Mody Floranda, Transport Leader

Sa April 21, maniningil tayo. Pinapatay tayo ng inutil na aksyon ng gobyernong Marcos.

Panagutin natin si Marcos sa kamatayan ng kasamahan nating rider na pumila sa ayuda, sa libo-libong minasaker niyang kabuhayan, sa gutom at kahirapang nararanasan natin.

Panagutin din natin ang US at Israel na dahil sa gerang agresyon nila ay libo na ang namatay, at hanggang dito sa Pilipinas ay abot ang mga nabibiktima ng kanilang gera.

Mamamayan ikasa ang lahat ng klase protesta, sa lahat ng paraan!

Mga tsuper, drayber, rider, magwelga!

April 21, araw ng paniningil! Tuloy ang protesta, tuloy ang welga!

APRIL 21: PROTESTANG BAYAN AT TRANSPORT STRIKE LABAN SA GERA AT KAHIRAPAN

Pinapatay tayo ng gobyernong Marcos dahil sa manhid at inutil na tugon sa krisis na ito.

Isang rider na ang namatay sa mahaba at matagal na pila ng ayuda. Literal na buhay ang kapalit ng barya-baryang limos ng kurakot na gobyerno.

Pinapatay tayo sa gutom. Minamasaker ang ating kabuhayan. Pinapalayas tayo sa ating mga tahanan. Ipinagkakait sa atin ang nakabubuhay na sahod. Inaalisan ang mga kabataan ng kinabukasan.

Pinoprotektahan ni Marcos ang tubo ng Petron, Shell, Caltex, mga kartel ng langis. Tuloy-tuloy ang pangungulimbat ni Marcos sa patong-patong na buwis. At dahil mabuting papet, pinapayagan ni Marcos magtayo ang Estados Unidos ng 1600 ektaryang pabrikang pandigma, pagawaan ng bala, at refueling station ng barkong pandigma dito sa Pilipinas.

Tuloy ang panggegera at masaker ng US at Israel sa Iran, Palestine, Lebanon. Umaabot sa Pilipinas ang pinapaslang ng hibang nilang gera. Kasabwat ang gobyernong Marcos sa masaker at gera ni Trump at Netanyahu.

Tama na. Sobra na.

Kailangang patuloy na maningil ng taumbayan sa inutil, manhid, at papet na rehimeng Marcos sa utang nitong buhay at kabuhayan.

Kailangang mas malakas na makibaka ang taumbayan kontra sa mapangwasak na gera ng US at Israel.

Kailangan nating mas matinding isulong ang pagbabago ng sistema.

Kaya sa Abril 21, ikasa natin muli ang malapad na PROTESTANG BAYAN KONTRA SA GERA AT KAHIRAPAN.

Nananawagan ang PISTON na magtigil pasada ang lahat ng moda ng transportasyon. Nananawagan kami sa lahat ng mamamayan na maglunsad ng lahat ng klase ng protesta.

Mag-walkout. Magkampuhan. Mag-caravan. Magkalampagan. Magtigil pasada. Magwelga. Magprotesta sa lahat ng paraang kaya.

MAKIBAKA PARA MAPABABA ANG PRESYO NG LANGIS AT BILIHIN!

MAKIBAKA PARA SA NAKABUBUHAY NA SAHOD AT KITA!

SINGILIN ANG MANHID, INUTIL, AT PAPET NA REHIMENG MARCOS!

LABANAN ANG GERANG AGRESYON NG US AT ISRAEL!

Pinapatay tayo ng kainutilan ng gobyernong Marcos. Kaya dapat lang singilin, magprotesta, magwelga. SA APRIL 21, MANININGIL TAYO.

Ipinapanawagan ko sa lahat ng mga rider, tsuper, driver, at mamamayan: sa April 21, araw ng ating paniningil sa ganitong inhustisya. Tama na, sobra na.

Ilunsad natin ang malaking protestang bayan at transport strike. Makibaka tayo para sa katarungan, para sa kabuhayan, at kontra sa gera ng US na pinapatay pati tayong mga nandito sa Pilipinas.

Ang pagkamatay ng rider sa paghihintay ng ayuda ay di lang basta aksidente. Ito ay krimen ng gobyernong Marcos sa mamamayan, krimen ng US na wala pa ring tigil ang panggegera.

