Bibliotecas Municipais da Coruña

09/11/2026

Desde o Servizo Municipal de Bibliotecas da Coruña queremos felicitar o por estes dez anos de traxectoria. Dez anos celebrando a diversidade e facendo da cultura un espazo para todas as persoas. Dez anos son moito máis ca unha celebración: son dez anos de compromiso, de traballo e de defensa dunha cultura máis diversa, accesible e inclusiva.

Nas bibliotecas públicas cremos que a cultura debe ser un dereito de todas as persoas. Por iso compartimos plenamente os valores que representa o FESTIGUAL. Seguiremos traballando por unha cultura sen barreiras e aberta a todo o mundo.

Parabéns e grazas a todas as persoas, profesionais e entidades que fixeron posible chegar ata aquí. Dez anos creando oportunidades para participar, expresarse e compartir a través da cultura.

Desexámosvos moitos anos máis de arte, diversidade e inclusión. Que sigamos celebrando unha cultura na que todas as persoas teñan o seu lugar.

Parabéns por este décimo aniversario!

07/11/2026

Curso sobre uso avanzado do teléfono móbil na Btca. Municipal Ágora. ✏️ 🔗 👩‍🎓 📱 🔌 🔌https://t.mtrbio.com/bibcoruna

07/11/2026

O sufraxio feminino foi un dos avances máis importantes da Segunda República española. A Constitución de 1931 recoñeceu o dereito das mulleres para votar, que puideron exercer por primeira vez nas eleccións de 1933. Este feito supuxo un importante cambio na sociedade e na política española, alén de xerar numerosos debates sobre o papel da muller na vida pública. A continuación, exponse algunhas cuestións relacionadas con este acontecemento histórico.

E vós, coñecedes máis curiosidades sobre este fito histórico? contádenos

Recordámosvos que na Biblioteca Durán Loriga temos moitos materiais sobre este e outros temas, que seguro son do voso interese, pasádevos a facernos unha visita!

06/11/2026

.
A Biblioteca Municipal Fórum Metropolitano recibe a escritora coruñesa Lydia Parga, que nos presentará a súa segunda obra, Mírame cuando me mientas, unha novela psicolóxica ambientada na Coruña.
Mauro e Cecilia son os protagonistas dunha relación na que a obsesión, a dependencia emocional e as mentiras van transformando pouco a pouco a realidade. Unha historia sobre os segredos, a fraxilidade dos vínculos e esa difícil fronteira entre o que acontece e o que necesitamos crer.

📅 Luns, 9 de novembro
🕖 De 19.00 a 20.00 h
📍 Biblioteca Municipal Fórum Metropolitano
🎟️ Acceso libre até completar a capacidade.

Achégate, coñece a autora e comparte connosco unha nova tarde arredor dos libros e da lectura.

https://www.coruna.gal/bibliotecas/gl/actividades/persoais/actividades-nas-bibliotecas/detalle-evento/lunsdeencontros-presentacion-do-libro-mirame-cuando-me/suceso/1453924702137

06/11/2026

Máis outro ano, estamos en novembro, o mes da ciencia en galego nas bibliotecas (🧪🛰️📚).

Mainamente, foron pasando os seus primeiros días e cáseque a primeira semana. Para non deixar caer máis follas do calendario como caeron xa as follas das árbores caducas nos parques da cidade, quixemos traervos hoxe a primeira das publicacións que temos preparadas para achegarvos a ciencia en galego, con exemplos de todo tipo.

Semana 1:
🧪Elas, de Xulio Gutiérrez e Lucía Cobo (Faktoría K de Libros, 2026).
🛰️O hotel cerebro, de Marja Baseler & Annemarie van den Brink e ilustracións de Tjarko van der Pol ; traducido ao galego por Antón Vialle e María Alonso Seisdedos (Hércules, 2025).
📚As matemáticas máis sorprendentes, de Fernando S**o Pérez (Xerais, 2024).

