Dogana e Kosovës

Call Directions Website Contact the organization

Dogana e Kosovës MIRË SE VINI NË DOGANËN E KOSOVËS

WELCOME TO KOSOVA CUSTOMS Ne do të mundohemi të ofrojmë informata të vlefshme për vizitorët tanë.

Informatat e paraqitura në këtë faqe nga ana e Doganës së Kosovës janë të mbështetura në përgatitjen dhe renditjen e njohurive që ne i kemi përfituar në bazë profesionale në këtë shërbim, por që këto informata të renditura në këtë faqe mund të pësojnë edhe ndryshime të mëvonshme. Nëse këto informata që tani për tani ju ofrojmë, nuk janë të mjaftushme për ju, ju lutemi që nëpërmjet kësaj faqe të na parashtoni pyetje shtesë. Qëllimi ynë është që vazhdimisht ta përmirësojmë shërbimin tonë dhe ne dëshirojmë që ju të na tregoni nëse keni ndonjë koment lidhur me nivelin e shërbimit tonë, i cili mendoni se mund të na shërbejë. Ju lutem, na tregoni nëse dëshironi të shihni më shumë informata. Nëse ju keni ndonjë informatë specifike lidhur me kontrabandën apo korrupsionin, ju lutemi na e ofroni këtë, gjithashtu duke shfrytëzuar këtë faqe apo nëpërmjet telefonit.

Dogana e Kosovës po merr pjesë në ngjarjen globale të Projektit “Smart Customs 2026”, Bruksel 20 tetor 2026 Dogana e Kos...
30/10/2026

Dogana e Kosovës po merr pjesë në ngjarjen globale të Projektit “Smart Customs 2026”,

Bruksel 20 tetor 2026 Dogana e Kosovës po merr pjese në ngjarjen globale ne kuader te projektit “Smart Customs” që po mbahet në selinë e Organizatës Botërore të Doganave në Bruksel, Belgjikë.

Ky aktivitet ndërkombëtar mbledh përfaqësues të administratave doganore dhe ekspertë nga e gjithë bota, me qëllim të diskutimit të zhvillimeve dhe perspektivave të së ardhmes në fushën doganore.

Vëmendje e veçantë i kushtohet inteligjencës artificiale (AI), mësimit makinerik (Machine Learning), teknologjisë Blockchain, analizës së të dhënave dhe aplikimit të teknologjive inovative në proceset doganore.
Pjesëmarrja e Doganës së Kosovës në këtë ngjarje dëshmon përkushtimin institucional për modernizim të vazhdueshëm, avancim të transformimit digjital dhe integrim të zgjidhjeve bashkëkohore teknologjike, me synim rritjen e efikasitetit operacional, përmirësimin e menaxhimit të rrezikut, forcimin e transparencës dhe lehtësimin e tregtisë legjitime.

Projektet dhe iniciativat e Organizatës Botërore të Doganave përbëjnë një mundësi të rëndësishme për bashkëpunim ndërkombëtar, shkëmbim të përvojave dhe ekspertizës, si dhe përfitim nga praktikat më të mira globale, duke kontribuar drejtpërdrejt në zhvillimin dhe fuqizimin e kapaciteteve institucionale të Doganës së Kosovës.

Dogana e Kosovës mbetet e përkushtuar për ndërtimin e një administrate moderne, efikase, transparente dhe të orientuar drejt teknologjisë, në funksion të një shërbimi doganor bashkëkohor dhe të gatshëm për sfidat e së ardhmes.

DOGANA E KOSOVËS NDALON 121 TELEFONA CELULARË PA DOKUMENTACION PËRKATËS GJATË NJË OPERACIONI ANTIKONTRABANDË NË GJAKOVËG...
29/10/2026

DOGANA E KOSOVËS NDALON 121 TELEFONA CELULARË PA DOKUMENTACION PËRKATËS GJATË NJË OPERACIONI ANTIKONTRABANDË NË GJAKOVË

Gjakovë, 29 tetor 2026

Dogana e Kosovës, përmes njësive të Sektorit të Antikontrabandës, ka realizuar një operacion kontrolli në Gjakovë, gjatë të cilit janë ndaluar 121 telefona celularë të markave iPhone dhe Samsung, për të cilët nuk është paraqitur dokumentacion që dëshmon prejardhjen e tyre dhe përmbushjen e detyrimeve doganore.

