Klubi Alpin Prishtina

Shtegu i Ngjyrave 🌼

Të dashur miq,

Këtë të shtunë ju ftojmë të na bashkoheni në shtegtimin tonë në Shtegun e Ngjyrave, në regjionin e Lumës.

Këtë ditë do të shëtisim në bjeshkët e bukura të Shishtavecit, Kallabakut dhe Novosejit të Kukësit, ndërsa Shtegu i Ngjyrave do të na shpalosë një ndër kullosat alpine më të mëdha në Ballkan, Gurin e Mëngjesit dhe vetë Majën e Kallabakut.

Shtegu është i përshtatshëm për të gjitha moshat, ndërsa pjesëmarrja është e hapur për gjithë të interesuarit.

📌 Detajet e organizimit:
Nisja: 06.06.2026, e shtunë / ora 06:00
Vendi i nisjes: Parkingu i Stacionit të Trenit
https://maps.app.goo.gl/ZRiz21YATwCU9zyw8
Lloji i transportit: Autobus
Pagesa: 15.00 € për person
Ata që bashkohen me vetura private: 10.00 € për person

📝 Si të rezervoni:
E-mail: [email protected]
Facebook: www.facebook.com/KlubiAlpinPrishtina/
Tel: +383 44 240 517 — SMS, Viber, WhatsApp
Dërgoni emrin/at dhe mbiemrin/at dhe prisni konfirmimin.

🥾 Detajet e shtegut:
Vendndodhja: Parku Nacional Korab-Koritnik
Tereni: Shteg i dukshëm livadhor, ngjitje graduale dhe natyrë tipike bjeshkatare
Kohëzgjatja e aktivitetit: 7 orë, me pushime

🎒 Çfarë duhet të merrni me vete:
Ushqim ditor dhe ujë, rroba të përshtatshme, kapelë verore, shami, mbrojtës kundër djegies nga dielli, etj.

⚠️ Vëmendje:
Pjesa më e madhe e grupit të shëtitjes do të ndalet te Guri i Mëngjesit, në pikën panoramike të Shtegut të Ngjyrave.
Ata që kanë dëshirë dhe mundësi fizike mund të vazhdojnë ngjitjen drejt Majës së Kallabakut, e cila e mbizotëron këtë rajon.

ℹ️ Përshkrimi:
Itinerari i udhëtimit me autobus është Prishtinë – Dragash – Krushevë. Ecja bëhet nëpër zonën turistike kufitare, e cila konsiderohet një nga kullosat më të mëdha alpine në Ballkan. Këto territore bëjnë pjesë në Parkun Nacional Korab-Koritnik dhe paraqesin vlera të paçmueshme natyrore dhe etnografike për rajonin.

Udhërrëfyes: Qëndrim Sopi
Tel: +383 44 240 517
Ndihmës: Fatmir Tahiri

KAP ju dëshiron vikend të këndshëm! 🌲

Nga 12 deri më 14 qershor rajoni i Prishtinës do të shndërrohet në qendër të aventurës, natyrës, turizmit rural - kulturor dhe rekreacionit me edicionin e dytë të Prishtina Outdoor Festival.

Personeli i Komunës së Prishtinës është i përkushtuar në zhvillimin dhe realizmin e Festivalit në kuadër të aktivitetev të shumta rinore, turistike dhe sportive të Kryeqytetit.

Për tri ditë radhazi, Klubi Alpin Prishtina, Kryeqyteti Prishtina dhe Partnerët, nëpërmes festivalit do të sjellin 25 aktivitete të ndryshme outdoor, të shpërndara në hapësirat më atraktive të ryeqytetit, Gollakut, Gërmisë, Kukaj dhe Liqenit të Badovcit.

Vizitorët dhe pjesëmarrësit do të kenë mundësi të provojnë ecje malore, çiklizëm, trail running, kayak, aktivitete familjare, yoga në natyrë, alpinizëm, kamping, guida kulturore, workshope edukative dhe shumë surpriza të tjera për të gjitha moshat.

Ky festival synon promovimin e turizmit aktiv, stilit të shëndetshëm të jetesës dhe pasurive natyrore që rrethojnë kryeqytetin, duke e vendosur Prishtinën në hartën e destinacioneve rajonale outdoor dhe duke theksuar diversitetin e pasur të vendit tonë.

Kryeqyteti Prishtina
Perparim Rama
Drejtoria për Sport - Komuna e Prishtinës
Drejtoria e Turizmit
Drejtoria e Hapësirave Publike dhe Parqeve
Drejtoria e Kulturës
Drejtoria për Siguri dhe Emergjenca
Drejtoria e Shëndetësisë
Drejtoria e Arsimit
Drejtoria e Mirëqenies Sociale
Drejtoria e Rinisë

Programi i aktiviteteve të festivalit 🌿

Regjistrimet për aktivitetet e Prishtina Outdoor Festival zyrtarisht janë të hapura!

