Ka-K/Magaalâ leeda missoyna

18/09/2026

“Ma jiro dal lagu dhisi karo kala duwanaansho iyo nacayb.”

- Ra'iisul Wasaaraha JDFI, Mudane Dr. Abiy Axmed

07/09/2026

Baagume #2 Maalinta Soo-kabashada

Itoobiya oo hadal ka gudubtay, kuna taagan guulo la taaban karo!
Shalay markii aan nidhi “Itoobiya way soo kacday,” ma ahayn oo keliya rabitaan ama rajo, balse maanta waa xaqiiqo aan si la taaban karo u xaqiijinnay!

Laga soo bilaabo Dhaamka Weyn ee Renaissance-ka Itoobiya (GERD) ilaa horumarinta marinnada casriga ah ee isku xira magaalooyinka, laga bilaabo Garoonka Diyaaradaha Caalamiga ah ee Bishoftu ilaa dib-u-habaynta dhaqaalaha guud, baraarugga iyo horumarka dalkeennu wuxuu si dhab ah uga muuqday waxqabad.

Isbeddelkani wuxuu iftiin dhab ah u noqday heerka nolosha muwaadiniinteena, casriyeynta magaalooyinka iyo abuurista fursadaha shaqo. Waxa intaas dheer, wuxuu xambaarsan yahay himilo weyn oo carruurteena u abuuraysa rajo iyo mustaqbal ifaya.

Hadda ka dib dib uma noqonayno!

Safarka taariikhiga ah ee soo-kabashada aan bilownay, waxaan sii dardargelin doonnaa awooddeenna horumarineed, waxaanan soo-kabashada Itoobiya u qaadi doonnaa heer barwaaqo waarta.

03/09/2026

Fikirka Barwaaqada iyo Hiigsigeeda Horumarineed.

Fikirka Barwaaqadu waa aragti horumarineed oo dhammaystiran, lehna hiigsi sare. Ma aha qorshe ku kooban hal waax ama hal xilli, balse wuxuu isku daraa horumarka dhaqaalaha, siyaasadda, bulshada, nabadda, amniga iyo xiriirka dibadda.

Ujeeddadiisu waa in la dhiso Itoobiya barwaaqo ah, nabad ah oo tartan geli karta, iyadoo la horumarinayo wax-soo-saarka, warshadaha iyo beeraha, lana abuurayo shaqooyin waara. Waxa kale oo diiradda la saarayaa in wax-soo-saarka gudaha lagu beddelo badeecadaha dibadda laga keeno, lana kordhiyo dhoofinta iyo dakhliga adag.

Fikirka Barwaaqadu wuxuu aaminsan yahay in horumar waara uusan jiri karin nabad la’aan. Sidaas darteed, ilaalinta nabadda, midnimada qaranka, madaxbannaanida iyo amniga dalka waa tiirar muhiim ah. Sidoo kale, ballaarinta dimuqraadiyadda, ka jawaabidda baahiyaha muwaadiniinta iyo xoojinta wada-noolaanshaha bulshada ayaa qayb ka ah aragtidan.

Ugu dambayn, safarka Barwaaqadu ma aha horumar qunyar socod ah oo keliya, ee waa dadaal ku dhisan abuuris, dardargelin iyo Sare ukac horumarineed. Hadafku waa in khayraadka dadka, dabiiciga ah iyo dhaqaalaha si hufan loo adeegsado, si loo gaaro Itoobiya horumarsan, nabad ah oo tartan geli karta.

dhammaan dhinacyada ay khusayso waa inay si ka go’aan iyo dadaal leh uga qaybqaataan dhismaha barwaaqada loo dhan yahay.

19/07/2026

"Talo waa wadaag."

Maalinta berri ah, 08-11-2018 ama 15-07_2026 haddii Eebbe idmo, waxaa dalkeenna Itoobiya ka furmaya Wadatashiga Qaranka oo ah kulan weyn oo taariikhi ah.

Kulankan waxaa isugu iman doona wakiillo ka socda qaybaha kala duwan ee bulshada Itoobiya. Ergada kulanka ka qayb galaysa waxay si furan uga wada tashanaya arrimaha masiiriga ah ee Dalka.

