Vice Mayor Ma. Ester Marin Catorce

06/11/2026

𝐔𝐃𝐘𝐀𝐊 𝟐𝟎𝟐𝟔, 𝐦𝐚𝐭𝐚𝐠𝐮𝐦𝐩𝐚𝐲 𝐧𝐚 𝐧𝐚𝐢𝐬𝐚𝐠𝐚𝐰𝐚!

Matagumpay na isinagawa ang tatlong araw na Udyak 2026 na nilahukan ng mga kawani ng Pamahalaang Lungsod ng Koronadal.

Layunin ng aktibidad na higit pang patatagin ang pagkakaisa, samahan at sportsmanship ng mga kawani sa pamamagitan ng iba't ibang palaro at paligsahan.

Samantala, itinanghal na kampeon ang Yellow Hufflepuff, sinundan ng Blue Ravenclaw bilang 1st runner-up, Red Gryffindor bilang 2nd runner-up, at Green Slytherin bilang 3rd runner-up.

Isang masayang selebrasyon ng pagkakaisa, pagkakaibigan at malusog na kompetisyon sa hanay ng mga kawani ng pamahalaang lungsod!

06/11/2026

🌾 𝐍𝐀𝐓𝐈𝐎𝐍𝐀𝐋 𝐑𝐈𝐂𝐄 𝐀𝐖𝐀𝐑𝐄𝐍𝐄𝐒𝐒 𝐌𝐎𝐍𝐓𝐇

Bawat butil ng bigas ay mahalaga.

Sa pagdiriwang ng National Rice Awareness Month, bigyang-pansin natin ang kahalagahan ng palay at bigas sa ating pang-araw-araw na pamumuhay, kilalanin ang mahalagang ambag ng ating mga magsasaka, at isulong ang wastong pagkonsumo ng bigas.

Pahalagahan ang bawat butil, suportahan ang mga lokal na magsasaka, at sama-samang makiisa sa pagsusulong ng isang matatag at ligtas na suplay ng pagkain sa bansa.

06/11/2026

𝗩𝗜𝗖𝗘 𝗠𝗔𝗬𝗢𝗥 𝗖𝗔𝗧𝗢𝗥𝗖𝗘, 𝗡𝗔𝗞𝗜𝗜𝗦𝗔 𝗦𝗔 𝗢𝗥𝗜𝗘𝗡𝗧𝗔𝗧𝗜𝗢𝗡 𝗨𝗞𝗢𝗟 𝗦𝗔 𝗙𝗢𝗦𝗧𝗘𝗥 𝗖𝗔𝗥𝗘 𝗔𝗧 𝗪𝗔𝗦𝗧𝗢𝗡𝗚 𝗣𝗔𝗡𝗚𝗔𝗡𝗚𝗔𝗟𝗔𝗚𝗔 𝗦𝗔 𝗠𝗚𝗔 𝗕𝗔𝗧𝗔

Nakiisa si 𝗩𝗶𝗰𝗲 𝗠𝗮𝘆𝗼𝗿 𝗠𝗮. 𝗘𝘀𝘁𝗲𝗿 𝗠𝗮𝗿𝗶𝗻 𝗖𝗮𝘁𝗼𝗿𝗰𝗲 sa isinagawang “Strengthening Child Protection: Orientation on Foster Care and Proper Handling of Foster Children” kahapon Nobyembre 5, 2026, na pinangunahan ng City Social Welfare and Development Office (CSWDO), katuwang ang Local Council for the Protection of Children (LCPC).

Layunin ng aktibidad na palawakin ang kaalaman at pag-unawa ng mga kalahok hinggil sa pangangalaga at pagprotekta sa mga batang nangangailangan ng alternatibong kalinga ng pamilya. Binigyang-diin din sa programa ang kahalagahan ng wastong pag-aalaga, pag-asikaso, at pagbibigay ng ligtas na kapaligiran para sa mga batang nangangailangan ng karagdagang proteksyon at suporta.

Tinalakay rin sa orientation ang mahahalagang paksa tulad ng Overview of the Alternative Child Care System, Adopted and Alternative Child Care Laws, Alternative Child Care Pathways, at Referral Procedures.

Pinangunahan ni Jane Blessy M. Paniero, Unit Head of the Regional Adoption and Alternative Care, ang talakayan hinggil sa mga umiiral na batas, proseso, at mekanismo na gumagabay sa wastong pangangalaga at pagbibigay ng alternatibong kalinga sa mga batang nangangailangan nito.

Sa pamamagitan ng ganitong mga programa, patuloy na pinagtitibay ng Lungsod ng Koronadal ang koordinasyon ng mga kinauukulang tanggapan at sektor upang maisulong ang isang pamayanang nagbibigay-halaga sa karapatan, kaligtasan, kapakanan, at kinabukasan ng bawat bata.

05/11/2026

𝗣𝗘𝗢𝗣𝗟𝗘’𝗦 𝗖𝗔𝗥𝗔𝗩𝗔𝗡, 𝗠𝗔𝗧𝗔𝗚𝗨𝗠𝗣𝗔𝗬 𝗡𝗔 𝗜𝗦𝗜𝗡𝗔𝗚𝗔𝗪𝗔

Matagumpay na isinagawa ngayong araw sa Barangay San Isidro ang People’s Caravan na may temang “Serbisyong Dala ay Pag-asa,” sa pamamagitan ng pagtutulungan ng iba’t ibang pambansa at lokal na ahensya ng pamahalaan upang direktang mailapit sa mga mamamayan ang mahahalagang serbisyo, programa, at tulong ng pamahalaan.