April 21, araw ng ating paniningil. Sumama tayobg lahat.

Kasama tayo sa nagbukas ng Protestang Bayan dito sa maralitang komunidad ng Tatalon, ngayong Abril 15.

Hindi lang tsuper ang apektado sa pagtaas ng presyo ng krudo. Pumalo na ang LPG sa P1500 kada tanke. Ipinagmamalaki ng gobyernong Marcos na binawasan na daw nila ng excise tax ang LPG.

Pero gabarya lamang ito, lalo at ang pinakamalaking nagtutulak ng pagtataas ng presyo ng bilihin ay ang pagtataas ng presyo ng gasolina at diesel.

Tumataas ang presyo ng bigas dahil apektado ang magsasaka. Tumataas ang presyo ng isda dahil apektado ang mangingisda. Tumataas ang presyo sa karinderya dahil apektado ang manininda.

Sa hanay ng mga tsuper, maliit na nga ang kita, bumababa pa ang halaga. Sa hanay ng mga manggagawa, maliit na nga ang sahod, wala na rin halos mabili.

Samantala, hinahayaan ng gobyernong Marcos na kumita ng P1.5 BILYON KADA ARAW ang Petron, Shell, Caltex. Nanghingi ng emergency powers para daw tanggalin ang buwis, pero hindi pa rin ginagamit hanggang ngayon.

Walang pagkondena ang gobyernong Marcos sa US at Israel, na siyang hayok sa gera at siyang dahilan ng krisis sa buong daigdig. Nagdagdag pa ng refueling station ng mga barkong pandigma ng US. Magbubuo pa ng pabrika ng baril at bala.

Kaya ano pa ba ang dapat gawin ng mamamayan, kundi makibaka, lumaban, magprotesta, magwelga.

Panawagan ko sa mga kasamahan sa hanapbuhay, magsama tayo ng iba't ibang sektor ng lipunan, at itaguyod natin ang protestang bayan!

Bukas, Abril 15, hindi lang tigil-pasada, kundi walkout, barikada, protestang komunidad. Welga.

Buong bansa, lahat ng mamamayan, SUMAMA SA PROTESTANG BAYAN!

IABANTE ANG WELGANG TRANSPORTASYON PATUNGONG PROTESTANG BAYAN

Tigil-pasada. Walkout ng mga estudyante. Protestang komunidad. Barikadang bayan. Kampuhan. Welga.

Buong bayan, lahat ng mamamayan, lalaban kontra sa gerang agresyon ng US at Israel, kontra sa manhid at inutil na rehimeng Marcos, kontra sa ganid na mga kompanya ng langis. Kontra sa gera at kahirapan.

Bukas, Abril 15, iaabante natin ang laban. Sa kalsada, sa terminal, sa palengke, sa komunidad, sa pagawaan, mas marami at mas malakas nating isisigaw:

Tanggalin ang VAT at excise tax sa langis!
I-rollback ang presyo ng krudo sa P55.00!
Ibasura ang oil deregulation law!
Isabansa ang industriya ng langis!
Itaas ang sahod at kita sa nakabubuhay na antas!
Itigil ang gerang agresyon ng US!

Tsuper, operator, at mamamayan: buong bansa, SUMAMA SA PROTESTANG BAYAN!

No To Oil Price Hike Coalition-Iloilo, lalahok sa Protestang Bayan bukas, April 15!

PISTON Metro Baguio, sasama sa Protestang Bayan bukas, April 15!

