Taliska Qeybta Booliiska Gobolka Bari

Home
Somalia
Bosaso
Taliska Qeybta Booliiska Gobolka Bari

Call Directions Website Contact the organization

Bogga Rasmiga ah ee Taliska Qeybta Booliiska Gobolka Bari

Fadlan hadaad lakulantid Wixii Dambi ah 24/7 Wac xaaladaha degdeg ah.

03/11/2026

Taliyaha cusub ee Saldhigga Baalade, Laba Xidigle C/xakiin Aadan, ayaa maanta booqasho ku tegay Dugsiga Sare ee Najaax.

Booqashada ayaa ujeeddadeedu ahayd isbarasho, xoojinta xiriirka iyo wada-shaqaynta Booliska iyo bahda waxbarashada, si loo adkeeyo iskaashiga dhinacyada amniga iyo waxbarashada.

29/10/2026

Taliyaha Cusub ee dhowaan looso magacaabay Saldhiga Xaafadda Baalade ee Bosaso “ L/XLe Abdihakiim adam jama (Timo jilic) ayaa kormeeray Xaafadda halkaasi oo uu kula kulmay bulshada qaybaheeda kala duwan.

21/10/2026

Taliyaha Qaybta Gobalka Bari G/Sare Siciid Aadan Siciid ayaa shahaado sharaf gudoonsiiyey taliyaha laanta taraafikada ee Gobolka Bari

19/10/2026

Boosaaso, Gobolka Bari

Taliyaha Qaybta Guud ee Booliska Gobolka Bari, G/Sare Siciid Aadam Siciid, ayaa furay tababar lagu horumarinayo aqoonta iyo xirfadaha saraakiisha Booliska Gobolka Bari.

Tababarkan ayaa diiradda lagu saaray xirfadaha gaarka ah ee booliska iyo hoggaaminta saraakiisha, si kor loogu qaado aqoonta, garaadka iyo kartida hoggaamineed ee saraakiisha Booliska Gobolka Bari.

Tababarka waxaa bixinayey saraakiil sare oo leh aqoon iyo waayo-aragnimo durugsan, waxaana ka faa’iidaysanayey dhammaan saraakiisha ka hawlgasha Taliska Qaybta Guud ee Booliska Gobolka Bari.

Tababarkan waxaa soo qabanqaabiyey Xafiiska Taliyaha Qaybta Guud ee Booliska Gobolka Bari, iyadoo ujeeddadu tahay horumarinta aqoonta iyo xirfadaha saraakiisha, xoojinta hoggaaminta iyo kor u qaadista tayada shaqada Booliska Gobolka Bari.

15/10/2026

-Boosaaso, 15/ Octobar/ 2026

Taliye Ku-xigeenka Qaybta Gobolka Bari, G/dhexe maxamed Bashir ismacil (Halac), ayaa maanta isugu yeeray shirkii Khamiislaha ee Taliska Qaybta Gobolka Bari, kaas oo ay ka qayb galeen saraakiisha Taliska Qaybta iyo taliyeyaasha saldhigyada.
Shirka ayaa diiradda lagu saaray qiimeynta xaaladda amniga, dardargelinta hawlaha ciidanka, xoojinta wada-shaqeynta laamaha ammaanka, iyo hirgelinta awaamiirta iyo qorshayaasha Taliska Ciidanka Booliska Puntland.
Taliye Ku-xigeenka Qaybta Gobolka Bari ayaa saraakiisha ku adkeeyay inay sii laba jibaaraan dadaallada lagu sugayo amniga, kor u qaadaan feejignaanta ciidanka, isla markaana si hufan u gutaan waajibaadkooda shaqo.
Taliska Qaybta Gobolka Bari

11/10/2026

Taliyaha Qaybta Booliska Gobolka Bari G/sare siciid aadam siciid ayaa kulan la yeeshay Isuduwaha Mashruuca SENRA-JSP, kaas oo diiradda lagu saaray Xoojinta Amniga Bulshada iyo Wada-shaqaynta Booliska.

Dhanka kale, Isuduwaha Mashruuca ayaa kulan wadatashi ah la yeelatay qayb ka mid ah ka-qaybgalayaashii tababarradii mashruuca SENRA-JSP, oo ay ka mid ahaayeen saraakiil boolis, dhallinyaro, barakacayaal gudaha ah(IDPs), guddoomiyeyaasha xaafadaha iyo Guddiyada Amniga Bulshada (Community Policing Committees).

Kulanka ayaa daba-socday tababarradii la qabtay intii u dhexaysay bilihii Luulyo ilaa Sebtembar 2026, kuwaas oo ay iska kaashadeen Wasaaradda Amniga iyo DDR ee Puntland, Taliska Booliska Gobolka Bari iyo Hay’adda UNDP, iyadoo ay maalgelinayso Dowladda Japan.

Ujeeddada kulanka ayaa ahayd in dib loo eego natiijooyinka tababarrada, la xoojiyo wada-shaqaynta booliska iyo bulshada, lana dhiirrigeliyo ka-qaybgalka bulshada ee sugidda amniga iyo dhisidda kalsoonida dadweynaha.

Sidoo kale, Isuduwaha mashruuca oo ay weheliyaan saraakiil ka tirsan Qaybta Gobolka Bari iyo Taliyaha Saldhiga Biyokulule ayaa kormeeray dhismaha Saldhigga Booliska ee Biyo Kulule, kaas oo maraya heer gabagabo ah.

