J&K Liberation Cell

28/10/2026

مظفرآباد:
آزادجموں و کشمیر کے صدر ڈاکٹر محمد نجیب خان نے نیلم گراؤنڈ مظفرآباد میں قائم کشمیری بیٹھک کا دورہ کیا۔ اس موقع پر سپیکر قانون ساز اسمبلی چوہدری طارق فاروق بھی ان کے ہمراہ تھے۔ صدر ریاست نے کشمیری بیٹھک کی مختلف گیلریز کا معائنہ کیا اور وہاں کشمیری تاریخ، ثقافت، تہذیب و تمدن، روایات اور تحریک آزادی کشمیر سے متعلق تاریخی و ثقافتی مواد میں گہری دلچسپی کا اظہار کیا۔اس موقع پر صدر ریاست کو کشمیری بیٹھک کے اغراض و مقاصد، مختلف گیلریز میں موجود مواد اور کشمیری عوام کی تاریخ، ثقافت اور جدوجہد آزادی کو اجاگر کرنے کے لیے کی جانے والی کوششوں کے حوالے سے تفصیلی بریفنگ دی گئی۔ بریفنگ کے دوران انہیں کشمیری تاریخ و ثقافت گیلری، روایتی کشمیری طرزِ زندگی گیلری، تحریک آزادی کشمیر گیلری اور تاریخی واقعات گیلری کے بارے میں آگاہ کیا گیا۔ ان گیلریز میں ریاست جموں و کشمیر کے تاریخی پس منظر، ثقافتی ورثے، روایتی طرز زندگی اور کشمیری عوام کی جدوجہد آزادی کے مختلف پہلوؤں کو اجاگر کیا گیا ہے۔صدر ریاست کو بتایا گیا کہ کشمیری بیٹھک کے قیام کا بنیادی مقصد ریاست کی تاریخ، ثقافتی شناخت اور روایات کو محفوظ بنانا، نئی نسل کو اپنے تاریخی ورثے سے روشناس کرانا اور تحریک آزادی کشمیر کے مختلف پہلوؤں کو مؤثر انداز میں اجاگر کرنا ہے۔صدر ڈاکٹر محمد نجیب خان نے کشمیری بیٹھک کو ریاست کی تاریخی و ثقافتی شناخت کے تحفظ اور تحریک آزادی کشمیر کو اجاگر کرنے کے حوالے سے اہم اقدام قرار دیتے ہوئے کہا کہ قومی تاریخ، ثقافت اور روایات کا تحفظ ہماری اجتماعی ذمہ داری ہے۔ انہوں نے کہا کہ نوجوان نسل کو ریاست جموں و کشمیر کی تاریخ، ثقافت اور کشمیری عوام کی جدوجہد آزادی سے روشناس کرانے کے لیے ایسے مراکز کو مؤثر انداز میں بروئے کار لانا چاہیے۔صدر ریاست نے اس امر پر زور دیا کہ کشمیری عوام کی تاریخ، ثقافتی ورثے اور حق خودارادیت کے حصول کے لیے جاری جدوجہد کو دستاویزی شکل میں محفوظ کرنے کے ساتھ ساتھ قومی اور بین الاقوامی سطح پر بھی اجاگر کیا جائے تاکہ دنیا کو کشمیری عوام کی تاریخ، قربانیوں اور امنگوں سے آگاہ کیا جا سکے۔

28/10/2026

کشمیرسنٹرلاہور کے زیراہتمام یوم سیاہ پر مظاہرہ اور دستخطی مہم

28/10/2026

🚛 KASHMIR’S MESSAGE REACHES NEW YORK! Digital trucks highlight Kashmir’s right to self-determination on the 79th anniversary of October 27, passing through Times Square and near UN Headquarters.

28/10/2026

27 اکتوبر کا دن جموں و کشمیر کی تاریخ کے ایک المناک باب کی شروعات کی یاد دلاتا ہے جب 79 برس قبل بھارتی افواج سری نگر میں داخل ہوئیں۔ اُس کے اثرات آج بھی اس خطے پر تاریک سائے پھیلاۓ ہوۓ ہیں۔ اُس روز سے اب تک جموں و کشمیر کے عوام کو اقوامِ متحدہ کی سلامتی کونسل کی متعلقہ قراردادوں میں تسلیم شدہ، ناقابلِ تنسیخ حقِ خودارادیت کے حصول سے محروم رکھا گیا ہے۔

