Ministry of Interior - Puntland

05/11/2026

FURITAANKA KALFADHIGA 35-AAD EE GOLAHA DEEGAANKA DEGMADA BAYLA EE GOBOLKA KARKAAR.

Bayla, November 05, 2026: Agaasimaha Guud ee Wasaaradda Arrimaha Gudaha, Federaalka iyo Dimuqraadiyeynta Dowladda Puntland mudane Mohamed AIi Farah Farmayeri ayaa si rasmi ah u furay Kalfadhiga 35-aad ee Golaha Deegaanka Degmada Bayla ee Gobolka Karkaar.

Furitaanka kalfadhiga waxaa ka qaybgalay Agaasimaha Guud ee Wasaaradda Waxbarashada iyo Tacliinta Sare ee Dowladda Puntland, Guddoomiye Ku-xigeenka Gobolka Karkaar, Guddoomiyaha Degmada Bayla, xubnaha Golaha Deegaanka, maamulka degmada, odayaasha dhaqanka iyo qaybaha kala duwan ee bulshada degmada.

Kalfadhigan ayaa muhiim u ah dardargelinta howlaha maamulka degmada, isla-xisaabtanka, dib-u-eegista waxqabadka golaha iyo qorsheynta adeegyada bulshada, iyadoo xoogga la saarayo horumarinta degmada iyo kor u qaadista tayada adeegyada aasaasiga ah.

Agaasimaha Guud ee Wasaaradda Arrimaha Gudaha ayaa golaha deegaanka ku boorriyey inay gutaan waajibaadkooda shaqo, xoojiyaan wada-shaqaynta maamulka iyo bulshada, isla markaana mudnaanta siiyaan baahiyaha iyo horumarka degmada.

Sidoo kale, ka qaybgalka mas’uuliyiinta kala duwan ayaa muujinaya muhiimadda ay leedahay iskaashiga hay’adaha dowladda, xoojinta maamul-daadejinta iyo horumarinta dowladaha hoose ee Puntland.

▪︎▪︎▪︎DHAMMAAD▪︎▪︎▪︎
‎
‎XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.
‎
‎Website: moifad.pl.so
‎
‎Facebook: https://www.facebook.com/Moifad.
‎
‎Twitter https: https://x.com/MOIFAD.
‎
‎Tiktok: https://www.tiktok.com/.
‎
‎Instagram:https://www.instagram.com/moifad_dpl..

03/11/2026

𝐖𝐚𝐫𝐛𝐢𝐱𝐢𝐧𝐭𝐚 𝐖𝐚𝐬𝐚𝐚𝐫𝐚𝐝𝐝𝐚 𝐀𝐫𝐫𝐢𝐦𝐚𝐡𝐚 𝐆𝐮𝐝𝐚𝐡𝐚, 𝐅𝐞𝐝𝐞𝐫𝐚𝐚𝐥𝐤𝐚 𝐢𝐲𝐨 𝐃𝐢𝐦𝐮𝐪𝐫𝐚𝐚𝐝𝐢𝐲𝐚𝐝𝐝𝐚 𝐃𝐨𝐰𝐥𝐚𝐝𝐝𝐚 𝐏𝐮𝐧𝐭𝐥𝐚𝐧𝐝.

03/11/2026

Garowe: November 03, 2026: Wasiirka Wasaaradda Arrimaha Gudaha, Federaalka iyo Dimuqraadiyeynta Dowladda Puntland Mudane Hon. Abdi Hirsi Ali - Qarjab oo ay Weheliyaan Wasiir ku xigeenka Wasaaradda Mudane Cabdirisaaq Cali Maxamuud iyo Agaasimaha Guud ee Wasaaradda Mudane Mohamed AIi Farah Farmayeri ayaa maanta hortagay fadhiga 8-aad ee Kalfadhiga 59-aad ee Golaha Wakiillada Dowladda Puntland

Guddoomiyaha Golaha Wakiillada Dawladda Puntland, Mudane Cabdirisaaq Axmed Siciid, oo ay Weheliyaan Guddoomiye ku xigeenka 1-aad Mudane Maxamed Baari Shire iyo Guddoomiye Ku-xigeenka 2-aad, Mudane Maxamed Maxamuud Ciise, ayaa maanta shir-guddoomiyey fadhiga 8-aad ee Kalfadhiga 59-aad ee Golaha Wakiillada ee oo ku saabsanaa la xisaabtanka Xukuumadda.

