06/11/2026
PGT, Tuloy-tuloy ang Handog ng Trabaho sa mga Tarlaqueño
Tuloy-tuloy ang serye ng paghahandog ng oportunidad sa trabaho sa mga Tarlaqueño matapos ganapin ang Job Fair and Department of Migrant Workers (DMW) Serbisyo Caravan ngayong araw, Nobyembre 6, sa Bulwagang Kanlahi, Diwa ng Tarlac, na puno ng mga pagkakataon para sa bawat mamamayang naghahanap ng maayos at ligtas na trabaho.
Kabilang sa mga trabahong nagbukas ng kanilang mga pinto ang mga recruitment agencies na nakatutok sa pagpapadala ng mga interesado at kwalipikadong Filipino sa ibang bansa bilang mga Overseas Filipino Workers (OFW).
Bukod sa mga trabahong nakaabang, kasabay ding direktang inabot ang iba’t ibang serbisyong panlipunan mula sa mga ahensya ng PhilHealth, SSS, Pag-ibig, Philippine Statistics Authority, at iba pa.
Sa ilalim ng pangangasiwa ng Provincial Public Employment Service Office, naipapatupad ng Pamahalaang Panlalawigan ng Tarlac ang adbokasiya nitong mabigyan ng ligtas, maayos, at sapat na trabaho ang mga Tarlaqueño para sa mas de-kalidad na pamumuhay na higit na isinusulong ni Governor Christian Yap, katuwang si Vice Governor Lita Aquino.