San Antonio Zambales - Public Information

Directions

San Antonio Zambales - Public Information UPDATES and EVENTS in San Antonio Zambales. Managed by the Office of the Mayor. June 30 2025 - 2028

🎉 HAPPY BIRTHDAY, SIR WILLIAM RODERICK FALLORIN!🎂Isang taos-pusong pagbati ng maligayang kaarawan kay Sir William Roderi...
13/11/2026

🎉 HAPPY BIRTHDAY, SIR WILLIAM RODERICK FALLORIN!🎂

Isang taos-pusong pagbati ng maligayang kaarawan kay Sir William Roderick Fallorin, Schools Division Superintendent!

Sa espesyal na araw na ito, kinikilala at pinahahalagahan namin ang inyong patuloy na paglilingkod at dedikasyon sa pagpapalakas at pagpapaunlad ng sektor ng edukasyon.

Nawa'y patuloy kayong pagkalooban ng Poong Maykapal ng mabuting kalusugan, mahabang buhay, karunungan, at lakas upang maipagpatuloy ang inyong makabuluhang paglilingkod sa larangan ng edukasyon.

“The greatest gift of education is not just the knowledge we gain, but the lives we inspire and the future we help shape.”

Muli, maligayang kaarawan! Nawa'y maging makabuluhan, masaya, at puno ng pagpapala ang inyong bagong taon ng buhay.

Warmest Birthday Greetings from:

HON. MAYOR ARVIN ROLLY D. ANTIPOLO
Municipal Mayor
San Antonio, Zambales

Serbisyong Antipolo. United San Antonio!



🩸 MOBILE BLOOD DONATION PROGRAM🩸A Few Minutes for You, A Lifetime for Someone Else.”Ang Lokal na Pamahalaan ng San Anton...
13/11/2026

🩸 MOBILE BLOOD DONATION PROGRAM🩸
A Few Minutes for You, A Lifetime for Someone Else.”

Ang Lokal na Pamahalaan ng San Antonio, Zambales, sa pakikipagtulungan ng Philippine Red Cross – Zambales Chapter, ay buong-pusong nag-aanyaya sa lahat ng kwalipikadong mamamayan na makiisa sa gaganaping Mobile Blood Donation Activity

Ang simpleng paglalaan ng ilang minuto upang magbigay ng dugo ay maaaring maging daan upang makapagligtas ng buhay. Sa pamamagitan ng inyong kabutihang-loob at malasakit, maaari tayong magbigay ng panibagong pag-asa sa mga taong nangangailangan ng dugo.

📅 Petsa:Nobyembre 19, 2026 (Huwebes)
⏰ Oras: 8:00 ng umaga hanggang 3:00 ng hapon
📍 Lugar: Municipal Youth Center, San Antonio, Zambales

MGA KALIPIKADONG MAAARING MAG-DONATE:

✅ Edad 18–65 taong gulang (16–17 taong gulang na may pahintulot ng magulang).

✅ Timbang na hindi bababa sa 50 kilo o 110 pounds.

✅ Nakakuha ng sapat na tulog na 6–8 oras bago ang araw ng donasyon.

✅ Walang pag-inom ng alak sa loob ng 24 oras bago ang blood donation.

✅ Nasa mabuting pangangatawan at maayos ang kalusugan.

BAKIT MAHALAGANG MAG-DONATE NG DUGO?

Dahil ang bawat patak ng dugo ay may kakayahang magligtas ng buhay. Hindi natin alam kung kailan tayo o ang ating mga mahal sa buhay ang mangangailangan nito. Sa simpleng pagbabahagi, nagiging bahagi tayo ng isang makabuluhang gawaing nagtataguyod ng malasakit, bayanihan, at pag-asa.

Hinihikayat ang lahat ng kwalipikadong mamamayan na makiisa at maging bahagi ng gawaing ito.

“SAVE A LIFE THROUGH BLOOD DONATION!”

Maraming salamat sa inyong pakikiisa at bukas-palad na pagtulong. Nawa'y patuloy tayong maging instrumento ng kabutihan at pag-asa sa ating kapwa.

LGU SAN ANTONIO, ZAMBALES
Sa Serbisyong May Malasakit, Buhay ay Pinahahalagahan!