Gjatë operacionit, zyrtarët doganorë kanë ushtruar kontroll në një subjekt afarist që merret me tregtimin e telefonave celularë dhe pajisjeve elektronike, ku është identifikuar një sasi e konsiderueshme telefonash celularë të modeleve të ndryshme.

Përveç kontrollit në lokalin afarist, kontrollet janë zgjeruar edhe në një banesë, të cilën pronari i biznesit e shfrytëzonte si depo për ruajtjen e mallrave. Edhe në këtë lokacion është zbuluar një sasi e konsiderueshme telefonash celularë.

Gjatë kontrollit dhe verifikimit fillestar, është konstatuar se pronari i biznesit nuk posedonte dokumentacion që dëshmonte origjinën dhe prejardhjen e ligjshme të këtyre pajisjeve, si dhe nuk kishte dëshmi për kryerjen e procedurave të zhdoganimit dhe pagesën e detyrimeve përkatëse doganore.

Në mesin e pajisjeve të ndaluara përfshihen telefona të rinj dhe të përdorur të markës Apple, si dhe telefona të markës Samsung.

Në të dy lokacionet janë ndaluar gjithsej 121 telefona celularë, të cilët janë evidentuar individualisht përmes numrave identifikues IMEI dhe janë vendosur nën mbikëqyrje doganore për trajtim të mëtejmë në përputhje me legjislacionin në fuqi.

Dogana e Kosovës ka iniciuar procedurat përkatëse për verifikimin e prejardhjes së mallrave, përcaktimin e detyrimeve eventuale doganore dhe trajtimin e shkeljeve të dyshuara të legjislacionit doganor.

Ky operacion është pjesë e angazhimeve të vazhdueshme të Doganës së Kosovës për luftimin e kontrabandës dhe tregtisë së paligjshme, identifikimin e mallrave pa dokumentacion përkatës, mbrojtjen e konkurrencës së ndershme dhe parandalimin e shmangies së detyrimeve doganore.

Dogana e Kosovës mbetet e përkushtuar në luftimin e kontrabandës dhe ekonomisë joformale, mbrojtjen e interesave financiare të Republikës së Kosovës dhe garantimin e zbatimit të ligjit në të gjithë territorin e vendit.

Dogana e Kosovës merr pjesë në takimin e Komitetit të Përhershëm Teknik të Organizatës Botërore të DoganaveBruksel 27 te...
27/10/2026

Dogana e Kosovës merr pjesë në takimin e Komitetit të Përhershëm Teknik të Organizatës Botërore të Doganave

Bruksel 27 tetor 2026 Delegacioni i Doganës së Kosovës po merr pjesë në takimin e Komitetit të Përhershëm Teknik (PTC) të Organizatës Botërore të Doganave (OBD), i cili po mbahet, në Bruksel.

Takimi mbledh përfaqësues të administratave doganore dhe partnerë ndërkombëtarë për të diskutuar prioritetet kryesore që përcaktojnë të ardhmen e administratave doganore, përfshirë tregtinë elektronike ndërkufitare, transformimin digjital, përdorimin e të dhënave në proceset doganore, teknologjitë inovative për lehtësimin e tregtisë.
Pjesëmarrja e Doganës së Kosovës në këtë takim dëshmon përkushtimin e saj ndaj bashkëpunimit ndërkombëtar, shkëmbimit të përvojave dhe praktikave më të mira, si dhe modernizimit të vazhdueshëm të procedurave doganore, në përputhje me standardet dhe zhvillimet ndërkombëtare në fushën e tregtisë globale.

Përmes angazhimit aktiv në forumet ndërkombëtare, Dogana e Kosovës mbetet e përkushtuar në lehtësimin e tregtisë legjitime, forcimin e kontrolleve doganore, avancimin e inovacionit dhe kontributin në krijimin e një mjedisi tregtar më efikas, transparent dhe të sigurt

Dogana e Kosovës shpreh mirënjohjen e saj për Organizatën Botërore të Doganave (WCO) dhe Bashkimin Evropian (BE) për mbë...
26/10/2026

Dogana e Kosovës shpreh mirënjohjen e saj për Organizatën Botërore të Doganave (WCO) dhe Bashkimin Evropian (BE) për mbështetjen e vazhdueshme në avancimin e kapaciteteve profesionale dhe operative, si dhe në forcimin e sigurisë kufitare në Kosovë.

