Thiruvananthapuram City Police

ഓപ്പറേഷൻ തൂഫാൻ എഫക്ട്:ഫ്ലാറ്റിൽ കഞ്ചാവ് ചെടി നട്ടുവളർത്തിയ ഉത്തരേന്ത്യൻ സ്വദേശിയെ ശ്രീകാര്യം പോലീസ് പിടികൂടി.

ചെറുവയ്ക്കൽ ഉള്ള ഫ്ലാറ്റിൽ കഞ്ചാവ് ചെടി നട്ടുവളർത്തി, ആയതു വിൽപ്പനയ്ക്കായി പദ്ധതി ഇട്ടിരുന്ന ഉത്തരേന്ത്യൻ സ്വദേശിയായ യുവാവിനെ ശ്രീകാര്യം പോലീസ് അറസ്റ്റ് ചെയ്തു. ഹരിയാന, റോഹ്‌തക്, ചാർകിധാത്രി, ഹൗസ് നമ്പർ.172 -ൽ രോഹ്താഷ് മകൻ വിശാൽ (26) ആണ് അറസ്റ്റിലായത്. ഓപ്പറേഷൻ തൂഫാനുമായി ബന്ധപ്പെട്ടു സിറ്റി പോലീസ് കമ്മീഷ്ണർ കെ. കാർത്തിക്ക് IPS -ന്റെ നിർദ്ദേശപ്രകാരം നടത്തിയ പരിശോധനയുടെ അടിസ്ഥാനത്തിലാണ് പ്രതിയെ ശ്രീകാര്യം പോലീസ് പിടികൂടിയത്. ടിയാൻ 70 ഓളം കഞ്ചാവ് ചെടികൾ ഫ്ലാറ്റിനുള്ളിൽ ചെടി ചട്ടിയിലും, മുട്ട സൂക്ഷിക്കുന്ന പേപ്പർ ട്രേയിലുമായി നട്ടു വളർത്തുകയായിരുന്നു. അറസ്റ്റ് ചെയ്ത പ്രതിയ്‌ക്കെതിരെ മറ്റു നിയമനടപടികൾ സ്വീകരിച്ചു വരുന്നു. ഓപ്പറേഷൻ തൂഫാനുമായി ബന്ധപ്പെട്ടു വരും ദിവസങ്ങളിൽ ലഹരിക്കെതിരായുള്ള പരിശോധനകൾ ശക്തമാക്കുമെന്നും, കുറ്റക്കാർക്കെതിരെ കർശന നടപടി സ്വീകരിക്കുമെന്നും സിറ്റി പോലീസ് കമ്മീഷ്ണർ അറിയിച്ചു.

പുതിയ അധ്യയന വർഷത്തിലേക്ക് ചുവടുവെക്കുന്ന എല്ലാ വിദ്യാർത്ഥികൾക്കും തിരുവനന്തപുരം സിറ്റി പോലീസിന്റെ സ്നേഹം നിറഞ്ഞ ആശംസകൾ!

സ്കൂൾ പ്രവേശനോത്സവത്തോട് അനുബന്ധിച്ച് നഗരത്തിൽ കുട്ടികളുടെ സുരക്ഷ ഉറപ്പാക്കുന്നതിനും സുഗമമായ ഗതാഗതം സാധ്യമാക്കുന്നതിനുമായി വിപുലമായ സുരക്ഷാ ക്രമീകരണങ്ങളാണ് സിറ്റി പോലീസ് ഏർപ്പെടുത്തിയിരുന്നത്. തിരുവനന്തപുരം സിറ്റി പോലീസ് കമ്മീഷണർ ശ്രീ. കെ. കാർത്തിക് IPS, ഡിസിപിമാരായ ശ്രീ. തപോഷ് ബസുമതാരി IPS, ശ്രീ. ദീപക് ധൻകർ IPS എന്നിവരുടെ നേതൃത്വത്തിൽ പോലീസ് ഉദ്യോഗസ്ഥർ നഗരത്തിലുടനീളം മികച്ച രീതിയിൽ ഡ്യൂട്ടി നിർവ്വഹിച്ചു.

ഗതാഗതക്കുരുക്കുകൾ ഇല്ലാതെയും, യാത്രാ തടസ്സങ്ങൾ ഒഴിവാക്കിയും കുട്ടികളുടെ ആദ്യ ദിനം സുരക്ഷിതവും മനോഹരവുമാക്കാൻ സാധിച്ചതിൽ ഞങ്ങൾക്ക് അതിയായ സന്തോഷമുണ്ട്.