🎉 CONGRATULATIONS, NEW CERTIFIED PUBLIC ACCOUNTANTS (CPAs)! 🎉Isang taos-pusong pagbati at pagpupugay sa mga bagong Certi...
12/11/2026

🎉 CONGRATULATIONS, NEW CERTIFIED PUBLIC ACCOUNTANTS (CPAs)! 🎉

Isang taos-pusong pagbati at pagpupugay sa mga bagong Certified Public Accountants (CPAs) na nagmula sa ating minamahal na Bayan ng San Antonio, Zambales!

Ang inyong tagumpay ay bunga ng walang sawang pagsisikap, matinding dedikasyon, sakripisyo, at pananalig sa inyong mga pangarap. Tunay na isang karangalan na magkaroon ang ating bayan ng mga bagong propesyonal na magsisilbing inspirasyon sa mga kabataan at sa susunod na henerasyon.

“Ang tagumpay ay hindi lamang nasusukat sa mga titulong nakakamit, kundi sa mga pagsubok na nalampasan, mga sakripisyong pinagdaanan, at sa inspirasyong naibabahagi sa iba. Patuloy mangarap, magsikap, at gamitin ang inyong talino at kakayahan upang maging daan sa mas magandang kinabukasan.”

Nawa’y maging simula ito ng mas marami pang oportunidad at tagumpay sa inyong propesyon. Dalhin ninyo saanman kayo makarating ang dangal at husay ng isang tunay na San Antonian!

Mabuhay kayo! Ipinagmamalaki kayo ng buong Bayan ng San Antonio!

Taos-pusong pagbati mula kay Hon. Mayor Arvin Rolly D. Antipolo, MD, kasama ang buong Pamahalaang Bayan ng San Antonio.

Serbisyong Antipolo, Serbisyong May Puso!




🏆 SAN ANTONIO, ZAMBALES, KINILALA SA PAGPAPANATILI NG DRUG-FREE WORKPLACE!🇵🇭Isang karangalan at patunay ng patuloy na pa...
11/11/2026

🏆 SAN ANTONIO, ZAMBALES, KINILALA SA PAGPAPANATILI NG DRUG-FREE WORKPLACE!🇵🇭

Isang karangalan at patunay ng patuloy na pagsusulong ng isang ligtas, maayos at responsableng kapaligiran sa trabaho!

Ipinagmamalaki ng Pamahalaang Bayan ng San Antonio, Zambales ang pagkakaloob ng DRUG-FREE WORKPLACE CERTIFICATION mula sa Regional Peace and Order Council (RPOC) Region III, bilang pagkilala sa pagsunod at pagtupad ng ating lokal na pamahalaan sa mga pamantayan at alituntunin para sa isang Drug-Free Workplace.

Ang pagkilalang ito ay iginawad noong Martes, Nobyembre 10, 2026, sa ginanap na DRUG-FREE WORKPLACE EXCELLENCE AWARD sa Royce Hotel and Casino, Clark Freeport, Angeles, Pampanga.

Dumalo rin sa mahalagang okasyong ito si Ma'am Jephany M. Pingkihan, MLGOO-DILG, bilang katuwang ng Pamahalaang Bayan sa pagsusulong ng maayos na pamamahala at pagpapatupad ng mga programa ng pamahalaan.

Sa ilalim ng pamumuno ni Hon. Mayor Arvin Rolly D. Antipolo, MD, katuwang si Hon. Vice Mayor Atty. JoJo Bactad at ang mga miyembro ng Sangguniang Bayan, patuloy na isinusulong ng lokal na pamahalaan ang mga programang nagtataguyod ng kalusugan, disiplina, kaligtasan at kapakanan ng bawat kawani.

Ang pagkilalang ito ay hindi lamang isang sertipiko na maipagmamalaki, kundi isang mahalagang responsibilidad na panatilihin ang isang lugar ng trabaho na malaya sa ilegal na droga, may disiplina at may malasakit sa kapwa.

Isang Drug-Free Workplace, isang ligtas na kapaligiran sa trabaho, at isang responsableng serbisyong pampubliko!

Congratulations, LGU San Antonio! Patuloy nating panatilihing malinis hindi lamang ang ating bayan, kundi pati na rin ang ating mga tanggapan!