Trajnimi i organizuar në kuadër të aktiviteteve për ngritjen e kapaciteteve përfaqëson një kontribut të rëndësishëm në rritjen e efikasitetit operacional, përmirësimin e menaxhimit të kufirit dhe forcimin e bashkëpunimit rajonal.

Dogana e Kosovës vlerëson lart partneritetin dhe mbështetjen e WCO-së dhe Bashkimit Evropian në zhvillimin e një administrate doganore moderne, profesionale dhe efikase, të përkushtuar ndaj garantimit të sigurisë kufitare, lehtësimit të tregtisë së ligjshme dhe zbatimit efektiv të kontrolleve doganore.

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐦𝐛ë𝐬𝐡𝐭𝐞𝐭 𝐟𝐮𝐬𝐡𝐚𝐭ë𝐧 “𝐓𝐞𝐭𝐨𝐫𝐢 𝐫𝐨𝐳ë” 𝐩ë𝐫 𝐧𝐠𝐫𝐢𝐭𝐣𝐞𝐧 𝐞 𝐯𝐞𝐭ë𝐝𝐢𝐣𝐞𝐬𝐢𝐦𝐢𝐭 Prishtinë, 26 tetor 2026 – Sindikata e Pav...
26/10/2026

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐦𝐛ë𝐬𝐡𝐭𝐞𝐭 𝐟𝐮𝐬𝐡𝐚𝐭ë𝐧 “𝐓𝐞𝐭𝐨𝐫𝐢 𝐫𝐨𝐳ë” 𝐩ë𝐫 𝐧𝐠𝐫𝐢𝐭𝐣𝐞𝐧 𝐞 𝐯𝐞𝐭ë𝐝𝐢𝐣𝐞𝐬𝐢𝐦𝐢𝐭

Prishtinë, 26 tetor 2026 – Sindikata e Pavarur e Doganës së Kosovës, në kuadër të fushatës ndërgjegjësuese “Tetori Rozë”, në bashkëpunim dhe me mbështetjen e Doganës së Kosovës dhe UBT-së, organizoi një ligjëratë informuese dhe ndërgjegjësuese mbi kancerin e gjirit.

Ligjërata u mbajt nga znj. Egzona Bytyqi, mjeke onkologe në Qendrën Klinike Universitare të Kosovës (QKUK), e cila para stafit të Doganës së Kosovës trajtoi rëndësinë e informimit, parandalimit dhe diagnostikimit të hershëm të kancerit të gjirit.

Gjatë ligjëratës, znj. Bytyqi inkurajoi pjesëmarrësit që të jenë të vëmendshëm ndaj ndryshimeve në trup dhe të mos neglizhojnë asnjë simptomë apo shqetësim shëndetësor, duke kërkuar me kohë këshillën dhe vlerësimin e profesionistëve shëndetësorë.

Një pjesë e rëndësishme e ligjëratës iu kushtua edhe rolit të meshkujve në ngritjen e vetëdijes dhe ndërgjegjësimit për kancerin e gjirit. Mesazhi ndërgjegjësues u adresua jo vetëm grave, por gjithë shoqërisë, duke nënvizuar rëndësinë e mbështetjes, informimit dhe kujdesit shëndetësor.

Përmes kësaj nisme, Dogana e Kosovës rithekson rëndësinë e promovimit të shëndetit, informimit dhe ndërgjegjësimit, duke mbështetur iniciativa që kontribuojnë në një kulturë më të madhe të kujdesit dhe parandalimit.

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐳𝐛𝐮𝐥𝐨𝐧 𝐤𝐚𝐧𝐚𝐛𝐢𝐬 𝐧ë 𝐧𝐣ë 𝐝ë𝐫𝐠𝐞𝐬ë 𝐩𝐨𝐬𝐭𝐚𝐫𝐞Prishtinë, 23 tetor 2026 – Zyrtarët e Doganës së Kosovës, gjatë us...
26/10/2026

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐳𝐛𝐮𝐥𝐨𝐧 𝐤𝐚𝐧𝐚𝐛𝐢𝐬 𝐧ë 𝐧𝐣ë 𝐝ë𝐫𝐠𝐞𝐬ë 𝐩𝐨𝐬𝐭𝐚𝐫𝐞

Prishtinë, 23 tetor 2026 – Zyrtarët e Doganës së Kosovës, gjatë ushtrimit të kontrolleve doganore në një dërgesë postare, kanë zbuluar substancë të dyshuar narkotike të llojit kanabis.