𝐒𝐔𝐌𝐀𝐌𝐀 𝐒𝐀 𝐌𝐆𝐀 𝐏𝐀𝐆𝐊𝐈𝐋𝐎𝐒 𝐁𝐔𝐊𝐀𝐒, 𝐀𝐏𝐑𝐈𝐋 𝟏𝟓, 𝟐𝟎𝟐𝟔! ✊

8 AM | ASSEMBLY
9 AM | PETITION LOBBYING SA BAGUIO CITY HALL
10: 30 AM | KILOS PROTESTA SA IGOROT PARK

⛽ Hanggang ngayon, ang tanging tugon ng pamahalaan sa krisis sa langis at transportasyon ay pansamantala, pantapal, at anti-mamamayan. Wala pa ring opisyal na pagtaas ng pamasahe bukod sa "voluntary" increase kung saan ang mga komyuter ang sumalo sa bigat ng taas-presyo. Ang ayuda na naibigay ay matagal nang nagamit sa mahal na diesel. Nahihirapan din ang mga tsuper at operator na hindi taga-Baguio ngunit bumabiyahe dito sa akses sa ayuda o tulong. Ang sinasabing P10/litro na subsidiyo ni Marcos ay limitado sa NCR. Ang service contracting naman ay ikalulugi pa ng mga tsuper na maghahanap ng GPS devices. Kasabay pa nito ang inaambahang pagtaas ng presyo sa mga essential na bilihin.

⛽ Pabor pa rin sa gobyerno at sa malalaking gas corporations ang hindi pakikinig sa mga kampanya ng mamamayan na pagpapatanggal ng VAT at Excise Tax sa langis at ang pagbasura sa Oil Deregulation Law kasabay ng pagsasabansa ng industriya ng langis.

⛽ Kaya't bitbit pa rin natin ang mga panawagan na pangkalahatan at hindi para sa iilan lamang:

1. Tanggalin ang VAT at excise tax sa produktong petrolyo.
2. I-rollback ang presyo ng krudo sa P55.00.
3. Ibasura ang Oil Deregulation Law at magpatupad ng price control sa petrolyo.
4. Ipatupad ang mga fare hike sa lahat ng moda ng transportasyon, kasabay ng P1,200 family living wage.
5. Isabansa ang industriya ng langis. Sa kagyat, ang gobyerno ang bumili ng krudo at ibenta ito sa mas mababang halaga.
6. Itigil ang gerang agresyon ng US.

⛽ Kasabay rin nito ang ilan pang lokal na panawagan tulad ng pagtutulak sa mga Baguio City LGU at karatig-bayan sa Benguet na suportahan ang kanilang mga residenteng tsuper at operator na bumabiyahe sa Baguio. Patuloy rin dapat ang pag-iimbestiga sa dahilan ng mas mataas na presyo ng langis sa Baguio-Benguet.

Intayon! Patuloy ang laban para sa mas malawak at pangmatagalang tugon sa krisis na ito.

Ang kapal ng mukha na tawagin pa kaming problema. Sino ba talaga ang nagdadagdag ng problema, ang mamamayang nagwewelga o ang gobyernong Marcos na hanggang ngayon ay makupad at inutil sa pagtugon sa krisis sa langis at ekonomiya?

Palpak, makupad, at inutil ang mga solusyon ng gobyernong Marcos:

❌P10/L na nga lang ang fuel subsidy, hindi pa sa buong bansa, kailangan pa ng Landbank App, at pili pa ang mabibigyan

❌Net service contracting na malulugi pa lalo ang mga tsuper kaysa kumita, drayber pa ang sasalo ng bayad sa GPS at sa mobile data

❌Emergency powers na niratsada pero di naman ginamit para tanggalin ang buwis sa diesel at gasolina

❌State of energy emergency na wala namang pangil para kontrolin ang pagkaganid ng mga kompanya ng langis

❌Piso na nga lang ang fare hike, sinuspinde pa

Hindi ba ang inutil na gobyernong Marcos at mga alipores niya sa mga inutil na ahensya ang mismong problema? Hindi ba ang problema ay kasosyo mismo ang gobyernong Marcos ng ganid na mga oil companies na ito?

Hindi ba ang dagdag-problema ay ang gobyernong Marcos na tahimik lang habang nanggegiyera ang US, at pumapayag pa na magtayo ang US dito ng refueling station at pagawaan ng baril at bala?

Hindi ba ang nagdadagdag ng problema ay ang US na siyang nanggigiyera at nagwawasak ngayon sa ekonomiya ng lahat ng mga bansa?

Hindi dagdag-problema ang welga.

Ang WELGA AT PROTESTANG BAYAN ang TUGON NG MAMAMAYAN kapag gobyerno mismo ang problema at perwisyo.

TULOY ANG PROTESTANG BAYAN!
TULOY ANG WELGA!