I Love Cupang

Directions

I Love Cupang Welcome To The Official page of Barangay Cupang, Muntinlupa City! 🩵

BCPC 4TH QUARTER MEETING | PAGPAPATIBAY NG MGA PROGRAMA PARA SA KABATAAN! 💙Ginanap sa Julio Martinez Session Hall ang 4t...
12/11/2026

BCPC 4TH QUARTER MEETING | PAGPAPATIBAY NG MGA PROGRAMA PARA SA KABATAAN! 💙

Ginanap sa Julio Martinez Session Hall ang 4th Quarter Meeting ng Barangay Council for the Protection of Children (BCPC), na pinangasiwaan ni Kagawad Mary Ann Soriano.

Tinalakay sa pagpupulong ang mga aktibidad ngayong National Children’s Month 2026, mga naging accomplishment sa buong taon, at ang mga nakalatag na proyekto at programa para sa 2027. Dumalo rito ang mga kinatawan mula sa iba’t ibang departamento ng Pamahalaang Barangay, City Health Office, at mga Non-Government Organizations.

Bahagi rin ng pagtitipon ang pormal na pagpapakilala sa mga bagong halal na Child Representatives:

𝗨𝗿𝗶𝗷𝗮𝗵 𝗗𝗲𝗹 𝗠𝗼𝗻𝘁𝗲 – 𝗣𝗿𝗲𝘀𝗶𝗱𝗲𝗻𝘁
𝗥𝗼𝘀𝘀 𝗠𝗮𝘃𝗲𝘀𝗶𝗰𝗸 𝗠𝗮𝘁𝗶𝗹𝗹𝗮 – 𝗩𝗶𝗰𝗲 𝗣𝗿𝗲𝘀𝗶𝗱𝗲𝗻𝘁

Princess Liana Dayapdapan – Secretary
Queen Czassy Mhae Flores – Auditor
Darlyn Beth Peregra – Treasurer

Samantala, pormal ding nagsagawa ng exit courtesy kay Kapitana Luvi Constantino ang outgoing Child Representative na si Elizut Kyle Galon. Nagpasalamat si Kapitana Luvi sa kanyang naging mahalagang kontribusyon, lalo na sa pagkamit ng Barangay Cupang ng kauna-unahang pagkilala bilang Most Child-Friendly Barangay in Muntinlupa City.

BARANGAY CUPANG NUTRITION COMMITTEE | 4TH QUARTER MEETING 💙Idinaos ngayong araw sa Julio Martinez Session Hall ang 4th Q...
11/11/2026

BARANGAY CUPANG NUTRITION COMMITTEE | 4TH QUARTER MEETING 💙

Idinaos ngayong araw sa Julio Martinez Session Hall ang 4th Quarter Meeting ng Barangay Cupang Nutrition Committee, na pinangunahan ni Kapitana Luvi Constantino kasama si Kagawad Aldrin Aquino.

Pinangasiwaan naman ang pagpupulong ni Barangay Secretary Helena Garcia, kasama ang mga miyembro mula sa iba’t ibang departamento ng Pamahalaang Barangay at mga Non-Government Organization (NGO).

Pangunahing tinalakay ang pagbuo ng Barangay Nutrition Plan for 2027, na maglalaman ng mga proyekto, programa, at aktibidad na ipatutupad ng komite sa susunod na taon.

Sinuri rin ang mga nagawa ng komite at ang mga natitirang aktibidad para sa taong ito, kabilang ang inter-agency monitoring sa Nobyembre, monitoring ng Gulayan sa Paaralan, WASH at Breastfeeding Area sa Cupang Health Center, at Feeding Program sa Barangay Cupang Bulilit Center.

Patuloy ang sama-samang pagpaplano at pagkilos ng iba’t ibang sektor upang mapalakas ang mga programang pangnutrisyon at maisulong ang mas malusog na pamayanan sa Barangay Cupang.



MAS SUSTAINABLE NA KAPALIGIRAN, MAS MASAGANANG HAPAG NG BARANGAY! 💙Nakatanggap ang Barangay Cupang ng isang Manual Drum ...
11/11/2026

MAS SUSTAINABLE NA KAPALIGIRAN, MAS MASAGANANG HAPAG NG BARANGAY! 💙

Nakatanggap ang Barangay Cupang ng isang Manual Drum Composter na donasyon mula sa Metropolitan Manila Development Authority (MMDA), sa pamamagitan ng Environmental Sanitation Center ng Pamahalaang Lungsod ng Muntinlupa.