Gjatë kontrollit të dërgesës përmes pajisjeve të skanimit, si dhe bazuar në dyshimet e krijuara nga zyrtari doganor, është vendosur që dërgesa t’i nënshtrohet kontrollit të detajuar fizik.

Pas hapjes dhe kontrollimit të dërgesës, janë zbuluar 10 (dhjetë) cigare të mbushura me substancë të dyshuar si kanabis, si dhe 2 (dy) copë torte me përmbajtje të dyshuar të kanabis.

Lidhur me rastin, Dogana e Kosovës ka njoftuar Njësinë përkatëse të Antidrogës të Policisë së Kosovës, me qëllim të ndërmarrjes së veprimeve të mëtejshme në përputhje me kompetencat ligjore dhe procedurat në fuqi. Dërgesa dhe përmbajtja e saj janë ndaluar për procedim të mëtejshëm institucional.

Dogana e Kosovës do të vazhdojë të ndërmarrë të gjitha veprimet brenda kompetencave të saj ligjore për parandalimin e kontrabandës dhe qarkullimit të kundërligjshëm të mallrave, duke bashkëpunuar me institucionet kompetente për trajtimin e rasteve të tilla.

DOGANA E KOSOVËS ZBULON 116 TELEFONA MOBILË TË KONTRABANDUAR GJATË NJË OPERACIONI KONTROLLIPrishtinë, 24 tetor 2026Mbrëm...
24/10/2026

DOGANA E KOSOVËS ZBULON 116 TELEFONA MOBILË TË KONTRABANDUAR GJATË NJË OPERACIONI KONTROLLI

Prishtinë, 24 tetor 2026

Mbrëmë, më 23 tetor 2026, Dogana e Kosovës, pas pranimit të informatave përmes rrugëve operative, ka organizuar dhe realizuar një operacion kontrolli ndaj një biznesi që merret me tregtimin e telefonave mobilë.

Operacioni fillimisht është përqendruar në kontrollin e lokalit afarist, ndërsa më pas, bazuar në informacionet operative, kontrolli është zgjeruar edhe në një banesë në afërsi të biznesit, e cila shfrytëzohej për fshehjen dhe ruajtjen e telefonave mobilë të kontrabanduar.

Gjatë kontrollit, zyrtarët doganorë kanë zbuluar 116 telefona mobilë të kontrabanduar, të markave dhe modeleve të ndryshme, përfshirë Apple iPhone, Samsung Galaxy, Xiaomi, Redmi, POCO, Google Pixel, OnePlus dhe Huawei.

Për të gjithë telefonat e zbuluar, personi përgjegjës nuk ka poseduar dokumentacion që dëshmon origjinën e ligjshme të mallrave, importimin e tyre përmes procedurave të rregullta doganore apo pagesën e detyrimeve përkatëse doganore.

Si rezultat i këtij operacioni, të gjithë telefonat mobilë janë ndaluar nga Dogana e Kosovës, ndërsa ndaj personit të dyshuar janë ndërmarrë veprimet procedurale në përputhje me legjislacionin në fuqi.

Personi i dyshuar është intervistuar nga zyrtarët kompetentë dhe, me urdhër të prokurorit të rastit, është liruar për t’u proceduar në procedurë të rregullt.

Dogana e Kosovës mbetet e përkushtuar në luftimin e kontrabandës dhe ekonomisë joformale, duke intensifikuar kontrollet e bazuara në informacione operative dhe analiza të rrezikut.

DOGANA E KOSOVËS THEKSON ROLIN E SAJ NË LUFTIMIN E TRAFIKIMIT TË SUBSTANCAVE TË NDALUARAPrishtinë, 22 tetor 2026 – Në Pr...
24/10/2026

DOGANA E KOSOVËS THEKSON ROLIN E SAJ NË LUFTIMIN E TRAFIKIMIT TË SUBSTANCAVE TË NDALUARA

Prishtinë, 22 tetor 2026 – Në Prishtinë është zhvilluar punëtoria me temë “Inteligjencë dhe Hetime në Anti-Doping”, e cila ka bashkuar përfaqësues të institucioneve dhe akterë relevantë në funksion të forcimit të bashkëpunimit dhe shkëmbimit të informacionit në luftën kundër trafikimit të substancave të ndaluara.

