11/10/2026
በባስኬቶ ዞን ብልፅግና ፓርቲ የወጣቶች ክንፍ የ100 ቀናት ዕቅድ አፈጻጸም የመጀመሪያ ዙር ግምገማ ተካሄደ!
በባስኬቶ ዞን ብልፅግና ፓርቲ የወጣቶች ክንፍ ጽሕፈት ቤት የ100 ቀናት ዕቅድ አፈጻጸምን የሚመለከት የመጀመሪያ ዙር ግምገማ አካሂዷል።
በግምገማው የ100 ቀናት ዕቅዱን ለማሳካት በተያዙ የሥራ አቅጣጫዎችና ተግባራት ላይ እስካሁን የተከናወኑ እንቅስቃሴዎች፣ የተመዘገቡ ውጤቶች፣ የታዩ ክፍተቶችና ያጋጠሙ ተግዳሮቶች በዝርዝር ተገምግመዋል።
የግምገማው ዋነኛ ትኩረት የወጣቶችን ተሳትፎና አደረጃጀታዊ ተሳትፎ ማሳደግ፣ የወጣቱን የፖለቲካ ግንዛቤ ማጎልበት፣ በልማት ሥራዎች ያለውን ተሳትፎ ማስፋፋት፣ የተደራጀና ውጤታማ አሠራር መዘርጋት እንዲሁም የተቀመጡ ተልዕኮዎችን በወቅቱና በጥራት ማስፈጸም ላይ ነበር።
በውይይቱ የታዩ ጥንካሬዎችን ማስቀጠል፣ የተለዩ ክፍተቶችን በግልጽ ለይቶ ለመፍታት ተገቢ አቅጣጫ ማስቀመጥና ቀጣይ የሥራ አፈጻጸምን በተሻለ የክትትልና የድጋፍ ሥርዓት ማጠናከር የግምገማው ዋነኛ ዓላማዎች መሆናቸው ተገልጿል።
የባስኬቶ ዞን ብልፅግና ፓርቲ የወጣቶች ክንፍ ጽሕፈት ቤት ኃላፊ ወጣት ጎፋ ዋሴ በዚሁ ወቅት ባደረጉት ማብራሪያ፣ በየመዋቅሩ የሚገኙ የወጣቶች ክንፍ አደረጃጀቶችን የፓርቲውን ተልዕኮ በብቃት ለመፈጸም ዝግጁ ማድረግ የወጣቶች ሥራ አስተባባሪ አካላት ቀዳሚ ተግባር መሆኑን አመላክተዋል። በተጨማሪም የግምገማው መድረክ የተመዘገቡ ጥንካሬዎችን ለማስቀጠልና ክፍተቶችን በመፍታት የቀጣይ አፈጻጸምን ለማሻሻል ወሳኝ መሆኑን ገልጸዋል።
በመድረኩ መጨረሻም በቀሪው የዕቅድ አፈጻጸም ወቅት የተለዩ ክፍተቶችን በማረም፣ የተያዙ ተግባራትን በጊዜና በጥራት በመፈጸም፣ የወጣቶችን ተሳትፎ በማጠናከርና የአፈጻጸም ክትትልን በማሻሻል የ100 ቀናት ዕቅዱን ወደ ተጨባጭ ውጤት ለመቀየር በሚያስችሉ ቀጣይ አቅጣጫዎች ላይ የጋራ ሀሳብ ተለዋውጠዋል።
በግምገማው መድረክ የዞን፣ የወረዳዎችና የላስካ ከተማ አስተዳደር የወጣቶች ክንፍ ሥራ አስተባባሪዎችና የጽሕፈት ቤት ኃላፊዎች ተሳትፈዋል።
ህዳር 1/2019 ዓ.ም ላስካ
