Concello de Abadín

30/10/2026

🚧 MELLORA DOS ACCESOS EN SAN XOÁN DE VILARENTE

O Concello de Abadín continúa traballando na mellora das infraestruturas municipais, colaborando na limpeza, acondicionamento e pavimentación dos accesos ao local social de San Xoán de Vilarente.

📍 Actuación: Acceso ao local social de San Xoán de Vilarente.
💶 Orzamento: 21.643,22 €
🤝 Financiamento: Remanentes do Plan Único.

Seguimos mellorando os accesos e os espazos comúns das nosas parroquias, contribuíndo ao benestar da veciñanza e á conservación dos servizos no rural.

30/10/2026

🎃👻 O SAMAÍN CHEGOU AO P.A.I DE ABADÍN! 🧙‍♀️🕷️

🧡 Os nenos e nenas do P.A.I celebraron o Samaín dunha maneira moi especial, acudindo disfrazados con diferentes temáticas propias destas datas.

🧛‍♂️ Bruxas, pequenos diaños, personaxes terroríficos e moitos outros disfraces encheron de cor, ilusión e diversión esta xornada tan especial.

🍂 Unha celebración na que non faltaron os sorrisos, a imaxinación e as ganas de pasalo ben, permitindo aos máis pequenos g***r dunha das tradicións máis divertidas do outono.

🥰 Desde o Concello de Abadín queremos felicitar a todos os nenos e nenas, así como ao equipo educativo do P.A.I, por facer posible esta divertida celebración.

🎃 Feliz Samaín a todos e todas!

29/10/2026

💡 FINALIZADAS AS OBRAS DE MELLORA DO ALUMEADO PÚBLICO EN ABADÍN 💡

🏡 O Concello de Abadín informa da finalización das obras de renovación das luminarias do alumeado público mediante a instalación de tecnoloxía LED, unha actuación destinada a mellorar a eficiencia enerxética e modernizar as infraestruturas municipais.

🌱 A substitución das luminarias por tecnoloxía LED permite reducir o consumo enerxético e os custos asociados ao alumeado, contribuíndo tamén a unha xestión máis eficiente e sostible dos recursos públicos.

💶 INVESTIMENTO E FINANCIAMENTO

🔹 Orzamento: 77.688,05 €
🔹 Financiamento: Fondo de Compensación Ambiental da Xunta de Galicia.
🔹 Empresa contratista: Instalaciones Valdés.

🤝 Desde o Concello de Abadín continuamos traballando para modernizar os servizos municipais, mellorar a eficiencia enerxética e avanzar cara a un municipio máis sostible, cunha mellor utilización dos recursos públicos.

29/10/2026

🐴🐂 FEIRA DE SANTOS EN GONTÁN – ABADÍN 2026 🐂🐴

📅 O vindeiro sábado, 7 de novembro, Gontán acollerá o tradicional Concurso de Gando da Feira de Santos, unha cita para poñer en valor a calidade da nosa cabana gandeira e o traballo dos profesionais do sector.

📋 PROGRAMA DO CONCURSO

🕛 12:00 h. Inscrición dos participantes.
🏆 14:00 h. Entrega de premios.

💶 PREMIOS DE 100 € EN CADA CATEGORÍA:
🐴 Mellor exemplar equino.
🐂 Mellor exemplar bovino.
🐎 Mellor cría equina.
🐄 Mellor cría bovina.
🐴 Maior número de exemplares equinos.
🐂 Maior número de exemplares bovinos.
🏇 Mellor exemplar equino de sela.

🤝 Unha oportunidade para reunir gandeiros, veciñanza e visitantes arredor dunha das tradicións máis representativas do noso rural, recoñecendo o esforzo e a dedicación das persoas que traballan cada día no sector gandeiro.

📍 Lugar: Gontán, Abadín.
📅 Data: sábado, 7 de novembro de 2026.

🎉 Agardámosvos para compartir unha nova edición da Feira de Santos!

Organiza: Concello de Abadín.

