Samfylkingin í Hafnarfirði

Directions Website Contact the organization

Samfylkingin í Hafnarfirði XS - Sterkari saman!

05/11/2026

Samfylkingin í Hafnarfirði tekur þátt í að lífga upp á miðbæinn fyrir jólin 🎄

Samfylkingin í Hafnarfirði hefur gert samkomulag við verslunina Systur&Makar um að fyrirtækið fái afnot af húsnæði félagsins að Strandgötu 43 í nóvember og desember. Systur&Makar er íslensk lífsstílsverslun sem leggur áherslu á íslenska hönnun og framleiðslu.

Með þessu vill Samfylkingin í Hafnarfirði efla mannlíf og skapa aukna jólastemningu í hjarta Hafnarfjarðar í aðdraganda hátíðanna, samhliða hinu vinsæla Jólaþorpi Hafnarfjarðar.

Þótt húsnæðið verði nýtt undir verslunarstarfsemi á næstu vikum mun félagsstarf Samfylkingarinnar í Hafnarfirði halda áfram. Þar má meðal annars nefna félagsfundi, fundi 60+ félagsins í Hafnarfirði og aðra starfsemi á vegum félagsins.

Við bjóðum Systur&Makar hjartanlega velkomin á Strandgötuna og hvetjum Hafnfirðinga og aðra gesti til að heimsækja miðbæinn, njóta jólastemningarinnar og styðja við fjölbreytt mannlíf og
verslun í Hafnarfirði.

Sjáumst í miðbænum um jólin! 🌹

"Rekstur Hafnarfjarðarbæjar er ekki sjálfbær. Það hefur raunar legið fyrir um nokkurn tíma. Bæði ársreikningur síðasta á...
27/10/2026

"Rekstur Hafnarfjarðarbæjar er ekki sjálfbær. Það hefur raunar legið fyrir um nokkurn tíma. Bæði ársreikningur síðasta árs og árshlutauppgjör þess árs leiða svo í ljós að staðan hefur farið hratt versnandi. Rekstur bæjarins hefur á undanförnum árum hvílt á einskiptis tekjum vegna lóðasölu, þ.e. óvissum framtíðartekjum á kostnað raunhæfra forsenda. Á sama tíma var lítið aðhafst til að gera grunnrekstur bæjarins sjálfbæran. Samfylkingin varaði við þessari þróun allt síðasta kjörtímabil og nú er alvarleg fjárhagsstaða bæjarins að raungerast."

Árni Rúnar Þorvaldsson, bæjarfulltrúi Samfylkingarinnar og formaður fjölskylduráðs, skrifar um þrönga fjárhagsstöðu Hafnarfjarðar í tenglum við gerð fjárhagsáætlunar næsta árs. 🌹

Grein í fyrstu aths. 👇

"Fyrir sálfræðing er þetta augljóst, við hefjum ekki meðferð án þess að meta vandann og höldum ekki áfram með inngrip án...
22/10/2026

"Fyrir sálfræðing er þetta augljóst, við hefjum ekki meðferð án þess að meta vandann og höldum ekki áfram með inngrip án þess að skoða árangur. Sömu kröfu eigum við að gera til kerfisins sem þjónar börnunum okkar. Kortlagningin er forsenda þess að Alþingi geti mótað stefnu, sett lög og forgangsraðað fjármunum af skynsemi."

Elín Anna Baldursdóttir, sálfræðingur og varabæjarfulltrúi Samfylkingarinnar, skrifar um mikilvæga beiðni þingmanna Samfylkingarinnar, Viðreisnar og Flokks Fólksins um kortlagningu á velferðarumhverfi barna og ungmenna og fjölskyldna þeirra. 🌹

Grein í fyrstu aths. 👇

Þröng fjárhagsstaða, erfiður rekstur og skuldaaukning!  Fjárhagsáætlun næsta árs var tekin til umræðu á bæjarstjórnarfun...
21/10/2026

Þröng fjárhagsstaða, erfiður rekstur og skuldaaukning!

