Quel est le site Web ?

DP - Sektioun Hesper

Accueil
Luxembourg
Luxembourg
DP - Sektioun Hesper

DP Demokratesch Partei : Däitlech mei!! Och fier iech! http://hesper.dp.lu

Präsident : David BENHSAIN

Vizepräsident : Serge BAUSCH

Trésorier : Olivier GEORGES
Sekretär : Marthy BRACKE-Wanderscheid

Memberen : Claude LAMBERTY (1.Schäffen)
Myriam FEYDER (Gemenge Conseiller)
Henri PLEIMLING (Gemenge Conseiller)
Christiane STREEF (Gemenge Conseiller)
Ali THULL
Jos ALTMANN
Robert WEYLAND
Roby JOME
Paul QUINTUS
Michelle HERRMANN
Roby FEYDER
Mireille SCHILTZ
Romaine ANT
Claude FRANCK

26/10/2026

🍷🧀 Eng gelongen 3. Editioun vun eisem Wäin- a Kéisowend!

Och dëst Joer duerfte mir e flotten a gesellegen Owend zesumme verbréngen, mat interessanten Erklärunge vum Här Dechen Claude Bache an den Häre vun den Domaines Vinsmoselle André Mehlen a Josy Gloden. 🍇🍷

E grousse Merci och un La Provençale, déi eis mat enger exzellenter Auswiel u feine Kéisen an engem aussergewéinlech gudde Service verwinnt huet! 🧀

E ganz besonnesche Merci geet un eis ganz Ekipp, déi mat hirem onermiddlechen Asaz, hirer Hëllef an hirem Engagement dëse flotten Owend iwwerhaapt méiglech gemaach huet! 💙

An natierlech e grousse Merci un all eis Gäscht, déi dobäi waren an zu dëser wonnerschéiner Atmosphär bäigedroen hunn!

Mir freeën eis schonn op déi nächst Editioun! 🥂

Är Sektioun DP Hesper 💙

19/10/2026

🎡 D’Kiermes war dëse Weekend erëm am Duerf, an dat op hirer aler Plaz, der Place Jomé! 🎉

Wien war alles op de Knuppautoen? Oder awer léiwer Inte fëschen? Op e gutt Stéck Kuch an Ham kann een einfach net Nee soen! 😉 Mir hoffen, et huet Iech genee esou gutt gefall ewéi eis!

E grousse Merci un d’Hesper Musek fir déi flott musikalesch Begleedung! 🎷🎼

05/10/2026

Dëse Weekend ware mir beim Broschtkriibslaf dobäi. E Moment vu Solidaritéit, Engagement an Zesummenhalt am Kampf géint de Broschtkriibs. 💗

Broschtkriibs ass dee meescht diagnostizéierte Kriibs bei Fraen zu Lëtzebuerg: ongeféier 1 vun 8 Fraen ass am Laf vun hirem Liewen dovu betraff. Och Männer sinn net vu Broschtkriibs verschount.

Ëmsou méi wichteg ass et, zesummen op d’Bedeitung vu Preventioun, Fréierkennung a Fuerschung opmierksam ze maachen – an eis Solidaritéit mat all de Betraffenen an hire Familljen ze weisen.

🏐 Duerno goung et weider op d’Vizefest vum Fentenger Volleyball, wou mir bei gudder Gesellschaft a Wieder hausgemaachte Viz geschmaach hunn 😋

03/08/2026

🔵 Réckbléck op Mini Hesper 2026

No méi wéi 10 Joer huet Mini Hesper dëst Joer säi grousse Comeback gefeiert, an et war eng richteg Erfollegsgeschicht! 👏

Am Kader vun de Vakanzaktivitéiten konnten déi Jonk op spillerescher Aart entdecken, wéi eng Gemeng funktionéiert. Ob bei der Police, beim CGDIS, de Gemengeservicer oder verschiddenen aner Atelieren, kruten si en eenzegaartegen Abléck an den Alldag vun enger Gemeng a konnten selwer aktiv matmaachen.

Esou Projete stäerken net nëmmen d’Neigier an d’Kreativitéit vun eise Kanner, mee vermëttelen hinnen och schonn am jonken Alter Wäerter wéi Verantwortung, Biergerbedeelegung an Zesummenhalt.

E Projet wéi Mini Hesper kann nëmme geléngen, wann vill Acteuren un engem Strang zéien. Educateuren, Gemengenaarbechter an déi vill aner Partner hunn zesumme geschafft, fir de Kanner eng onvergiesslech Erfarung ze bidden. 💙

Mir hunn eis och gefreet, de Minister Claude Meisch begréissen ze kënnen, deen sech perséinlech e Bild dovu gemaach huet, ob déi jonk Biergerinnen a Bierger och fläisseg un hirer Mini-Gemeng geschafft hunn. 😉

E besonnesche Merci geet un eise Claude Lamberty, deen dëse Projet ëmmer um Häerz gedroen huet a sech mat vill Iwwerzeegung dofir agesat huet, Mini Hesper nees an d’Liewe zeréckzebréngen.