Amni waara wuxuu ku dhismaa kalsooni, wadashaqayn iyo ka qaybgal bulsho.

27/09/2026

WANTED: Taliska qaybta gobolka Bari ayaa raadinaya nin dil ka geystay deegaanka Galgala

Ciidanka Booliska Puntland ayaa raadinaya nin lagu eedeyay inuu dil ka geystay Deegaanka Galgala ee Gobolka Bari.

D/le Jamaal Xasan Axmed.Waxaa loo raadinayaa arrimo la xiriira dilka Marxuum X-D/le Maxamed Yuusuf Diisane iyo Dhaawaca D/le Asad Goobe Dhagayare.

Qofkasta oo garanaya halka uu joogo waxa lagu boorinayaa in uu ka waco Booliska 999 nambarka degdega ah ama saldhiga booliiska ee kuugu dhow.

24/09/2026

Boosaaso: Taliyaha Qaybta Booliska Gobolka Bari, G/Sare Siciid Aadan Siciid, ayaa guddoomiyey shirka khamiislaha ah ee saraakiisha Booliska Gobolka Bari.

Shirka waxaa looga hadlay xaaladda amniga, hawlgallada ciidanka, ka hortagga falalka amni-darrada iyo xoojinta wada-shaqaynta bulshada.

Taliyaha ayaa sidoo kale saraakiisha la wadaagay awaamiirtii iyo talooyinkii ka soo baxay shirkii Ciidanka Booliska Puntland ee 1-da Sebtembar ka furmay Garoowe, isagoo faray ciidamada in ay laba-jibaaraan shaqada, feejignaanta iyo sugidda amniga shacabka.

10/09/2026

Bosaso,Taliyaha Qaybta Gobolka Bari, G/Sare Siciid Aadan Siciid, ayaa guddoomiyey shirka khamiislaha ahaa ee sarakiisha booliska gobalka bari kaas oo ay ka soo qaybgaleen saraakiisha iyo masuuliyiinta kala duwan ee Ciidanka Booliska Gobolka Bari. Shirka ayaa looga hadlay xaaladda guud ee amniga, hawlgallada ciidanka, ka hortagga falalka amni-darrada iyo xoojinta wada-shaqaynta ciidamada iyo bulshada.

Sidoo kale, Taliyaha ayaa soo bandhigay agab dagaal iyo miinooyin laga soo saaray deegaano ka baxsan magaalada Boosaaso, isagoo tilmaamay muhiimadda ay leedahay sii wadista hawlgallada lagu sugayo amniga iyo badbaadada shacabka.

Sidoo kale, Taliyaha ayaa saraakiisha la wadaagay awaamiirtii iyo talooyinkii ka soo baxay shirkii Ciidanka Booliska Puntland, 1-da Sebtembar uga furmay caasimada Garawe

Taliska Qaybta Gobolka Bari ayaa saraakiisha iyo ciidamada Booliska faray inay laba-jibaaraan shaqadooda, xoojiyaan hawlaha sugidda amniga, ka hortagga falalka amni-darrada iyo ilaalinta shacabka. Sidoo kale, waxaa ciidanka lagu boorriyey inay muujiyaan feejignaan, hufnaan iyo masuuliyad, isla markaana ay si joogto ah uga jawaabaan baahiyaha amni ee bulshada.

01/09/2026

‎

Boosaaso, 1 Sebtembar 2026: Taliska Qaybta Booliska Gobolka Bari ayaa, magaalada Boosaaso ka fuliyey howlgal qorshaysan oo lagu bartilmaameedsaday shabakad lagu eedeeyay ka ganacsiga maandooriyaha nooca xashiishka ah iyo hub sharci-darro ah.

Howlgalkan oo laga sameeyey xaafadaha Laanta-Hawada iyo Xaafatu-Carab, ayaa lagu soo qabtay xubno muhiim ah oo ka tirsan shabakadda, iyadoo sidoo kale gacanta lagu dhigay shixnado xashiish ah, qori AK-47 ah iyo bambooyin gacanta laga tuuro.

Dadka la qabtay ayaa lagu tuhunsan yahay inay doorar kala duwan ku lahaayeen kaydinta, qaybinta iyo iibinta maandooriyaha, waxaana socda baaritaanno dheeraad ah oo lagu xaqiijinayo kiiska.

Ciidanka Booliska Gobolka Bari wuxuu caddeynayaa inuu sii wadi doono la-dagaallanka maandooriyaha iyo hubka sharci-darrada ah, iyadoo eedaysanayaasha loo gudbin doono hay’adaha caddaaladda.

- DHAMMAAD -

Xafiiska Warfaafinta & Xiriirka Warbaahinta
Ciidanka Booliska Puntland.

📞 WhatsApp: +252 905 811111
☎️ Emergency: 999
📧 Email: [email protected]
🌐 Website: www.police.pl.so
🐦 Twitter:

Address

Wadada Taliska Qeybta Booliiska
Bosaso
N/A

Telephone

+252905444445

Website

http://www.police.pl.so/

Alerts

Be the first to know and let us send you an email when Taliska Qeybta Booliiska Gobolka Bari posts news and promotions. Your email address will not be used for any other purpose, and you can unsubscribe at any time.