District Civil Defence Officer Narowal

29/10/2026

پنجاب بھر میں دفعہ 144 کے تحت کھلی فضا میں ڈرون اڑانے پر 30 روز کیلئے پابندی عائد۔ ہالز اور مارکیز کے اندر تقریبات کی کوریج کیلئے چھوٹے ڈرون کے محدود استعمال کی اجازت ہو گی۔ انٹیلیجنس اور قانون نافذ کرنے والے ادارے پابندی سے مستثنیٰ قرار۔ "سیف ڈرون یوزیج کمیٹی" کی تحریری اجازت سے زرعی، آبپاشی اور تحقیقی مقاصد کیلئے ڈرونز کا استعمال پابندی سے مستثنیٰ ہو گا؛ نوٹیفکیشن جاری

29/10/2026

بہ تسلیمات نظامتِ اعلیٰ تعلقاتِ عامہ پنجاب، لاہور
توصیف صبیح گوندل، ڈائریکٹر پبلک ریلیشنز، محکمہ داخلہ پنجاب
ہینڈ آؤٹ

پنجاب بھر میں دفعہ 144 کے تحت کھلی فضا میں ڈرون اُڑانے پر 30 روز کیلئے پابندی عائد
ہالز اور مارکیز میں تقریبات کی کوریج کیلئے چھوٹے ڈرون کے محدود استعمال کی اجازت؛ انٹیلیجنس اور قانون نافذ کرنے والے ادارے پابندی سے مستثنیٰ قرار
محکمہ داخلہ پنجاب نے ڈرون کے محفوظ استعمال کیلئے ضلعی سطح پر ’’سیف ڈرون یوزیج کمیٹی‘‘ تشکیل دے دی؛ زرعی، آبپاشی اور تحقیقی مقاصد کیلئے کمیٹی کی تحریری اجازت سے ڈرون استعمال کیا جاسکے گا
حکومت پنجاب نے سکیورٹی خدشات کے پیشِ نظر پابندی عائد کی؛ ضلعی انتظامیہ اور پولیس کو عملدرآمد یقینی بنانے کی ہدایت، نوٹیفکیشن جاری

لاہور 28 اکتوبر 2026:
محکمہ داخلہ پنجاب نے صوبہ بھر میں کھلی فضا میں ڈرون اُڑانے پر ضابطہ فوجداری 1898 کے سیکشن 144(6) کے تحت 30 روز کیلئے پابندی عائد کرنے کا نوٹیفکیشن جاری کردیا ہے۔ ترجمان محکمہ داخلہ پنجاب کے مطابق حکومت پنجاب نے سکیورٹی خدشات کے پیشِ نظر ڈرون کے آؤٹ ڈور استعمال پر پابندی عائد کرنے کا فیصلہ کیا ہے۔ ترجمان محکمہ داخلہ پنجاب نے واضح کیا کہ ہالز اور مارکیز کے اندر تقریبات کی کوریج کیلئے چھوٹے ڈرون کے محدود استعمال کی اجازت ہوگی تاہم اندرونی تقریبات میں ڈرون کے محفوظ استعمال کی مکمل ذمہ داری منتظمین پر عائد ہو گی۔ محکمہ داخلہ پنجاب کے جاری کردہ نوٹیفکیشن کے مطابق انٹیلیجنس اور قانون نافذ کرنے والے اداروں کو پابندی سے مستثنیٰ قرار دیا گیا ہے۔ ترجمان نے بتایا کہ ڈرون کے محفوظ استعمال کو یقینی بنانے کیلئے محکمہ داخلہ پنجاب نے ضلعی سطح پر ’’سیف ڈرون یوزیج کمیٹی‘‘ تشکیل دی ہے۔ زرعی، آبپاشی اور تحقیقی مقاصد کیلئے ڈرون کے محفوظ استعمال کی تحریری اجازت متعلقہ ضلعی سیف ڈرون یوزیج کمیٹی دے گی۔ کمیٹی کی تحریری اجازت کے ساتھ ڈرونز کا استعمال پابندی سے مستثنیٰ ہوگا۔ ترجمان محکمہ داخلہ پنجاب نے کہا کہ عوامی تحفظ، امن و امان کا قیام اور املاک کی حفاظت حکومت پنجاب کی اولین ترجیح ہے۔ محکمہ داخلہ پنجاب نے صوبہ بھر کی ضلعی انتظامیہ اور پولیس کو احکامات پر من و عن عملدرآمد یقینی بنانے کی ہدایت کی ہے۔

29/10/2026

27/10/2026

ضلع نارووال میں 2 نومبر 2026 بروز پیر بسلسلہ عرس حضرت پیر جماعت علی شاہ لاثانی ،علی پور سیداں شریف مقامی چھٹی ہوگی ، ڈی سی نارووال نے نوٹیفکیشن جاری کر دیا۔

