Auqaf Department Sindh

27/10/2026

27/10/2026

27/10/2026

صوبائی وزیر برائے اوقاف، مذہبی امور، زکوٰۃ و عشر سندھ سید ریاض حسین شاہ شیرازی نے بدین کے قریب لاڑ کی معروف روحانی و تاریخی درگاہ سید سمن سرکار پر حاضری دے کر مزار پر چادر چڑھائی اور 95ویں عرس مبارک کا باقاعدہ افتتاح کیا۔ اس موقع پر انہوں نے فاتحہ خوانی کی اور ملک و قوم کی سلامتی، خوشحالی، امن و امان اور ترقی کے لیے خصوصی دعا کی۔

اس موقع پر صوبائی وزیر سید ریاض حسین شاہ شیرازی نے کہا کہ سندھ کے صوفی بزرگوں کی تعلیمات محبت، رواداری، انسانیت، امن اور بھائی چارے کا پیغام دیتی ہیں۔ ان بزرگوں کا روحانی و فکری ورثہ معاشرے میں برداشت، باہمی احترام اور اتحاد کو فروغ دینے میں اہم کردار ادا کرتا ہے۔
انہوں نے کہا کہ سندھ کی درگاہوں پر منعقد ہونے والے عرس مبارک نہ صرف صوفی روایات اور روحانی ورثے کے تحفظ کا ذریعہ ہیں بلکہ مختلف طبقات کے لوگوں کو محبت، عقیدت اور ہم آہنگی کے رشتوں میں جوڑنے کا اہم موقع بھی فراہم کرتے ہیں۔
صوبائی وزیر نے مزید کہا کہ درگاہ سید سمن سرکار پر ہر سال بڑی تعداد میں عقیدت مندوں کی آمد اس عظیم روحانی مرکز سے عوام کی گہری وابستگی کا مظہر ہے۔ ایسی تقریبات سندھ کی صوفیانہ، ثقافتی اور مذہبی شناخت کو اجاگر کرنے کے ساتھ ساتھ امن، محبت اور بھائی چارے کے پیغام کو عام کرتی ہیں۔
اس موقع پر سیکریٹری اوقاف سندھ آغا فاخر حسین اور چیف ایڈمنسٹریٹر اوقاف سندھ مختیار علی ابڑو بھی صوبائی وزیر کے ہمراہ تھے۔

15/10/2026

Mr. Agha Fakhar Hussain, Secretary Auqaf, Zakat, Ushr & Religious Affairs Department, Government of Sindh, visited the sacred shrine of Hazrat Abdul Wahab Shah Jilaniؒ in Hyderabad.

During the visit, the importance of preserving, maintaining, and ensuring the effective management of the province’s sacred shrines and religious heritage was highlighted.

14/10/2026

سیہون شریف: چیف سیکریٹری سندھ سید آصف حیدر شاہ نے درگاہ حضرت لعل شہباز قلندرؒ پر حاضری دی، مزارِ مبارک پر پھولوں کی چادر چڑھائی اور ملک و قوم کی سلامتی، خوشحالی، استحکام اور ترقی کے لیے خصوصی دعا کی۔

اس موقع پر سیکریٹری ورکس اینڈ سروسز سندھ، سیکریٹری اوقاف سندھ آغا فخر حسین، کمشنر حیدرآباد، ڈی آئی جی حیدرآباد، ڈپٹی کمشنر جامشورو اور دیگر متعلقہ افسران بھی ان کے ہمراہ تھے۔

چیف سیکریٹری سندھ نے وفد کے ہمراہ درگاہ حضرت لعل شہباز قلندرؒ کے مختلف انتظامی امور کا جائزہ لیا اور متعلقہ افسران سے درگاہ کے انتظامات، زائرین کو سہولیات کی فراہمی اور دیگر امور کے حوالے سے تفصیلی بریفنگ حاصل کی۔

اس موقع پر درگاہ کے انتظامات کو مزید مؤثر بنانے اور زائرین کو بہتر سہولیات کی فراہمی کے لیے متعلقہ حکام کو ضروری اقدامات کی ہدایت کی گئی۔

14/10/2026

چیف سیکریٹری سندھ سید آصف حیدر شاہ کی زیرِ صدارت سیہون شریف میں اہم اجلاس

سیہون شریف: چیف سیکریٹری سندھ سید آصف حیدر شاہ کی زیرِ صدارت سیہون شریف میں ایک اہم اجلاس منعقد ہوا، جس میں مختلف سرکاری محکموں کے اعلیٰ افسران اور معزز شخصیات نے شرکت کی۔

اجلاس میں سیکریٹری سروسز، سیکریٹری اوقاف آغا فخر حسین، کمشنر حیدرآباد، ڈی آئی جی حیدرآباد سمیت دیگر اہم افسران شریک ہوئے۔

اس موقع پر سابق رکنِ قومی اسمبلی سردار سکندر علی راہپوٹو، صدر پاکستان پیپلز پارٹی ضلع جامشورو سید آصف علی شاہ اور میونسپل چیئرمین سیہون سید شہزاد حیدر شاہ نے بھی خصوصی شرکت کی۔

اجلاس میں ڈائریکٹر سید عبداللہ شاہ انسٹیٹیوٹ ڈاکٹر معین الدین صدیقی، چیف انجینئر پبلک ہیلتھ شفیق میمن، چیف انجینئر ہائی ویز اور دیگر متعلقہ افسران بھی موجود تھے .