Njesia Administrative Postribë

23/10/2026

📢 NJOFTIM PËR BANORËT E POSTRIBËS

Të nderuar banorë,

Ju njoftojmë se, për shkak të një defekti në transformator, një pjesë e territorit të Postribës do të jetë pa energji elektrike per disa orë.

Grupet e OSHEE Shkodër janë në terren dhe po punojnë për zëvendësimin e transformatorit, me qëllim rikthimin e energjisë elektrike sa më shpejt të jetë e mundur.

Kërkojmë mirëkuptimin tuaj për këtë situatë dhe ju falënderojmë për durimin!

Njësia Administrative Postribë

18/09/2026

16/09/2026

📢 NJOFTIM

Të nderuar banorë të Njësisë Administrative Postribë,

Ditën e Premte, më datë 18.09.2026, do të zhvillohet Dëgjesë Publike për Projektbuxhetin Vjetor 2027 të Bashkisë Shkodër.

🗣️ Jeni të ftuar të merrni pjesë dhe të adresoni problematikat, shqetësimet dhe nevojat e komunitetit tonë, si dhe të paraqisni propozimet tuaja për përfshirje në buxhetin e vitit 2027.

📍 Vendi: Bar Kafe “Ura e Mesit”
🕐 Ora: 13:00

Pjesëmarrja dhe zëri i çdo qytetari janë të rëndësishëm për përcaktimin e prioriteteve të komunitetit tonë.

Ju mirëpresim!

13/09/2026

📚 Gëzuar fillimin e Vitit të Ri Shkollor! 🎒

Në emër të Njësisë Administrative Postribë, urojmë të gjithë nxënësit, mësuesit dhe prindërit për një vit të ri shkollor të mbarë, të suksesshëm dhe plot arritje!

Të dashur nxënës, ju urojmë shëndet, suksese, dije dhe shumë momente të bukura gjatë këtij viti. Shkolla është vendi ku ndërtohen ëndrrat, fitohet dija dhe hidhen hapat e parë drejt së ardhmes. 🌟

Një urim i veçantë për nxënësit që ulen për herë të parë në bankat e shkollës dhe për ata që rikthehen me energji e dëshirë për të mësuar.

Mirënjohje për mësuesit dhe stafet pedagogjike për përkushtimin dhe punën e tyre të palodhur, si dhe për prindërit për mbështetjen e vazhdueshme ndaj fëmijëve.

Suksese në çdo hap dhe një vit shkollor sa më të mbarë për të gjithë! 📖✏️

Njësia Administrative Postribë 🇦🇱📚

09/09/2026

🇦🇱 80 VJET NGA LËVIZJA ANTIKOMUNISTE E POSTRIBËS 🇦🇱
09 Shtator 1946 – 09 Shtator 2026

Sot përkujtojmë me respekt dhe nderim 80-vjetorin e Lëvizjes Antikomuniste të Postribës, një nga ngjarjet më të dhimbshme dhe njëkohësisht më të rëndësishme të historisë së qëndresës antikomuniste në Shqipëri.

Më 9 shtator 1946, bijtë e Postribës dhe të trevave përreth u ngritën për të mbrojtur lirinë, dinjitetin, pronën dhe të drejtën për të jetuar të lirë.

Kjo ngjarje u pasua nga represioni i egër i regjimit komunist, me arrestime, burgosje, pushkatime dhe persekutime ndaj shumë familjeve.

Sot kujtojmë me nderim të gjithë ata burra dhe familje që sakrifikuan për lirinë.

Historia nuk duhet harruar.
Ajo duhet treguar brez pas brezi, që sakrifica e tyre të mbetet gjithmonë pjesë e kujtesës sonë kombëtare.

Postriba nuk harron!
Lavdi dhe nderim për të gjithë të rënët dhe të persekutuarit! 🇦🇱

07/09/2026

Një falënderim i veçantë për të gjitha strukturat e Bashkisë Shkodër dhe strukturat qendrore, për gatishmërinë, angazhimin dhe punën e palodhur në përballimin e situatës.

Një mirënjohje të veçantë për Kryetarin e Fshatit Myselim, z. Isref Velija, si dhe për të gjithë banorët e Myselimit, të cilët kanë qenë krah për krah me ne, duke dhënë maksimumin e tyre në çdo moment.

🤝 Falë bashkëpunimit, solidaritetit dhe angazhimit të përbashkët, arritëm të bëjmë më të mirën për të shmangur dëmet në njerëz, banesa dhe bagëti.

Në momente të vështira, bashkimi dhe solidariteti i komunitetit janë forca jonë më e madhe.

❤️ Faleminderit nga zemra të gjithëve!
Postriba dhe banorët e saj janë gjithmonë një familje.

10/08/2026

Ju lutem ta mirëmbajmë dhe mos te kalojmë me mjete qe e degradojnë uren 👏🤝

29/07/2026

Me dhimbje të thellë morëm lajmin për tragjedinë e rëndë që i mori jetën një nëne dhe dy fëmijëve të saj në fshatin Domën. Një dhimbje që nuk prek vetëm familjen, por trondit mbarë komunitetin tonë.

Në këto çaste të vështira, u shpreh ngushëllimet më të sinqerta familjarëve dhe të afërmve. Lutem që Zoti t’i mëshirojë të ndjerët, t’i pranojë në Xhenetin e Tij dhe t’u japë forcë e durim atyre që mbeten për ta përballuar këtë humbje të pazëvendësueshme.

Falënderim dhe mirënjohje për të gjitha strukturat e angazhuara në vendngjarje për përpjekjet e tyre.

24/07/2026

Drishti Legjendar 😍🤩

11/07/2026

🤩😍