CSV Walfer

🐰🪺

Leschte Mëttwoch hate mir eis Generalversammlung.

Wéi all Joers ass e Scheck vun 2500€ un Theresian‘s Orphans Namibia an u Schrëtt fir Schrëtt asbl gaangen.
De Wanderscheck am Wäert vun 2500€ ass dëst Joer der asbl Häerzkrank Kanner Lëtzebuerg ALAEC ze gutt komm.

Niewt eise Memberen a Sympathisanten, war et eis eng Freed, d'Vize-Presidentin Martine Gruber, vum Bezierk Zentrum bei eis begréissen ze kënnen.

Merci all deene wou laanscht komm sinn.😊

🎉Mir gratuléieren der fréierer Vize-Presidentin vun der EU-Kommissioun a langjäreger EU-Deputéiert fir hir Auszeechnung.

🇪🇺Den europäeschen Verdéngschtuerden geet fir déi éischte Kéier un eng Persoun aus Lëtzebuerg. Dës grouss Unerkennung wierdegt Mënschen, déi sech fir d’europäesch Integratioun a fir d’Verteidege vun den europäesche Wäerter agesat hunn.

👏Dëse laangjäregen Asaz fir d’Allgemengheet verdéngt gréisste Respekt an Unerkennung, Gratulatioun Viviane!

Eis Gedanke si bei senger Famill a senge Frënn.

Mir traueren ëm de Lucien Weiler (1951 - 2026)

Als Deputéierte fir de Bezierk Norden huet de Luss sech iwwer bal dräi Joerzéngte fir d'Wuel vum Land engagéiert. Als President vun der Chamber (2004–2009) stoung hie fir Ausgläich, institutionell Stabilitéit an eng Demokratie, déi vum Dialog a vum Respekt lieft.

De Luss huet och als Fraktiounspresident d’Politik vun der CSV geprägt a sech besonnesch fir de Jugendschutz staark gemat.

Och no senger parlamentarescher Carrière ass de Luss dem Déngscht um Land trei bliwwen. Als Maréchal vun der Cour grand-ducale (2016-2020) huet de Lucien Weiler seng grouss Erfarung, Diskretioun a Loyalitéit an den Déngscht vum Staatschef gestallt.

Fir d’CSV bleift de Luss e Virbild fir Verantwortung, Bescheidenheet a konsequenten Asaz.

Mir drécken der Famill eist chrëschtlecht Bäileed aus.

Réckbléck op eisen Neijoerschpatt vu leschte Sonnden.🍾

Villmools Merci all de Leit, déi mat eis zesummen op dat neit Joer ugestouss hunn.🥂

Et war eis eng Éier, d’Justizministesch Elisabeth Margue begréissen ze kënnen.

CSV Walfer wënscht Iech an Äre Léifste schéi Feierdeeg an nëmmen dat Bescht fir 2026.🎄🍾

Klenge Réckbléck op leschte Weekend, wou d‘Walfer Bicherdeeg 30 Joer gefeiert hunn🎉📚

Gëschter hu mir eise Buergermeeschter François Sauber um traditionelle Buergermeeschterdag op der Fouer ënnerstëtzt.🎡🎠

Kommt laanscht een oder och zwee drénke bei eis an de Centre Prince Henri zu Walfer.🍹

Fir de klengen a groussen Honger ass och gesuergt.🌭🍟