Fadhiga oo looga gol lahaa la xisaabtanka Xukuumadda ayaa waxaa Madaxda Sare ee Wasaaradda ku weheliyey Agaasimaha Waaxda Dowladaha Hoose Abshir Xasan Maxamed, Agaasimaha Waaxda Qorshaynta Yuusuf Axmed Maxamuud iyo Xoghayaha Wasiirka Xasan Maxamed.

Xildhibaannada Golaha Wakiilada ayaa masuuliyiinta Wasaaradda weydiiyey su’aalo ku saabsan waajibaadka Wasaaradda ee ku aaddan Arrimaha dimuqraadiyeynta Puntland, Xuduudaha, Xalinta Khilaafadka Beelaha, bixinta dhulka danta guud,Seeraha dhulka Airport iyo cabashada shacabka, Hawlaha Xasilinta Cal-Miskaad iyo qul-qulka muhaajiriinta soo gala Gudaha Puntland. Masuuliyiinta Wasaaradda ayaana uga jawaabtay Golaha su’aalaha laga waydiiyey waajibaadka shaqo ee Wasaaradda Arrimaha Gudaha, Federaalka iyo Dimuqraadiyeynta Dawladda Puntland.


▪︎▪︎▪︎DHAMMAAD▪︎▪︎▪︎
‎
‎XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.
‎
‎Website: moifad.pl.so
‎
‎Facebook: https://www.facebook.com/Moifad.
‎
‎Twitter https: https://x.com/MOIFAD.
‎
‎Tiktok: https://www.tiktok.com/.
‎
‎Instagram:https://www.instagram.com/moifad_dpl..

02/11/2026

Jariiban: November 02, 2026: Guddiga uu Wasiirka Wasaaradda Arrimaha Gudaha, Federaalka iyo Dimuqraadiyeynta Dawladda Puntland Mudane Cabdi Xirsi Cali Qarjab, u xilsaaray Fulinta go’aamadii shaqo ee laga gaaray dib u sixidda habka Maamulka shaqo iyo shaqaale ee Degmada Jariiban oo muddo 4 maalmood ah ku sugan Degmada Jariiban, ayaa wada hawlo shaqo oo diiradda lagu saarayo xoojinta maamulka degmada, kobcinta dakhliga gudaha, dardargelinta horumarka iyo adkaynta wada-shaqaynta maamulka iyo bulshada.

Guddoomiye Ku-xigeenka 1-aad ee Gobolka Mudug, Mudane Cabdiqaadir Warsame Kooshin, oo uu weheliyo Isuduwaha Wasaaradda Arrimaha Gudaha, Federaalka iyo Dimuqraadiyeynta Dowladda Puntland, Cabdifitaax Samatar Ciise, ayaa kulan la yeeshay Guddiga Horumarinta Degmada Jariiban, iyadoo ay goob-joog ka ahaayeen mas'uuliyiin ka tirsan maamulka degmada.

Kulanka ayaa si gaar ah diiradda loogu saaray kaalinta Guddiga Horumarinta ee taageerada maamulka degmada, dardargelinta ururinta canshuuraha, wacyigelinta bulshada iyo dhiirrigelinta bixinta waajibaadka canshuureed, si loo kordhiyo dakhliga gudaha ee Dowladda Hoose, loona helo dhaqaale lagu horumariyo adeegyada aasaasiga ah.

Sidoo kale, waxaa la adkeeyey muhiimadda ay leedahay in maamulka degmada, guddiyada horumarinta, ganacsatada iyo bulshada ay yeeshaan wada-shaqayn joogto ah, taas oo saldhig u ah horumarinta kaabayaasha dhaqaalaha iyo adeegyada bulshada.

Sidokale, masuuliyiinta ayaa h**e ula kulmay Guddiga Amniga Degmada Shirkaas oo looga hadlay xoojinta Amniga guud ee Degmada, wadashaqaynta Maamulka iyo Booliska, ilaalinta xaalufka deegaanka iyo ciribtirka Burcad-badeedda.
Hawlahan ayaa qayb ka ah dadaallada Wasaaradda Arrimaha Gudaha ee lagu xoojinayo awoodda maamul ee degmooyinka, kobcinta dakhliga gudaha, horumarinta adeeg-bixinta Dowladda Hoose iyo hirgelinta maamul-daadejinta.

