Golaha Wakiilada-DGKGS, Baydhabo (2026)

24/10/2026

𝗛𝗔𝗠𝗕𝗔𝗟𝗬𝗢 𝗜𝗬𝗢 𝗕𝗢𝗚𝗔𝗔𝗗𝗜𝗡

𝗕𝗮𝘆𝗱𝗵𝗮𝗯𝗼, 24, 𝗢𝗰𝘁𝗼𝗯𝗲𝗿, 2026:-Guddoonka Golaha Wakiillada Dowladda Goboleedka Koonfur Galbeed Soomaaliya wuxuu hambalyo iyo bogaadin u dirayaa Hogaamiyaha ee Dowladda Goboleedka Hirshabeelle, Mudane Cali Cabdullaahi Xuseen (Cali Guudlaawe), iyo Hogaamiye Ku-xigeenka cusub, Mudane Cabdifitaax Xasan Afrax, munaasabadda doorashada hoggaanka cusub.

Guddoonku wuxuu labada masuul u rajaynayaa guul, xilkasnimo iyo in ay si hufan ugu gutaan waajibaadka loo igmaday, iyagoo ka shaqaynaya horumarka, nabadda, dowlad-dhiska iyo danta guud ee shacabka Hirshabeelle.

Sidoo kale, Guddoonka Golaha Wakiillada Koonfur Galbeed Soomaaliya wuxuu rajaynayaa in hoggaanka cusub uu sii xoojiyo wada-shaqaynta iyo iskaashiga dowlad-goboleedyada dalka, si loo gaaro horumar waara iyo dowlad-dhis Soomaaliyeed oo sal adag leh.

Hambalyo Hogaanka cusub ee Dowladda Goboleedka Hirshabeelle. Waxaan idiin rajaynaynaa guul iyo xil gudasho wanaagsan.

-𝗗𝗛𝗔𝗠𝗠𝗔𝗔𝗗-

-𝗫𝗔𝗙𝗜𝗜𝗦𝗞𝗔 𝗪𝗔𝗥𝗙𝗔𝗔𝗙𝗜𝗡𝗧𝗔 𝗜𝗬𝗢 𝗫𝗜𝗥𝗜𝗜𝗥𝗞𝗔 𝗕𝗨𝗟𝗦𝗛𝗔𝗗𝗔 𝗚𝗢𝗟𝗔𝗛𝗔 𝗪𝗔𝗞𝗜𝗜𝗟𝗟𝗔𝗗𝗔 𝗗𝗢𝗪𝗟𝗔𝗗 𝗚𝗢𝗕𝗔𝗟𝗘𝗘𝗗𝗞𝗔 𝗞𝗢𝗢𝗡𝗙𝗨𝗥 𝗚𝗔𝗟𝗕𝗘𝗘𝗗 𝗦𝗢𝗢𝗠𝗔𝗔𝗟𝗜𝗬𝗔.

𝗪𝗶𝘅𝗶𝗶 𝗳𝗮𝗮𝗵 𝗳𝗮𝗮𝗵𝗶𝗻 𝗮𝗵 𝗸𝗮𝗹𝗮 𝘅𝗶𝗿𝗶𝗶𝗿 𝗔𝗴𝗮𝗮𝘀𝗶𝗺𝗮𝗵𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝗶𝘆𝗼 𝘅𝗶𝗿𝗶𝗶𝗿𝗸𝗮 𝗕𝘂𝗹𝘀𝗵𝗮𝗱𝗮 𝗲𝗲 𝗚𝗼𝗹𝗮𝗵𝗮 𝗪𝗮𝗸𝗶𝗶𝗹𝗹𝗮𝗱𝗮 𝗗𝗼𝘄𝗹𝗮𝗱𝗱𝗮 𝗞𝗼𝗼𝗻𝗳𝘂𝗿 𝗚𝗮𝗹𝗯𝗲𝗲𝗱 𝗦𝗼𝗼𝗺𝗮𝗮𝗹𝗶𝘆𝗮.

Ahmed Mohamed Ibrahim

22/10/2026

𝗛𝗔𝗠𝗕𝗔𝗟𝗬𝗢 𝗜𝗬𝗢 𝗕𝗢𝗚𝗔𝗔𝗗𝗜𝗡

𝗕𝗮𝘆𝗱𝗵𝗮𝗯𝗼, 22, 𝗢𝗰𝘁𝗼𝗯𝗲𝗿, 2026:-Guddoonka Golaha Wakiillada Dowladda Koonfur Galbeed Soomaaliya wuxuu hambalyo iyo bogaadin u dirayaa Guddoonka cusub ee Golaha Wakiillada Dowladda Hirshabeelle, oo kala ah:

• Guddoomiyaha Golaha: Mudane Cabdixakiin Luqmaan Xaaji Maxamed
• Guddoomiye Ku-xigeenka Koowaad: Mudane Cabdiraxmaan Cabdi Iidow
• Guddoomiye Ku-xigeenka Labaad: Mudane Jaamac Cali Maxamuud

Guddoonka Golaha Wakiillada Koonfur Galbeed Soomaaliya wuxuu mas’uuliyiinta cusub u rajaynayaa guul, xilkasnimo iyo hoggaan hufan oo ku dhisan wada-shaqayn, isla-xisaabtan iyo dardargelinta howlaha sharci-dejinta.