അറിവിന്റെ ലോകത്തേക്ക് പുതിയ ചുവടുകൾ വെക്കുന്ന എല്ലാ കുട്ടികൾക്കും നല്ലൊരു ഭാവി ആശംസിക്കുന്നു. പഠിച്ചു മിടുക്കരായി നാളെയുടെ വാഗ്ദാനങ്ങളായി മാറാൻ നിങ്ങൾക്ക് സാധിക്കട്ടെ. മികച്ച ഒരു അധ്യയന വർഷം ആശംസിക്കുന്നു!

ഫോർട്ട് പോലീസ് സബ് ഡിവിഷൻ പരിധിയിൽ കഴിഞ്ഞ കുറച്ച് നാളുകളായി വിവിധ രീതിയിൽ നഷ്ടപ്പെട്ടതായി റിപ്പോർട്ട് ചെയ്ത 65 ഓളം മൊബൈൽ ഫോണുകൾ കണ്ടെത്തി അതിൻ്റെ ഉടമകൾക്ക് കൈമാറി. ഏകദേശം 23 ലക്ഷത്തോളം രൂപ വിലമതിക്കുന്ന മൊബൈൽ ഫോണുകളാണ് ഇപ്രകാരം കണ്ടെത്തിയത്. ഐഫോൺ, വിവോ, Samsung തുടങ്ങി വിലകൂടിയ നിരവധി ഫോണുകൾ ഇതിൽ ഉൾപ്പെടുന്നു. ഫോർട്ട് സബ് ഡിവിഷൻ പരിധിയിൽ തമ്പാനൂർ, ഫോർട്ട്, കരമന, കോവളം, നേമം എന്നീ സ്ഥലങ്ങളിൽ നിന്നുള്ള മൊബൈൽ ഫോൺ നഷ്ടപ്പെട്ട പരാതികളുടെ അടിസ്ഥാനത്തിൽ തിരുവനന്തപുരം സിറ്റി പോലീസ് കമ്മീഷണർ ശ്രീ. കെ. കാർത്തിക് ഐ.പി.എസ് ൻ്റെ നിർദ്ദേശപ്രകാരം ഡെപ്യൂട്ടി പോലീസ് കമ്മീഷണർ ദീപക് ധൻകർ ഐ.പി.എസ് എന്നിവരുടെ മേൽനോട്ടത്തിൽ ഫോർട്ട് അസിസ്റ്റൻ്റ് കമ്മീഷണർ മനോജ് കുമാറിൻ്റെ നിർദ്ദേശപ്രകാരം ഫോർട്ട്, തമ്പാനൂർ, കരമന, കോവളം, നേമം എന്നീ സ്റ്റേഷനുകളിലെ എസ്.എച്ച്.ഒ മരായ, വിനോദ് കുമാർ, ജോസഫ് ലിയോൺ, അരുൺ കുമാർ, അജിത് കുമാർ പോലീസ് ഉദ്യോഗസ്ഥരായ എസ്.സി.പി.ഒ ശ്രീജിത്ത്, സി.പി.ഒ വിവേക്, ശരത്, അനുരാജ്, അനു എസ് കൃഷ്ണ എന്നിവരുടെ നേതൃത്വത്തിലുള്ള പ്രത്യേക സംഘമാണ് അന്വേഷണം നടത്തി ഫോണുകൾ കണ്ടെത്തിയത്. നഷ്ടപ്പെട്ട മൊബൈൽ ഫോണുകളുടെ വിവരങ്ങൾ CEIR (Central Equipment Identity Register) പോർട്ടൽ മുഖേന രജിസ്റ്റർ ചെയ്ത്, അതിൻ്റെ സാങ്കേതിക സഹായത്തോടെ കേരളത്തിലും മറ്റ് സംസ്ഥാനങ്ങളുടെ വിവിധ ഭാഗങ്ങളിലും IMEI നമ്പർ, ലൊക്കേഷൻ Trace ചെയ്താണ് ഫോണുകൾ കണ്ടെത്തിയത്. തിരികെ ലഭിച്ച മൊബൈൽ ഫോണുകൾ 20.05.2026 തീയതി സിറ്റി പോലീസ് കമ്മീഷണർ കെ. കാർത്തിക് ഐ.പി.എസ് ഉടമകൾക്ക് കൈമാറി.