05/11/2026
از دفتر ڈسٹرکٹ انفارمیشن آفیسر نارووال ہینڈآوٹ 325
نارووال میں جعلی کھاد برآمد، ڈیلر کے خلاف مقدمہ درج
ڈی۔سی نارووال محمد طیّب خان کی ہدایت پر ڈائریکٹر زراعت گوجرانوالہ ڈویژن ڈاکٹر شکیل احمد اور ڈپٹی ڈائریکٹر زراعت نارووال افتخار احمد کی زیر نگرانی جعلی کھاد فروخت کرنے والوں کے خلاف گھیرا تنگ۔
جعلی کھاد کا کاروبار کرنے کے جرم میں میاں برادرز کے مالک محمّد عثمان ولد لیاقت علی کے خلاف مقدمہ درج اور کھاد سرکاری تحویل میں لے لی گئی۔
تفصیل کے مطابق محکمہ زراعت توسیع نارووال کی جانب سے
میاں برادرز ظفروال بائی پاس نارووال کی دوکان سے او ایم (OM) کے نمونے حاصل کرکے تجزیہ کیلئے لیبارٹری بھجوائے گئے لیبارٹری تجزیہ رپورٹ کے مطابق کھاد جعلی قرار پائی، جس پر قانونی کاروائی کرتے ہوئے ڈیلر کے خلاف تھانہ سٹی نارووال میں ایف آئی آر درج کروا دی گئی ہے اور جعلی کھاد کی 10 بوریاں بطور مال مقدمہ حوالے پولیس کر دی گئی ہیں کاشتکار تنظیموں اور عوامی حلقوں نے ضلعی انتظامیہ نارووال کی جعلی کھادوں کے خلاف کامیاب کارروائی کوخوب سراہا گیا۔