Fjárhagsáætlun næsta árs var tekin til umræðu á bæjarstjórnarfundi í dag. Það var gert til þess að varpa ljósi á erfiða og þrönga fjárhagsstöðu bæjarins. Fjármál Hafnafjarðar fengu takmarkaða athygli í kosningabaráttunni síðasta vor þrátt fyrir að viðvörunarljós hafi sannarlega verið farin að blikka þegar ársreikningur 2025 var afgreiddur. Þegar svo árshlutareikningur fyrir 2026 var lagður fram um miðjan september kom í ljós að staðan hafði enn versnað og óveðursskýin hrannast upp.

Meirihluti Samfylkingar, Viðreisnar og Sjálfstæðisflokks stendur þvi frammi fyrir gríðarlega stóru og flóknu verkefni. Við erum hins vegar ákveðin í því að snúa vörn í sókn og koma skikki á rekstur bæjarins og laga skuldastöðuna. Ekki er eftir neinu að bíða í þeim efnum og rétti tíminn til þess er núna áður en í óefni stefnir.

Nokkur mikilvæg atriði úr umræðunni í dag:
- A hluti rekinn með 1.165 m.kr. halla árið 2025 en áætlun gerði ráð fyrir 107 m.kr. afgangi.
- Á fyrri helmingi 2026 var hallinn á A hluta 2,360 m.kr. en áætlun gerði ráð fyrir 435 m.kr. afgangi.
- Veltufé frá rekstri var 58 m.kr. í lok júní á þessu sem er 344 m.kr. undir áætlun.
- Veltufé frá rekstri hefur verið undir 4% síðastliðin fimm ár og verið 1,6% að meðaltali en á sama tíma hefur fjárfesting farið úr 6-7% af tekjum í 17%, sem hefur að mestu verið fjármögnuð með lántöku og lóðasölu.
- Skuldaviðmið hefur einnig farið úr 84% í 104% á tveimur árum.

Í lok umræðunnar lagði Hildur Rós Guðbjargardóttir, oddiviti Samfylkingarinnar fram eftrfarandi bókun fyrir hönd meirihlutans:

Skoðun á ársreikningi 2025 og árshlutareikningi fyrir fyrri helming þessa árs sýnir fram á verulegar áskoranir í rekstri Hafnarfjarðarbæjar. Verkefnið er að gera rekstur bæjarins sjálfbæran og það er meirihluti Sjálfstæðisflokks, Viðreisnar og Samfylkingar staðráðinn í að gera.

Árið 2025 var A hluti Hafnarfjarðarbæjar rekinn með 1.165 m.kr. halla en fjárhagsáætlun gerði ráð fyrir 107 m.kr. afgangi. Á fyrri helmingi þessa árs var rekstrarniðurstaðan A hluta neikvæð um 2,360 m.kr. en áætlun gerði ráð fyrir 435 m.kr. afgangi. Frávikið er um 2,8 milljarðar króna á fyrstu s*x mánuðum ársins. Stærsta frávikið er í tekjum af byggingarréttargjöldum, sem voru rúmum 1,5 milljarði króna undir áætlun. Háir vextir, viðvarandi verðbólga og hægari uppbygging hafa breytt forsendum fjárhagsáætlunarinnar verulega.

Kostnaður hefur jafnframt farið fram úr áætlun. Sem dæmi má nefna að vistgjöld voru 480 milljónum króna yfir áætlun og aðkeypt kennslu- og sérkennsluþjónusta var einnig 233 milljónum yfir áætlun og launakostnaður fór einnig fram úr áætlun.

Veltufé frá rekstri í A-hluta nam 58 m.kr. í lok júní sem er 344 m.kr. undir áætlun en það er mikilvægur mælikvarði um getu bæjarins til að standa undir afborgunum lána og fjárfestingu. Veltufé frá rekstri hefur verið undir 4% síðastliðin fimm ár og verið 1,6% að meðaltali. Á sama tíma hefur fjárfesting farið úr 6-7% af tekjum í 17%, sem hefur að mestu verið fjármögnuð með lántöku og lóðasölu. Skuldaviðmið hefur einnig farið úr 84% í 104% á tveimur árum. Árið 2025 námu afborganir langtímalána um 1,9 ma.kr. eða um 4% af tekjum á sama tíma og veltufé frá rekstri var 1,4% af tekjum. Það þýðir að ekki aðeins fjárfesting heldur einnig um tveir þriðju hlutar afborgana voru því fjármagnaðir með nýjum lánum, lóðatekjum og lækkun handbærs fjár. Þetta er skýrt dæmi um þau verkefni sem bæjarstjórn Hafnarfjarðar þarf að takast á við.

