21/10/2026
کمشنر سرگودھا ڈویژن کا چائلڈ پروٹیکشن انسٹیٹیوشن کانڈیوال روڈ سرگودھا کا دورہ، بچوں کی دیکھ بھال، تعلیمی سرگرمیوں اور فراہم کردہ سہولیات کا جائزہ
سرگودھا (19 اکتوبر 2026ء): کمشنر سرگودھا ڈویژن حافظ شوکت علی نے چائلڈ پروٹیکشن انسٹیٹیوشن، کانڈیوال روڈ سرگودھا کا دورہ کیا اور ادارے میں بچوں کی دیکھ بھال، رہائش، خوراک، تعلیم اور دیگر بنیادی سہولیات کا تفصیلی جائزہ لیا۔
اس موقع پر ایڈیشنل ڈپٹی کمشنر سوشل سروسز,ایڈیشنل ڈپٹی کمشنر میونسپل سروسز اور ڈسٹرکٹ آفیسر چائلڈ پروٹیکشن انسٹی ٹیوشن سرگودھا علی عابد نقوی بھی ان کے ہمراہ تھے۔
کمشنر نے ادارے کے مختلف حصوں، بالخصوص کلاس رومز کا دورہ کیا اور بچوں سے ملاقات کرکے انہیں فراہم کی جانے والی تعلیمی و دیگر سہولیات کے بارے میں آگاہی حاصل کی۔ انہوں نے بچوں سے بات چیت کرتے ہوئے ان کے لیے دستیاب تعلیمی ماحول، دیکھ بھال اور دیگر ضروری سہولیات کا جائزہ لیا۔
اس موقع پر ڈسٹرکٹ آفیسر علی عابد نقوی نے کمشنر کو چائلڈ پروٹیکشن انسٹی ٹیوشن سرگودھا میں بچوں کی فلاح و بہبود، تعلیم و تربیت، رہائش اور نگہداشت کے حوالے سے کیے جانے والے اقدامات پر بریفنگ دی۔
کمشنر حافظ شوکت علی نے بچوں کی بہتر نگہداشت، تحفظ اور فلاح و بہبود کی اہمیت پر زور دیتے ہوئے ہدایت کی کہ ادارے میں بچوں کو محفوظ، سازگار اور دوستانہ ماحول فراہم کرنے کے لیے تمام ضروری اقدامات یقینی بنائے جائیں۔ انہوں نے اس امر پر بھی زور دیا کہ بچوں کی تعلیم و تربیت اور شخصیت سازی پر خصوصی توجہ دی جائے تاکہ انہیں معاشرے کا مفید اور خودمختار شہری بنانے میں مدد مل سکے۔