Wasaaraddu waxay muhiimad gaar ah siinaysaa in degmooyinku yeeshaan maamul awood leh, dakhli gudaha oo kobcaya iyo bulsho si firfircoon uga qaybqaadata qorshaynta iyo hirgelinta horumarka deegaanka.

▪︎▪︎▪︎DHAMMAAD▪︎▪︎▪︎
‎
‎XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.
‎
‎Website: moifad.pl.so
‎
‎Facebook: https://www.facebook.com/Moifad.
‎
‎Twitter https: https://x.com/MOIFAD.
‎
‎Tiktok: https://www.tiktok.com/.
‎
‎Instagram:https://www.instagram.com/moifad_dpl..

31/10/2026

BOOSAASO: 31,oct,2026: Agaasimaha Guud ee Wasaaradda Arrimaha Gudaha, Federaalka iyo Dimuqraadiyeynta Dowladda Puntland, Mudane Mohamed AIi Farah Farmayeri, ayaa furay shir degdeg ah oo looga hadlay xaaladda dadka Yemen ka soo laabanaya, taageerada loo fidinayo iyo xaaladda dadkii h**e u soo gaaray Puntland.

Shirka ayaa diiradda lagu saaray hawlaha Xarunta Qaabilaadda ee Wasaaraddu ku leedahay Boosaaso, isku-duwidda hay’adaha ka hawlgala xarunta, xoojinta amniga iyo dardargelinta wada-shaqaynta hay’adaha ka shaqeeya arrimaha qaxootiga, barakacayaasha iyo dadka dib u soo laabanaya.

Kulanka waxaa ka qayb galay la-taliye Ibraahim Axmed iyo masuuliyiin kale oo ka kala socday Wasaaradda iyo hay’adaha ka hawlgala magaalada Boosaaso.

Agaasimaha Guud ayaa adkeeyey muhiimadda ay leedahay xoojinta isku-duwidda iyo wada-shaqaynta hay’adaha, si loo hubiyo in dadka soo laabanaya iyo qaxootigu helaan qaabilaad habboon, taageero iyo adeegyo isku-dubaridan.

Wasaaraddu waxay sii wadi doontaa kulamada iyo dadaallada lagu horumarinayo maaraynta arrimaha qaxootiga, barakacayaasha iyo dadka dib u soo laabanaya, iyadoo mudnaan gaar ah la siinayo amniga, isku-xirnaanta hay’adaha iyo daryeelka dadka u baahan taageerada.

▪︎▪︎▪︎DHAMMAAD▪︎▪︎▪︎
‎
‎XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.
‎
‎Website: moifad.pl.so
‎
‎Facebook: https://www.facebook.com/Moifad.
‎
‎Twitter https: https://x.com/MOIFAD.
‎
‎Tiktok: https://www.tiktok.com/.
‎
‎Instagram:https://www.instagram.com/moifad_dpl..

29/10/2026

BOOSAASO:29,oct,2026: Wasiiru-dawlaha Wasaaradda Arrimaha Gudaha oo furay shir ku saabsan maaraynta musiibooyinka.

Wasiiru-dawlaha Wasaaradda Arrimaha Gudaha, Federaalka iyo Dimuqraadiyeynta Dowladda Puntland, Mudane Yuusuf Maxamed Wacays Dhedo, ayaa magaalada Boosaaso si rasmi ah uga furay shir ku saabsan maaraynta musiibooyinka, gaar ahaan khataraha la xiriira duufaannada iyo dhacdooyinka cimilada ee El Niño.

Shirka waxaa Wasiiru-dawlaha ku weheliyey Agaasimaha Guud ee Wasaaradda, Mudane Mohamed AIi Farah Farmayeri, waxaana ka qaybgalaya xoghayeyaasha fulinta ee 11 degmo oo Puntland ah iyo agaasimayaasha arrimaha bulshada ee degmooyinka xubnaha firfircoon ka ah Ururka ALGAPL.