13/07/2026

🔵 Réckbléck vum Weekend

Och dëse Weekend ware mir nees op verschiddene Plazen an eiser Gemeng ënnerwee.

🌳 Beim Bëschfest vun den Houwalder Guiden a Scouten konnte mir vun engem gemittlechen Apero profitéieren an dat voll an der Natur.

🏃‍♀️ Beim LT Hesper 1000 Km-Laf hu mir aktiv matgemaach an esou och eng gutt Saach ënnerstëtzt.

🎶 Zum Ofschloss ware mir um Izeger Duerffest, wou Musek an e Floumaart fir e gelongenen Dag gesuergt hunn.

06/07/2026

Réckbléck vum Weekend

Vum Gaardefest vum CTF Hesper, iwwer déi international IVV-Wanderung “5 Nationen Cup” vum Footing Club Itzeg, bis bei den Open Volleyball-Tournoi vum Volley-Ball Club Fenteng, eis Gemeng huet nees gewisen wéi lieweg hiert Veräinsliewen ass. 🌿🥾🏐

Et ass flott ze gesinn, wéi vill Benevollen all Weekend Zäit investéieren, fir esou flott Evenementer op d’Been ze stellen. Hinnen an allen engagéierte Veräiner gëllt eise grousse Merci. 👏

Och eis Membere waren op de verschiddene Manifestatioune present an haten d’Geleeënheet, mat ville Leit an den Austausch ze kommen 💙

28/06/2026

Flott Ambiance haut beim CSV Summerfest virum Nic Braun ☀️😎

23/06/2026

Mir wënschen Iech all e schéine Nationalfeierdag 🎉💙

Lëtzebuerg steet fir Fräiheet, Demokratie, Solidaritéit, Respekt an en oppent Europa.

🇱🇺 Vive de Grand-Duc!
🇱🇺 Vive Lëtzebuerg!
🇪🇺 Vive Europa!

P.S. : D’Waasser net vergiessen 😉

10/06/2026

📍🚒 Geschter hunn eis Gemengeconseillèren, Christiane Streef a Myriam Feyder um Seminar „Lëtz Prepare: Ass meng Gemeng resilient?“ am CNIS deelgeholl. De Seminar gouf vun der Direction Générale de la Sécurité Civile organiséiert.

Am Mëttelpunkt stoung de Plan Local de Résilience (PLR) an d’Fro, wéi Gemengen sech besser op aussergewéinlech Situatiounen a Krisen virbereede kënnen - vum Risikomanagement iwwer d’Krisekommunikatioun bis hin zur Mobiliséierung vun de lokale Ressourcen.

Eng interessant Formatioun, déi gewisen huet, wéi wichteg et ass, d’Resilienz vun eiser Gemeng kontinuéierlech ze stäerken, fir d’Biergerinnen a Bierger och an usprochsvolle Situatiounen esou gutt wéi méiglech ze schützen.

Ministère des Affaires intérieures

08/06/2026

Réckbléck vum Weekend

🎨 E Freideg ware mir beim Vernissage vun der Ausstellung „Promenades“, wou d’Wierker vum Marc Wagner a Raphael Gindt presentéiert goufen. Dës sinn nach bis Ufank September an der Gemeng an am Hesper Park ze bewonneren.

🏀 E Samschdeg stoung d’Nuit du Sport um Programm. Vill Veräiner hunn de Visiteuren d’Méiglechkeet ginn, nei Sportaarten auszeprobéieren an aktiv matzemaachen. Eise Sportskommissiounspresident Misch Torres a Sportschäffen Claude Lamberty waren do ganz an hirem Element. 😉

🏸 E Sonndeg war och vill lass um Holleschbierg beim Fiederball Izeg, deen zwee flotte Tournoie organiséiert huet. 139 Kanner hunn do matgemaach, dorënner och vill Jonker vun "Hesper Bewegt sech". D’Christiane Streef war do mat vill Asaz dobäi an huet aktiv matgehollef.

🔵 Ofgeschloss gouf de Weekend mam groussen DP Kongress 2026 zu Bartreng, wou un déi vill Erausfuerderungen erënnert gouf, deenen eist Land, Europa an d’Welt aktuell géintiwwer stinn. Gläichzäiteg gouf ënnerstrach, datt d’Demokratesch Partei ëmmer nees gewisen huet, Verantwortung ze iwwerhuelen an esou dem Bierger zur Säit steet. Als Trésorière, huet eis Myriam Feyder och d'Konten wärend dem Kongress virgestalt.

(Traduction française dans les commentaires / English translation in the comments)

Adresse

Luxembourg

Site Web

http://hesper.dp.lu/

Notifications

Soyez le premier à savoir et laissez-nous vous envoyer un courriel lorsque DP - Sektioun Hesper publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.