Në kuadër të kësaj punëtorie, Dogana e Kosovës kishte një rol të rëndësishëm në trajtimin e çështjeve që lidhen me trafikimin e substancave të ndaluara, me theks të veçantë në kontrollin kufitar, mbledhjen dhe analizimin e informacionit, përdorimin e inteligjencës dhe bashkëpunimin ndërinstitucional.

Përfaqësuesi i Doganës së Kosovës prezantoi perspektivën e institucionit në parandalimin dhe zbulimin e rasteve të mundshme të trafikimit, duke theksuar rëndësinë e shkëmbimit të shpejtë dhe të koordinuar të informacionit ndërmjet institucioneve përgjegjëse.

Gjatë diskutimeve u vlerësua se luftimi efektiv i trafikimit të substancave të ndaluara kërkon një qasje të përbashkët institucionale, ku informacioni i siguruar në pikat kufitare dhe përmes mekanizmave të inteligjencës mund të kontribuojë në identifikimin e rreziqeve, parandalimin e veprimtarive të kundërligjshme dhe mbështetjen e hetimeve.

Punëtoria trajtoi gjithashtu rregullat anti-doping, kuadrin ligjor në Kosovë, menaxhimin e rasteve, inteligjencën dhe hetimet në anti-doping, si dhe perspektivën ndërkombëtare dhe bashkëpunimin me organet ligjzbatuese.

Një pjesë e rëndësishme e diskutimeve iu kushtua shkëmbimit të informacionit dhe inteligjencës ndërmjet institucioneve, si dhe mundësisë së krijimit të një Task Force Kombëtare për Inteligjencë dhe Hetime në Anti-Doping, me qëllim të rritjes së koordinimit dhe efikasitetit institucional.

Dogana e Kosovës mbetet e përkushtuar në forcimin e bashkëpunimit me institucionet vendore dhe partnerët ndërkombëtarë, duke shfrytëzuar kapacitetet e saj në fushën e kontrollit, inteligjencës dhe analizës së rrezikut për të kontribuar në parandalimin dhe luftimin e trafikimit të substancave të ndaluara.

Punëtoria u përmbyll me përcaktimin e hapave të ardhshëm dhe pikave të kontaktit ndërmjet institucioneve, me synim forcimin e bashkëpunimit dhe koordinimit në këtë fushë.

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐩𝐚𝐫𝐚𝐧𝐝𝐚𝐥𝐨𝐧 𝐤𝐨𝐧𝐭𝐫𝐚𝐛𝐚𝐧𝐝ë𝐧 𝐦𝐞 𝐩𝐫𝐨𝐝𝐮𝐤𝐭𝐞 𝐩ë𝐫 𝐦𝐛𝐫𝐨𝐣𝐭𝐣𝐞𝐧 𝐞 𝐛𝐢𝐦ë𝐯𝐞Vërmicë, 22 tetor 2026 – Dogana e Kosovës ka ...
23/10/2026

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐩𝐚𝐫𝐚𝐧𝐝𝐚𝐥𝐨𝐧 𝐤𝐨𝐧𝐭𝐫𝐚𝐛𝐚𝐧𝐝ë𝐧 𝐦𝐞 𝐩𝐫𝐨𝐝𝐮𝐤𝐭𝐞 𝐩ë𝐫 𝐦𝐛𝐫𝐨𝐣𝐭𝐣𝐞𝐧 𝐞 𝐛𝐢𝐦ë𝐯𝐞

Vërmicë, 22 tetor 2026 – Dogana e Kosovës ka parandaluar tentativën për kontrabandim të produkteve për mbrojtjen e bimëve në Pikën e Kalimit Kufitar në Vërmicë, gjatë kontrolleve të kamionit me mallra që hyjnë në territorin e Republikës së Kosovës.

Gjatë kontrollit të ngarkesës dhe vendosjes së plumbçes doganore, zyrtari doganor ka vërejtur një hapësirë të modifikuar në kamion. I pyetur nëse kishte mallra të tjera për të deklaruar, drejtuesi i automjetit nuk ka deklaruar asgjë shtesë.