Waxaan sidoo kale rajaynaynaa in doorashadani ay sii xoojiso xiriirka iyo wada-shaqaynta labada gole, si loo horumariyo dimuqraadiyadda, dowlad-dhiska iyo danaha guud ee shacabka Soomaaliyeed.

-𝗗𝗛𝗔𝗠𝗠𝗔𝗔𝗗-

-𝗫𝗔𝗙𝗜𝗜𝗦𝗞𝗔 𝗪𝗔𝗥𝗙𝗔𝗔𝗙𝗜𝗡𝗧𝗔 𝗜𝗬𝗢 𝗫𝗜𝗥𝗜𝗜𝗥𝗞𝗔 𝗕𝗨𝗟𝗦𝗛𝗔𝗗𝗔 𝗚𝗢𝗟𝗔𝗛𝗔 𝗪𝗔𝗞𝗜𝗜𝗟𝗟𝗔𝗗𝗔 𝗗𝗢𝗪𝗟𝗔𝗗 𝗚𝗢𝗕𝗔𝗟𝗘𝗘𝗗𝗞𝗔 𝗞𝗢𝗢𝗡𝗙𝗨𝗥 𝗚𝗔𝗟𝗕𝗘𝗘𝗗 𝗦𝗢𝗢𝗠𝗔𝗔𝗟𝗜𝗬𝗔.

𝗪𝗶𝘅𝗶𝗶 𝗳𝗮𝗮𝗵 𝗳𝗮𝗮𝗵𝗶𝗻 𝗮𝗵 𝗸𝗮𝗹𝗮 𝘅𝗶𝗿𝗶𝗶𝗿 𝗔𝗴𝗮𝗮𝘀𝗶𝗺𝗮𝗵𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝗶𝘆𝗼 𝘅𝗶𝗿𝗶𝗶𝗿𝗸𝗮 𝗕𝘂𝗹𝘀𝗵𝗮𝗱𝗮 𝗲𝗲 𝗚𝗼𝗹𝗮𝗵𝗮 𝗪𝗮𝗸𝗶𝗶𝗹𝗹𝗮𝗱𝗮 𝗗𝗼𝘄𝗹𝗮𝗱𝗱𝗮 𝗞𝗼𝗼𝗻𝗳𝘂𝗿 𝗚𝗮𝗹𝗯𝗲𝗲𝗱 𝗦𝗼𝗼𝗺𝗮𝗮𝗹𝗶𝘆𝗮.

Ahmed Mohamed Ibrahim

22/10/2026

𝗛𝗔𝗠𝗕𝗔𝗟𝗬𝗢 𝗜𝗬𝗢 𝗕𝗢𝗚𝗔𝗔𝗗𝗜𝗡

𝗕𝗮𝘆𝗱𝗵𝗮𝗯𝗼, 22, 𝗢𝗰𝘁𝗼𝗯𝗲𝗿, 2026:-Guddoonka Golaha Wakiillada Dowladda Koonfur Galbeed Soomaaliya, isagoo ku hadlaya magaca Golaha, wuxuu hambalyo iyo bogaadin u dirayaa Hogaamiyaha cusub ee Dowlad Goboleedka Galmudug, Mudane Liibaan Axmed Xasan, iyo Hogaamiye Ku-xigeenka cusub, Mudane Cabdiwali Ibraahim Aadan (Garyare), munaasabadda doorashadooda.

Guddoonka Goluhu wuxuu labada masuulba u rajaynayaa guul, hoggaan wanaagsan iyo in ay si hufan ugu adeegaan shacabka Galmudug, iyagoo ka shaqaynaya nabadda, midnimada, dowlad-dhiska iyo horumarka dowladnimada.

Sidoo kale, Golaha Wakiillada Dowladda Koonfur Galbeed Soomaaliya wuxuu rajaynayaa in doorashadani ay sii xoojiso xiriirka walaaltinimo, iskaashiga iyo wada-shaqaynta hay’adaha dowladeed ee labada dowlad goboleed, si loo gaaro himilooyinka guud ee shacabka Soomaaliyeed.

Hambalyo Hogaamiye Liibaan Axmed Xasan iyo Hogaamiye Ku-xigeen Cabdiwali Ibraahim Aadan (Garyare).

