Commission européenne au Luxembourg

09/11/2026

💬💙 Frëndlechkeet ass keen Algorithmus. Et ass eng Entscheedung!

Op de soziale Medie begéine mir all Dag verschiddene Meenungen, Iddien a Perspektiven. An dat ass och gutt esou! 🌍

An Europa gehéieren Diversitéit, Respekt an den Dialog zu eisem Zesummeliewen. 🇪🇺

Um Social Media Kindness Day erënnere mir drun, datt een net ëmmer enger Meenung muss sinn, fir respektvoll mateneen ëmzegoen.

✨ Haut hu mir eng kleng Challenge fir iech: Schreift engem e léiwe Kommentar, deelt e Kompliment oder bréngt e bësse Positivitéit an äre Feed!

💬 Wiem wëllt dir haut e Laachen an d’Gesiicht zauberen? Markéiert déi Persoun an de Kommentaren!

09/11/2026

05/11/2026

Mobbing hält net méi virun der Schouldier op.

Et begleet jonk Leit iwwert hir Bildschiermer bis an hiert Doheem, a gëtt esou en Deel vun hirem Alldag.

Cybermobbing ass wäit verbreet: 1 vun 8 Jugendleche gëtt zou, sech doru bedeelegt ze hunn, wärend 1 vu 6 dovu betraff ass. D'Auswierkungen si gravéierend a schueden der Gesondheet, dem Wuelbefannen an der Bildung vu jonke Leit a ganz Europa.

Haut, um Internationalen Dag géint Gewalt a Mobbing an der Schoul, engagéiere mir eis fir Schülerinnen a Schüler souwuel online wéi och offline ze schützen.

Den EU-Aktiounsplang géint Cybermobbing leet e besonnesche Fokus op Mannerjäreger a vulnerabel Gruppe, dorënner Mënsche mat enger Behënnerung, LGBTIQ+-Jugendlecher, Migrantinnen a Migrante souwéi ethnesch a reliéis Minoritéiten.

Zesumme kënne mir dofir suergen, datt all Kand an engem sécheren Ëmfeld léieren a sech entfale kann. 💛

02/11/2026

All Attack op Journalistinnen a Journalisten ass en Ugrëff op d'Demokratie selwer.

Wann déi, déi Journalistinnen a Journalisten d'Wuert verbidde wëllen, ongestrooft dovukommen, verbreet sech d'Angscht – an d'Wourecht verschwënnt.

Mir stinn hannert Journalisten a schaffe weltwäit mat Partner zesummen, fir sécherzestellen, dass d'Wourecht iwwerall fräi ka gesot ginn. 📝

D'Wourecht muss zu Wuert kommen. D'Press muss fräi sinn.

01/11/2026

EU-Neiegkeeten aus dem Oktober, déi Dir vläicht verpasst hutt 👇

⛏️ Kritesch Rohstoffer
D’Europäesch Kommissioun huet 46 nei strategesch Projeten a 16 EU-Länner ausgewielt, fir d’Versuergung mat wichtege Rohstoffer wéi Lithium, Néckel a seelen Äerden ze sécheren. Domat sollen déi europäesch Industrie gestäerkt an d’Ofhängegkeet vun Drëttlänner reduzéiert ginn.

💼 Besser Aarbechtsplazen
En neie Rapport vun der Kommissioun weist, datt sech d’Aarbechtsqualitéit an der EU an de leschten zéng Joer verbessert huet, besonnesch bei de Paien, der Aarbechtsplazsécherheet an den Aarbechtszäiten. Mat engem neie „Quality Jobs Act“ wëll d’Kommissioun weider Verbesserungen ustriewen.

🛰️ Besser op Katastrophe virbereet
D’EU stäerkt déi international Zesummenaarbecht beim Asaz vu Satellittendaten a Fréiwarnsystemer. Dës Technologië sollen hëllefen, Naturkatastrophen an aner Krisen an Zäite vum Klimawandel besser virauszegesinn a méi séier drop ze reagéieren.

🌱 Investitiounen a propper Technologien
77 innovativ Projeten an der EU sollen insgesamt 3,4 Milliarden Euro u Finanzéierung kréien. D’Zil: manner Emissiounen, méi Kompetitivitéit an eng méi grouss strategesch Autonomie fir Europa.

👉 Like & follow, fir EU-Neiegkeeten an Ärem Feed ze behalen – a bis am November!

31/10/2026

🎃👻 Kürbis, oder Kalbass? Dat ass hei d'Fro!

Wéi nennt Dir dat orange Geméis, dat zu Halloween iwwerall ze gesinn ass? 🤔
Zu Lëtzebuerg ginn et tatsächlech verschidde Bezeechnungen! 2018 ass vum Institut fir Lëtzebuerger Sprooch- a Literaturwëssenschaft dozou eng Ëmfro bei 1100 Leit gemaach. Dobäi ass eraus komm: 80% benotzen am Lëtzebuergeschen de Begrëff Kürbis a 14,3% de Begrëff Kalbass. Déi zwee sinn also richteg!

