26/10/2026
Ħarsa ħafifa lejn dak li tħabbar fil-baġit b'rabta mal-inklużjoni:
✅ Terapiji b'xejn għal tfal b'diżabbilta' taħt it-18-il sena.
✅ €7,500 fis-sena fil-Carers Grant għall-ġenituri li ma jistgħux jaħdmu minħabba d-diżabilità severa ta’ wliedhom. Pass ieħor lejn l-ekwivalenti tal-Paga Minima Nazzjonali netta.
✅ Dawk il-ġenituri li ma jaħdmux iżjed minn 20 siegħa part-time fil-ġimgħa xorta se jibbenefikaw mill-Carers Grant, iżda bir-rata preżenti ta' nofs il-paga minima nazzjonali netta.
✅ €9,800 fis-sena permezz tal-Carer at Home, żieda ta’ €800 għall-anzjani li jimpjegaw carer full-time.
✅ Żidiet fil-Paga Minima Nazzjonali u l-COLA se jwasslu għal benefiċċji ogħla għal madwar 15,000 persuna b’diżabilità, carers u benefiċjarji tal-assistenza soċjali: €9.37 fil-ġimgħa aktar fl-Assistenza Miżjuda għal Diżabilità Severa u €6.41 aktar fl-assistenzi l-oħra għad-diżabilità, il-vista batuta, il-Benefiċċju għal Diżabilità, iż-żewġ Allowances għal Carers u l-Assistenza Soċjali.
✅ Mill-2027, persuni b’diżabilità b’pensjoni kontributorja li qabel kienu jirċievu benefiċċju għad-diżabilità jew pensjoni għall-korriment fuq ix-xogħol se jirċievu 20% minflok 10% tal-benefiċċju preċedenti, bil-għan li dan jilħaq 50% fis-snin li ġejjin.
🇲🇹 Għalina l-inklużjoni mhijiex biss kelma, iżda impenn li nsarrfu f’miżuri konkreti li jagħmlu differenza fil-ħajja tan-nies.