-𝗗𝗛𝗔𝗠𝗠𝗔𝗔𝗗-

-𝗫𝗔𝗙𝗜𝗜𝗦𝗞𝗔 𝗪𝗔𝗥𝗙𝗔𝗔𝗙𝗜𝗡𝗧𝗔 𝗜𝗬𝗢 𝗫𝗜𝗥𝗜𝗜𝗥𝗞𝗔 𝗕𝗨𝗟𝗦𝗛𝗔𝗗𝗔 𝗚𝗢𝗟𝗔𝗛𝗔 𝗪𝗔𝗞𝗜𝗜𝗟𝗟𝗔𝗗𝗔 𝗗𝗢𝗪𝗟𝗔𝗗 𝗚𝗢𝗕𝗔𝗟𝗘𝗘𝗗𝗞𝗔 𝗞𝗢𝗢𝗡𝗙𝗨𝗥 𝗚𝗔𝗟𝗕𝗘𝗘𝗗 𝗦𝗢𝗢𝗠𝗔𝗔𝗟𝗜𝗬𝗔.

𝗪𝗶𝘅𝗶𝗶 𝗳𝗮𝗮𝗵 𝗳𝗮𝗮𝗵𝗶𝗻 𝗮𝗵 𝗸𝗮𝗹𝗮 𝘅𝗶𝗿𝗶𝗶𝗿 𝗔𝗴𝗮𝗮𝘀𝗶𝗺𝗮𝗵𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝗶𝘆𝗼 𝘅𝗶𝗿𝗶𝗶𝗿𝗸𝗮 𝗕𝘂𝗹𝘀𝗵𝗮𝗱𝗮 𝗲𝗲 𝗚𝗼𝗹𝗮𝗵𝗮 𝗪𝗮𝗸𝗶𝗶𝗹𝗹𝗮𝗱𝗮 𝗗𝗼𝘄𝗹𝗮𝗱𝗱𝗮 𝗞𝗼𝗼𝗻𝗳𝘂𝗿 𝗚𝗮𝗹𝗯𝗲𝗲𝗱 𝗦𝗼𝗼𝗺𝗮𝗮𝗹𝗶𝘆𝗮.

Ahmed Mohamed Ibrahim

22/10/2026

𝗔𝗧𝗔𝗖𝗦𝗜 𝗜𝗬𝗢 𝗧𝗜𝗜𝗥𝗔𝗔𝗡𝗬𝗢.

Guddoonka Golaha Wakiillada Dowladda Koonfur Galbeed Soomaaliya, isagoo ku hadlaya magaca Xildhibaannada iyo hawl-wadeennada Golaha, wuxuu tacsi tiiraanyo leh u dirayaa Xildhibaan. 𝗔𝗱𝗮𝗻 𝗔𝗯𝗱𝗶 𝗜𝘀𝗮𝗰𝗸 [𝗚𝗮𝗮𝘀] oo Aabbihii ku geeriyooday magaalada Xudur.

Guddoonku wuxuu marxuumka Alle uga baryayaa inuu naxariistiisa Janno ka waraabiyo, qabrigiisana u waasiciyo, kitaabkiisana midigta ka siiyo. Sidoo kale, waxaan Alle uga baryaynaa inuu ehelkii, qaraabadii, asxaabtii iyo dhammaan qoyskii uu ka baxay samir iyo iimaan ka siiyo.

إنا لله وإنا إليه راجعون

𝗔𝗮𝗺𝗶𝗶𝗻 𝗔𝗮𝗺𝗶𝗶𝗻.

18/10/2026

𝗛𝗔𝗠𝗕𝗔𝗟𝗬𝗢 𝗜𝗬𝗢 𝗕𝗢𝗚𝗔𝗔𝗗𝗜𝗡

𝗕𝗮𝘆𝗱𝗵𝗮𝗯𝗼, 18, 𝗢𝗰𝘁𝗼𝗯𝗲𝗿, 2026:-Guddoonka Golaha Wakiillada Dowlad-Goboleedka Koonfur Galbeed Soomaaliya wuxuu hambalyo iyo bogaadin u dirayaa Guddoonka cusub ee Golaha Wakiillada Dowlad-Goboleedka Galmudug, oo kala ah Guddoomiye Mudane Xuseen Maxamed Nuur (Dhagaweyne), Guddoomiye Ku-xigeenka Koowaad Mudane Cabdulqaadir Axmed Cali Quri, iyo Guddoomiye Ku-xigeenka Labaad Mudane Mursal Cabdi Aadan (Haraad), munaasabadda doorashadooda.

Waxaan idiin rajaynaynaa in aad ku guulaysataan gudashada waajibaadka culus ee la idiin igmaday, isla markaana aad noqotaan hoggaan ku suntan xilkasnimo, daacadnimo iyo hufnaan, kana shaqeeya xoojinta dimuqraadiyadda, horumarinta hay’adaha sharci-dejinta iyo u adeegidda shacabka reer Galmudug.