Wasiiru-dawlaha ayaa soo dhoweeyey qabsoomidda shirka magaalada Boosaaso, isaga oo ku baaqay in shirarka noocan ah lagu qabto degmooyinka kale ee Puntland, si loo xoojiyo wada-shaqaynta, is-weydaarsiga khibradaha iyo awoodda maamullada hoose ee maaraynta musiibooyinka.

Dhankiisa, Agaasimaha Guud ee Wasaaradda, Mudane Maxamed Cali Faarax Farmayeeri, ayaa bogaadiyey degmooyinka firfircoon ee xubnaha ka ah Ururka ALGAPL, isaga oo ku dhiirrigeliyey degmooyinka kale inay gutaan waajibaadkooda xubinnimo si ay uga faa’iidaystaan tababarrada, shirarka iyo fursadaha uu ururku u abuuro maamullada hoose.

Waxa uu sidoo kale adkeeyey muhiimadda ay leedahay in shirarka noocan ah lagu qabto degmooyin kala duwan, iyadoo Wasaaraddu hormuud ka tahay dadaallada lagu xoojinayo awoodda maamullada hoose.

Shirka waxaa sidoo kale kalmado furitaan ka jeediyey Duqa Degmada Boosaaso iyo Agaasimaha Fulinta ee Ururka ALGAPL, kuwaas oo adkeeyey muhiimadda iskaashiga hay’adaha dowladda iyo maamullada hoose ee u-diyaargarowga iyo maaraynta musiibooyinka.

▪︎▪︎▪︎DHAMMAAD▪︎▪︎▪︎
‎
‎XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.
‎
‎Website: moifad.pl.so
‎
‎Facebook: https://www.facebook.com/Moifad.
‎
‎Twitter https: https://x.com/MOIFAD.
‎
‎Tiktok: https://www.tiktok.com/.
‎
‎Instagram:https://www.instagram.com/moifad_dpl..

29/10/2026

Hadaljeedinta Wasiiru-dawlaha Wasaaradda Arrimaha Gudaha, Federaalka iyo Dimuqraadiyeynta Dowladda Puntland, Mudane Yuusuf Maxamed Wacays Dhedo.

29/10/2026

Hadaljeedinta Agaasimaha guud ee Wasaaradda Arrimaha Gudaha, Federaalka iyo Dimuqraadiyeynta Dowladda Puntland, Mudane Mohamed AIi Farah Farmayeri

29/10/2026

Garowe: 29,Oct,2026:Wasaaradda Arrimaha Gudaha, Federaalka iyo Dimuqraadiyeynta PL oo kaa shanaysa Hay'ada KAALO ayaa qabtay shirka u qareemida nabada iyo Arrimaha xalinta khilaafaadka ee deeganada PL.

Agaasimaha Qorsheynta Wasaaradda Arrimaha Gudaha Yuusuf Axmed Aw-cismaan (Yusuf Ganey) ayaa Furay shirka u qareemida Arrimaha nabada iyo xalinta khilaafaadka ee degmooyinka PL.

Shirkaan ayaa ujeedadiisu ahayd in kor loo qaado arrimaha wacyigelinta nabada iyo xalinta khilaafaadka dhisida guddiyadda nabadaynta iyo dib u heshisiinta degsiimoyinka hoostaga degmooyinka PL.

Shirkaan ayaa waxaa ka Soo qayb galay qaar ka mida hay'adaha dowlada, qaar ka mida Degmooyinka iyo hay'adaha maxaliga ah.

Ugu danbayntii, Agaasimaha Qorsheynta ayaa kula dardaarmay kasoo qaybgalayashii in la xoojiyo wacyigelinta nabada iyo Arrimaha la xirrira xalinta khilaafaadka waxa uuna xusay in wasaaradda Arrimaha gudaha ay dhamaystirayso dhisida guddiyadda nabada ee heer degmo.

▪︎▪︎▪︎DHAMMAAD▪︎▪︎▪︎
‎
‎XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.
‎
‎Website: moifad.pl.so
‎
‎Facebook: https://www.facebook.com/Moifad.
‎
‎Twitter https: https://x.com/MOIFAD.
‎
‎Tiktok: https://www.tiktok.com/.
‎
‎Instagram:https://www.instagram.com/moifad_dpl..

27/10/2026