Mody Floranda, Transport Leader

26/10/2026

Anong jeepney phaseout?
TRUMP OUT!

Lahat ng jeep, sapilitang isa-scrap sa bagong World Bank Jeepney Phaseout. Tapos papapasukin natin sa Pilipinas ang ulo ng pakana na iyan, si Donald Trump?

Dapat kapag minamasaker ang kabuhayan natin, wag nating patuluyin!

26/10/2026

TUNGKOL SA MULING PAG-UPO NI VINCE DIZON SA DOTr

Walang dapat ipagdiwang sa pagbabalik ni Vince Dizon sa DOTr, na noong naupo ay nagtuloy at nagpatindi sa pagbebenta ng pampublikong serbisyo ng transportasyon sa mga negosyo, at nagwasak ng kabuhayan ng mga tsuper at operator.

Ano ba si Dizon kundi isa sa mga numero unong ahente ng US kasama ng gobyernong Marcos. Tiyak na ipinuwesto siya diyan para lalo pang itulak ang bulok at basurang programa ng World Bank Jeepney Phaseout, pribatisasyon ng MRT-3, at iba pang umaalingasaw na makanegosyo at makadayuhang programa ng gobyerno.

Tanda ang rigodon sa gabinete ni Marcos ng tumitinding krisis ng kaniyang pamumuno, at lumalalang krisis sa ekonomiya na dulot din naman ng kanilang mga baluktot na polisiya.

Makakaasa si Dizon na sasalubungin namin ang kaniyang muling pag-upo ng matitinding welga at protesta, kaakibat ng pagiging tuta niya at ng gobyernong Marcos ng imperyalistang US.

# #

22/10/2026

Pagpupugay sa mga tsuper at operator ng Bacolod!

Panawagan sa lahat ng tsuper, operator, at mamamayan sa buong Pilipinas: sumama na sa laban kontra sa World Bank Jeepney Phaseout!

21/10/2026

Noong nakaraang linggo, nag-walkout sa World Bank phaseout convention ang mga tsuper, operator, at komyuter ng Iloilo bilang tanda ng kanilang protesta.

Panawagan namin sa lahat ng tsuper, operator, at mamamayan sa buong bansa: labanan at biguin ang World Bank Jeepney Phaseout!

Bilang tanda ng protesta at pagtutol sa World Bank Jeepney Phaseout, nag-walkout ang mga tsuper, operator, at komyuter ng Iloilo sa isinagawang Phaseout Convention ng DOTr at World Bank noong Oktubre 13.

Pinangunahan ito ng No To PUV Phaseout Coalition - Panay, na nagbasa at nagpahayag din ng kanilang position paper bago sila nanawagan ng walkout sa mga dumalo sa convention.

Diin ng No To PUV Phaseout Coalition - Panay na pinapaburan lamang ng World Bank Jeepney phaseout ang malalaking negosyo, samantalang binabastos ang karapatan at kabuhayan ng maliliit na operator at tsuper.

Ang kanilang mga kahilingan:

1. Itigil ang mga idinidiktang polisiya ng World Bank na nagtutulak ng monopolyo ng malalaking negosyo sa sektor ng pampublikong transportasyon
2. Maglunsad ng mga tunay na pampublikong konsultasyon na may totoong representasyon ng mga stakeholder, tindigan ng Iloilo City Government ang interes ng publiko, at tanggihan ang anumang pressure na gawing pilot area ang siyudad para sa redesigned PTMP.
3. Suportahan ang mga lokal na manufacturer ng pampublikong transportasyon bilang bahagi ng pagsusulong ng pambansang industriyalisasyon.
4. Tindigan ang karapatan at kabuhayan ng mga tsuper at maliliit na operator, kasama ang karapatan na magpatuloy sa pamamasada.
5. Protektahan ang karapatan, kagalingan, at interes ng mga komyuter sa pagtitiyak ng aksesible, abot-kaya, ligtas, at maaasahang pampublikong transportasyon.

Tumuloy ang mga nag-walkout sa piket protesta kasama ng iba pang mga tsuper, operator, at komyuter.

Sa buong bansa, ipinapanawagan ng PISTON:

LABANAN AT BIGUIN ANG WORLD BANK JEEPNEY PHASEOUT!

Tutulan ang sapilitang scrapping ng jeepneys!

Rehabilitasyon, hindi scrapping!

No to jeepney phaseout!

Pambansang industriyalisasyon, hindi importasyon!

Isulong ang progresibo, makabayan, makamasang pampublikong transportasyon!

20/10/2026

Sama-sama tayo bukas! Lupa sa magsasaka, hindi sa Pax Silica!

Nanggaling sa pamilyang magbubukid ang kalakhan ng mga tsuper at operator, kaya hanggang dito sa kalunsuran, tuloy ang laban para sa tunay na reporma sa lupa!

Mahirap ang buhay sa kanayunan dahil na rin sa problema sa lupa: hawak ng malalaking asendero ang ekta-ektaryang lupain, walang suporta ang gobyerno sa mga magsasaka, kaya napipilitang mangahas sa lungsod ang mga magbubukid. Mauuwi sa iba't ibang kabuhayan, at marami ang magiging drayber ng mga pampasadang sasakyan.