SERBISYONG ANTIPOLO. UNITED SAN ANTONIO!❤️





PERFORM LGU 2026 | PAGPAPATIBAY NG MAHUSAY AT EPEKTIBONG PAMAMAHALA SA BAYAN NG SAN ANTONIOIsinagawa kahapon Martes, Nob...
11/11/2026

PERFORM LGU 2026 | PAGPAPATIBAY NG MAHUSAY AT EPEKTIBONG PAMAMAHALA SA BAYAN NG SAN ANTONIO

Isinagawa kahapon Martes, Nobyembre 10, 2026, ang PERFORM LGU sa Bayan ng San Antonio, Zambales, sa pangunguna ni Hon. Mayor Arvin Rolly D. Antipolo, katuwang si Hon. Vice Mayor Atty. Joseph Jonathan Bactad, ang mga miyembro ng Sangguniang Bayan, at mga Department Heads ng Pamahalaang Bayan.

Pinangunahan ang aktibidad ni Dir. Melissa B. Del Rosario-Nipal, DILG Zambales Provincial Director, na nagbigay ng mahahalagang talakayan at gabay kaugnay ng pagpapahusay ng pamamahala, pagpapatibay ng mga programa, at patuloy na pagpapataas ng kalidad ng serbisyong pampubliko.

Ang gawaing ito ay bahagi ng patuloy na pagsisikap ng Pamahalaang Bayan na matiyak ang isang tapat, mahusay, responsable at episyenteng pamamahala na nakatuon sa pangangailangan at kapakanan ng bawat mamamayan.

Sa pamamagitan ng pagkakaisa, pagtutulungan at patuloy na paglinang ng kakayahan ng bawat tanggapan, mas napagtitibay ang layunin ng isang pamahalaang may malasakit, may pananagutan at tunay na naglilingkod sa bayan.

Serbisyong Antipolo — Mahusay na Pamamahala, Serbisyong Maaasahan!




🎉 HAPPY BIRTHDAY, JOMAR “MIMA” RAGADIO!🎂Isang taos-pusong pagbati ng maligayang kaarawan kay Jomar “Mima” Ragadio ng May...
10/11/2026

🎉 HAPPY BIRTHDAY, JOMAR “MIMA” RAGADIO!🎂

Isang taos-pusong pagbati ng maligayang kaarawan kay Jomar “Mima” Ragadio ng Mayor’s Office Staff!

Nawa’y mapuno ng saya, pagmamahal, mabuting kalusugan at walang hanggang biyaya ang iyong espesyal na araw. Maraming salamat sa iyong dedikasyon, sipag at mahalagang ambag sa paglilingkod sa ating mga kababayan.

Patuloy nawa ang iyong pagiging masayahin at positibong inspirasyon sa mga taong nakakasalamuha mo sa araw-araw.

Nawa’y matupad ang iyong mga pangarap at mas marami pang magagandang oportunidad ang dumating sa iyong buhay.

Happy Birthday, Mima! Patuloy kang pagpalain at gabayan ng Poong Maykapal!

Greetings from:

HON. MAYOR ARVIN ROLLY D. ANTIPOLO
Municipal Mayor
Municipality of San Antonio, Zambales

Serbisyong Antipolo. United San Antonio!💚

DOLE-TUPAD BENEFICIARIES ORIENTATION | TESDA PARTICIPATIONIsinagawa ngayong Martes, Nobyembre 10, 2026, ang Orientation ...
10/11/2026

DOLE-TUPAD BENEFICIARIES ORIENTATION | TESDA PARTICIPATION

Isinagawa ngayong Martes, Nobyembre 10, 2026, ang Orientation para sa mga benepisyaryo ng Department of Labor and Employment (DOLE) – TUPAD Program, sa Bayan ng San Antonio, Zambales, kasama ang pakikibahagi ng Technical Education and Skills Development Authority (TESDA).

Layunin ng nasabing orientation na mabigyan ng sapat na kaalaman ang mga benepisyaryo hinggil sa mga alituntunin, responsibilidad, proseso at mahahalagang paalala kaugnay ng programa.

Ang TUPAD Program ay naglalayong magbigay ng pansamantalang oportunidad sa trabaho at tulong-pinansyal sa mga kwalipikadong manggagawa. Samantala, ang pakikibahagi ng TESDA ay bahagi ng pagsusulong ng mga oportunidad para sa pagsasanay at pagpapaunlad ng kakayahan ng ating mga kababayan.

