Deputy Commissioner Kohat

On the directions of Deputy Commissioner Kohat Mr. Muhammad Nawaz, Additional Assistant Commissioner (Revenue) Kohat Mr. Ibrahim Khan visited the Patwar Khanas of Togh and Babri Banda on 01.06.2026.
During the visit, land records and enrollment registers were inspected. The concerned Patwaris were directed to maintain proper records and remain vigilant to prevent encroachments on state land within their respective Mouzas.

ڈپٹی کمشنر کوھاٹ جناب محمد نواز کی زیر صدارت انسداد پولیو مہم کے حوالے سے اہم اجلاس منعقد ہوا۔جس میں ایڈیشنل ڈپٹی کمشنر جنرل، اسسٹنٹ کمشنرز، ڈسٹرکٹ ہیلتھ آفیسر، کوہاٹ پولیس، محکمہ تعلیم اور محکمہ صحت کے دیگر افسران نے شرکت کی۔ اجلاس میں انسداد پولیو مہم کے بارے میں تفصیل سے بات چیت کی گئی۔ ڈپٹی کمشنر کوھاٹ نے ضلع کوھاٹ کی عوام سے اپیل کی ہے کہ اپنے بچوں کو مستقل معذوری سے بچانے کے لیے پولیو سے بچاؤ کے قطرے ضرور پلائیں اور پولیو ٹیموں سے تعاون کریں تاکہ کوھاٹ سے پولیو وائرس کا خاتمہ کیا جا سکے۔ انھوں نے کہا کہ ہمیں پولیو کے خاتمے کے لیے اپنا کردار ادا کرنا ہو گا اور ہماری مشترکہ کوششوں سے ہی پولیو کا خاتمہ ممکن ہو سکے گا۔

ڈپٹی کمشنر کوہاٹ جناب محمد نواز صاحب نے ڈبلیو ایس ایس سی اور ٹی ایم اے کے مختلف کلیکشن پوائنٹس کا دورہ کیا جہاں جاری صفائی آپریشن کا تفصیلی جائزہ لیا گیا۔
دورے کے دوران صفائی ستھرائی کے انتظامات، کچرے کی بروقت منتقلی اور عملے کی کارکردگی کا معائنہ کیا گیا۔ اس موقع پر مجموعی صورتحال تسلی بخش پائی گئی جبکہ صفائی آپریشن بلا تعطل جاری ہے۔
ڈپٹی کمشنر کوہاٹ نے متعلقہ حکام کو ہدایت جاری کی کہ عیدالاضحیٰ کے موقع پر صفائی کے عمل کو مزید مؤثر بنایا جائے تاکہ شہریوں کو صاف ستھرا ماحول فراہم کیا جا سکے۔ انہوں نے کہا کہ ضلعی انتظامیہ صفائی آپریشن کی مسلسل نگرانی کر رہی ہے اور عوامی سہولت کے لیے تمام دستیاب وسائل بروئے کار لائے جا رہے ہیں۔

عیدالاضحیٰ کے موقع پر کمشنر کوہاٹ ڈویژن معتصم بااللہ شاہ نے ڈپٹی کمشنر کوہاٹ محمد نواز وزیر، اسسٹنٹ کمشنر لاچی اور دیگر حکام کے ہمراہ لیاقت میموریل ہسپتال اور ڈی ایچ کیو ہسپتال کا دورہ کیا۔ اس موقع پر زیرِ علاج مریضوں کی عیادت کی گئی، ان کی خیریت دریافت کی گئی اور انہیں عید کی مبارکباد پیش کی گئی۔
حکام نے ہسپتالوں میں فراہم کی جانے والی طبی سہولیات، صفائی ستھرائی اور ڈیوٹی پر موجود عملے کی حاضری کا بھی جائزہ لیا اور متعلقہ حکام کو مریضوں کو بہترین سہولیات کی فراہمی یقینی بنانے کی ہدایات جاری کیں۔