Ugu dambayn, waxaan idiin rajaynaynaa guul iyo horumar waara, annaga oo rajaynayna in doorashadiinnu ay horseed u noqoto wada-shaqayn iyo iskaashi dheeraad ah oo dhex mara goleyaasha sharci-dejinta ee dowlad-goboleedyada dalka.

-𝗗𝗛𝗔𝗠𝗠𝗔𝗔𝗗-

-𝗫𝗔𝗙𝗜𝗜𝗦𝗞𝗔 𝗪𝗔𝗥𝗙𝗔𝗔𝗙𝗜𝗡𝗧𝗔 𝗜𝗬𝗢 𝗫𝗜𝗥𝗜𝗜𝗥𝗞𝗔 𝗕𝗨𝗟𝗦𝗛𝗔𝗗𝗔 𝗚𝗢𝗟𝗔𝗛𝗔 𝗪𝗔𝗞𝗜𝗜𝗟𝗟𝗔𝗗𝗔 𝗗𝗢𝗪𝗟𝗔𝗗 𝗚𝗢𝗕𝗔𝗟𝗘𝗘𝗗𝗞𝗔 𝗞𝗢𝗢𝗡𝗙𝗨𝗥 𝗚𝗔𝗟𝗕𝗘𝗘𝗗 𝗦𝗢𝗢𝗠𝗔𝗔𝗟𝗜𝗬𝗔.

𝗪𝗶𝘅𝗶𝗶 𝗳𝗮𝗮𝗵 𝗳𝗮𝗮𝗵𝗶𝗻 𝗮𝗵 𝗸𝗮𝗹𝗮 𝘅𝗶𝗿𝗶𝗶𝗿 𝗔𝗴𝗮𝗮𝘀𝗶𝗺𝗮𝗵𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝗶𝘆𝗼 𝘅𝗶𝗿𝗶𝗶𝗿𝗸𝗮 𝗕𝘂𝗹𝘀𝗵𝗮𝗱𝗮 𝗲𝗲 𝗚𝗼𝗹𝗮𝗵𝗮 𝗪𝗮𝗸𝗶𝗶𝗹𝗹𝗮𝗱𝗮 𝗗𝗼𝘄𝗹𝗮𝗱𝗱𝗮 𝗞𝗼𝗼𝗻𝗳𝘂𝗿 𝗚𝗮𝗹𝗯𝗲𝗲𝗱 𝗦𝗼𝗼𝗺𝗮𝗮𝗹𝗶𝘆𝗮.

Ahmed Mohamed Ibrahim

14/10/2026

𝗚𝗨𝗗𝗗𝗜𝗚𝗔 𝗠𝗔𝗔𝗟𝗜𝗬𝗔𝗗𝗗𝗔 𝗚𝗢𝗟𝗔𝗛𝗔 𝗪𝗔𝗞𝗜𝗜𝗟𝗟𝗔𝗗𝗔 𝗗𝗢𝗪𝗟𝗔𝗗𝗗𝗔 𝗞𝗢𝗢𝗡𝗙𝗨𝗥 𝗚𝗔𝗟𝗕𝗘𝗘𝗗 𝗦𝗢𝗢𝗠𝗔𝗔𝗟𝗜𝗬𝗔 𝗢𝗢 𝗤𝗘𝗬𝗕 𝗞𝗔 𝗡𝗢𝗤𝗗𝗔𝗬 𝗦𝗢𝗢 𝗕𝗔𝗡𝗗𝗛𝗜𝗚𝗚𝗜𝗗𝗗𝗔 𝗪𝗔𝗥𝗕𝗜𝗫𝗜𝗡𝗧𝗔 𝗛𝗔𝗡𝗧𝗜-𝗗𝗛𝗢𝗪𝗥𝗔 𝗗𝗢𝗪𝗟𝗔𝗗𝗗𝗔.

𝗕𝗮𝘆𝗱𝗵𝗮𝗯𝗼, 14, 𝗢𝗰𝘁𝗼𝗯𝗲𝗿, 2026:-Guddiga Maaliyadda iyo Xildhibaanno ka tirsan Golaha Wakiilada Dowladda Koonfur Galbeed ayaa ka qeyb galay kulan uu Xafiiska Hantidhawrka Guud ku soo bandhigay Warbixinta Sannadlaha ah ee Sannad-maaliyadeedka 2025.

Intii uu kulanku socday, Xildhibaannada ka qeybgalay kulanka ayaa bulshada uga warbixiyay Doorka ay ku leeyihiin warbixinta la soo bandhigay marki la joogo hawlaha Baarlamaanka oo ah in lagu korjoogteeyo Xukuumada sidii ay u dhaqangelin lahayd tallooyimka uu Hanti-dhawrka soojeediyay iyo ka shaqeynta hufnaanta Maaliyadda.

