05/11/2026
JOINT TASK FORCE HOT MEAT MEETING | STRENGTHENING MEAT SAFETY AND INSPECTION
Nagpatigayon sang Joint Task Force Hot Meat meeting nga ginpangunahan ni City Administrator Melchor U. Tan kaupod si LEEO Department Head II Ms. Maricel N. Mabaquiao. Nagtambong sa meeting sanday Ms. Jennifer Christie Avenir sang City Health Office, Dr. Fernando J. Abulencia sang Office of the City Veterinarian, Mr. Norman Tabud sang Business Permits and Licensing Office, Mr. Lovejoy Hosenilla sang Anti-Squatting and Illegal Structure Unit, kag Mr. Alemar M. Silvederio sang National Meat Inspection Services. Kaupod man sanday LEEO Meat Inspectors Mr. Neil A. Escultero kag Ms. Christie S. Suarez.
Ginhisgutan sa meeting ang pagpalig-on sang meat inspection, pagmonitor sa mga manugbaligya sang karne, kag paghimo sang standardized compliance checklist nga magagiya sa ila sa pagsunod sa mga kinahanglanon sa sanitation, permits, kag proper meat handling.
Ini nga pagbinuligay nagatuyo nga maprotektahan ang kahimsog sang publiko kag masiguro nga luwas kag angay sa konsumo ang karne nga ginabaligya sa aton komunidad.
