22/10/2026
HOGAAMIYE SHEKH AADAN MADOOBE OO HAMBALYO U DIRAY GUDDOONKA CUSUB EE GOLAHA WAKIILLADA HIRSHABEELE.
Muqdisho, Oktoobar 22, 2026: Hoggaamiyaha Dowladda Koonfur Galbeed Mudane Sheekh Aadan Maxamed Nuur (Madoobe) ayaa hambalyo iyo bogaadin u diray Guddoonka cusub ee Golaha Wakiillada Dowladda Hirshabeelle, Gudoomiyaha Golaha Wakiilada Mudane Cabdixakiin Luqmaan Xaaji, Guddoomiye Ku-xigeenka Koowaad, Mudane Cabdiraxmaan Cabdi Iidow, iyo Guddoomiye Ku-xigeenka Labaad, Mudane Jaamac Cali Maxamuud, oo caawa lagu doortay magaalada Jowhar.
Hoggaamiyaha ayaa mas’uuliyiinta cusub ugu hambalyeeyay xilalka loo doortay, isaga oo u rajeeyay in Alle ku garab galo gudashada waajibaadka culus ee loo doortay, si ay uga shaqeeyaan horumarka, dowlad-dhiska, xoojinta dimuqraadiyadda iyo danta guud ee shacabka Dowladda Hirshabeelle.
Hogaamiyaha ayaa u rajeeyay guddoonka cusub guul iyo in ay si hufan oo xilkasnimo leh u gutaan waajibaadka loo igmaday, iyagoo mudnaanta siinaya danta guud, wadajirka iyo horumarka, waxa uuna ku booriyay in ay xoogga saaraan gudashada masuuliyaddooda, kana shaqeeyaan xoojinta wada-shaqeynta hay'adaha Dowlad Goboleedka iyo horumarinta howlaha Golaha.
DHAMAAD
Xafiiska Warfaafinta iyo Xiriirka Dadweynaha Madaxtooyada Dowlada Koonfur Galbeed Soomaliya.
Email:[email protected]