Tinanggap ito ng Barangay Planning Department bilang kinatawan ni Kapitana Luvi Constantino.

Malaki ang maitutulong ng kagamitang ito sa pagproseso ng mga nabubulok na basura at paggawa ng compost na maaaring gamitin bilang pataba sa mga taniman ng Hapag ng Barangay, bilang suporta sa pagsusulong ng waste management at urban gardening sa komunidad.

Maraming salamat sa MMDA at sa Pamahalaang Lungsod ng Muntinlupa sa patuloy na suporta para sa isang mas malinis at masaganang Barangay Cupang!



KICK-OFF MOTORCADE FOR THE 34TH NATIONAL CHILDREN’S MONTH 2026Sa pagsisimula ng pagdiriwang ng 34th National Children’s ...
10/11/2026

KICK-OFF MOTORCADE FOR THE 34TH NATIONAL CHILDREN’S MONTH 2026

Sa pagsisimula ng pagdiriwang ng 34th National Children’s Month 2026, nagsagawa ng kick-off motorcade ang Barangay Cupang upang palaganapin ang kamalayan tungkol sa karapatan, kaligtasan, at kapakanan ng bawat bata.

Nakiisa rito ang Barangay Community Affairs and Development Office (BCADO), na namahagi ng mga kendi sa mga bata at nagsagawa ng information dissemination upang maihatid ang mahahalagang paalala tungkol sa pangangalaga at proteksiyon sa kabataan.

Bitbit ang temang “Manindigan, Tumugon at Kumalinga sa Batang Handa, Mas Ligtas ang Bansa,” binibigyang-diin ng pagdiriwang ang sama-samang responsibilidad ng pamilya, pamahalaan, at komunidad sa pagbuo ng ligtas at child-friendly na kapaligiran.

Sa pangunguna ni Kapitana Luvi Constantino, patuloy na isinusulong ng Barangay Cupang ang mga programang nagbibigay-halaga sa bawat bata at nagtataguyod ng kanilang karapatan at magandang kinabukasan.




LUPONG TAGAPAMAYAPA MONTHLY MEETING 🩵Sa pangunguna ni Kapitana Luvi Constantino, tinalakay ng Lupong Tagapamayapa ang ma...
10/11/2026

LUPONG TAGAPAMAYAPA MONTHLY MEETING 🩵

Sa pangunguna ni Kapitana Luvi Constantino, tinalakay ng Lupong Tagapamayapa ang mahahalagang paghahanda at mga hakbang para sa pagpapanatili ng kapayapaan at kaayusan sa Barangay Cupang sa pagtatapos ng taon.

Kabilang sa mga pangunahing agenda ang:

📌 PAGSUSURI NG MGA KASO AT RESOLUSYON
Pagrepaso sa mga nakabinbing reklamo at pagtukoy sa mga kinakailangang hakbang upang maresolba ang mga ito bago matapos ang taon.

📌 KAPAYAPAAN AT KAAYUSAN SA PANAHON NG KAPASKUHAN
Pagpaplano ng mga hakbang upang maiwasan ang mga hindi pagkakaunawaan, kaguluhan dulot ng pag-inom ng alak, maiingay na pagtitipon, at ilegal na pagpapaputok sa pagsalubong sa Bagong Taon.

📌 PAGHAHANDA PARA SA 2027
Pagsisiguro na maayos at kumpleto ang mga talaan, ulat, at dokumentasyon, gayundin ang pagbabahagi ng mga paalala upang higit pang mapahusay ang serbisyo ng Lupon sa darating na taon.

Patuloy na pinagtitibay ng Barangay Cupang ang papel ng Lupong Tagapamayapa sa pagpapanatili ng maayos na ugnayan, mapayapang pamayanan, at responsableng pagresolba sa mga alitan.

