Department of Prisons - Sri Lanka

11/10/2026

සිපිරිගෙට පොතක් - යහපත් හෙටක් වෙනුවෙන් ඔබගේ දායකත්වය අපට ලබාදෙන්න.

06/10/2026

මේවන විට විවිධ සමාජ මාධ්‍ය ඔස්සේ බන්ධනාගාර ගත වන සිරකරුවන්ගේ සිර ඇදුම් සම්බන්ධව විවිධ මත පලවෙන බව නිරීක්ෂණය වී ඇත.
බන්ධනාගාර නීති රෙගුලාසි අනුව ගරු බෞද්ධ භික්ෂූන් වහන්සේ නමකට ගරු අධිකරණය මගින් සරල සිරදඩුවම් නියම කර ඇත්නම් අදාල සිරදඩුවම් කාලය බන්ධනාගාරය තුල ගෙවීමේදි තම චීවරයෙන් සිටිය හැක.
සිර ඳඩුවම බරපතල වැඩ සහිත නම් ඕනෑම පුද්ගලයෙකු සිර ඇදුමෙන් සිටිය යුතුය.
බන්ධනාගාරය මගින් ගරු අධිකරණයට සිර දඩුවම් ලත් පුද්ගලයෙකු ඉදිරිපත් කිරීමෙදි ඔහුගේ සිර දඩුවම වසර 03කට වඩා අඩුනම් ගරු අධිකරණයට ඉදිරිපත් කිරීමේදි දඩුවමට පෙර ඔහු ඇද සිටි සිවිල් තත්වයේ ඇදුම ඇදිම සඳහා බන්ධනාගාර අධිකාරිවරායාට අවසර දිය හැක.
එවැනි අවස්ථාවකදි ගරු භික්ෂුන් වහන්සේ නමකටද සිවුර ඇදීමට අවසර ලබා දිය හැක.
නමුත් වසර තුනකට වැඩි සිර දඩුවම් නියම කර ඇති ඕනෑම තත්වයේලා සැලකෙන පුද්ගලයෙකු ගරු අධිකරණයට ඉදිරිපත් කිරීමේදි බන්ධනාගාරය මගින් නිකුත් කරන ලද ඇදුමින් සැරසී ගරු අධිකරණයට ඉදිරිපත් කල යුතුය.
ඒ වගේම දිවයිනේ බන්ධනාගාරවල ආගමික උතුමන් හැටතුන් දෙනෙකුට (63) වැඩි ප්‍රමාණයක් සිර දඬුවම් විඳිමින් ඇති අතර, එම ආගමික උතුමන් සිර ඇදුමින් බන්ධනාගාරය තුළ සිටිනා බවද කාරුණිකව දන්වමි.

06/10/2026

බන්ධනාගාරගත රැඳවියන්ගේ නිර්මාණාත්මක කුසලතා කලඑළි දැක්වීමේ කර්මාන්ත ප්‍රදර්ශනය "සිරසර ශිල්ප 2026" ඔක්තෝම්බර් මස 27,28 හා 29 තෙදින බත්තරමුල්ල දියත උයන පරිශ්‍රයේදී පැවැත්වේ.....

ඔබට අවශ්‍ය සියලුම ගෘහ උපකරණ හා ගෘහ භාණ්ඩ, එළවළු වර්ග, කෘෂි උපකරණ හා කාබනික පොහොර මෙන්ම අත්කම් නිර්මාණ උසස් ප්‍රමිතියකින් හා අඩු මිලට ලබාගැනීමට ඔබ සැමට ආරාධනා.......

21/09/2026

2026.09.19 වන දින බණ්ඩාරවෙල මහේස්ත්‍රාත් අධිකරණය මගින් රක්ෂණ භාරයට පත්කල සැකකරුවෙකු බදුල්ල බන්ධනාගාරයට ඇතුලත් කිරීමට පෙර සිදුකල සෝදිසි කිරීමේදී සැකකරු සන්තකයේ සූක්ෂමව සගවා සිටි හෙරෝයින් යැයි සැකකල හැකි මත්ද්‍රව්‍ය ග්‍රෑම් 01 මිලිග්‍රෑම් 32ක ප්‍රමාණයක මත්ද්‍රව්‍ය පාර්සලයක් බදුල්ල බන්ධනාගාර නිලධාරීන් විසින් අත්අඩංගුවට ගෙන ඇත.

අත්අඩංගුවට ගත් තහනම් ද්‍රව්‍ය ඉදිරි විමර්ශන කටයුතු සදහා බදුල්ල පොලිස්ථානය වෙත භාරදී ඇත.

20/09/2026

13වන ජේලර්, පුනරුත්ථාපන පාඨමාලාවේ හා 105 ආධුනික බන්ධනාගාර නියාමක පාඨමාලාවේ නිළධාරීන් විසිර යයි.