عیدالاضحی کے پُرمسرت موقع پر کمشنر کوہاٹ ڈویژن معتصم بااللہ شاہ نے نمازِ عید کی ادائیگی کے بعد ڈپٹی کمشنر کوہاٹ محمد نواز وزیر، اسسٹنٹ کمشنر لاچی آفتاب احمد اور دیگر متعلقہ افسران کے ہمراہ ڈسٹرکٹ جیل کوہاٹ کا دورہ کیا۔ اس موقع پر جیل میں موجود قیدیوں کے ساتھ عید کی خوشیاں بانٹنے کے لیے خصوصی تقریب کا انعقاد بھی کیا گیا۔ کمشنر کوہاٹ ڈویژن اور ضلعی انتظامیہ کے افسران نے قیدیوں سے ملاقات کی، ان کی خیریت دریافت کی اور انہیں عید کی مبارکباد پیش کی۔ اس دوران قیدیوں میں مٹھائیاں بھی تقسیم کی گئیں تاکہ وہ عید کی خوشیوں میں خود کو تنہا محسوس نہ کریں۔ قیدیوں نے ضلعی انتظامیہ کے اس اقدام کو سراہتے ہوئے خوشی کا اظہار کیا۔دورے کے موقع پر ڈپٹی سپرنٹنڈنٹ جیل معتصم باللہ سمیت جیل کا دیگر عملہ بھی موجود تھا۔ جیل حکام نے جیل کے انتظامی امور، سکیورٹی صورتحال اور قیدیوں کو فراہم کی جانے والی سہولیات کے بارے میں تفصیلی بریفنگ دی۔ ڈپٹی کمشنر کوہاٹ نے اس موقع پر کہا کہ عید خوشیوں، بھائی چارے اور انسانیت کا درس دیتی ہے، اور معاشرے کے ہر فرد کو ان خوشیوں میں شریک کرنا ہم سب کی اجتماعی ذمہ داری ہے۔ انہوں نے جیل انتظامیہ کی کارکردگی کو سراہتے ہوئے ہدایت کی کہ قیدیوں کو قانون کے مطابق تمام بنیادی سہولیات کی فراہمی یقینی بنائی جائے۔

ضروری اطلاع برائے عوام الناس۔

ڈپٹی کمشنر کوہاٹ جناب محمد نواز نے عیدالاضحیٰ کے موقع پر مرکزی عیدگاہ کا دورہ کرکے صفائی ستھرائی، نکاسی آب، سکیورٹی اور دیگر انتظامات کا تفصیلی جائزہ لیا۔ دورے کے دوران متعلقہ حکام اور عملے کو ہدایت جاری کی گئی کہ عید کے اجتماعات کے پیش نظر تمام انتظامات بروقت مکمل کیے جائیں تاکہ شہریوں کو کسی قسم کی دشواری کا سامنا نہ ہو۔
ڈپٹی کمشنر نے عیدگاہ کے اطراف صفائی کی صورتحال کا معائنہ کرتے ہوئے خصوصی تاکید کی کہ صفائی کے عمل کو مزید مؤثر بنایا جائے اور عوامی سہولت کو ہر صورت یقینی بنایا جائے۔

صوبائی حکومت کے احکامات کی روشنی میں ڈپٹی کمشنر کوہاٹ جناب محمد نواز نے مویشی منڈی کوہاٹ کا دورہ کیا۔ دورے کے دوران منڈی میں صفائی ستھرائی، سکیورٹی، پانی کی فراہمی اور دیگر انتظامات کا تفصیلی جائزہ لیا گیا۔
اس موقع پر متعلقہ عملے کو ہدایت جاری کی گئی کہ بیوپاریوں اور شہریوں کو ہر ممکن سہولیات فراہم کی جائیں اور منڈی میں نظم و ضبط کو یقینی بنایا جائے۔ مزید برآں صفائی اور حفاظتی انتظامات کو مزید بہتر بنانے کے لیے ضروری احکامات بھی جاری کیے گئے۔

ڈپٹی کمشنر کوہاٹ جناب محمد نواز کی ہدایت پر ایڈیشنل اسسٹنٹ کمشنر ریونیو جناب محمد ابراہیم نے ہمراہ ٹریفک پولیس بنوں روڈ چونگی نمبر 7 کا دورہ کیا۔ اس موقع پر ریسکیو 1122 اہلکاروں کو ہدایت جاری کی گئی کہ کسی بھی ہنگامی صورتحال کے پیشِ نظر ہمہ وقت تیار رہیں تاکہ بروقت امدادی کارروائیاں یقینی بنائی جا سکیں۔

ڈپٹی کمشنر کوہاٹ جناب محمد نواز کی ہدایات پر ایڈیشنل اسسٹنٹ کمشنر ریونیو جناب ابراہیم خان نے ہمراہ ٹریفک پولیس بنوں روڈ پر مختلف دکانوں کا معائنہ کیا۔ دورے کے دوران مختلف امور کا جائزہ لیا گیا جبکہ خلاف ورزی کرنے والے دکانداروں کو وارننگ جاری کر دی