Samfara þessu hefur rekstrarumhverfi sveitarfélaga þyngst undanfarin ár með yfirtöku útgjaldafrekra málaflokka og rekstur þeirra hefur verið þyngri en áætlanir gerðu ráð fyrir. Fjármagnsliðir eru einnig þungir eins og hjá öðrum sveitarfélögum þegar verðbólga er þrálát og vaxtastig hátt. Mikilvægt er fyrir rekstur sveitarfélaga og þjóðfélagið allt að árangur náist í þeirri baráttu sem allra fyrst. Í því augnamiði er mikilvægt að kjarasamningar héldu, að ríkisstjórnin stefnir að hallalausum fjárlögum og að sveitarfélögin hafa samþykkt að almennar gjaldskrárhækkanir verði ekki umfram 2,5% til þess að styðja við verðstöðugleika í landinu.

Þessi staða og þróun mála kallar á ábyrgð, aðhald og skýra forgangsröðun. Fjárhagsáætlun ársins 2027 þarf að byggja á raunhæfum forsendum, ekki óvissum framtíðartekjum eða von um hraðar vaxtalækkanir. Greina þarf kostnað, einfalda stjórnsýslu og nýta fjármuni betur, um leið og grunnþjónusta bæjarins er tryggð.

Meirihluti Sjálfstæðisflokks, Viðreisnar og Samfylkingar hefur þegar hafið markvisst starf til þess að bregðast við þessari stöðu og við væntum góðs árangurs af þeim aðgerðum. Strax var brugðist við breyttum og versnandi horfum snemmsumars með því að ráðast í stjórnsýslu- og fjármálaúttektir á rekstri bæjarins ásamt greiningarvinnu stjórnenda og starfsfólks bæjarins. Niðurstöður þeirrar vinnu munu liggja fyrir á næstunni og verða mikilvægt innlegg í ákvarðanir um nauðsynlegt aðhald, bætta nýtingu fjármuna og traustan rekstur til framtíðar. Aðgerðir þurfa að vera markvissar og stuðla að traustari og sjálfbærari rekstri til framtíðar.
Það er sameiginleg ábyrgð bæjarstjórnar allrar að bæta og efla rekstur bæjarins. Það verður ekki létt verk og krefst þess að við séum tilbúin að taka erfiðar ákvarðanir þar sem markmiðið er skýrt: Að ná tökum á rekstrinum, standa vörð um grunnþjónustuna og tryggja fjárhagslegt jafnvægi Hafnarfjarðar til framtíðar.
🌹🌹🌹

Á myndinni eru bæjarfulltrúar Samfylkingarinnar Hildur Rós Guðbjargardóttir og Árni Rúnar Þorvaldsson í sýningarsal Hafnarborgar að loknum bæjarstjórnarfundi í dag. 📸

"Virkt samráð við íbúa og íbúalýðræði er mikilvæg forsenda fyrir vandaðri ákvarðantöku. Bæjarstjórn verður einfaldlega a...
20/10/2026

"Virkt samráð við íbúa og íbúalýðræði er mikilvæg forsenda fyrir vandaðri ákvarðantöku. Bæjarstjórn verður einfaldlega að taka mið af því í störfum sínum að ákvarðanir hennar hafa í mörgum tilfellum áhrif á nærumhverfi fólks og þá skiptir öflugt samráð við íbúa öllu máli. Þess vegna verður að vanda það og tryggja að það fari fram á réttum tíma þannig að íbúar hafi tækifæri til þess að koma sínum sjónarmiðum á framfæri áður en ákvörðun er tekin." 🤝🗣

Árni Rúnar Þorvaldsson, bæjarfulltrúi Samfylkingarinnar skrifar um mikilvægi samráðs við íbúa og íbúalýðræðis. 🌹

Grein í fyrstu aths. 👇

Fallið frá áformum um smáíbúðabyggð!Meirihluti Samfylkingar, Viðreisnar og Sjálfstæðisflokks hefur ákveðið að falla frá ...
19/10/2026

Fallið frá áformum um smáíbúðabyggð!