Pas kontrollit të hapësirës së modifikuar, zyrtari doganor ka gjetur disa qese, për të cilat drejtuesi i automjetit kishte deklaruar se përmbanin rroba personale.

Megjithatë, nga kontrolli i detajuar janë zbuluar 300 copë produkte për mbrojtjen e bimëve, të cilat nuk ishin deklaruar pranë Doganës. Për këto produkte nuk është paraqitur faturë apo dokumentacion përkatës.

Në lidhje me rastin, në përputhje me dispozitat e Kodit Doganor dhe të Akcizave Nr. 08/L-247, është iniciuar procedura kundërvajtëse.

Dogana e Kosovës mbetet e përkushtuar në parandalimin dhe luftimin e kontrabandës, duke intensifikuar kontrollet për të parandaluar futjen e mallrave të padeklaruara dhe produkteve që mund të paraqesin rrezik për shëndetin e njerëzve, mjedisin dhe bujqësinë. Njëkohësisht, Dogana u bën thirrje të gjithë udhëtarëve dhe operatorëve ekonomikë që t’i përmbushin obligimet ligjore dhe t’i deklarojnë mallrat në përputhje me legjislacionin në fuqi.

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐳𝐛𝐮𝐥𝐨𝐧 𝐦𝐚𝐥𝐥𝐫𝐚 𝐭ë 𝐩𝐚𝐝𝐞𝐤𝐥𝐚𝐫𝐮𝐚𝐫𝐚 𝐧ë 𝐩𝐢𝐤ë𝐧 𝐞 𝐤𝐚𝐥𝐢𝐦𝐢𝐭 𝐤𝐮𝐟𝐢𝐭𝐚𝐫 𝐧ë 𝐕ë𝐫𝐦𝐢𝐜ëVërmicë, 21 tetor 2026 – Zyrtarët e ...
23/10/2026

𝐃𝐨𝐠𝐚𝐧𝐚 𝐞 𝐊𝐨𝐬𝐨𝐯ë𝐬 𝐳𝐛𝐮𝐥𝐨𝐧 𝐦𝐚𝐥𝐥𝐫𝐚 𝐭ë 𝐩𝐚𝐝𝐞𝐤𝐥𝐚𝐫𝐮𝐚𝐫𝐚 𝐧ë 𝐩𝐢𝐤ë𝐧 𝐞 𝐤𝐚𝐥𝐢𝐦𝐢𝐭 𝐤𝐮𝐟𝐢𝐭𝐚𝐫 𝐧ë 𝐕ë𝐫𝐦𝐢𝐜ë

Vërmicë, 21 tetor 2026 – Zyrtarët e Doganës së Kosovës kanë zbuluar mallra të padeklaruara gjatë kontrollit të një automjeti me targa të Republikës së Shqipërisë, në pikën e kalimit kufitar në Vërmicë.

Bazuar në analizën e riskut, automjeti është përzgjedhur për kontroll doganor. Gjatë intervistimit, udhëtari nuk ka deklaruar mallra për t'u raportuar te autoritetet doganore.

Për shkak të dyshimeve, zyrtari doganor e ka udhëzuar udhëtarin që automjetin ta dërgojë në vijën e dytë të kontrollit, për një verifikim më të detajuar. Gjatë kontrollit janë zbuluar 20 copë ngrohëse, me vlerë të përafërt prej 1,200 eurosh, pa përfshirë taksat doganore.

Mallrat janë ndaluar, ndërsa rasti do të trajtohet në përputhje me procedurat administrative dhe legjislacionin në fuqi.

Dogana e Kosovës vazhdon angazhimin për parandalimin e kontrabandës dhe të tregtisë së paligjshme, me qëllim të mbrojtjes së interesave ekonomike të vendit, garantimit të konkurrencës së drejtë ndërmjet operatorëve ekonomikë dhe zbatimit të njëtrajtshëm të legjislacionit doganor.

Address

Pristina
10000

Telephone

+38380050095

Website

Alerts

Be the first to know and let us send you an email when Dogana e Kosovës posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Dogana e Kosovës:

Shortcuts

Share

Category

Nearby government services

Other Government Buildings in Pristina

Show All