බන්ධනාගාර දෙපාර්තමේන්තුවේ පැවැති පුරප්පාඩු සඳහා බඳවාගන්නා ලද 13 වන ජේලර්, පුනරුත්ථාපන නිලධාරි හා 105 වන ආධුනික බන්ධනාගාර නියාමක පාඨමාලා ද්විත්වයේ ආධුනික නිළධාරීන් පුහුණුව අවසන් කර විසිරයාමේ උත්සවය අධිකරණ හා ජාතික ඒකාබද්ධතා අමාත්‍ය, නීතිඥ ගරු හර්ෂණ නානායක්කාර මැතිතුමන් හා බන්ධනාගාර කොමසාරිස් ජනරාල් ආර්.ප්‍රසාද් හේමන්ත කුමාර මහතාගේ ප්‍රධානත්වයෙන් 2026.09.19 වන දින පෙරවරු 09.30ට පමණ අගුණකොළපැලැස්ස බන්ධනාගාර ක්‍රීඩාංගනයේ දී පැවැත්විය.

මෙහිදී ආධුනික ජේලර් නිලධාරීන් 37 දෙනෙකු, ආධුනික කාන්තා ජේලර් නිලධාරීන් 04 දෙනෙකු, එක් පුනරුත්ථාපන නිලධාරිනියක්, ආධුනික නියාමක නිලධාරීන් 197 දෙනෙකු හා කාන්තා නියාමක නිලධාරීන් 25 දෙනෙකු සමඟ සියල්ල 264ක් විසිර ගිය අතර, ද්විත්ව පුහුණු පාඨමාලාවන්ට අදාලව සෑම අතින්ම අතිශූර ආධුනික දෙවන පෙළ ජේලර් ලෙස ඊ.ආර්.ආර්. අවිශ්ක බණ්ඩාර නිලධාරියාත්, 105 වන ආධුනික නියාමක පුහුණු පාඨමාලාවේ සෑම අතින්ම අතිශූර නියාමක නිලධාරීයා වශයෙන් ඊ.ආර්. රසික සුමේධ නිලධාරියාත්, සෑම අතින්ම අතිශූර නියාමක නිලධාරිනිය ලෙස එච්. කවිෂා දේවින්දි නිලධාරිනිය හා තවත් දක්ෂතා දැක්වු නිළධාරී, නිළධාරීනියන්ට අධිකරණ හා ජාතික ඒකාබද්ධතා අමාත්‍යතුමාගේ සුරතින් සම්මාන ප්‍රධානය සිදු විය.

මෙම අවස්ථාව වර්ණවත් කරමින් ආධුනික බන්ධනාගාර නිළධාරීන්ගේ සංස්කෘතික අංග කිහිපයකින් හා බන්ධනාගාර තූර්යාවාදක කණ්ඩායමේ අංගයන් කිහිපයක් ඉදිරිපත් කරන ලදී.

මෙම විශේෂ අවස්ථාව සඳහා විශ්‍රාමික බන්ධනාගාර කොමසාරිස් ජනරාල් කේ.ඩබ්ලිව්.ඊ. කරලියද්ද මහතා හා විශ්‍රාමික කොමසාරිස්වරුන් හා බන්ධනාගාර කොමසාරිස් (මෙහෙයුම් හා බුද්ධි/ මාධ්‍ය ප්‍රකාශක) එස්.කේ පල්ලේතැන්න මහතා, බන්ධනාගාර කොමසාරිස් (පුනරුත්ථාපන) ගජනායක මහතා, බන්ධනාගාර කොමසාරිස් (කර්මාන්ත) එස්.එල්.විජේසේකර මහතා, ජ්‍යෙෂ්ඨ බන්ධනාගාර අධිකාරි ආර්.රජීව සිල්වා මහතා, යාන්ත්‍රික ඉංජිනේරු හරිස්චන්ද්‍ර මහතා, අධ්‍යක්ෂ පුහුණු ප්‍රදීප් වසන්ත කුමාර මහතා ඇතුලු බන්ධනාගාර දෙපාර්තමේන්තුවේ විශ්‍රාමික බන්ධනාගාර අධිකාරිවරුන්, සහකාර බන්ධනාගාර අධිකාරිවරුන් මෙන්ම ජ්‍යෙෂ්ඨ නිළධාරීන් රැසක් හා ආධුනික නිළධාරීන්ගේ ඥාතින් ද මෙම අවස්ථාවට එක්ව සිටියහ.

17/09/2026

17/07/2026

https://www.facebook.com/share/p/1P9FtgkFXy/?mibextid=wwXIfr

10/07/2026

මීගමුව බන්ධනාගාරය තුල ඇති වූ හදිසි තත්වය හේතුවෙන් දිවිපිදූ විරුවන්ට බන්ධනාගාර දෙපාර්තමේන්තුව අවසන් ගෞරවය පුදකිරීම.