29/10/2026

NOTA DE CONDOLENCIA POLO ACCIDENTE FERROVIARIO DE TOLEDO

O Concello de Abadín quere expresar o seu máis fondo pesar polo tráxico accidente ferroviario ocurrido en Toledo, así como trasladar as súas máis sinceras condolencias ás familias e persoas achegadas das vitimas.

Facemos chegar tamén todo noso apoio e solidariedade ás persoas feridas e as seus familiares, desexámdolles unha pronta recuperación, e recoñocemos o labor dos servizos de emerxencia e de todos os profesionais que están a traballar nesta situación.

Dende o Concello de Abadín unímonos a dor das persoas afectadas e trasladámoslles todo o noso agarimo e solidariedade nestes difíciles momentos.

26/10/2026

🚧 COMEZAN AS OBRAS DE MELLORA DOS CAMIÑOS RURAIS DE ABADÍN 🚜

🏡 O Concello de Abadín informa do comezo das obras de mellora de varios camiños municipais de acceso a diferentes entidades de poboación do municipio, co obxectivo de mellorar as comunicacións e facilitar os desprazamentos da veciñanza.

🛣️ QUE CAMIÑOS SE VAN MELLORAR?

As actuacións inclúen camiños de acceso ás seguintes zonas:
📍 O Valado
📍 Zonán
📍 As Veiguiñas
📍 Os Tarraxís
📍 A Choqueira
📍 Chao do Covo
📍 Carballal
📍 Tezán

🌱 Estas intervencións permitirán mellorar o estado das vías municipais e favorecer unhas comunicacións máis seguras e cómodas para as persoas residentes nestas zonas, así como para o acceso ás explotacións e propiedades rurais.

💶 OBRAS SUBVENCIONADAS POLA XUNTA DE GALICIA

As actuacións están subvencionadas pola Xunta de Galicia, a través de AGADER (Axencia Galega de Desenvolvemento Rural), no marco do Plan de Camiños Rurais 2026.

🚜 As obras están a cargo da empresa Cholo, S.L., de Vilalba, contratista responsable da execución destes traballos de mellora dos camiños municipais.

🤝 Desde o Concello de Abadín continuamos traballando para mellorar as infraestruturas municipais e os servizos, contribuíndo ao mantemento e á mellora da calidade de vida no noso rural.

26/10/2026

📺📡 AVISO IMPORTANTE: CAMBIOS NA RECEPCIÓN DA TDT EN ABADÍN

📅 O vindeiro 19 de outubro realizaranse actuacións nos centros de extensión de cobertura do sinal de televisión dixital terrestre (TDT) de Labrada e Monte Neda, co obxectivo de evitar interferencias e mellorar a recepción das canles de televisión.

📡 QUE CAMBIOS SE VAN PRODUCIR?

🔹 Centro de Labrada: está previsto que, a partir do 5 de novembro, as canles de televisión pasen a emitirse en novas frecuencias.

🔹 Centro de Monte Neda: tamén se realizarán cambios nas frecuencias de emisión, coa mesma data prevista para o inicio da primeira fase, o 5 de novembro.

📺 QUE TEÑEN QUE FACER OS VECIÑOS E VECIÑAS AFECTADOS?

Unha vez realizados os cambios, será necesario facer unha nova busca de canles no televisor ou no receptor da TDT para poder seguir vendo todas as canles dispoñibles.

🏘️ No caso das comunidades de veciños que dispoñan dunha instalación colectiva de antena, pode ser necesario adaptala para garantir unha correcta recepción do sinal.

📍 ZONAS AFECTADAS

Os cambios poden afectar a distintas entidades de poboación das parroquias de Labrada, Abadín, As Goás, Cabaneiro, Candia, Fanoi, Fraiás, Galgao, Montouto, Quende e Romariz, entre outras zonas indicadas na información remitida pola Oficina Técnica da Televisión Dixital da Xunta de Galicia.

☎️ MÁIS INFORMACIÓN

Para consultar dúbidas sobre o centro emisor correspondente ou comprobar a calidade da cobertura da TDT, pódese contactar a través de:

📞 Teléfono: 881 866 388
🌐 Páxina web: www.tdtgalicia.gal

ℹ️ Recoméndase ás persoas residentes nas zonas afectadas que estean atentas a estes cambios e realicen a busca de canles cando corresponda.