Sa pangunguna ni Hon. Mayor Arvin Rolly D. Antipolo, katuwang si Hon. Vice Mayor Atty. JoJo Bactad at ang mga miyembro ng Sangguniang Bayan, patuloy na isinusulong ng Pamahalaang Bayan ang mga programang nagbibigay ng dagdag na oportunidad at suporta sa kabuhayan ng mga San Antonian.

Taos-puso rin ang pasasalamat sa DOLE, TESDA at Nanay Bing Maniquiz sa kanilang suporta, pakikiisa at mahalagang kontribusyon upang maihatid ang mga programang kapaki-pakinabang sa ating mga kababayan.

Maraming salamat po sa inyong patuloy na suporta!

Trabaho, kasanayan at oportunidad para sa mas maunlad na San Antonio!

UNITED SAN ANTONIO!





🎉 HAPPY BIRTHDAY, KAP BENJAMIN ASINAS! 🎂Isang mainit at taos-pusong pagbati ng maligayang kaarawan kay Kap Benjamin Asin...
10/11/2026

🎉 HAPPY BIRTHDAY, KAP BENJAMIN ASINAS! 🎂

Isang mainit at taos-pusong pagbati ng maligayang kaarawan kay Kap Benjamin Asinas

Sa espesyal na araw na ito, hangad ni Hon. Mayor Arvin Rolly D. Antipolo ang iyong mabuting kalusugan, mahabang buhay, patuloy na tagumpay at mas marami pang biyayang matatanggap sa buhay.

Nawa’y patuloy kang maging inspirasyon sa paglilingkod sa ating mga kababayan at maging instrumento ng pagkakaisa at pag-unlad ng ating komunidad.

Maraming salamat sa iyong dedikasyon at malasakit sa paglilingkod sa bayan.

Muli, Happy Birthday, Kap Benjamin Asinas! Nawa’y maging makabuluhan, masaya at puno ng pagpapala ang iyong panibagong taon ng buhay!

Pagbati mula kay:
Hon. Mayor Arvin Rolly D. Antipolo
Municipal Mayor
San Antonio, Zambales



🇵🇭 PAGGUNITA SA IKA-165 ANIBERSARYO NG KAPANGANAKAN NI DON TEODORO R. YANGCO🇵🇭Matagumpay na isinagawa kaninang umaga, No...
09/11/2026

🇵🇭 PAGGUNITA SA IKA-165 ANIBERSARYO NG KAPANGANAKAN NI DON TEODORO R. YANGCO🇵🇭

Matagumpay na isinagawa kaninang umaga, Nobyembre 9, 2026, ang paggunita sa ika-165 anibersaryo ng kapanganakan ni Don Teodoro R. Yangco, isang kilalang personalidad sa kasaysayan na nag-iwan ng mahalagang ambag sa ating bayan at sa sambayanang Pilipino.

Ang nasabing paggunita ay ginanap ganap na ika-7:00 ng umaga sa Yangco Bust sa harap ng Municipal Hall ng San Antonio, Zambales.

Pinangunahan ang makabuluhang okasyong ito ni Hon. Mayor Arvin Rolly D. Antipolo, katuwang si Hon. Vice Mayor Atty. Joseph Jonathan Bactad at ang mga miyembro ng Sangguniang Bayan, kasama ang mga kawani ng LGU San Antonio, mga g**o at mag-aaral, kinatawan ng iba't ibang pribadong grupo at organisasyon, at iba pang mga kababayan.

Ang paggunita ay hindi lamang simpleng pag-alala sa araw ng kapanganakan ni Don Teodoro R. Yangco, kundi isang pagkilala sa kanyang makasaysayang pamana, mga nagawa at kontribusyon na patuloy na nagsisilbing inspirasyon sa mga susunod na henerasyon.

Sa pamamagitan ng ganitong mga makabuluhang programa, pinahahalagahan natin ang ating kasaysayan at pinananatiling buhay ang alaala ng mga personalidad na naging bahagi ng pagkakakilanlan at pag-unlad ng ating bayan.

Ang kasaysayan ay hindi lamang inaalala, ito ay ipinagmamalaki at ipinapasa sa susunod na henerasyon.

Mabuhay ang San Antonio! Mabuhay ang ating kasaysayan!

UNITED SAN ANTONIO!🇵🇭





Address

Brgy Rizal
San Antonio
2206

Website

Alerts

Be the first to know and let us send you an email when San Antonio Zambales - Public Information posts news and promotions. Your email address will not be used for any other purpose, and you can unsubscribe at any time.

Shortcuts

Share