Dalkeenna wuxuu soo maray marxalado iyo caqabado kala duwan. Maanta waxaynu haysannaa fursad qaali ah oo aynu ku muujinayno ilbaxnimo, bisayl siyaasadeed iyo dhaqan kudhisan is-qadarin iyo isu tanaasul. Hababkii h**e ee ku dhisnaa xoogtan iyo xabbadda lagu kala adkaado, waxayny ku beddelaynay madal wada hadal oo furan, isafgarad, wadatashi iyo baadigoobka xal waara.

Waxaan ku rajowaynahay in Wadatashiga Qaran in uu saldhig u noqdo nabad waarta, xasillooni, degganaansho siyaasadeed, kalsooni qaran, wadajir iyo barwaaqo ay ka wada faa'iidaystaan dhammaan shacabka Itoobiya.

Ka qaybgalka, taageerida iyo kamidho dhalinta Wadatashiga Qaran waa masuuliyada qaran oo ina wada saaran.

19/07/2026

07/05/2026

06/05/2026

Musharraxiinta Xisbiga Barwaaqo ee u Tartamaya Golaha Xildhibaannada heer Deegaan ee Maamulka Magaalada Dhagax Buur
Somali Prosperity Party-ብልጽግና

27/04/2026

Taageerayaasha Xisbiga Barwaaqo ee magaalada Jigjiga ayaa sameeyay isu soo bax ay ku muujinayaan taageeradooda, waxaana ka qaybgalay hoggaaminta Xisbiga Barwaaqo ee laanta Deegaanka Soomaalida.
Somali Prosperity Party-ብልጽግና

07/02/2026

Jigjiga — Mashruuc muhiim u ah xoojinta hannaanka garsoorka iyo horumarinta adeegyada caddaaladeed ee bulshada ayaa billowgiisa la dhagax-dhigay.

Madaxweynaha DDS, Mudane Mustafe Muxummed Cumar, Wasiirka Xafiiska Horumarinta Magaalooyinka iyo Dhismaha, Mudane Axmed Shugri, iyo Wasiirka Xafiiska Caddaaladda DDS, Mudane Maxamed Naaji Maxamed, ayaa dhagax-dhigay billowga mashruuca cusub ee dhismaha Xafiiska Caddaaladda DDS.

Dhismahan, oo uu fulinayo Xafiiska Horumarinta Magaalooyinka iyo Dhismaha DDS, ayaa ka kooban G+6, waxaana ku baxaya adduun lacageed oo ka badan 222 milyan oo birr.

Munaasabadda dhagax-dhigga waxaa ka soo qayb galay masuuliyiin, odayaal dhaqameedyo, iyo marti sharaf kale. Madaxweynaha oo munaasabadda ka hadlay ayaa tilmaamay in dhismahan cusub uu door weyn ka qaadan doono hagaajinta helitaanka caddaaladda iyo dardargelinta adeegyada sharciga.

Madaxweynuhu waxa uu sidoo kale xusay in, tan iyo isbeddelkii, iyada oo la ilaalinayo ku habboonaanta goobaha shaqada iyo bey'ada lagu siinayo adeegga bulshada, la dhisay dhismayaal ay ku shaqeeyaan xafiisyo badan oo dawladeed, kuwo kalena la bilaabayo.

Dhismahan ayaa qayb ka ah dadaallada joogtada ah ee ay xukuumaddu ku horumarinayso kaabeyaasha dowladnimada, si loo xaqiijiyo nidaam caddaaladeed oo hufan, degdeg ah, isla markaana ku shaqaynaya goobo ku habboon.

03/02/2026

Saddexda yool ee ugu waaweyn ee dib-u-habaynta dhaqaalahu waa:

🏷️ Xasillinta dhaqaalaha guud (Macroeconomic stability)
🏷️ Koboc tayo leh oo ka dhasha dhinacyo kala duwan
🏷️ Yaraynta culayska daymaha








Somali Prosperity Party-ብልጽግና