A wéi gesäit et am Rescht vun Europa aus? 🇪🇺 Op eisem zweete Slide entdeckt Dir, wéi ee Kürbis / Kalbass an de verschiddenen EU-Sprooche seet!
💬 An Dir? Sot Dir Kürbis oder Kalbass?

Happy Halloween! 👻🍂

30/10/2026

🦇🎃 Net all Halloween Geschicht muss grujeleg sinn!

Hei sinn zwou Erfollegsgeschichte mat engem Happy End aus Lëtzebuerg. 👇

1️⃣ Eis kleng Nopere retten
Fliedermais kréien oft e schlechte Ruff, dobäi sinn si awer wichteg fir gesond Ökosystemer!
Duerch den EU LIFE Bats & Birds Projet (ënnerstëtzt duerch eng EU-Kontributioun vun 2,5 Milliounen Euro) restauréiert Lëtzebuerg wichteg Liewensraim fir dës kleng Déieren. Am Oste vum Land ginn et schonn nei Tierm fir wëll Déiere wou Fliedermais sécher Platze fannen, 🏰🌿

2️⃣ Géint de Klimawandel kämpfen
CLIMABOROUGH Stied, ënnerstëtzt vun enger Finanzéierung vum Horizon Europe an héischt vun ~11 Milliounen Euro, teste richteg a praktesch Innovatiounen, fir Klimaneutralitéit z'erreechen.Et geet ëm Kooperatioun, Innovatioun a praktesch urban Léisungen. 🌍🏙️

Verschidden Erausfuerderungen. Verschidde Léisungen. Ee gemeinsame Fuedem: Grouss Iddien an Handlungen an der Praxis ëmsetzen. 🇪🇺

🔗 Liest méi op https://link.europa.eu/jhrTYc

30/10/2026

Dës 5 Projeten si just en Deel vum Ganzen: D’Europäesch Unioun bewierkt all Dag eppes fir Lëtzebuerg! 🇪🇺🇱🇺

An deene leschte Wochen hu mir 5 speziell Projeten an de Fokus gesat, déi gewisen hunn, wéi den EU-Budget eisen Alldag verbessert:

🎭 GRACE – Kultur ouni Grenzen an der Groussregioun
🚗 Klimabonus – Propper an zougänglech Mobilitéit
🔐 LUQCIA – Cybersécherheet vu muer mat Quanten-Technologie
🍅 GROOF – Zären op den Diecher fir méi nohalteg Stied
📱 BEE SECURE – Eng méi sécher digital Welt fir eis Kanner

Mee dat sinn natierlech net déi eenzeg! Eng grouss Zuel u weidere Projeten zu Lëtzebuerg profitéiere vum EU-Budget, fir eis Liewensqualitéit dauerhaft ze verbesseren an nei Chancen ze schafen. 🤝

💬 Wéi ee vun dëse Projete fannt Dir besonnesch spannend? Sot eis et an de Kommentaren!

🔗 Wëllt Dir nach weider Projeten zu Lëtzebuerg entdecken, déi vun der Europäescher Unioun ënnerstëtzt goufen?

Kuckt am Link👉 https://link.europa.eu/fC6r7J

29/10/2026

Kinder im digitalen Zeitalter zu begleiten ist nicht immer einfach – aber ihr seid nicht allein! 📲👨‍👩‍👧‍👦

BEE SECURE bietet Familien in Luxemburg praktische Tipps, Informationen und Ressourcen, um Risiken im Netz besser zu verstehen und einen sicheren Umgang mit digitalen Medien zu lernen. 🌐💡

Mit Unterstützung aus dem EU-Budget hilft diese Initiative dabei, ein sichereres und intelligenteres digitales Umfeld für unsere Kinder zu schaffen! 🇪🇺🛡️

🔗 Möchtet ihr erfahren, welche weiteren Projekte in Luxemburg von der Europäischen Union unterstützt wurden?
Klickt auf den Link 👉https://link.europa.eu/tytNmw

BEE SECURE

27/10/2026

Weess du, wéi s du benotze kanns?

Wann s du ënnerwee bass an engem EU-Land, Island, Liechtenstein, Norwegen, Moldawien oder an der Ukrain, kanns du SMSe verschécken, telefonéieren a mobil Donnéeë benotzen, ouni zousätzlech Roamingkäschten ze bezuelen.

Zousätzlech huet d'Europäesch Kommissioun virgeschloen, Verhandlungen opzehuelen, fir den EU-Roaming-Beräich op Albanien, Bosnien an Herzegowina, de Kosovo, Montenegro, Nordmazedonien a Serbien z'erweideren.

Villmools Merci fir d'Grafik, Digital EU!

Méi Informatioune fënns du hei:
https://digital-strategy.ec.europa.eu/de/news/roam-home-commission-proposes-open-negotiations-extend-eu-roaming-western-balkans (Link an der Bio)