Taliska Qeybta Booliiska Gobolka Bari

Ciidanka Booliska oo sugaya amniga Garoonka Shuhadada ee magaalada Boosaaso, halkaas oo uu ka socdo tartanka caasimadaha gobollada Puntland.

Boosaaso – 14 May 2026

Taliyaha Qaybta Booliska Gobolka Bari, G/Sare Saciid Aadan Saciid, oo uu wehlinayay Taliye Ku-xigeenka Qaybta Gobolka Bari, G/Dhexe Maxamed Bashiir, ayaa maanta shir khamiisle ah isugu yeeray taliyeyaasha saldhigyada magaalada Boosaaso.

Shirka ayaa diiradda lagu saaray sidii loo xoojin lahaa amniga magaalada Boosaaso iyo sidii wax looga qaban lahaa cid kasta oo khalkhal gelin karta amniga magaalada.

Sidoo kale, waxaa kulanka looga hadlay sidii la iskaga kaashan lahaa in gacan bir ah lagu qabto shaqsi kasta oo ku howlan falal lidi ku ah amniga magaalada Boosaaso.

Dhanka kale, Taliyaha Qaybta Booliska Gobolka Bari ayaa ku boorriyay taliyeyaasha saldhigyada inay si wadajir ah uga shaqeeyaan sugidda amniga iyo la dagaallanka maandooriyaha.

Taliska Qeybta Booliiska Gobolka Bari

Bosasso – May 01, 2026: Taliyaha Qaybta Booliska Gobolka Bari G/sare Siciid Aadan Siciid iyo Taliye kuxigeenka Qabta G/dhaxe Mohamed Bashiir ayaa maanta ka qayb galay kulan ay soo qaban qaabiyeen Wasaaradda Dhalinyarada iyo Ciyaaraha Dowladda Puntland, kaas oo la xiriiray diyaarinta iyo sugidda ammaanka Koobka Caasimadaha Puntland.

Kulanka ayaa intii uu socday waxaa si rasmi ah loogu furay tababar muhiim ah oo loo diyaariyay Ciidamada sugaya ammaanka tartanka, kaas oo lagu xoojinayo aqoonta iyo xirfadaha la xiriira ilaalinta ammaanka, badbaadada iyo maareynta xaaladaha degdegga ah.

Tababarkan ayaa qayb ka ah dadaallada lagu xaqiijinayo in tartanka Koobka Caasimadaha Puntland uu ku qabsoomo jawi amni oo sugan, iyadoo ciidamada la barayo hababka casriga ah ee sugidda ammaanka .

Waxaa tababarka door muuqda ka qaadanaya Kingsley Litali, Agaasimaha Maareynta ee Crimeshield Security Limited, isla markaana ah Sarkaalka Gobolka (Zonal) ee Ammaanka iyo Badbaadada ee CAF, kaas oo khibrad sare u leh arrimaha amniga iyo badbaadada.

Kulanka waxaa sidoo kale ka qayb galay masuuliyiin ka socday , Wasaradda
Dhallinyarada, Ciyaaraha iyo
Dalxiiska - Puntland ,Xiriirka Kubadda Cagta Puntland.

Taliyaha Qaybta ayaa ku booriyay ciidamada ka qaybgalaya tababarka inay si buuxda uga faa’iidaystaan fursaddan, si loo helo ciidan heegan u ah ilaalinta ammaanka shacabka iyo ka qaybgalayaasha tartanka.

Boosaaso: 29 April 2026: Taliyaha Qaybta Booliiska Gobolka Bari G/sare Siciid Aadan Siciid, ayaa maanta ka qayb galay munaasabadda Madaxweynaha Dowladda Puntland H.E Said Abdullahi Deni tababar ugu soo xiray cutubyo ka tirsan Ciidanka cusub ee Booliiska Dowladda Puntland, kuwaas oo tababar ku qaatay, kulliyada tababarada ee Carmo.

Munaasabadda xiritaanka tababarka ayaa ahayd mid lagu muujiyay dadaalka Dowladda Puntland ee lagu xoojinayo amniga, tayeynta ciidanka iyo horumarinta hay’adaha amniga.