Sidoo kale Xildhibaanada kulanka ka hadlay ayaa muujiyay inay muhiim tahay in shacbiga KG ay wax ka Ogaden sida loo maamulo canshuurta laga qaado inay Dowladda u maamusho sida Saxda ah dibna loogu celiyo canshuurta ay bixiyaan. Ugu dambeyn, Xildhibaanada ayaa u balanqaaday ka soo qeybgalayaasha inay xoojindoonaan xakamaynta maaliyadda, iyo adkaynta doorka kormeerka (oversight) uu Baarlamaanka leeyahay.

Sidoo kale Xildhibaanada ayaa adkeeyay muhiimadda ay leedahay in si wada-jir ah looga shaqeeyo hufnaanta, isla-xisaabtanka, iyo maamul-wanaagga hay’adaha dowladda Koonfur Galbeed.

-𝗗𝗛𝗔𝗠𝗠𝗔𝗔𝗗-

-𝗫𝗔𝗙𝗜𝗜𝗦𝗞𝗔 𝗪𝗔𝗥𝗙𝗔𝗔𝗙𝗜𝗡𝗧𝗔 𝗜𝗬𝗢 𝗫𝗜𝗥𝗜𝗜𝗥𝗞𝗔 𝗕𝗨𝗟𝗦𝗛𝗔𝗗𝗔 𝗚𝗢𝗟𝗔𝗛𝗔 𝗪𝗔𝗞𝗜𝗜𝗟𝗟𝗔𝗗𝗔 𝗗𝗢𝗪𝗟𝗔𝗗 𝗚𝗢𝗕𝗔𝗟𝗘𝗘𝗗𝗞𝗔 𝗞𝗢𝗢𝗡𝗙𝗨𝗥 𝗚𝗔𝗟𝗕𝗘𝗘𝗗 𝗦𝗢𝗢𝗠𝗔𝗔𝗟𝗜𝗬𝗔.

𝗪𝗶𝘅𝗶𝗶 𝗳𝗮𝗮𝗵 𝗳𝗮𝗮𝗵𝗶𝗻 𝗮𝗵 𝗸𝗮𝗹𝗮 𝘅𝗶𝗿𝗶𝗶𝗿 𝗔𝗴𝗮𝗮𝘀𝗶𝗺𝗮𝗵𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝗶𝘆𝗼 𝘅𝗶𝗿𝗶𝗶𝗿𝗸𝗮 𝗕𝘂𝗹𝘀𝗵𝗮𝗱𝗮 𝗲𝗲 𝗚𝗼𝗹𝗮𝗵𝗮 𝗪𝗮𝗸𝗶𝗶𝗹𝗹𝗮𝗱𝗮 𝗗𝗼𝘄𝗹𝗮𝗱𝗱𝗮 𝗞𝗼𝗼𝗻𝗳𝘂𝗿 𝗚𝗮𝗹𝗯𝗲𝗲𝗱 𝗦𝗼𝗼𝗺𝗮𝗮𝗹𝗶𝘆𝗮.

Ahmed Mohamed Ibrahim

12/10/2026

🇸🇴 𝗠𝗔𝗔𝗟𝗜𝗡𝗧𝗔 𝗖𝗔𝗟𝗔𝗡𝗞𝗔 𝗦𝗢𝗢𝗠𝗔𝗔𝗟𝗜𝗬𝗘𝗘𝗗.

Maanta oo ah 12-ka Oktoobar, waxaan si weyn u xusaynaa Maalinta Calanka Soomaaliyeed, oo astaan u ah gobannimada, midnimada, wadajirka iyo qarannimada ummadda Soomaaliyeed.

Calanka buluugga ah iyo xiddigta cad waxay xambaarsan yihiin himiladii, halgankii iyo rajadii ay u soo halgameen aasaasayaashii qarankeenna.

Waa astaan ina xusuusinaysa waajibka naga saaran ilaalinta midnimada dalka, xoojinta dowladnimada iyo dhismaha mustaqbal nabdoon oo barwaaqo ah.

Golaha Wakiillada Dowladda Koonfur Galbeed Soomaaliya wuxuu dhammaan shacabka Soomaaliyeed ugu hambalyeynayaa munaasabaddan qiimaha badan.

Waxaan ugu baaqaynaa dhammaan muwaadiniinta inay ilaashadaan calankeenna, xoojiyaan walaaltinimada Soomaaliyeed, kana wada shaqeeyaan nabadda, caddaaladda iyo horumarka dalka.