Meirihluti Samfylkingar, Viðreisnar og Sjálfstæðisflokks hefur ákveðið að falla frá áformum um uppbyggingu íbúða fyrir tímabundna búsetu við Krýsuvíkurveg og Hvaleyrarvatnsveg. Hugmyndinni um uppbyggingu tímabundins íbúðarhúsnæðis var ætlað að mæta þörf fyrir öruggu og vönduðu húsnæði fyrir fólk sem starfar til skemmri tíma hér á landi. Hins vegar hafa komið fram ábendingar og andstaða við fyrirhugaða uppbyggingu, m.a. á íbúafundi sem haldinn var að frumkvæði bæjarins.

Ákvörðunin um að falla frá áformunum er tekin eftir yfirferð á forsendum verkefnisins og í kjölfar athugasemda og mótmæla íbúa. Á íbúafundi sem bærinn hélt um málið í síðustu viku komu fram margháttaðar og málefnalegar athugasemdir og yfir 3000 manns hafa nú ritað nafn sitt á undirskriftalista til að mótmæla smáíbúðabyggðinni.

Hildur Rós Guðbjargardóttir, oddviti Samfylkingarinnar, segir mikilvægt að búið sé að eyða allri óvissu varðandi málið. „Við fundum að sjálfsögðu fyrir mikilli óánægju og andstöðu meðal bæjarbúa við þessi áform. Íbúafundur sem haldinn var að frumkvæði bæjarins leiddi það í ljós og hún birtist einnig í því að yfir þrjú þúsund manns hafa nú skrifað undir undirskriftalista til þess að mótmæla þessum áformum.“

Í samræmi við áherslu Samfylkingarinnar á íbúasamráð!

Hildur Rós segir einnig að það sé mikilvægt að hlusta á raddir íbúa í málum sem þessum því virkt íbúasamráð skiptir miklu máli. „Kjörnir fulltrúar verða að hlusta og bregðast við þegar íbúar tala með jafn skýrum hætti og þeir gerðu í þessu máli. Samfylkingin leggur mikla áherslu á samráð við íbúa og íbúalýðræði og ákvörðun meirihlutans um að falla frá áformunum í kjölfar íbúasamráðs er því í fullu samræmi við okkar áherslur,“ segir Hildur Rós Guðbjargardóttir, oddviti Samfylkingarinnar í Hafnarfirði. 🌹🌹

"Gert er ráð fyrir að íbúar Hafnarfjarðar verði á bilinu 38.000–45.000 árið 2040, eða að fjölgun íbúa verði um 450-900 á...
12/10/2026

"Gert er ráð fyrir að íbúar Hafnarfjarðar verði á bilinu 38.000–45.000 árið 2040, eða að fjölgun íbúa verði um 450-900 á ári. Til að mæta þessu gerir aðalskipulagið ráð fyrir að fullnýta byggingarsvæði, bæði ný svæði í Vatnshlíð og Hamranesi og umbreytingu atvinnuhúsalóða í íbúðarsvæði á Hraun-vestur og við Óseyrar- og Hvaleyrarbraut."

Stefán Már Gunnlaugsson, varabæjarfulltrúi og fulltrúi Samfylkingarinnar í skipulags- og byggingaráði skrifar um nýsamþykkt aðalskipulag Hafnarfjarðar.🌹

Grein í fyrst aths. 👇

Breytingar á leikskólagjöldum afturkallaðar 🤝Á fundi bæjarráðs í dag ákvað meirihluti Samfylkingar, Viðreisnar og Sjálfs...
02/10/2026

Breytingar á leikskólagjöldum afturkallaðar 🤝

Á fundi bæjarráðs í dag ákvað meirihluti Samfylkingar, Viðreisnar og Sjálfstæðisflokks að draga til baka þær breytingar sem samþykktar voru fyrir tveimur vikum. Þær fólu í sér lækkun á systkinaafslætti og breytingum á tekjuviðmiðum. Þessar breytingar höfðu í einhverjum tilvikum talsverð áhrif til hækkunar á leikskólagjöldum en í ljósi ákvörðunar bæjarráðs í gær um að hækkanir á gjaldskrám yrðu ekki umfram 2.5% var ákveðið á endurskoða þessa ákvörðun og niðurstaðan varð sú að afturkalla hana. 📉

Það er mikilvægt að verja barnafjölskyldur í Hafnarfirði fyrir gjaldskrárhækkunum eins og kostur er um leið og við leggjum okkar af mörkum í baráttunni við verðbólgu og vexti og stuðlum að efnahagslegum stöðugleika. 🌹

Mynd fengin af vef Hafnarfjarðar.