Lalo pang pinapatindi ng US ang problema sa lupa, sa kaniyang pandarambong at malawakang landgrabbing na gagawin sa Luzon Economic Corridor at Pax Silica. Libong ektaryang lupain sa Gitnang Luzon ang gagawing pabrika ng mga teknolohiyang pandigma. Tatamaan ang tinatawag na "Rice Granary" ng bansa.

Sa halip na gamitin ang lupa para sa agrikultura, gagamitin sa pabrikang pandigma ng US.

Sa halip na maging sapat ang pagkain, magmura ang bigas, mag-aangkat pa tayo ng mas mahal galing sa US at ibang bansa.

Sa halip na magamit natin ang tubig, lupa, kuryente, uubusin ito ng Pax Silica.

Sa halip na sarili nating industriya ang payabungin, kasama ang industriya ng pampublikong transportasyon, kakalbuhin ang mga bundok natin para sa mga mineral at sasamantalahin ang mga manggagawa para sa dayuhang industriya ng pandigmang teknolohiya.

Kaya ang laban ng mga magbubukid kontra sa pyudal na pananamantala at imperyalistang pandarambong, laban ng mga tsuper, operator, at buong mamamayan.

Sumama sa martsa ng mga magbubukid!
Oktubre 12, 9:00AM, patungong Mendiola!

Lupa sa magsasaka, hindi sa Pax Silica!
Tunay na reporma sa lupa, ipaglaban!

# #

16/10/2026

DEPENSAHAN ANG KAMPUHAN NG MAGBUBUKID SA DENR! Payag ang DENR sa kampuhan, pero ang PNP bubuwagin daw ang kampo mamayang 8PM. Panawagang magpunta na lahat sa DENR!

15/10/2026

Walang tunay na modernisasyon kung walang TUNAY NA REPORMA SA LUPA.

Ang laban ng magsasaka para sa lupa, laban ng tsuper!

14/10/2026

Sagasaan si Trump ng mga protesta at welga! Kaaway ng tsuper, operator, at mamamayan!

Trump not welcome sa Pilipinas! Itaboy!

Magpapapasok ba tayo ng mamamatay-tao sa bahay natin? E magnanakaw? E kriminal? Kaya dapat lang ITABOY SI DONALD TRUMP sa pagbisita niya dito sa ASEAN Summit sa Nobyembre! Sasagasaan natin siya ng mga protesta at welga!

Bakit nga ba kaaway ng tsuper, operator, at mamamayan si Donald Trump? Malaki at marami ang kasalanan ni Trump at ng US sa mga tsuper at operator:

1. MEGA OIL PRICE HIKE
Dahil sa baliw na gera ni Trump sa Iran at Kanlurang Asya, lumobo nang husto ang presyo ng petrolyo. Wala na tayong kinikita sa sobrang taas ng presyo ng diesel.

2. TOTAL JEEPNEY PHASEOUT
May itinutulak na TOTAL PHASEOUT ang World Bank, ang bangko ng US, sa pangunguna ni Trump. Sa ilalim ng World Bank Jeepney Phaseout, sapilitan ang scrapping ng jeepneys para mapilitan ang mga operator na mangupahan na lang ng pampasadang sasakyan mula sa malalaking korporasyong pinakikinabangan ng Estados Unidos.

3. PAX SILICA AT MALALANG PANDARAMBONG
Libong ektarya ng sakahan at lupang ninuno ang wawasakin para sa Pax Silica at Luzon Economic Corridor. Ang mga mineral at bakal na pakikinabangan sana natin para sa sariling industriya, NANAKAWIN lang ni Trump at ng US sa kunwaring mga "investment" sa mining.

4. PAGHAHATAK SA ATIN SA GERA
Ginagawa tayong malaking military base ng US at hinahatak tayo patungo sa gera sa Tsina. Sinungaling si Trump at ang US na kunwaring tulong sa pagtatanggol ng Pilipinas ang ginagawa nila, pero malinaw na okupasyon at pagpain sa atin sa pang-uupat nila ng gera sa Tsina.

5. MASAKER AT HENOSIDYO
Tuloy-tuloy ang pagmasaker ng US at Israel sa libo-libong mga Palestino. Isang buong lipi ang binubura ng mga Zionistang Israeli sa kanilang pambobomba, pagkakait ng pagkain, pagtortyur, at iba pang acts of genocide sa mga Palestino.

At ito namang si Marcos Jr, tutang-tuta sa US. Ibebenta ang likas na yaman natin sa pagpirma niya sa Pax Silica framework nang kasama mismo si Trump. Taksil sa mga Pilipino si Marcos Jr.

Kaya dapat lang ikasa natin ang pinakamalalaking protesta at welga palapit sa pagbisita ni Donald Trump sa Nobyembre. Itaboy natin ang kriminal, mandarambong, at pasistang hayop na ito.

Sagasaan ng welga at protesta ang pagbisita ni Donald Trump, kaaway ng tsuper, operator, at mamamayan!

Trump not welcome sa Pilipinas!

Biguin ang World Bank jeepney phaseout!

No to Pax Silica!

US-Marcos, singilin!

Imperyalismo, ibagsak!