29/10/2026
پریس ریلیز
ٹریننگ ڈائریکٹوریٹ، سی پی او سندھ، کراچی
ڈی آئی جی پی ٹریننگ سندھ کی زیرِ صدارت سندھ پولیس ماؤنٹین ٹیم کا اجلاس
کراچی: ڈی آئی جی پی ٹریننگ سندھ جناب فیض اللہ کوریجو کی زیرِ صدارت سندھ پولیس ماؤنٹین ٹیم کے اراکین کا اجلاس منعقد ہوا، جس میں گزشتہ دنوں کھار ، حب ڈیم کے دورے کی کارکردگی کا جائزہ لیا گیا اور درپیش کمیوں کو دور کرنے کے لیے آئندہ کے لائحہ عمل پر تبادلۂ خیال کیا گیا۔
اجلاس میں الپائن کلب آف پاکستان کے آئندہ ایونٹ کی تیاریوں کے سلسلے میں ماؤنٹین ٹیم کو مزید عملی سرگرمیوں میں مصروف رکھنے پر زور دیا گیا۔ اس ضمن میں ضلع تھرپارکر کے علاقے کارونجھر، نگرپارکر کا دورہ بھی زیرِ غور آیا، تاکہ ٹیم کی جسمانی فٹنس، پیشہ ورانہ مہارتوں اور مجموعی کارکردگی میں مزید بہتری لائی جا سکے۔