Hafnarfjörður tekur slaginn við verðbólgu og vexti 💪Eftirfarandi samþykkt var gerð á fundi bæjarráðs í morgun þegar lögð...
01/10/2026

Hafnarfjörður tekur slaginn við verðbólgu og vexti 💪

Eftirfarandi samþykkt var gerð á fundi bæjarráðs í morgun þegar lögð var fram áskorun Starfsgreinasambands Íslands og 18 aðildarfélaga þess:

“Bæjarráð vísar til ályktunar Sambands íslenskra sveitarfélaga um að almennar gjaldskrárhækkanir verði ekki umfram 2,5% og verður það viðmið við fjárhagsáætlunargerð bæjarins.”

Á landsþingi Sambands íslenskra sveitarfélaga, þar sem fyrrnefnd ályktun var samþykkt, börðust fulltrúar Samfylkingarinnar fyrir því að hún næði yfir allar almennar gjaldskrár sveitarfélaga en fyrir þinginu lá hvatning frá Kópavogi og Árborg um sem náði eingöngu til gjaldskráa gagnvart barnafjölskyldum. Samfylkingin taldi það ekki ganga nógu langt ef markmiðið væri að ná tökum á verðbólgu og vöxtum og börðust því fyrir þessari breytingu sem skilaði árangri. 🌹

Fulltrúar Samfylkingarinnar í Hafnarfirði lýsa yfir ánægju með þessa niðurstöðu bæjarráðs í dag þannig að enginn ætti að velkjast í vafa um að Hafnarfjörður, þriðja stærsta sveitarfélag landsins, muni leggja lóð sín á vogarskálarnar til þess að stuðla að efnahagslegum stöðugleika. Í dag tilkynnti svo Kristrún Frostadóttir,, forsætisráðherra og formaður Samfylkingarinnar, að ríkisstjórnin sé tilbúin að takmarka hækkanir við 2,5% til þess að kjarasamningar haldi. Mikilvæg skref í þágu efnahagslegs stöðugleika voru því stigin í dag! 🌹

Á myndinni eru bæjarfulltrúar Samfylkingarinnar; Hildur Rós Guðbjargardóttir, oddviti og Árni Rúnar Þorvaldsson ásamt þingmönnum kjördæmisins; Guðmundi Ara Sigurjónssyni, þingflokksformanni og Þórunni Sveinbjarnardóttur, forseta Alþingis. Myndin var tekin á fundi með þingmönnum Suðvesturkjördæmis í gær í tengslum við kjördæmaviku en heilbrigðisráðherra, Alma D. Möller var erlendis að sinna embættiserindum. 🖼

Bæjarfulltrúar Samfylkingarinnar í Hafnarfirði Hildur Rós Guðbjargardóttir og Árni Rúnar Þorvaldsson hafa síðustu daga v...
25/09/2026

Bæjarfulltrúar Samfylkingarinnar í Hafnarfirði Hildur Rós Guðbjargardóttir og Árni Rúnar Þorvaldsson hafa síðustu daga verið á landsþingi Sambands íslenskra sveitarfélaga, sem haldið var á Akureyri. 🌹

Hér á myndinni eru þau með öflugri sveit fulltrúa Samfylkingarinnar á landsþingi víðsvegar af landinu. 🌹

Hildur Rós Guðbjargardóttir, oddviti Samfylkingarinnar í Hafnarfirði var kjörin í stjórn Sambands íslenskra sveitarfélaga til næstu fjögurra ára. Við óskum henni til hamingju með kjörið. 🌹

Address

Strandgata 43
Hafnarfjörður
220

Alerts

Be the first to know and let us send you an email when Samfylkingin í Hafnarfirði posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Samfylkingin í Hafnarfirði:

Shortcuts

Share

Nearby government services