28/10/2026

پاکستان مسئلہ کشمیر کو زندہ رکھے ہوئے ہے، عالمی سطح پر کشمیریوں کے لیے آواز بلند کر رہا ہے، فاروق عبداللہ

28/10/2026

27/10/2026

مظفرآباد:
وزیراعظم آزادکشمیر افتخار گیلانی نے کہا ہے کہ 27 اکتوبر کو ہر کشمیری اور پاکستانی یومِ سیاہ منا رہا ہے۔ بھارت کشمیریوں کے جذبے سے خوفزدہ ہے، کشمیری ہر قیمت پر بھارت سے آزادی چاہتے ہیں۔ آزادی کی قیمت کشمیریوں سے بہتر کوئی نہیں جانتا۔ مقبوضہ کشمیر کے عوام کو سلام پیش کرتا ہوں۔ بھارت تمام اوچھے ہتھکنڈوں کے باوجود کشمیریوں کا جذبہ آزادی سرد نہیں کر سکا۔ کشمیری نہ پہلے جھکے ہیں اور نہ اب جھکیں گے۔ بدترین بھارتی مظالم کے باوجود کشمیریوں کا جذبہ آزادی دن بدن بڑھ رہا ہے۔ کشمیری عوام تکمیلِ پاکستان کی جدوجہد کر رہے ہیں اور انہیں پاکستان سے محبت اور عقیدت ہے۔ کشمیری اپنے جنازے پاکستانی پرچم میں دفنا کر پاکستان سے محبت کا اظہار کرتے ہیں۔ پاکستان ہمیشہ کشمیریوں کا سہارا رہا ہے۔ 27 اکتوبر یوم سیاہ کے موقع پر کل جماعتی حریت کانفرنس اور جموں وکشمیر لبریشن سیل کے زیر اہتمام یوم سیاہ کی تقریب سے خطاب کرتے ہوئے وزیراعظم افتخار گیلانی نے کہا کہ اختلافات کو بالائے طاق رکھ کر مقبوضہ کشمیر کی آزادی کے لیے ہم سب ایک ہیں۔ ہمیں سوچنا ہے کہ آزادکشمیر میں ہمارے اختلافات اس جدوجہد پر اثر انداز تو نہیں ہو رہے۔ اگر ہمارے آپسی اختلافات کی وجہ سے تحریک آزادی پر فرق پڑتا ہے تو اس پر سوچنا ہوگا۔ پاکستان اور آزادکشمیر کے عوام مقبوضہ کشمیر کے عوام کی پشت پر ہیں۔ ایک مضبوط پاکستان کشمیریوں کی آزادی کا ضامن ہے۔ انہوں نے کہا کہ معرکہ حق میں پوری دنیا نے پاکستان کی عسکری قوت کو تسلیم کیا۔ معرکہ حق میں عظیم فتح نے کشمیریوں کے سر فخر سے بلند کر دیے۔ حکومت پاکستان اور پاک افواج کی بہترین حکمت عملی کی وجہ سے پوری قوم کا سر فخر سے بلند ہے۔وزیراعظم آزادکشمیر نے کہا کہ کشمیریوں نے آزادی کی جدوجہد میں لازوال قربانیاں دیں، پانچ اگست کے اقدام کے بعد بھارت مقبوضہ کشمیر کی ڈیموگرافی تبدیل کررہا ہے اور انسانی حقوق کی سنگین خلاف ورزیوں میں ملوث ہے۔ وزیراعظم آزادکشمیر افتخار گیلانی نے اقوام متحدہ سے مطالبہ کیا کہ وہ اپنی قراردادوں پر عملدرآمد کروائے۔ انہوں نے کہا کہ کشمیریوں کی قربانیاں رنگ لائیں گی اور ساری ریاست پاکستان کا حصہ بنے گی۔

27/10/2026

On 27 October, Pakistan observes Kashmir Black Day, marking seven decades of India’s illegal occupation of Jammu and Kashmir. The day honours the sacrifices, resilience, and struggle of the Kashmiri people for freedom and self-determination. Pakistan reaffirms its unwavering support for their cause and calls upon the international community to help ensure a just resolution in accordance with relevant UN Security Council resolutions.