27/10/2026

نارووال سپورٹس سٹی میں پاک چین نمائشی ہاکی میچ، پاکستان رینجرز کی کامیابی

نارووال: نارووال سپورٹس سٹی میں پاکستان رینجرز اور چین کے صوبے گوانگ ڈونگ کی ہاکی ٹیموں کے مابین نمائشی میچ کھیلا گیا، جس میں پاکستان رینجرز نے ایک کے مقابلے میں تین گول سے کامیابی حاصل کی۔ وفاقی وزیر منصوبہ بندی و ترقی پروفیسر احسن اقبال چودھری نے صدر پاکستان ہاکی فیڈریشن احمد محی الدین وانی کے ہمراہ بطور مہمانِ خصوصی شرکت کی۔ اس موقع پر ارکانِ قومی و صوبائی اسمبلی، ڈپٹی کمشنر نارووال محمد طیب خان، طلبہ اور شہریوں کی بڑی تعداد موجود تھی۔ میچ کے انعقاد کے لیے یونیورسٹی آف نارووال اور ضلعی انتظامیہ کی جانب سے انتظامات کیے گئے۔

27/10/2026

27 اکتوبر — یومِ سیاہ کشمیر

پنجاب سول ڈیفنس ریزیلینس کور (PCDRC) کشمیری عوام کے ساتھ بھرپور یکجہتی کا اظہار کرتا ہے۔ پاکستانی عوام مقبوضہ جموں و کشمیر کے عوام کی اخلاقی، سفارتی اور سیاسی حمایت ہمیشہ جاری رکھیں گے۔

کشمیری عوام کے جذبۂ حریت، عزم اور حوصلے کو پوری قوم سلام پیش کرتی ہے۔ ہم حقِ خودارادیت، امن اور انصاف کے اصولوں کی حمایت کے عزم کا اعادہ کرتے ہیں۔

کشمیری عوام کے ساتھ یکجہتی — ہمارا عزم، ہماری آواز!

27/10/2026

نیشنل سپورٹس سٹیڈیم نارووال پاکستان چائنہ ہاکی میچ کے لمحات

27/10/2026

نارووال سپورٹس سٹی میں پاک چین نمائشی ہاکی میچ پاکستان رینجرز کی کامیابی سپورٹس سٹی میں پاکستان اور چین کی ٹیموں کے مابین نمائشی ہاکی میچ کھیلا گیا جس میں وفاقی وزیر پروفیسراحسن اقبال نے بطور مہمانِ خصوصی شرکت کی۔ طلبہ اور شہریوں کی بڑی تعداد نے میچ میں شرکت کی۔ میچ کے اختتام پر کھلاڑیوں اور آفیشلز میں انعامات اور شیلڈز تقسیم کی گئیں پروفیسراحسن اقبال نے کہا کہ نارووال سپورٹس سٹی نوجوانوں کو کھیلوں کے بہتر مواقع فراہم کرنے اور پاکستان میں ہاکی کے سنہری دور کی بحالی میں اہم کردار ادا کرے گا۔

26/10/2026

آگ بجھانے اور ابتدائی طبی امداد کی عملی تربیت
مقام: گورنمنٹ امان گرلز ہائی اسکول، نارووال
محفوظ پنجاب کے عزم کے تحت پنجاب سول ڈیفنس کی جانب سے طلبہ کو ہنگامی حالات سے مؤثر انداز میں نمٹنے کے لیے عملی تربیت فراہم کی گئی، تاکہ کسی بھی ایمرجنسی میں بروقت، محفوظ اور مؤثر ردِعمل یقینی بنایا جا سکے۔

تربیتی سیشن میں شامل اہم موضوعات:

ابتدائی طبی امداد کی تربیت

آگ بجھانے کی عملی تربیت

ہنگامی حالات میں حفاظتی اقدامات

اس تربیت کا مقصد نوجوانوں میں حفاظتی شعور، عملی مہارت اور ذمہ داری کا احساس اجاگر کرنا ہے، تاکہ وہ نہ صرف اپنی حفاظت کر سکیں بلکہ ضرورت کے وقت دوسروں کی مدد بھی کر سکیں۔

✨ آپ بھی اس مشن کا حصہ بنیں!

آج ہی رجسٹر کریں، تربیت حاصل کریں اور محفوظ پنجاب کے قیام میں اپنا کردار ادا کریں۔ 🔗 رجسٹریشن کے لیے: vcd.home.gop.pk

🚨 ہر لمحہ تیار، ہر شہری محفوظ!