𝗖𝗮𝗹𝗮𝗻𝗸𝗲𝗲𝗻𝗻𝗮 𝘄𝗮𝗮 𝗮𝘀𝘁𝗮𝗮𝗻𝘁𝗲𝗲𝗻𝗻𝗮, 𝗺𝗶𝗱𝗻𝗶𝗺𝗮𝗱𝗲𝗲𝗻𝗻𝘂𝗻𝗮 𝘄𝗮𝗮 𝗮𝘄𝗼𝗼𝗱𝗱𝗲𝗲𝗻𝗻𝗮. 🇸🇴

𝗛𝗮𝗺𝗯𝗮𝗹𝘆𝗼 𝗠𝗮𝗮𝗹𝗶𝗻𝘁𝗮 𝗖𝗮𝗹𝗮𝗻𝗸𝗮 𝗦𝗼𝗼𝗺𝗮𝗮𝗹𝗶𝘆𝗲𝗲𝗱!

-𝗗𝗛𝗔𝗠𝗠𝗔𝗔𝗗-

-𝗫𝗔𝗙𝗜𝗜𝗦𝗞𝗔 𝗪𝗔𝗥𝗙𝗔𝗔𝗙𝗜𝗡𝗧𝗔 𝗜𝗬𝗢 𝗫𝗜𝗥𝗜𝗜𝗥𝗞𝗔 𝗕𝗨𝗟𝗦𝗛𝗔𝗗𝗔 𝗚𝗢𝗟𝗔𝗛𝗔 𝗪𝗔𝗞𝗜𝗜𝗟𝗟𝗔𝗗𝗔 𝗗𝗢𝗪𝗟𝗔𝗗 𝗚𝗢𝗕𝗔𝗟𝗘𝗘𝗗𝗞𝗔 𝗞𝗢𝗢𝗡𝗙𝗨𝗥 𝗚𝗔𝗟𝗕𝗘𝗘𝗗 𝗦𝗢𝗢𝗠𝗔𝗔𝗟𝗜𝗬𝗔.

𝗪𝗶𝘅𝗶𝗶 𝗳𝗮𝗮𝗵 𝗳𝗮𝗮𝗵𝗶𝗻 𝗮𝗵 𝗸𝗮𝗹𝗮 𝘅𝗶𝗿𝗶𝗶𝗿 𝗔𝗴𝗮𝗮𝘀𝗶𝗺𝗮𝗵𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝗶𝘆𝗼 𝘅𝗶𝗿𝗶𝗶𝗿𝗸𝗮 𝗕𝘂𝗹𝘀𝗵𝗮𝗱𝗮 𝗲𝗲 𝗚𝗼𝗹𝗮𝗵𝗮 𝗪𝗮𝗸𝗶𝗶𝗹𝗹𝗮𝗱𝗮 𝗗𝗼𝘄𝗹𝗮𝗱𝗱𝗮 𝗞𝗼𝗼𝗻𝗳𝘂𝗿 𝗚𝗮𝗹𝗯𝗲𝗲𝗱 𝗦𝗼𝗼𝗺𝗮𝗮𝗹𝗶𝘆𝗮.

Ahmed Mohamed Ibrahim

27/09/2026

𝗚𝗨𝗗𝗗𝗜𝗚𝗔 𝗠𝗔𝗔𝗟𝗜𝗬𝗔𝗗𝗗𝗔 𝗚𝗢𝗟𝗔𝗛𝗔 𝗪𝗔𝗞𝗜𝗜𝗟𝗟𝗔𝗗𝗔 𝗞𝗢𝗢𝗡𝗙𝗨𝗥 𝗚𝗔𝗟𝗕𝗘𝗘𝗗 𝗦𝗢𝗢𝗠𝗔𝗔𝗟𝗜𝗬𝗔 𝗢𝗢 𝗦𝗛𝗔𝗤𝗢 𝗛𝗢𝗪𝗟𝗘𝗘𝗗 𝗞𝗨 𝗧𝗔𝗚𝗔𝗬 𝗪𝗔𝗦𝗔𝗔𝗥𝗔𝗗𝗗𝗔 𝗠𝗔𝗔𝗟𝗜𝗬𝗔𝗗𝗗𝗔 𝗗𝗢𝗪𝗟𝗔𝗗𝗗𝗔.

𝗕𝗮𝘆𝗱𝗵𝗮𝗯𝗼, 27, 𝗦𝗲𝗯𝘁𝗲𝗺𝗯𝗮𝗿 2026:-Guddiga Maaliyadda, Ganacsiga iyo Qorsheynta ee Golaha Wakiillada Dowlad Goboleedka Koonfur Galbeed Soomaaliya ayaa maanta booqasho shaqo ku tagay Wasaaradda Maaliyadda Koonfur Galbeed, halkaas oo ay kulan kula yeesheen madaxda Wasaaradda.