27/10/2026

مظفرآباد:
مقبوضہ جموں و کشمیر پر بھارت کے غاصبانہ قبضے کے 79 برس مکمل ہونے پر آزاد کشمیر بھر میں یوم سیاہ منایا گیا۔مظفرآباد میں کل جماعتی حریت کانفرنس اور جموں و کشمیر لبریشن سیل کے زیر اہتمام احتجاجی جلسے کا انعقاد کیا گیا، جس کے بعد بھارت مخالف ریلی نکالی گئی۔احتجاجی جلسے سے وزیراعظم آزاد جموں و کشمیر افتخار گیلانی، وزیر توانائی و آبی وسائل وچیئرمین قومی تقریبات کمیٹی ثاقب مجید راجہ،کل جماعتی حریت کانفرنس کے سابق کنوینئر محمود ساغر، سیکرٹری جنرل ایڈووکیٹ پرویز احمد، ڈائریکٹر کشمیر لبریشن سیل راجہ سجاد لطیف،ڈائریکٹر قومی آگاہی ونگ سردار ساجد محمود،حریت رہنما مشتاق الاسلام، پیپلز پارٹی کے رہنما شوکت جاوید میرودیگر نے خطاب کیا۔تقریب میں سیکرٹریز حکومت،سربراہان محکمہ جات،سرکاری ملازمین،مہاجرین کے نمائندوں، طلباء وطالبات سمیت مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی۔تقریب سے خطاب کرتے ہوئے مقررین نے جموں و کشمیر کی آزادی کے لیے جہدوجہد کرنے والے عظیم شہداء کو خراج عقیدت پیش کیا اور آزادی کی خاطر قربانیاں دینے والی ماؤں، بہنوں، بیٹیوں اور نوجوانوں کو سلام پیش کیا۔ مقررین نے کہا کہ بھارت سے آزادی کے لیے دی جانے والی قربانیاں رائیگاں نہیں جائیں گی، کشمیر جلد آزاد ہوگا اور پاکستان کا حصہ بنے گا۔ ایک مضبوط اور مستحکم پاکستان ہی کشمیریوں کی آزادی کی ضمانت ہے۔مقررین نے کہا کہ 27 اکتوبر 1947ء کو بھارت نے مقبوضہ جموں و کشمیر پر غاصبانہ قبضہ کیا۔ اس دن کو کشمیری ہر سال یوم سیاہ کے طور پر مناتے اور آزادی کی جدوجہد جاری رکھنے کے عزم کی تجدید کرتے ہیں۔ بھارت تمام تر ہتھکنڈوں اور بدترین مظالم کے باوجود کشمیریوں کا جذبہ آزادی سرد کرنے میں ناکام رہا ہے۔مقررین کا کہنا تھا کہ کشمیری عوام نے تحریک آزادی میں لازوال قربانیاں دی ہیں اور پاکستان سے اپنی محبت و عقیدت کا اظہار کرتے ہوئے شہداء کے جسد خاکی پاکستانی پرچم میں دفناتے ہیں۔ پاکستان ہمیشہ کشمیریوں کا سہارا رہا ہے اور پاکستان و آزاد کشمیر کے عوام مقبوضہ کشمیر کے عوام کے ساتھ کھڑے ہیں۔ انہوں نے کہا کہ اختلافات کو بالائے طاق رکھ کر تحریک آزادی کشمیر کے لیے متحد ہونا وقت کی اہم ضرورت ہے۔مقررین نے کہا کہ معرکہ حق میں پاکستان کی کامیابی نے کشمیریوں کے سر فخر سے بلند کیے ہیں۔ بھارت پانچ اگست کے اقدامات کے بعد مقبوضہ کشمیر کی آبادی کا تناسب تبدیل کرنا چاہتا ہے اور انسانی حقوق کی سنگین خلاف ورزیوں میں ملوث ہے۔ اقوام متحدہ اپنی قراردادوں پر عمل درآمد یقینی بنائے۔ انہوں نے اس عزم کا اظہار کیا کہ کشمیریوں کی قربانیاں رنگ لائیں گی اور پوری ریاست جموں و کشمیر پاکستان کا حصہ بنے گی۔احتجاجی جلسے کے اختتام پر بھارت مخالف ریلی برہان وانی چوک سے شروع ہوئی اور اقوام متحدہ کے مبصر مشن کے دفتر کے باہر اختتام پذیر ہوئی، جہاں اقوام متحدہ کے مبصر مشن کے نمائندوں کو یادداشت پیش کی گئی۔
٭٭٭٭٭

27/10/2026

کشمیر سینٹر لاہور کے زیرِ اہتمام یومِ سیاہ کے موقع پر پریس کلب کے باہر احتجاجی مظاہرہ