Concello de Abadín, ao servizo da veciñanza.

14/10/2026

💡 COMEZAN AS OBRAS DE RENOVACIÓN DO ALUMEADO PÚBLICO EN ABADÍN

O Concello de Abadín inicia os traballos de substitución das luminarias actuais por tecnoloxía LED, unha actuación destinada a mellorar a iluminación das rúas e espazos públicos e avanzar cara a un alumeado máis eficiente.

📍 Zonas nas que se actuará:
▪️ Rúa Camiño Real
▪️ Estrada de Fanoi
▪️ Praza Campo da Feira
▪️ Rúa Calvo Sotelo
▪️ Avenida de Galicia
▪️ Urbanización das Pedreiras
▪️ Rúa Real
▪️ Rúa da Fonte
▪️ Praza de Gontán
▪️ Praza Campo da Feira de Gontán
▪️ Estrada Labrada-Gontán

💶 Importe da actuación: 100.704,16 €
🔧 Empresa contratista: Instalaciones y Montajes Eléctricos VALDES.

Con esta actuación, o Concello continúa traballando na mellora dos servizos e das infraestruturas municipais, apostando por un alumeado público máis eficiente e pola modernización dos espazos que compartimos.

Seguimos mellorando Abadín.

13/10/2026

📢 ABERTO O PRAZO PARA ACTUALIZAR MÉRITOS E INCORPORAR NOVAS CANDIDATURAS EN SEAGA

O Diario Oficial de Galicia (DOG) publica a apertura do prazo para a actualización de méritos e/ou a incorporación de novos candidatos e candidatas ás distintas categorías profesionais do sistema de listas previas para a selección de persoal temporal da Empresa Pública de Servizos Agrarios Galegos (SEAGA).

As persoas interesadas poden consultar toda a información relativa a esta convocatoria na sede de SEAGA, situada no polígono industrial do Tambre, en Santiago de Compostela, así como na súa páxina web:

🔗 www.epseaga.com

Se estás buscando unha oportunidade laboral, consulta as condicións e os requisitos da convocatoria para comprobar se podes inscribirte ou actualizar os teus méritos.

📄 Publicación no DOG núm. 186, do 30 de setembro de 2026.

Seaga é unha sociedade mercantil pública autonómica, a cal ten a consideración de medio propio personificado da Administración Xeral e do sector público autonómico de Galicia.

09/10/2026

INFORMACIÓN SOBRE A LIQUIDACIÓN DAS OBRAS DA RESIDENCIA DE MAIORES DE ABADÍN

Bos días.

Ante as cuestións xurdidas en relación coa cantidade reclamada pola empresa construtora da residencia de maiores, o Concello de Abadín considera necesario trasladar á veciñanza a situación actual do expediente con transparencia e rigor.

A cantidade reclamada supón un incremento respecto do importe de adxudicación e está relacionada con importes e partidas cuxa autorización por parte do órgano de contratación debe ser verificada.

Segundo o informe técnico emitido o 31 de decembro de 2025, a documentación presentada inicialmente non era suficiente para xustificar adecuadamente determinadas modificacións e variacións da obra.

O 4 de outubro de 2026, a dirección facultativa presentou documentación adicional requirida polos servizos técnicos municipais. Na actualidade, esta documentación está sendo revisada para comprobar a súa adecuación e determinar a procedencia do pagamento reclamado.

Cómpre aclarar que o importe contratado, de 2.309.733,49 euros, xa foi executado. A cuestión pendente é a revisión e xustificación técnica e económica da liquidación final e dos importes adicionais reclamados.

O Concello continuará actuando con responsabilidade, garantindo que calquera pagamento se axuste á documentación acreditativa, ao contrato e á normativa aplicable.

A transparencia, o rigor na xestión dos recursos públicos e a defensa dos intereses da veciñanza deben ser sempre unha prioridade.

Concello de Abadín.