Sa isinagawang Flag Raising Ceremony ngayong araw, binigyang-diin ni Kapitana Luvi Constantino ang pagdiriwang ng Nation...
09/11/2026

Sa isinagawang Flag Raising Ceremony ngayong araw, binigyang-diin ni Kapitana Luvi Constantino ang pagdiriwang ng National Children’s Month 2026 at ang mahalagang papel ng bawat pamilya sa paghubog ng ligtas at magandang kinabukasan para sa mga bata.

Binigyang-diin niya ang kahalagahan ng pakikinig, bukas na komunikasyon, at pag-unawa sa damdamin ng mga anak. Dapat maramdaman ng bawat bata na ang kanilang tahanan ay isang ligtas na lugar kung saan malaya silang magpahayag ng saloobin, magtanong, at humingi ng gabay.

Kinilala man ang Barangay Cupang bilang Most Child-Friendly Barangay in Muntinlupa City, paalala ni Kapitana Luvi na ang tunay na pangangalaga sa mga bata ay hindi lamang nagsisimula sa mga programa ng barangay, kundi una sa lahat, sa loob mismo ng bawat tahanan. Ang isang child-friendly community ay nagsisimula sa isang child-friendly home.

Dahil ang bawat bata ay nararapat mahalin, pakinggan, protektahan, at bigyan ng pagkakataong magkaroon ng mas magandang kinabukasan.

Bilang bahagi ng pagdaraos ng 49th ASEAN Summit and Related Summits na gaganapin sa Pilipinas mula Nobyembre 15 hanggang...
08/11/2026

Bilang bahagi ng pagdaraos ng 49th ASEAN Summit and Related Summits na gaganapin sa Pilipinas mula Nobyembre 15 hanggang 17, 2026, ipinapaalam sa publiko na idineklara ang Nobyembre 16 hanggang 18, 2026 bilang mga Special Non-Working Days sa buong Metro Manila, alinsunod sa Proclamation No. 1447.

Mark your calendars. 📅

The 49th ASEAN Summit and Related Summits run 15 to 17 November.

Under Proclamation No. 1447, 16 to 18 November are special non-working days in Metro Manila.

PAALALA: BAWAL HARANGAN ANG DAANAN AT MGA ESKINITA SA BARANGAY CUPANG.Ang kalsada at mga eskinita ay hindi paradahan o i...
05/11/2026

PAALALA: BAWAL HARANGAN ANG DAANAN AT MGA ESKINITA SA BARANGAY CUPANG.

Ang kalsada at mga eskinita ay hindi paradahan o imbakan ng mga gamit. Mahalaga ang pagpapanatiling maluwag at malinis ng mga ito upang matiyak ang ligtas at maayos na pagdaan ng mga motorista, pedestrian, at mga sasakyang pang-emergency.

Ipinapaalala ang mga sumusunod:
- Bawal ang illegal parking sa mga kalsada at eskinita.
- Patuloy ang pagpapatupad ng Road Clearing Operations.
- Panatilihing bukas ang mga fire lane para sa fire trucks, ambulansya, at rescue vehicles.
- Iwasan ang anumang uri ng pagharang at pag-aabala sa daloy ng trapiko.

Ang mga paglabag ay maaaring patawan ng kaukulang parusa at sumailalim sa nararapat na legal na aksyon alinsunod sa mga umiiral na batas at ordinansa ng barangay at Pamahalaang Lungsod ng Muntinlupa.

Disiplina sa daan, kaligtasan ng bawat mamamayan! Maraming salamat po.



80TH REGULAR SESSION 💙Isinagawa ang ika-80 Regular Session ng Sangguniang Barangay ng Cupang, kung saan anim (6) na reso...
05/11/2026

80TH REGULAR SESSION 💙

Isinagawa ang ika-80 Regular Session ng Sangguniang Barangay ng Cupang, kung saan anim (6) na resolusyon ang naipasa matapos ang talakayan at deliberasyon ng mga miyembro ng konseho.

Sa pangunguna ni Kapitana Luvi Constantino, patuloy na isinusulong ang maayos na proseso ng pamamahala at responsableng pagpapasya para sa kapakanan at pangangailangan ng ating mga kabarangay.



Address

Barangay Cupang
Muntinlupa City

Website

Alerts

Be the first to know and let us send you an email when I Love Cupang posts news and promotions. Your email address will not be used for any other purpose, and you can unsubscribe at any time.

Shortcuts

Share

Nearby government services