24/10/2026
වයඹ පළාත් කෘෂිකර්ම දෙපාර්තමේන්තුවේ කුරුණෑගල දිස්ත්රික්කයට අයත් බෝයවලාන කෘෂිකර්ම උපදේශක කොට්ඨාශය මගින් සංවිධානය කරන ලද ගොයම් පැල සිටුවීමේ යන්ත්ර භාවිතය පිළිබඳ ප්රායෝගික පුහුණු වැඩමුළුවක් 2026.10.23 දින බෝයවලාන කෘෂිකර්ම උපදේශක කොට්ඨාශයේ තුඹුල්ල කුඹුරු යායේ යෙදී පවත්වනදී.
අනුරාධපුර ගොවිපල් යාන්ත්රික අභ්යාස මධ්යස්ථානයේ සහකාර කෘෂිකර්ම අධ්යක්ෂ (සංවර්ධන) ඒ.ජී. එල්. නිසංසලා නන්දසිරි මහත්මිය විසින් වැඩසටහන සඳහා සම්පත් දායකත්වය ලබා දුන් අතර මෙහිදී බලවේග ගොයම් පැළ සිටුවෙන යන්ත්රය සහ බලවේග වල් නෙලන යන්ත්රයන්හි ක්රියාකාරීත්වය නඩත්තුව සහ නිවැරදි භාවිතය පිළිබඳ පුහුණු කිරීම් සිදුකෙරිණි.
මෙම අවස්ථාවට කුරුණෑගල දිස්ත්රික් නියෝජ්ය අධ්යක්ෂ ටී. ඒ.යූ.කේ. වීරසේකර මහතා, වී වගාව සම්බන්ධ කුරුණෑගල දිස්ත්රික් SMO නිලධාරීන්, ප්රදේශයේ කෘෂිකර්ම උපදේශක මහත්ම මහත්මීන්, කෘෂිකර්ම නිෂ්පාදන හා පර්යේෂණ සහකාර නිලධාරී, සහ තුඹුල්ල යායේ ගොවින් සහභාගි විය.
ගොවිපල් යාන්ත්රික අභ්යාස මධ්යස්ථානයේ වැඩපොළ අංශයේ රොහාන් තිලකසිරි සහ ගොවිපළ අංශයේ සුසන්ත නන්දකුමර යන මහත්වරුන් විසින් ප්රායෝගික ක්රියාකාරකම් සඳහා අවශ්ය සහාය ලබා දෙන ලදී.