De ciencias sociais, a ciencias naturais. De ciencias STEM, a ciencias da saúde. Porque en galego tamén facemos ciencia. Cal é a túa? Descubre nesta serie de publicacións ao longo do mes de novembro algún dos libros máis recentes que temos nas bibliotecas sobre diversas ciencias escritos en galego! Para persoas grandes e pequenas 😉

04/11/2026

A historia comeza cando un ladrón intenta atracar un banco, pero algo sae mal e termina fuxindo e entrando nun apartamento. Alí atópase cun grupo de descoñecidos que, sen ter nada que ver entre eles, convértense nos seus reféns. A partir dese momento, a situación vólvese cada vez máis absurda e divertida.
Ao principio poden parecer persoas completamente distintas, pero aos poucos descubrimos que todos teñen algo en común: están preocupados, teñen medos e arrastran problemas privados.
Destaca o humor pero trata temas bastante serios, como a saúde mental, a soidade, as relacións familiares e o suicidio, .... o autor utiliza situacións absurdas e diálogos divertidos para evitar que a historia resulte demasiado triste

Recordade que podedes atopar máis obras deste xénero e deste autor nas Bibliotecas Municipais da Coruña.
Tamén contades co catálogo web, en coruna.gal/opac, para bruxulear e descubrir novas obras ou clásicos por reler.

E vós, que obra estades a ler nestes momentos? Lémosvos!

HarperCollins Fredrik Backman

03/11/2026

Semanas de ensaios durísimos na biblioteca Sagrada Familia. Houbo perrucas, texto en man ata o último momento e un batallón de paisanas de mandilón e fouciño disposto a defender o seu. O Cid aínda non sabe o que lle espera.

🎭Este xoves 5 de novembro, ás 19:00 h, o Club de Teatro María Casares estrea «O Cantar de Rui Díaz (o da Grela)» no auditorio do Centro Ágora. Será dentro da primeira cita de «ACAB nos Barrios», a nova iniciativa da Agrupación Cultural Alexandre Bóveda xunto coa Asociación Veciñal da Agra do Orzán para levar a cultura aos barrios da cidade.

A obra é unha comedia paródica chea de retranca que revisa o mito do Cid. O heroe chega a Galiza para resolver o roubo das campás da catedral de Santiago e, despois dun choque brutal coa idiosincrasia galega, remata levantando un imperio téxtil.

Antes da función, a ACAB presentará brevemente a agrupación e as actividades que ten en marcha.

📍Auditorio do Centro Ágora
📆Xoves 5 de novembro, 19:00 h
🎟️Entrada libre ata completar a capacidade

Durante os ensaios non houbo feridos. Polo menos, ningún que conste.

Grazas á por contar co noso club e á por facelo posible. Vémonos no Ágora!

03/11/2026

Este novembro queremos ler para lembrar. Propoñémosche meterte de cheo na lectura dunha novela histórica: intrigas de corte, batallas decisivas, voces esquecidas, grandes viaxes e pequenos detalles que constrúen o pasado. Escolle unha época para visitar e únete ao reto.

02/11/2026

Na Biblioteca de Castrillón temos un outono cheo de actividades para todos os públicos. Neste novembro, mes internacional dos xogos, inauguramos o servizo de préstamo de xogos de mesa. Tamén poderedes vir xogar á biblioteca os venres pola tarde 🎲🃏🎲

02/11/2026

📢 Aínda quedan prazas dispoñibles!

A Biblioteca Municipal de Estudos Locais organiza a actividade Ando na Coruña: o convento e a igrexa de San Francisco, unha oportunidade para coñecer a historia dun dos espazos máis emblemáticos da cidade da man da arqueóloga Matilde González Méndez.

📅 Do 4 ao 25 de novembro
📚 Sesión introdutoria + visitas guiadas á igrexa e ás ruínas do antigo convento de San Francisco.

👉 Inscricións na web municipal:
https://f.mtr.cool/bk4xvkrspd

📞 981 18 43 86
📧 [email protected]

Empregamos cookies propias (de sesión, de personalización, de preferencias) para mellorar a experiencia do usuario a través do sitio web e cookies de terceiros xeradas por servizos ou provedores externos ao sitio web, que recollen datos estatísticos, de uso, gustos dos usuarios, etc. Ao aceptar ...