Nakiisa sa aktibidad si City Vice Mayor Ma. Ester Marin Catorce, bilang kinatawan ni Senior Deputy Speaker Ferdinand Ledesma Hernandez. Dumalo rin si Vice Governor Arturo Pingoy Jr. bilang kinatawan ni Governor Reynaldo S. Tamayo Jr., at City Administrator Vic De Jesus bilang kinatawan ni City Mayor Erlinda Pabi Araquil.

Lumahok sa programa ang 28 partner agencies and offices na naghatid ng iba't ibang serbisyo para sa mga residente ng Barangay San Isidro at mga karatig-komunidad. Kabilang dito ang mga serbisyong pangkalusugan, pangkabuhayan, pang-edukasyon, employment assistance, social protection, legal assistance, at iba pang serbisyong pampubliko.

Kabilang sa mga serbisyong inilapit sa mga mamamayan ang libreng konsultasyong medikal at dental, pamamahagi ng gamot at bitamina, physical therapy para sa mga stroke patient, at pagbebenta ng abot-kayang bigas sa pamamagitan ng KADIWA on Wheels ng Department of Agriculture.

Nagbigay rin ng employment facilitation, impormasyon tungkol sa mga oportunidad sa trabaho, livelihood assistance, scholarship opportunities, at libreng Theoretical Driving Course ang mga kaukulang tanggapan.

Samantala, naging bahagi rin ng caravan ang mga serbisyo para sa PhilHealth, SSS, at Pag-IBIG membership at benepisyo, National ID registration, pagkuha ng mga civil registry documents, police clearance, libreng konsultasyong legal, at iba pang tulong na direktang tumutugon sa pangangailangan ng mga mamamayan.

Isang programa ng National Housing Authority (NHA), isinusulong ng People’s Caravan ang mas malawak na paghahatid ng serbisyo ng pamahalaan sa mga komunidad, upang matiyak na mas maraming mamamayan ang naaabot ng mga programa at tulong na kanilang kinakailangan.

05/11/2026

04/11/2026

𝐔𝐃𝐘𝐀𝐊 𝟐𝟎𝟐𝟔, 𝐎𝐏𝐈𝐒𝐘𝐀𝐋 𝐍𝐆 𝐁𝐈𝐍𝐔𝐊𝐒𝐀𝐍!

Pormal nang pinasinayaan ang pagbubukas ng taunang UDYAK 2026 sa pamamagitan ng isang masiglang Opening Program na dinaluhan ng mga opisyal at kawani ng iba't ibang departamento ng pamahalaang lungsod.

Ang seremonya ay pinangunahan nina City Mayor Erlinda P. Araquil at ng ating City Vice Mayor Ma. Ester Marin Catorce. Dumalo rin ang mga miyembro ng Sangguniang Panlungsod, City Administrator Vicente De Jesus, at mga Department Heads upang ipaabot ang kanilang buong suporta sa selebrasyon.

Para sa buong detalye, basahin sa comment section.

03/11/2026

𝟕𝟎𝐓𝐇 𝐑𝐄𝐆𝐔𝐋𝐀𝐑 𝐒𝐄𝐒𝐒𝐈𝐎𝐍 𝐍𝐆 𝟗𝐓𝐇 𝐒𝐀𝐍𝐆𝐆𝐔𝐍𝐈𝐀𝐍𝐆 𝐏𝐀𝐍𝐋𝐔𝐍𝐆𝐒𝐎𝐃

Ginanap ang ika-70 na Regular Session ng 9th Sangguniang Panlungsod sa pangunguna ng ating City Vice Mayor Ma. Ester Marin Catorce bilang Presiding Officer, kasama ang mga miyembro ng Sangguniang Panlungsod ngayong araw.

Patuloy ang pagtutulungan ng ating pamahalaang lungsod para sa mga panukala at pampublikong serbisyo na naglalayong mapaunlad ang ating komunidad.

03/11/2026

𝐖𝐀𝐓𝐂𝐇 | 𝐏𝐞𝐫𝐟𝐨𝐫𝐦𝐚𝐧𝐜𝐞 𝐕𝐢𝐝𝐞𝐨 𝐨𝐟 𝐅𝐫𝐚𝐧𝐜𝐢𝐬 𝐉𝐨𝐬𝐡𝐮𝐚 𝐇. 𝐂𝐚𝐫𝐨

Isang malaking pagpupugay kay Francis Joshua H. Caro sa pag-uwi ng dalawang Gold Trophies (Classical at Opera) sa Philippines Preliminary ng 20th Hong Kong (Asia Pacific) Music Competition 2026.

Dahil sa kanyang pambihirang galing sa Youth Division, opisyal siyang lalaban para sa bansa sa Grand Finals sa Y-Theatre, Hong Kong ngayong Nobyembre 21–22, 2026.

Bukod sa pagiging performer, patuloy rin siyang naghuhubog ng mga bagong talento bilang may-ari ng Melophilia Music Center.

Congratulations, Francis Joshua Caro!