Xafiiska Biyaha ee DDS

27/10/2026

Wasiirka Xafiiska Biyaha DDS, Mudane Siyaad Nuur Cabdi, ayaa maanta xafiiska ku qaabilay masuuliyiin ka socotay Bangiga Ganacsiga Itoobiya, laanta deegaanka soomaalida.

Kulankan ayaa ujeedkiisu isbarasho iyo xogwaraysi ku saabsan xoojinta xidhiidhka wada shaqaynta iyo iskaashiga labada dhinac iyo sidii Bank gu uga qaybqaadan lahaa maalgelinta mashaariic muhiim ah, wasiirka Xafiiska Biyaha DDS Mudane Siyaad Nuur Cabdi ayaa uga mahadnaqay booqashadooda iyo sida ay ahmiyad u siinayaan xoojinta xidhiidhka wada shaqayneed.

26/10/2026

26/10/2026

Kulanka qiimaynta waxqabadka rubbuca 1aad ee sanad miisaaniyeedka 2019 T.I, ayaa maanta ka qabsoomay madasha kulamada xafiiska Biyaha DDS.
‎
‎kulankan oo u shirgudoominayey Wasiirka Xafiiska Biyaha DDS Mudane Siyaad Nuur Cabdi ayaa lagusoo bandhigey warbixinta waxqabadka Rubuca 1aad ee SM 2019.T.I, waxaa si qoto dheer loogu lafo-guray gundhiga waxqabadka iyo heerka la gaadhsiiyey shaqooyinka rubucii 1aad.
‎
‎
Gabo'gabadii kulanka Wasiirka Xafiiska Biyaha DDS Mudane Siyaad Nuur Cabdi ayaa kula dardaarmay Hawl-wadeenada Xafiiska inlasii labo jibaaro dedaalada horumarinta adeegyada biyaha.

17/10/2026

Xilwareejin.

Wasiir ku-xigeenada cusub ee loo magacaabay Xafiiska Biyaha DDS, Mudane Eng Mustaqim Mubarak Haji Abdiqani iyo Eng Deeq kaydsane Faarax ayaa maanta Xilkii kala wareegay wasiir kuxigeenadii H**e ee Xafiiska, Mudane Maxamed Muse iyo Mudane Cabdirashiid Maxamed Cali.

Munaasibada Xil wareejinta waxaa ka qaybgalay Wasiirka Xafiiska Biyaha DDS, Mudane Siyaad Nuur Cabdi iyo Xubno ka socday Xafiiska hanti dhawrka DDS.

15/10/2026

Madaxwaynaha DDS Mudane Mustafe Muxumed Cumar ayaa magacaabay Wasiir kuxigeenada Xafiiska Biyaha ee DDS oo kala ah:

Mudane Cabdi Muxumed Cabdi
Eng. Deeq kaydsane Faarax
Eng. Mustaqiim Mubarak Xaaji Cabdiqani.

14/10/2026

Wasiir Kuxigeenka Xafiiska Biyaha DDS Mudane Cabdi Muxumed iyo koox isku dhaf ah oo uu hoggaaminayo oo kulan la yeeshay masuuliyiinta maamulka gobolka Siti ayaa ka warbixiyey qiimaynta adeegyada bulshada iyo xaalada Gobalka Siti.

Source: SRTV

12/10/2026

Wafti ka socda Safaaradda Jarmalka, Bangiga KFW iyo Hay’adda GIZ ayaa booqday Mashruuca Biyogelinta Magaalada Qabribayax, sidoo kalena kulan la qaatay Maayarka magaalada Qabribayax.

Mashruuca oo ay iska kaashadeen bah-wadaagta biyaha iyo Xukuumadda DDS ayaa maraya heer fiican, waxaana la filayaa in la soo gabagabeeyo bilowga sannadka 2027.

--------------------------------------------------------------

A delegation from the German Embassy, KfW Development Bank, and GIZ visited the Qabribayax Town Water Supply Project and also held a meeting with the Mayor of Qabribayax.

The project, jointly implemented through collaboration between water sector partners and the Somali Regional State Government, is progressing well and is expected to be completed in early 2027.

09/10/2026

Waxaa socota tuunbo dhigista mashruuca balaadhinta biyogelinta Magaalada jigjiga ee waaji.

Wasiirka Xafiiska Biyaha DDS Mudane Siyaad Nuur Cabdi, hawladeenadda xafiiska iyo wakiilka UNDP ayaa kormeeray mashruuca biyo balaadhinta magaalada jigjiga ee dhanka waaji oo ay socoto shaqada tuunbo dhigista pipe ka biyaha oo lagusoo xidhayo Mashruucii h**e ee biyaha waaji.

Mashruucan oo ay iska kaashadeen Xafiiska Biyaha, CIFF iyo UNDP ayaa waxa h**e loo dhamaystirey 7 ceel, waxaana hada socoto shaqada biyogelinta ee Distribution line, Boosterka iyo iibka Electromachanicalka mashruuca, waxaana la rajaynayaa in mudo kooban laguso afmeero, iyadoo la filayo in mashruucani waxwayn ka bedali doono heerdaboolka biyaha Magaalada jigjiga marka la dhamaystiro.

Mudane Siyaad Nuur Cabdi, Wasiirka Xafiiska Biyaha DDS ayaa kula dardaarmay Hawl-wadeenada kala duwan ee ku hawlan fulinta shaqadan inay ku dhamaystiraan wakhtiga loo qorsheeyay, si ay bulshada magaaladu uga faaiideysato biyaha.