Booqashadan oo uu hoggaaminayay Guddoomiye Ku-xigeenka Guddiga, Xildhibaan Ibraahim Cumar Cali, ayna ka qaybgaleen Xoghayaha Guddiga, Xildhibaan Raxma Abuukar Saalax, iyo xubnaha kale ee Guddiga, ayaa ujeeddadeedu ahayd in Guddigu xog-ogaal u noqdo habsami-u-socodka hawlaha Wasaaradda iyo xaaladda guud ee maaliyadda Dowlad Goboleedka Koonfur Galbeed.

Intii uu kulanku socday, labada dhinac ayaa ka wada hadlay halka ay marayso dhaqangelinta miisaaniyadda sannadka 2026, xaaladda dakhliga iyo canshuuraha Dowlad Goboleedka, caqabadaha jira iyo dadaallada lagu horumarinayo ururinta dakhliga gudaha.

Sidoo kale, waxaa kulanka diiradda lagu saaray diyaarinta miisaaniyadda sannadka 2027 iyo qorshayaasha maaliyadeed ee Wasaaradda horyaalla.

Ugu dambeyntii, Guddiga ayaa adkeeyay muhiimadda ay leedahay xoojinta wada-shaqaynta Golaha Wakiillada iyo Wasaaradda Maaliyadda, gaar ahaan dhinacyada hufnaanta maaliyadeed, isla-xisaabtanka, kormeerka dhaqangelinta miisaaniyadda iyo horumarinta maamulka maaliyadda Dowlad Goboleedka Koonfur Galbeed Soomaaliya.

-𝗗𝗛𝗔𝗠𝗠𝗔𝗔𝗗-

-𝗫𝗔𝗙𝗜𝗜𝗦𝗞𝗔 𝗪𝗔𝗥𝗙𝗔𝗔𝗙𝗜𝗡𝗧𝗔 𝗜𝗬𝗢 𝗫𝗜𝗥𝗜𝗜𝗥𝗞𝗔 𝗕𝗨𝗟𝗦𝗛𝗔𝗗𝗔 𝗚𝗢𝗟𝗔𝗛𝗔 𝗪𝗔𝗞𝗜𝗜𝗟𝗟𝗔𝗗𝗔 𝗗𝗢𝗪𝗟𝗔𝗗 𝗚𝗢𝗕𝗔𝗟𝗘𝗘𝗗𝗞𝗔 𝗞𝗢𝗢𝗡𝗙𝗨𝗥 𝗚𝗔𝗟𝗕𝗘𝗘𝗗 𝗦𝗢𝗢𝗠𝗔𝗔𝗟𝗜𝗬𝗔.

𝗪𝗶𝘅𝗶𝗶 𝗳𝗮𝗮𝗵 𝗳𝗮𝗮𝗵𝗶𝗻 𝗮𝗵 𝗸𝗮𝗹𝗮 𝘅𝗶𝗿𝗶𝗶𝗿 𝗔𝗴𝗮𝗮𝘀𝗶𝗺𝗮𝗵𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝗶𝘆𝗼 𝘅𝗶𝗿𝗶𝗶𝗿𝗸𝗮 𝗕𝘂𝗹𝘀𝗵𝗮𝗱𝗮 𝗲𝗲 𝗚𝗼𝗹𝗮𝗵𝗮 𝗪𝗮𝗸𝗶𝗶𝗹𝗹𝗮𝗱𝗮 𝗗𝗼𝘄𝗹𝗮𝗱𝗱𝗮 𝗞𝗼𝗼𝗻𝗳𝘂𝗿 𝗚𝗮𝗹𝗯𝗲𝗲𝗱 𝗦𝗼𝗼𝗺𝗮𝗮𝗹𝗶𝘆𝗮.

Ahmed Mohamed Ibrahim

27/09/2026

𝗚𝗨𝗗𝗗𝗜𝗚𝗔 𝗚𝗔𝗥𝗦𝗢𝗢𝗥𝗞𝗔 𝗜𝗬𝗢 𝗖𝗔𝗗𝗗𝗔𝗔𝗟𝗔𝗗𝗗𝗔 𝗚𝗢𝗟𝗔𝗛𝗔 𝗪𝗔𝗞𝗜𝗜𝗟𝗟𝗔𝗗𝗔 𝗗𝗢𝗪𝗟𝗔𝗗𝗗𝗔 𝗞𝗢𝗢𝗡𝗙𝗨𝗥 𝗚𝗔𝗟𝗕𝗘𝗘𝗗 𝗦𝗢𝗢𝗠𝗔𝗔𝗟𝗜𝗬𝗔 𝗢𝗢 𝗞𝗢𝗥𝗠𝗘𝗘𝗥 𝗦𝗛𝗔𝗤𝗢 𝗞𝗨 𝗧𝗔𝗚𝗔𝗬 𝗪𝗔𝗦𝗔𝗔𝗥𝗔𝗗𝗗𝗔 𝗔𝗪𝗤𝗔𝗔𝗙𝗧𝗔 𝗜𝗬𝗢 𝗔𝗥𝗥𝗜𝗠𝗔𝗛𝗔 𝗗𝗜𝗜𝗡𝗧𝗔.

