Reykjanesbær

Sumarupplýsingar í Reykjanesbæ ☀️

🚍 Sumarakstur innanbæjarstrætó hefst á mánudag 15. júní. Yfir sumarmánuðina verður ekið á 60 mínútna fresti í stað 30 mínútna.

Vegna framkvæmda á Faxabraut hafa einnig orðið breytingar á leiðakerfi strætó og mun lítill strætisvagn sinna akstri um Háholtið á meðan framkvæmdum stendur.

🚐 Frá 15. júní til 8. ágúst er heimilt að leggja ferðavögnum á lóðum grunnskóla Reykjanesbæjar. Með því er leitast við að auka öryggi í íbúðagötum bæjarins og draga úr sjónhindrunum í umferðinni.

Nánari upplýsingar um strætó, leiðakerfi og lóðir grunnskólanna má hér 👉 https://rnb.is/sumartilkynning

Gangbraut fjölbreytileikans fyrir framan Ráðhús Reykjanesbæjar var máluð í blíðunni í dag 🏳️‍🌈

Reykjanesbær fagnar fjölbreytileikanum ❤️🧡💛💚💙💜

Við eigum afmæli í dag! 🎶🥳🎂

Þann 11. júní 1994 sameinuðust Keflavík, Njarðvík og Hafnir og síðan þá hefur samfélagið okkar vaxið og dafnað. Á þessum 32 árum hefur bæjarfélagið stækkað hratt, þróast á fjölbreyttan hátt og haldið áfram að blómstra með öllu því fólki sem hér býr, starfar og tekur þátt í að móta samfélagið okkar 💙

Hjartanlega til hamingju með daginn öll!

Öflug verkefni hljóta styrki í þágu farsældar barna 🥰👏

Tvö verkefni í Reykjanesbæ hlutu nýverið styrki í þágu farsældar barna frá Mennta- og barnamálaráðuneytinu.

🏀 Ungmennafélagið Njarðvík fékk 1,3 milljóna króna styrk fyrir verkefnið Allir í körfu, sem miðar að því að auka aðgengi barna á Ásbrú að körfuboltastarfi.

❤️ Íþróttabandalag Reykjanesbæjar fékk 5 milljóna króna styrk fyrir verkefnið Hjarta Ásbrúar, farsældarmiðstöð fyrir börn og fjölskyldur sem verður starfrækt á Ásbrú.

Það er afar ánægjulegt að sjá verkefni úr Reykjanesbæ fá þennan stuðning. Styrkirnir munu nýtast til að efla enn frekar það mikilvæga starf sem unnið er í þágu barna og fjölskyldna í Reykjanesbæ!

Lestu allt um styrkina hér 👉 https://rnb.is/styrkir-i-thagu-farsaeldar-barna

🌟 Frábær viðurkenning fyrir öflugt skólastarf í Reykjanesbæ 🌟

Drífa Hjördís Thorstensen, kennari við Háaleitisskóla á Ásbrú, hefur hlotið VILJA Hvatningarverðlaun kennara 2026 fyrir framúrskarandi framlag sitt til nýsköpunar í skólastarfi 💡✨

Í starfi sínu hefur Drífa lagt ríka áherslu á að efla sköpunarkraft, lausnaleit og sjálfstraust nemenda. Hún hefur því jafnframt átt stóran þátt í að byggja upp öflugt umhverfi fyrir nýsköpunar- og tæknimennt þar sem nemendur fá tækifæri til að takast á við spennandi áskoranir og þróa hæfni sem nýtist þeim til framtíðar.

Verðlaunin eru ekki aðeins viðurkenning á einstöku framlagi Drífu heldur einnig á því mikilvæga starfi sem unnið er í Háaleitisskóla á hverjum degi til að skapa námsumhverfi þar sem hugmyndir, forvitni og sköpun fá að blómstra 💛

Við óskum Drífu hjartanlega til hamingju með þessa verðskulduðu viðurkenningu!

Lesið nánar um Drífu og ástríðu hennar á kennslu hér 👉 https://rnb.is/drifa-verdlaunud

Starfsfólk ráðhússins kvaddi Kjartan Má 💐

Starfsfólk ráðhúss Reykjanesbæjar kom nýverið saman til að kveðja Kjartan Má Kjartansson, fráfarandi bæjarstjóra, sem lét af störfum eftir tæplega 12 ár í embætti.

Í kveðjuhófinu var litið yfir farinn veg og Kjartani þakkað fyrir gott samstarf og framlag hans til uppbyggingar og þróunar Reykjanesbæjar á þessum árum 💛

Við þökkum Kjartani Má fyrir farsæl störf í þágu sveitarfélagsins og óskum honum velfarnaðar á nýjum vettvangi 👏

Tungumálakaffið komið í sumarfrí ☕️

Tungumálakaffið „Viltu kaffi? Tölum íslensku saman“ lauk nýverið sinni fyrstu viðburðaröð eftir góða þátttöku í vor.

Verkefnið er samstarf Reykjanesbæjar og MSS og hefur það að markmiði að skapa notalegan vettvang fyrir íbúa af erlendum uppruna til að æfa íslensku í afslöppuðu umhverfi 🥰

Við þökkum öllum sem komu og tóku þátt fyrir samveruna og hlökkum til að hefja tungumálakaffið á ný í lok sumars. Nánari upplýsingar um næstu viðburði verða auglýstar síðar.

Áhugasömum er bent á Facebook-hópinn „Viltu kaffi? Tölum íslensku saman“ þar sem hægt er að fylgjast með fréttum, deila ábendingum um íslenskunám og efla tengsl milli þátttakenda 👉 https://www.facebook.com/groups/968344442664955/

Losunarstaður fyrir garðaúrgang 🍃

Íbúar Reykjanesbæjar geta losað garðaúrgang á losunarstaðnum að Berghólabraut 2, 230 Reykjanesbæ. Svæðið er opið allan sólarhringinn og er gjaldfrjálst fyrir íbúa sveitarfélagsins 🌼

Losunarstaðurinn er rekinn í samstarfi við Kölku sem annast umsjón svæðisins og sér jafnframt um endurvinnslu þess garðaúrgangs sem þar safnast saman 🤝

Með losunarstaðnum er íbúum boðið upp á aðgengilega og umhverfisvæna leið til að losa garðaúrgang og stuðla þannig að betri nýtingu lífrænna auðlinda 💚♻️