31/10/2026
𝑰𝒍𝒂𝒏𝒈 𝒎𝒂𝒉𝒂𝒍𝒂𝒈𝒂𝒏𝒈 𝒑𝒂𝒂𝒍𝒂𝒍𝒂 𝒑𝒂𝒓𝒂 𝒔𝒂 𝒎𝒈𝒂 𝑺𝒂𝒎𝒑𝒂𝒈𝒖𝒆ñ𝒐 𝒔𝒂 𝒑𝒂𝒈𝒈𝒖𝒏𝒊𝒕𝒂 𝒏𝒈 𝑼𝒏𝒅𝒂𝒔 𝒂𝒕 𝒔𝒂 𝒑𝒂𝒈𝒃𝒊𝒔𝒊𝒕𝒂 𝒔𝒂 𝒎𝒈𝒂 𝒎𝒂𝒉𝒂𝒍 𝒔𝒂 𝒃𝒖𝒉𝒂𝒚 𝒔𝒂 𝒔𝒆𝒎𝒆𝒏𝒕𝒆𝒓𝒚𝒐
📌 Bago Pumunta sa Sementeryo
- Magplano ng Oras:
Alamin ang opisyal na oras ng pagbubukas at pagpapasara ng sementeryo o memorial park sa inyong lugar upang makaiwas sa dagsa ng tao at trapiko.
- Tiyaking Ligtas ang Tahanan:
Bago umalis ng bahay, tiyaking nakasara nang maayos ang mga pinto at bintana. I-unplug ang mga kasangkapang kuryente at siguraduhing patay ang kalan o gasul.
- Handa sa Panahon:
Magdala ng payong, hat/cap, o pampalit na damit laban sa init o biglaang pag-ulan. Magbaon din ng sapat na tubig para hindi ma-dehydrate.
🚫 Mga Bawal Dalhin at Gawin sa Loob ng Sementeryo
- Bawal ang Alak at Sigarilyo:
Mahigpit na ipinagbabawal ang pag-inom ng alak, pagdadala ng alcoholic beverages, pati na rin ang paggagamit ng sigarilyo o e-cigarette/vape.
- Bawal ang Matutulis na Bagay:
Iwasang magdala ng kutsilyo, cutter, o anumang matutulis na gamit na maaaring kumpiskahin sa entrance.
- Bawal ang Maingay:
Iwasan ang pagdadala ng malalakas na speaker o sound system. Panatilihin ang katahimikan bilang paggalang sa mga yumao at sa iba pang dumadalaw.
- Bawal ang Pagsusugal:
Ang anumang anyo ng pagsusugal (sukat ng baraha, mahjong, atbp.) ay hindi pinapayagan.
🧹 Kalinisan at Kaligtasan
- Tapat Mo, Linis Mo (Basura mo, Iligpit mo):
Magdala ng sariling trash bag. Huwag mag-iwan ng basura sa paligid ng mga nitso o memorial lawn.
- Bantayan ang mga Bata at Senior Citizens:
Bigyan sila ng ID o papel na naglalaman ng inyong pangalan at contact number kung sakaling sila ay mawala sa gitna ng karamihan.
- Mag-ingat sa Apoy:
iyaking nakatayo nang maayos ang mga kandila at malayo sa mga bagay na madaling mag-apoy (tulad ng tuyong dahon o plastik). Siguraduhing patay ang kandila bago umalis.
🚗 Trapiko at Seguridad
- Sundin ang Traffic Advisory:
Sumunod sa mga itinalagang rerouting plan, parking areas, at mga panuntunan ng lokal na pamahalaan at pamunuan ng sementeryo.
- Lumapit sa mga Assistance Desk:
Kung may emergency, magpatulong sa mga nakatalagang barangay tanod, PNP, o medical teams sa paligid.
𝙄𝙨𝙖𝙣𝙜 𝙢𝙖𝙠𝙖𝙗𝙪𝙡𝙪𝙝𝙖𝙣𝙜 𝙥𝙖𝙜𝙜𝙪𝙣𝙞𝙩𝙖 𝙣𝙜 𝙐𝙣𝙙𝙖𝙨 𝙎𝙖𝙢𝙥𝙖𝙜𝙪𝙚ñ𝙤𝙨!
