02/11/2026
ALL SOULS’ DAY 2026 | SA PANALANGIN, ANG PAGMAMAHAL AY HINDI NAGLALAHO!
Ngayong Nobyembre 2, ginugunita natin ang Araw ng mga Kaluluwa, isang mahalagang bahagi ng tradisyong Undas, kung kailan sama-sama nating inaalala at ipinagdarasal ang ating mga mahal sa buhay na pumanaw na.
Sa pamamagitan ng pagdalo sa mga banal na misa, pananalangin, at pagdalaw sa kanilang mga himlayan, muli nating pinahahalagahan ang buhay, pagmamahal, at mga aral na iniwan sa atin ng ating mga mahal sa buhay. Ipinagkakatiwala natin sila sa habag at pagmamahal ng Diyos, habang pinanghahawakan ang pag-asang nagbibigay-lakas at kapanatagan sa ating mga puso.
Maaaring wala na sila sa ating piling, ngunit nananatili sa ating puso ang kanilang mga alaala. Sa gitna ng pangungulila, nawa’y magbigay sa atin ng pag-asa at kapanatagan ang ating pananampalataya sa Diyos at ang paniniwala sa buhay na walang hanggan.
Mula sa Pamahalaang Lungsod ng Malabon, sa pangunguna ni Mayor Jeannie Sandoval, nakikiisa kami sa bawat pamilyang Malabueño sa isang taimtim, mapayapa, at makabuluhang paggunita ng Araw ng mga Kaluluwa. 🕊️🙏