📅 Dita 1 – E premte, 12 qershor
​16:00 – 🎉 Hapja zyrtare e Festivalit
16:00 – 16:30 – 🎤 Fjalime përshëndetëse
16:00 – 20:00 – 📸 Panairi i hapur
17:00 – 18:00 – 🗣️ Panel diskutimi
18:00 – 19:00 – 🧗‍♂️ Alpinizëm Urban, Rappelling
18:00 – 21:00 – 🌉 Aktivitete të Zip Line
18:00 – 21:00 – 🌉 Slack Line
21:00 – 23:00 – 🎶 Muzikë dhe koktej në shesh

📅 Dita 2 – E shtunë, 13 qershor
09:00 – 10:00 – 🏃‍♂️ Vrapimi “Germia Park Run”
09:00 – 10:00 – 🚶‍♂️Ecje Nordike
10:00 – 11:00 – 🧘 Yoga
10:00 – 11:00 – 🐎 Kalërim,
11:00 – 13:00 – 🧗‍♂️ Climbing & Rappelling
12:00 – 16:00 – 🏛️ Guidë Kulturore & Historike
12:00 – 14:00 – 🧭 Orienteering
12:00 – 16:00 – 🛶 Kayaking & pastrimi i liqenit
16:00 – 17:00 – 🗣️ Panel diskutimi
17:00 – 22:00 – ⛺ Kamping
18:00 – 20:00 – 🌉 Aktivitete të Zip Line
20:00 – 23:00 – 🎶 Muzikë dhe koktej
21:00 – 24:00 – 🌌 Eksplorim i qiellit natën
​
📅 Dita 3 – E diel, 14 qershor
08:00 – 14:00 – 🥾 Hiking në Majën e Sukës
09:00 – 14:00 – 🚴‍♂️ Çiklizëm
09:00 – 11:00 – 🌱 Mbjellje e drunjëve
10:00 – 12:00 – 🏹 Shigjetari
12:00 – 16:00 – 🪂 Paragliding
12:00 – 16:00 – ⛑️ Kamp trajnues për ndihmën e parë
18:00 – 22:00 – 🥾Hike tek Panorama Trail
20:00 – 22:00 – 🎬 Outdoor Cinema
18:00 – 21:00 – 🌉 Aktivitete të Zip Line
22:00 – 🏁 Përmbyllja e Festivalit

Sponsorët dhe përkrahësit:
🔗 Klubi Alpin Prishtina
🔗 Kryeqyteti Prishtina
🔗 Perparim Rama
🔗 evroTarget L.L.C..

Regjistrohuni tani dhe rezervoni vendin tuaj në aktivitetet e preferuara:
👉 www.prishtinaoutdoor.com

Mos e humbisni mundësinë të bëheni pjesë e një përvoje të veçantë në natyrë!

Disa foto nga ecja e djeshme në Koshare dhe Ujëza, me një mot të mirë dhe shteg të vjetër, të pasur me histori, natyrë dhe rrëfime motivuese.

Shihemi në ecjet e radhës..

Maja e Ujzës - Koshare 🌱

Të dashur miq,

Klubi Alpin Prishtina ju fton të merrni pjesë në ecjen bjeshkatare e cila do të zhvillohet në rajonin e Bjeshkëve të Botushës, Padesh*t, Koshares dhe Tropojës. Ky aktivitet do të zhvillohet këtë të diel dhe është aktivitet i hapur për të gjithë. Ecja përshkon Monumentin e Dëshmorëve në Koshare, Rajonin e Padesh*t, Bjeshkën e Ujzave dhe atë të Zogut, për të arritur në Majën e Ujzës në lindje të Bjeshkës së Shkëlzenit.

Detajet e organizimit:
🗓 Nisja: E diel 31 maj 2026 / ora 07:00
📍 Vendi i nisjes: Parkingu i Stacionit të Trenit në Prishtinë
🚎 Lloji i transportit: Me Autobus
💶 Çmimi: 15.00 € (për person)
Ata që vijnë me vetura private: 10.00 € (për person)

Si të Rezervoni?
📩 Me E-mail ([email protected]); (www.facebook.com/KlubiAlpinPrishtina/)
☎️ Tel: +383 44 312 744 (SMS, Viber, WhatsApp). E dërgoni Emrin-at/Mbiemrin-at; dhe e prisni konfirmimin.

ℹ️ Detajet e Shtegut:
Lartësia max: 1820m/lmd
Vendndodhja: Bjeshkët e Nemuna, regjioni Koshare-Tropojë
Aktivitet i planifikuar: 7-8 orë
Gjatësia e shtegut: 16 km (e përafërt)

Karakteri i Shtegut: Shtigje bjeshke, livadhe alpine dhe lartësi piktoreske
Kërkesa: Përgatitje për ecje standarde bjeshkatare; ushqim të zakonshëm dhe ujë.

ℹ️ Informata shtesë:
Kësaj radhe do të ecim nëpër rajonin e Koshares, Botushes dhe Padesh*t të Tropojës. Ecja bëhet nëpër kufirin Kosovë-Shqipëri ndërsa pikënisja është Monumenti i Dëshmorëve të Koshares. Gjatë rrugëtimit do të bëjmë një ndalesë për furnizim, ndërsa transporti me autobus bëhet nëpërmes Pejës, Junikut dhe Botushës.

Udhërrëfyes: Nazmi Hasanramaj
Ndihmës: Ekipa e K.A.P.

KAP-i Ju dëshiron vikend të këndshëm 😊

🌊 Raftingu në Kanionet e Osumit ishte një përvojë e çmuar, sidomos kur je në shoqërinë e miqve të KAP. Një natyrë e pasur dhe vibrante, ku ndërthuren kultura, historia dhe mikpritja tradicionale shqiptare.

🏞 Kanionet e Osumit mund të konsiderohen si kopshtet e fundit të egra të Ballkanit.

Faleminderit Albania Rafting Group për mikpritjen dhe kujdesin gjatë gjithë aventurës.