi mula sa kaban ng bayan.

Munting tulong, malaking pag-asa. Para sa ating kabataan, para sa kanilang kinabukasan, at para sa Bayan.

#𝗕𝗮𝘆𝗮𝗻𝗠𝘂𝗻𝗮𝗕𝗮𝗴𝗼𝗦𝗮𝗿𝗶𝗹𝗶
#𝗡𝗢𝘁𝗼𝗕𝘂𝗹𝗹𝘆𝗶𝗻𝗴
#𝗠𝗲𝗻𝘁𝗮𝗹𝗔𝘄𝗮𝗿𝗲𝗻𝗲𝘀𝘀𝗠𝗮𝘁𝘁𝗲𝗿
#𝗔𝗹𝗹𝗚𝗹𝗼𝗿𝘆𝘁𝗼𝗚𝗼𝗱

28/09/2026

Tapat na Paglilingkod, Para sa Bayan

Sa pagsisimula ng panibagong linggo, isang paalala sa bawat Binmalenian: bawat araw ay bagong pagkakataon upang gumawa ng mabuti, maging tapat, at maging bahagi ng pagbabago.

Ang pag-unlad ng ating bayan ay hindi lamang nakasalalay sa Pamahalaang Bayan. Nagsisimula rin ito sa bawat isa sa atin—sa ating trabaho, pakikitungo sa kapwa, at pagmamalasakit sa komunidad.

Piliin nating gumawa ng tama kahit walang nakakakita, tumulong nang walang hinihintay na kapalit, at maglingkod nang buong puso.

Sapagkat sa bawat maliit na kabutihan, may ambag tayo sa pagbuo ng mas maayos, mas maunlad, at mas nagkakaisang Binmaley.

Address

Binmaley Municipal Hall, Pangasinan
Binmaley
2417

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm

Website

https://web.facebook.com/MayorPeteMerrera

Alerts

Be the first to know and let us send you an email when Mayor Pedro "Pete" A. Merrera III posts news and promotions. Your email address will not be used for any other purpose, and you can unsubscribe at any time.