30/10/2026
പ്രിയ സുഹൃത്ത് ശ്രീ കെവി ഷണ്മുഖന് നാളെ 31/10/2026 വിരമിക്കുകയാണ് . 2001 ൽ എക്സൈസ് വകുപ്പിൽ ജോലിയിൽ കയറിയ അദ്ദേഹം അസിസ്റ്റന്റ് എക്സൈസ് ഇൻസ്പെക്ടർ ആയിട്ടാണ് ജോലിയിൽ നിന്ന് വിരമിക്കുന്നത്. തികഞ്ഞ ദേശീയവാദിയായ ശ്രീ കെവി ഷണ്മുഖന് കേരള എക്സൈസ് എംപ്ലോയീസ് സംഘ് എന്നപേരില്‍ എക്സൈസ് ജീവനക്കാരുടെ ഒരു കൂട്ടായ്മ രൂപീകരിച്ച് സര്‍വ്വീസ് സംഘടന രൂപീകരിക്കാന്‍ ശ്രമിച്ചെങ്കിലും ശ്രീ പിണറായി വിജയന്‍ സര്‍ക്കാര്‍ കരാള ഹസ്തങ്ങള്‍ ഉപയോഗിച്ച് അതിനെ തകര്‍ത്തു. രാഷ്ട്രീയ സ്വയംസേവക സംഘത്തിന്റെ ശതാബ്ദി ആഘോഷത്തില്‍ പങ്കെടുത്തതിന്റെ പേരില്‍ അദ്ദേഹത്തെ വലിയ ഒരു തെറ്റുകാരനായി ചിത്രീകരിച്ച് സർക്കാർ സർവീസിൽ നിന്നും സസ്പെൻഡ് ചെയ്താണ് സര്‍ക്കാര്‍ പ്രതികാരം ചെയ്തത്. RSS പരിപാടിയില്‍ പങ്കെടുത്തതിന്റെ പേരില്‍ കേരള സംസ്ഥാനത്തെ ആദ്യത്തെ സസ്പെന്‍ഷന്‍ ഏറ്റുവാങ്ങാനായത് ചരിത്ര നിയോഗം. എന്നാൽ ഈ ഒരു പ്രതിസന്ധി ഘട്ടത്തിൽ പതറാതെ ആദർശത്തിൽ ഒരു തുള്ളി വെള്ളം പോലും ചേർക്കാതെ നിയമപരമായി പോരാടി വിജയശ്രീ ലാളിതനായി തിരികെ സര്‍വ്വീസില്‍ എത്താനും അദ്ദേഹത്തിന് കഴിഞ്ഞു. കേരള എന്‍ജിഒ സംഘില്‍ അംഗത്വമുള്ള കേരള സിവില്‍ സര്‍വ്വീസിലുള്ള യൂണിഫോംധാരികൂടിയാണ്. പാലക്കാട് ജില്ലയിലെ എൻജിഒ സംഘ് പ്രവർത്തനത്തിന് അദ്ദേഹത്തിന്റെ സംഭാവന വളരെ വലുതാണ്. സർവീസിൽ എന്നും എൻജിഒ സംഘ് പ്രവർത്തകൻ ആണെന്ന് ആരുടെ മുമ്പിലും തന്റേടത്തോടെ നെഞ്ച് വിരിച്ച് പറയാനുള്ള ആര്‍ജ്ജവം എടുത്ത് പറയേണ്ടതാണ്. അദ്ദേഹം സ്വപ്നം കണ്ട കേരള എക്സൈസ് എംപ്ലോയീസ് സംഘ് സമീപഭാവിയില്‍ യാഥാര്‍ത്ഥ്യമാന്‍ ആയാത്രയില്‍ ഒപ്പമുണ്ടായിരുന്നവര്‍ തുടര്‍ന്നും ശ്രമിക്കണം എന്നാണ് ഈ അവസരത്തില്‍ ഓര്‍മ്മിപ്പിക്കാനുള്ളത്.
കേരള ഫോറസ്റ്റ് പ്രൊട്ടക്ടീവ് സ്റ്റാഫ് സംഘിനെ സംബന്ധിച്ചിടത്തോളം നമ്മുടെ തുടക്കം മുതല്‍ അദ്ദേഹം നല്‍കിയ പിന്തുണയും കരുതലും സ്നേഹവും ഫോറസ്റ്റ് സംഘിന്റെ വളര്‍ച്ചയ്ക്ക് സഹായകരമായിട്ടുണ്ട്. ശ്രീ കെവി ഷണ്മുഖന് കേരളത്തിലെ എക്സൈസ് വകുപ്പിലെ സര്‍വ്വീസ് സംഘടനാ ചരിത്രത്തില്‍ അതുല്യമായ ലിപികളാല്‍ ദേശീയതയുടെ ശബ്ദമുയര്‍ത്തി ചരിത്രം കുറിച്ചാണ് പടിയിറങ്ങുന്നത്. കേരള ഫോറസ്റ്റ് പ്രൊട്ടക്ടീവ് സ്റ്റാഫ് സംഘ് ഈ വേള യില്‍ അദ്ദേഹത്തിന്റെ ശിഷ്ടജീവിതത്തിന് മംഗളാശംസകള്‍ നേരുന്നു 🎊🙏
