Rás 1

Fjölmörg börn falla á milli kerfa og erfitt er að nálgast upplýsingar um fjöldann þar sem hið opinbera heldur ekki utan tölurnar. Niðurskurður í menntakerfinu bitnar harðast á þeim sem síst skyldi. Lokaumfjöllun Kerfisins um menntamál.

Svikin loforð stjórnvalda - RÚV.is Fjölmörg börn falla á milli kerfa og erfitt er að nálgast upplýsingar um fjöldann þar sem hið opinbera heldur ekki utan tölurnar. Niðurskurður í menntakerfinu bitnar harðast á þeim sem síst skyldi.

Sextán ára strákur fékk framtíðarbyggingarland höfuðborgarsvæðisins í arf með umdeildri erfðaskrá. Hann fékk um leið einhver umfangsmestu málaferli í íslenskri réttarsögu í fangið.

Vatnsendi: 16 ára strákur erfði framtíðarbyggingarland höfuðborgarsvæðisins - RÚV.is Sextán ára strákur í Kópavogi fékk framtíðarbyggingarland höfuðborgarsvæðisins í arf með umdeildri erfðaskrá. Hann fékk um leið einhver umfangsmestu málaferli í íslenskri réttarsögu í fangið. Nú hefur lögmaður erfingjans stefnt honum fyrir vanefndir.

Síðasti þáttur af Gull og grænir skógar fjallar um Vesturbæjarvíðinn sem snéri aftur á Stýrimannastíg 9 🌲👆

Snemma á síðustu öld skaut upp kollinum víðitegund nokkur í Vesturbæ Reykjavíkur, af svo miklum krafti að vexti hennar var líkt við lygasögu ✨

Talið er að saga vesturbæjarvíðis (salix x smithiana) á Íslandi hafi hafist um 1910 þegar Jón Eyvindsson, kaupmaður og garðunnandi, bjó að Stýrimannastíg 9. Hann pantaði haustlauka frá Þýskalandi og þeir bárust í tágakörfu sem var fléttuð úr víðiteinungum. Ísleifur sonur Jóns á að hafa tekið eftir því að líf væri enn í sumum teinungunum. Hann setti einn í jörðu og úr varð tré sem óx hratt og auðvelt var að fjölga þeim. Tegundin var kölluð vesturbæjarvíðir en er í raun blendingur selju, körfuvíðis og líklegast gráselju. Þeir feðgar gáfu nágrönnum græðlinga og því er enn þann dag í dag hægt að finna einn og einn vesturbæjarvíði á stangli en tréð sem kom upp hjá Jóni að Stýrimannastíg 9 er þó löngu horfið.

Á dögunum fór Bryndís Björgvinsdóttir, þáttastjórnandi Gulls og grænna skóga á Rás 1, ásamt Steinari Björgvinssyni garðyrkjufræðingi, á Styrimannastíg 9 með þrjá vesturbæjarvíði í potti. Allt græðlingar sem teknir voru í Fossvogsgarði í fyrravor af tré sem brotnaði síðan sökum snjóþyngsla í október. Talið er að allur vesturbæjarvíðir landsins sé klón af þessu einu og sama tré sem óx að Stýrimannastíg 9 í byrjun 20. aldar. Ragna Árnadóttir og Magnús Björnsson búa þar nú og þáðu með þökkum þennan afkomanda gamla sögufræga trésins sem eitt sinn stóð í garði þeirra. Vesturbæjarvíðir hefur nú verið settur þar í jörðu að nýju og markar það að segja má upphaf þriðju kynslóðar vesturbæjarvíðis í vesturbænum.

https://www.ruv.is/utvarp/spila/gull-og-graenir-skogar/39338/bn505g

Krakkar sem passa ekki beint inn í boxið verða útundan í skólakerfinu og vandanum er velt á milli skólastiga grunnskólans í stað þess að taka á honum strax. Það getur haft alvarlegar afleiðingar fyrir þessi börn. Kerfið er á dagskrá Rásar 1 og það er hægt að hlusta á þáttinn í heild í Spilara Rúv og á helstu hlaðvarpsveitum.

Þurfum skóla sem skilur - RÚV.is Krakkar sem passa ekki beint inn í boxið verða útundan í skólakerfinu og vandanum er velt á milli skólastiga grunnskólans í stað þess að taka á honum strax. Það getur haft alvarlegar afleiðingar fyrir þessi börn. Kerfið er á dagskrá Rásar 1.

Bókaklúbburinn Aldrei las ég Laxness heldur áfram og hægt er að hlusta á í RÚV Spilara.

Að þessu sinni er lesin Ungfrúin góða og Húsið, stutt og margrætt verk þar sem Halldór Laxness fjallar um efri stéttina í þorpinu Eyvík og tilraunir hennar til að stjórna sögunni um sjálfa sig.
Samlesari klúbbsins er Elínborg Una Einarsdóttir, blaðamaður, sviðshöfundur og samfélagsrýnir. Grein hennar, „Laxness hverfur úr skólum landsins“, vakti töluverða athygli síðasta haust og átti sinn þátt í að kveikja á þessum bókaklúbbi.

Aldrei las ég Laxness er fyrir þau sem hafa lítið lesið Laxness, aldrei lesið bækur eftir hann eða vilja lesa Laxness upp á nýtt.

Hlustaðu á Víðsjá í Spilara RÚV.

Það getur ekki verið í anda farsældarlaganna, sem voru samþykkt samhljóða á Alþingi, að barn þurfi að bíða eftir greiningu í fimm ár og enn síður að það skipti máli í hvaða hverfi barnið býr. Börn og biðlistar eru umfjöllunarefni Kerfisins á Rás 1.

Útskúfuð og félagslega einangruð - RÚV.is