𝗕𝗮𝘆𝗱𝗵𝗮𝗯𝗼, 27, 𝗦𝗲𝗯𝘁𝗲𝗺𝗯𝗮𝗿 2026:-Guddiga Garsoorka iyo Caddaaladda Golaha Wakiillada Dowlad-Goboleedka Koonfur Galbeed Soomaaliya oo gudanaya waajibaadkooda dastuuriga ah ayaa maanta kormeer shaqo ku tagay Wasaaradda Awqaafta iyo Arrimaha Diinta ee Dowladda.

Guddiga Garsoorka oo ay horkacaysay Guddoomiyaha Guddiga Marwo Faa,iso Axmed Cabdullaahi ayaa waxaa Wasaaradda ku soo dhaweeyay Wasiirka Wasaaradda Mudane Aadan Macalin Cabdiraxmaan iyo Agaasimaha guud ee Wasaaradda Mudane Mubaarak Cabdisalaan.

Wasiirka Wasaaradda Awqaafta iyo Arrimaha Diinta Mudane Aadan Macalin Cabdiraxmaan ayaa Guddiga Garsoorka uga warbixiyay caqabadaha haysata Wasaaradda, Qorsheyaasha sanadlaha ah ee u degan Wasaaradda, iyo isbeddelka muuqda oo ay ka qabteen adeegyada ay u hayaan Bulsho-weynta Koonfur Galbeed Soomaaliya.

Labada dhinac ayaa isla meel dhigay wada shaqeyn dhexdooda ah iyo in kor loo qaado shaqooyinka iyo howlaha loo hayo Shacabka ku nool deegaannada Koonfur Galbeed Soomaaliya.

Sidoo kale Guddiga Garsoorka iyo Caddaaladda ee Golaha Wakiillada Koonfur Galbeed Soomaaliya ayaa faray Wasaaradda Awqaafta in ay badiyaan korjoogtayta Madaariista iyo Goobaha lagu barto waxbarashada Diiniga ah iyo inay badiyaan tacaamulkooda ku aaddan kooxaha Xagjirka ah.

-𝗗𝗛𝗔𝗠𝗠𝗔𝗔𝗗-

-𝗫𝗔𝗙𝗜𝗜𝗦𝗞𝗔 𝗪𝗔𝗥𝗙𝗔𝗔𝗙𝗜𝗡𝗧𝗔 𝗜𝗬𝗢 𝗫𝗜𝗥𝗜𝗜𝗥𝗞𝗔 𝗕𝗨𝗟𝗦𝗛𝗔𝗗𝗔 𝗚𝗢𝗟𝗔𝗛𝗔 𝗪𝗔𝗞𝗜𝗜𝗟𝗟𝗔𝗗𝗔 𝗗𝗢𝗪𝗟𝗔𝗗 𝗚𝗢𝗕𝗔𝗟𝗘𝗘𝗗𝗞𝗔 𝗞𝗢𝗢𝗡𝗙𝗨𝗥 𝗚𝗔𝗟𝗕𝗘𝗘𝗗 𝗦𝗢𝗢𝗠𝗔𝗔𝗟𝗜𝗬𝗔.

𝗪𝗶𝘅𝗶𝗶 𝗳𝗮𝗮𝗵 𝗳𝗮𝗮𝗵𝗶𝗻 𝗮𝗵 𝗸𝗮𝗹𝗮 𝘅𝗶𝗿𝗶𝗶𝗿 𝗔𝗴𝗮𝗮𝘀𝗶𝗺𝗮𝗵𝗮 𝗪𝗮𝗿𝗳𝗮𝗮𝗳𝗶𝗻𝘁𝗮 𝗶𝘆𝗼 𝘅𝗶𝗿𝗶𝗶𝗿𝗸𝗮 𝗕𝘂𝗹𝘀𝗵𝗮𝗱𝗮 𝗲𝗲 𝗚𝗼𝗹𝗮𝗵𝗮 𝗪𝗮𝗸𝗶𝗶𝗹𝗹𝗮𝗱𝗮 𝗗𝗼𝘄𝗹𝗮𝗱𝗱𝗮 𝗞𝗼𝗼𝗻𝗳𝘂𝗿 𝗚𝗮𝗹𝗯𝗲𝗲𝗱 𝗦𝗼𝗼𝗺𝗮𝗮𝗹𝗶𝘆𝗮.

Ahmed Mohamed Ibrahim